ਮਿਠਾਸ

ਮੇਰਾ ਵੀ ਚਿੱਤ ਕਰਦਾ

ਤੈਨੂੰ ਇਕੱਲੇ ਗੁਣਗੁਣਾਉਂਦੇ ਸੁਣਾਂ

ਮੇਰੇ 'ਤੇ ਤੂੰ ਕਵਿਤਾਵਾਂ ਭਾਵੇਂ ਨਾ ਲਿਖੇਂ

ਪਰ ਮੈਂ ਤੇਰੀ ਜ਼ਿੰਦਗੀ ਦਾ ਸੋਹਣਾ ਅਹਿਸਾਸ ਬਣਾ

ਜਿਸਨੂੰ ਤੂੰ ਧੁਰ ਅੰਦਰ ਮਹਿਸੂਸ ਕਰੇ

 

ਮੈਂ ਸਵੇਰੇ ਉੱਠ ਚਾਹ ਬਣਾਵਾਂ

ਚਾਹ ਫੜਾਉਂਦਿਆਂ

ਤੇਰੇ ਹੱਥਾਂ ਦੀ ਛੋਹ ਹੋਵੇ

ਰਿਸ਼ਤੇ ਦੀ ਓਹ ਮਿਠਾਸ

ਰਹਿੰਦੀ ਉਮਰ ਤੀਕਰ ਨਾ ਮੁੱਕੇ

 

ਹਰ ਹਫ਼ਤੇ ਫਿਲਮ ਦਿਖਾਣ ਬੇਸ਼ੱਕ ਨਾ ਲੈ ਕੇ ਜਾਈਂ

ਪਰ ਮੇਰੀ ਹਰ ਮੁਹੱਬਤ ਕਵਿਤਾ

ਦਾ ਮੁੱਢ ਬੰਨਦਾ ਰਹੀਂ

ਮੈਂ ਉਦਾਸ ਹੋਵਾਂ ਤਾਂ ਚੁੱਪ

ਵਿਚਲਾ ਸ਼ੋਰ ਸੁਣ ਲਵੀਂ

ਗਮੀ 'ਚ ਹੋਵਾਂ ਤਾਂ ਰੋਣ ਲਈ ਮੋਢਾ ਦੇ ਦੇਵੀਂ

ਮੇਰੀ ਰੀਝ ਏ ਰੋਜ਼ ਤੇਰੀਆਂ

ਭੋਲੀਆਂ ਅੱਖਾਂ ਨੂੰ ਦੇਖਣ ਦੀ