ਅਗਲੇ ਜਨਮ ਮਿਲਾਂਗੇ ਨਾ ਆਪਾਂ ?

ਇੰਝ ਹੀ ਜੀਵਾਂਗੇ

ਹੱਸਾਂਗੇ, ਖੇਡਾਂਗੇ, ਨੱਚਾਂਗੇ

ਵਾਲ ਚਿੱਟੇ ਬੇਸ਼ੱਕ ਹੋ ਜਾਣ

ਚਿਹਰੇ 'ਤੇ ਚਾਹੇ ਕਿੰਨੀਆਂ ਝੁਰੜੀਆਂ ਪੈ ਜਾਣ

ਪਰ ਮਨ ਤੋਂ ਕਦੇ ਨਾ ਬੁੱਢੇ ਹੋਵਾਂਗੇ

ਤੂੰ ਮਿਲਣ ਦੀ ਆਸ ਬਰਕਰਾਰ ਰੱਖੀ ...

 

ਸਮਾਜ

ਤੈਨੂੰ ਪਤਾ

ਉਦੋਂ ਕੰਧਾਂ ਦੇ ਵੀ ਕੰਨ ਲੱਗ ਜਾਂਦੇ ਨੇ

ਜਦੋਂ ਤੂੰ ਮੇਰੇ ਕੰਨ 'ਚ ਕੁਛ ਆਖਦਾ

ਕਾਸ਼ ਇਹ ਕੰਧਾਂ ਬੋਲੀਆਂ ਹੁੰਦੀਆਂ

ਜਾਂ ਫਿਰ ਆਪਾਂ ਗੂੰਗੇ ਹੁੰਦੇ

 

ਮੇਰਾ ਬਾਪ

ਮੁੜਕੇ ਨਾਲ ਭਿੱਜੀ ਢੂਈ,ਪਾਟੀਆਂ ਅੱਡੀਆਂ

ਸਖ਼ਤ ਖਰਦਰੇ ਹੱਥ, ਧੂੜ ਨਾਲ ਭਰੀ ਦਾੜੀ

ਤੇ ਫਸਲ ਵੇਲੇ ਚੇਹਰੇ ਤੇ ਆਉਂਦੀ ਮੁਸਕਰਾਹਟ

ਮੈਨੂੰ ਮੇਰਾ ਬਾਪ ਇੰਝ ਹੀ ਚੰਗਾ ਲੱਗਦਾ