ਕੁੜੀਆਂ

ਕੁੜੀਆਂ ਭੋਲੀਆਂ ਹੁੰਦੀਆਂ ਨੇ

ਘਰ ਦਾ ਕੋਈ ਜੀਅ ਬਿਮਾਰ ਹੋਵੇ

51 ਪਾਠ ਸੁੱਖ ਲੈਂਦੀਆਂ

ਦਿਨ ਰਾਤ ਅਰਦਾਸਾਂ ਕਰਦੀਆਂ

ਹਾਂ ਥੋੜ੍ਹੀਆਂ ਕਮਲੀਆਂ ਵੀ ਹੁੰਦੀਆਂ

ਨਿੱਕੀ ਜਿਹੀ ਗੱਲ 'ਤੇ ਪਰਸ਼ਾਦ ਸੁੱਖ ਲੈਂਦੀਆਂ

ਕੋਈ ਚੀਜ਼ ਗੁਆਚੇ

ਤਾਂ ਚੁੰਨੀ ਨੂੰ ਗੰਢਾਂ ਮਾਰ ਲੈਂਦੀਆਂ

ਹਨਾ, ਕੁੜੀਆਂ ਸਿਆਣੀਆਂ ਵੀ ਤਾਂ ਹੁੰਦੀਆਂ

ਸੁੱਜੀਆਂ ਅੱਖਾਂ ਤੇ ਚੇਹਰੇ 'ਤੇ

ਮੁਸਕਰਾਹਟ ਲਿਆਉਂਦੀਆਂ

ਬਾਹਰੋਂ ਦਰਦ ਲਕੋ ਅੰਦਰੋਂ ਅੰਦਰੀ ਮਰਦੀਆਂ

ਕੁੜੀਆਂ ਸਾਰੀ ਉਮਰ ਸੋਹਣੀਆਂ ਹੀ ਰਹਿੰਦੀਆਂ

ਕੀ ਕਦੇ ਕਿਸੇ ਧੀ ਨੇ ਆਖਿਆ ਕਿ

ਮੇਰੀ ਮਾਂ ਸੋਹਣੀ ਨਹੀਂ

ਨਾ ਕਦੇ ਮਾਂ ਨੇ ਆਖਿਆ

ਕਿ ਮੇਰੀ ਧੀ ਸੋਹਣੀ ਨਹੀਂ

 

ਸਮਾਜ ਦੀਆਂ ਅੱਖਾਂ 'ਚ ਪਏ

ਟੀਰ ਦਾ ਕੋਈ ਕੀ ਕਰੇ ?