ਮੇਰਾ ਰੱਬ

ਤੇਰੇ ਨਾਲ ਐਨਾ ਕੁ ਮੋਹ ਹੈ

ਜਦ ਤੂੰ ਊਈਂ ਮੁੱਚੀ ਵੀ 'ਅਲਵਿਦਾ'

ਸ਼ਬਦ ਲਿਖਦਾ

ਮੇਰੇ ਦਿਲ 'ਚ ਹੌਲ ਪੈਣ ਲੱਗ ਜਾਂਦੇ

ਫਿਰ ਜਦੋਂ ਤੂੰ ਆਖਦਾ, "ਕਮਲੀਏ!

ਮਜ਼ਾਕ ਕਰਦਾ ਆ

ਤੇਰੇ ਤੋਂ ਜੁਦਾ ਹੋ ਮੈਂ ਕਿੱਥੇ ਜਾਣਾ ?

ਸਾਹਾਂ ਨਾਲੋਂ ਜਿੰਦ ਨਖੇੜਨਾ ਕੌਣ ਚਾਹੇਗਾ... "

ਤੇਰੇ ਏਹ ਬੋਲ ਸੁਣ ਮੈਨੂੰ

ਆਪਣੇ ਆਪ 'ਤੇ ਮਾਣ ਜਿਹਾ ਹੁੰਦਾ

ਦਿਲ ਕਰਦਾ ਕਿਸੇ ਪੀਰ ਦੀ ਦਰਗਾਹ ਜਾ

ਖੈਰ 'ਚ ਤੇਰਾ ਸਾਥ ਨਾਲ ਕਈ

ਜਨਮਾਂ ਲਈ ਮੰਗ ਲਵਾਂ

ਫਿਰ ਸੋਚਦੀ .... ਮੇਰਾ ਰੱਬ ਤਾਂ ਤੂੰ ਈ ਏ

ਮੇਰੀ ਇਬਾਦਤ ..ਤੇਰਾ ਪੱਲਾ

ਮੇਰੇ ਹੱਥ ਫੜ੍ਹਾ ਦੇਵੇਗੀ

ਕਿਸੇ ਹੋਰ ਦਰ ਤੈਨੂੰ ਪਾਉਣ ਲਈ

ਪੱਲਾ ਕਿਉਂ ਅੱਡਣਾ....