ਬੁੱਢੀ ਲਾਗਣ

ਡੀ.ਜੇ ਦੀਆਂ ਧੁਨਾਂ 'ਤੇ ਪੈਰ ਥਿਰਕਦੇ ਗਏ

ਸਜ ਵਿਆਹੀ ਉੱਤੋਂ ਜਦ ਰਿਸ਼ਤੇਦਾਰ

ਨੋਟਾਂ ਦਾ ਬੁੱਕ ਭਰ ਵਾਰਦੇ

ਤਾਂ ਉਹ ਬੁੱਢੀ ਲਾਗਣ ਕਦੀ ਨੋਟਾਂ ਨੂੰ ਬੁੱਚਣ ਦੀ

ਕੋਸ਼ਿਸ਼ ਕਰਦੀ

ਤੇ ਕਦੀ ਧਰਤੀ 'ਤੇ ਡਿੱਗੇ ਨੋਟਾਂ ਨੂੰ ਹੂੰਝਾ ਮਾਰਦੀ

ਆਖਰ ਨੂੰ ਉਹਨੇ ਵੀਹ ਕੁ ਨੋਟ ਇਕੱਠੇ ਕਰ ਲਏ

ਡੀ.ਜੇ. ਵਾਲੇ ਇੱਕ ਮੁੰਡੇ ਨੇ ਬੁੱਢੇ ਹੱਥਾਂ

'ਚੋ ਨੋਟ ਖੋਹ ਲਏ

ਤੇ ਕਿਹਾ, "ਏਹ ਤਾਂ ਸਾਡਾ ਹੱਕ ਹੁੰਦਾ "

ਉਹ ਬੁੱਢੀ ਲਾਗਣ ਚੁੱਪ ਚਾਪ ਇੱਕ ਪਾਸੇ ਲੱਗ

ਬੈਠ ਗਈ

ਮੇਰੇ ਅੱਖਾਂ ਮੂਹਰੇ ਉਹਦੀ ਮਜ਼ਬੂਰੀ ਘੁੰਮ ਰਹੀ ਸੀ