ਨਿੱਘ

ਕੰਪਿਊਟਰ 'ਤੇ ਕੰਮ ਕਰਦੀ ਨੂੰ 10 ਵੱਜ ਗਏ

ਬਾਹਰ ਬਹੁਤ ਧੁੰਦ ਸੀ

ਪੈਰ ਜਮ੍ਹਾ ਈ ਠੰਢੇ ਹੋ ਗਏ

ਭੈਣ ਦਾ ਫ਼ੋਨ ਆਇਆ

ਕੰਬਦੇ ਬੋਲਾਂ ਦੀ ਆਵਾਜ਼ ਆ ਰਹੀ ਸੀ

ਫੋਨ ਕੱਟ

ਜਦ ਆਵਦੀ ਰਜਾਈ 'ਚ ਵੜੀ

ਤਾਂ ਨੀਂਦ ਨਾ ਆਈ, ਠੰਡ ਜੁ ਲੱਗ ਰਹੀ ਸੀ

ਮਾਂ ਨੇ ਕਿਹਾ, "ਮੇਰੀ ਰਜਾਈ 'ਚ ਪੈਰ ਕਰ ਲੈ”

ਮੈਂ ਪੈਰ ਮਾਂ ਦੀ ਰਜਾਈ 'ਚ ਕੀਤੇ

ਮਾਂ ਦੇ ਨਿੱਘੇ ਪੈਰਾਂ 'ਤੇ ਆਵਦੇ

ਠੰਡੇ ਪੈਰ ਰੱਖ ਦਿੱਤੇ

ਮਾਂ ਨੇ ਇੱਕ ਵਾਰ ਵੀ ਏਹ ਨਹੀਂ ਕਿਹਾ

ਕਿ ਤੇਰੇ ਠੰਡੇ ਪੈਰ ਮੈਨੂੰ ਤਕਲੀਫ਼ ਦੇ ਰਹੇ ਆ

ਇਸੇ ਲਈ ਮੈਂ ਕਹਿਨੀ ਹੁੰਨੀ ਆ

ਕਿ ਮਾਂ ਦਾ ਦਿਲ ਰੱਬ ਜਿੱਡਾ ਹੁੰਦਾ