ਸਾਂਝ
ਕੀ ਰਿਸ਼ਤਾ ਏ
ਤੇਰਾ ਤੇ ਮੇਰਾ
ਦੋਸਤੀ ਨਹੀ !!
ਤੂੰ ਤਾਂ ਦੋਸਤ ਤੋਂ ਵੱਧਕੇ ਏਂ ਮੇਰੇ ਲਈ
ਹੋ ਸਕਦਾ ਇਸ ਰਿਸ਼ਤੇ ਨੂੰ
ਕਦੀ ਕੋਈ ਨਾਮ ਨਾ ਮਿਲੇ
ਪਰ ਉਮਰਾਂ ਦੀ ਸਾਂਝ ਜੇਹੀ ਪੈ ਗਈ ਏ
ਚੰਗਾ ਲੱਗਦਾ ਤੇਰੇ ਨਾਲ ਗੱਲਾਂ ਕਰਨਾ
ਤੇਰਾ ਮੇਰੀਆਂ ਗਲਤੀਆਂ ਦੱਸਣਾ
ਕਿੰਨਾ ਹੱਕ ਜਿਤਾ ਦਿੰਦੀ ਹਾਂ ਮੈਂ ਤੇਰੇ 'ਤੇ
ਤੇ ਤੂੰ ਉਲਝ ਜਾਂਦਾ ਏ ਮੇਰੀਆਂ ਗੱਲਾਂ 'ਚ
ਕਦੀ ਕਦਾਈ ਮੈਨੂੰ 'ਪਾਗਲ' ਵੀ ਕਹਿੰਦਾ ਹੋਵੇਗਾ
ਪਰ ਮੈਂ ਇੰਝ ਹੀ ਹਾਂ
ਕਮਲੀ ਜੇਹੀ ..ਝੱਲੀਆਂ ਗੱਲਾਂ ਕਰਨ ਵਾਲੀ
ਪਰ ਵਾਅਦਾ ਜੇ ਤੇਰੇ ਨਾਲ ਸਾਂਝ ਪੈ ਈ ਗਈ ਏ
ਕਦੀ ਤੋੜਾਂਗੀ ਨਹੀ
ਰਿਸ਼ਤਿਆਂ ਨੂੰ ਨਾਮ ਦੇਣਾ ਮੇਰੇ ਲਈ
ਕੋਈ ਮਾਇਨੇ ਨਹੀ ਰੱਖਦਾ ..
