ਮੰਗਾਂ ਮਾਂ ਦੀਆਂ

ਮਾਂ ਦੀਆਂ ਮੰਗਾਂ ਬਹੁਤ ਛੋਟੀਆਂ ਹੁੰਦੀਆਂ

ਓਹ ਹਰ ਸਾਲ ਪੁਰਾਣੇ ਬੰਦ ਪਏ ਕੂਲਰ ਦੀ ਮੁਰੰਮਤ

ਕਰਾਣ ਲਈ ਕਹਿੰਦੀ

ਤੇ ਬਾਪ ਝੋਨੇ ਦਾ ਵਾਸਤਾ ਦੇ

ਕਿਸੇ ਜੱਜ ਵਾਂਗ ਲੰਮੀਆਂ ਤਾਰੀਕਾਂ ਦੇ ਦਿੰਦਾ

ਪਰ ਏਸ ਵਾਰ ਦਾਤੀਆਂ ਵਾਲੇ

ਪੱਖੇ ਦੀ ਦਾਤੀ ਟੁੱਟ ਗਈ

ਤਾਂ ਪੁਰਾਣੇ ਕੂਲਰ 'ਤੇ ਹੱਥ ਫਿਰਾ, ਰੰਗ ਕਰਾ ਦਿੱਤਾ

ਮਾਂ ਦੇ ਚਿਹਰੇ ਦੀ ਖੁਸ਼ੀ ਦੇਖਿਆ ਹੀ ਵਧਦੀ ਸੀ

ਘਰ 'ਚ ਮਾਂ ਦੀ ਪਸੰਦ ਦੀ ਕੋਈ ਵੀ ਚੀਜ਼ ਆਉਣੀ

ਮਾਂ ਓਹਨੂੰ ਆਵਦੇ ਬੱਚਿਆਂ ਵਾਂਗ ਪਿਆਰਦੀ

ਓਹ ਪੁਰਾਣਾ ਕੂਲਰ ਵੀ ਮਮਤਾ ਦੀ ਝੋਲੀ

'ਚ ਪੈ ਕੇ ਫਰਾਟੇਦਾਰ ਹਵਾ ਦਿੰਦਾ ਏ

ਮਾਂ ਨੇ ਕਦੇ ਵੀ ਏ ਸੀ ਦੀ ਜਿੱਦ ਨਹੀਂ ਕੀਤੀ

ਮਾਂ ਨੂੰ ਨਵੇਂ ਭਾਂਡੇ, ਪੀੜੀਆਂ

ਲੈਣ ਦਾ ਬਹੁਤ ਸ਼ੌਕ ਏ

ਓਹਨੇ ਕਦੇ ਵੀ ਮਹਿੰਗੇ ਸੂਟਾਂ ਜਾਂ ਸੋਨਾ

ਬਣਾਉਣ ਲਈ ਇੱਛਾ ਨਹੀਂ ਰੱਖੀ

ਪਰ ਸੂਤੀ ਚੁੰਨੀਆਂ ਲੈਣ ਦੀ ਸ਼ੌਕੀਨ ਏ

ਕਿੰਨਾ ਕੁੱਝ ਮਾਂ ਨੇ ਹੱਥੀ ਬਣਾਇਆ,

ਸਭ ਪੇਟੀਆਂ 'ਚ ਸਾਂਭਿਆ ਪਿਆ

ਮਾਂ ਨੂੰ ਖੁਸ਼ੀ ਹੁੰਦੀ ਏ ਜਦ ਕਦੀ ਮੈਂ ਆਖਾਂ

ਮਾਂ ਮੈਂ ਤੇਰੀਆਂ ਕੱਢੀਆਂ ਚਾਦਰਾਂ 'ਤੇ ਬੁਣੀਆਂ

ਦਰੀਆਂ ਸਹੁਰੀ ਲੈ ਕੇ ਜਾਊ

ਮੈਂ ਅਕਸਰ ਹੀ ਬੁਖਾਰ ਚੜਨ 'ਤੇ

ਘਰ ਸਿਰ ਤੇ ਚੁੱਕ ਲੈਨੀ ਆਂ

ਮਾਂ ਸ਼ੂਗਰ ਦੀ ਮਰੀਜ਼ ਏ 'ਤੇ ਪੈਰ ਵੀ