ਰਿਸ਼ਤੇ

ਤੇਰੀ ਚੁੱਪ ਨਾਲ ਮੇਰੇ ਸਵਾਲ ਖਹਿ ਕੇ ਪਰਤ ਆਉਂਦੇ

ਤੂੰ ਫਿਰ ਵੀ ਕੁਛ ਨਾ ਬੋਲਦਾ

ਏਹੇ ਜੇਹੇ ਪਲ ਮੈਨੂੰ ਖਾਣ ਨੂੰ ਆਉਂਦੇ

ਏਹ ਚੁੱਪ ਬਹੁਤ ਦਰਦ ਦਿੰਦੀ

ਕੁੱਝ ਕੁ ਰਿਸ਼ਤੇ ਮੇਰੇ ਲਈ ਸਾਰੀ ਉਮਰ ਕੋਰੇ ਰਹੇ

ਜਦ ਵੀ ਮੋਹ ਦੀ ਕਲਮ ਲੈ ਕੁਛ

ਲਿਖਣ ਦੀ ਕੋਸ਼ਿਸ਼ ਕੀਤੀ

ਤਾਂ ਘਟਨਾਵਾਂ ਵਾਪਰ ਜਾਂਦੀਆਂ

ਕਦੀ ਪੰਨਿਆਂ ਨੂੰ ਹਵਾ ਉਡਾ ਕੇ ਲੈ ਜਾਂਦੀ

ਤੇ ਕਦੀ ਕਲਮ ਟੁੱਟ ਜਾਂਦੀ

ਹਾਂ ਹੁਣ ਕਦੀ ਕਦੀ ਓਹ ਰਿਸ਼ਤਿਆਂ ਨੂੰ

ਲੈ ਕੁਲਝਦੀ ਹਾਂ

ਪਰ ਕੀ ਕਰ ਸਕਦੇ ਹਾਂ

ਰਿਸ਼ਤੇ ਥੋਪੇ ਨਹੀਂ ਜਾ ਸਕਦੇ

ਨਾ ਹੀ ਜ਼ਬਰਦਸਤੀ ਕੁੱਝ ਲਿਖਿਆ ਜਾ ਸਕਦਾ

ਹੁਣ ਤੇ ਉਹਨਾਂ ਰਿਸ਼ਤਿਆਂ ਲਈ

ਸ਼ਬਦ ਵੀ ਮੁੱਕ ਗਏ