ਤਾਂ ਐਸੀ ਹੀ ਥੀ, ਪਰ ਸਿਖ ਡਾਢੇ ਹਨ । ਬੀਰਾਂ ਨੇ ਓਸ ਕੀ ਜੜ ਮਾਰਕੇ ਪਟ ਸਿਟੀ॥੧੭॥

18. ਤਲਵੰਡੀ ਡੇਰਾ, ਦਸਮੇਂ ਜਾਮੇ ਬਾਰ ਭਵਿਖ੍ਯਤ

ਅਗੇ ਡੇਰਾ ਤਲਵੰਡੀ* ਹੋਇਆ। ਗੁਰੂ ਜੀ ਜਾਇ ਉਤਰੇ। ਇਕ ਬਡਾ ਬਰਮੀ ਕਾ ਬੁਰਜ ਥੀ, ਤਿਸ ਨੂੰ ਨਮਸਕਾਰ ਕੀਤੀ। ਸਿਖਾਂ ਬਚਨ ਕੀਤਾ: 'ਜੀ ਗਰੀਬ ਨਿਵਾਜ! ਏਥੇ ਤਾਂ ਕੋਈ ਅਸਥਾਨ ਨਹੀਂ, ਆਪ ਨੇ ਕਾਸ ਨੂੰ ਮਥਾ ਟੇਕਿਆ?' ਗੁਰੂ ਜੀ ਬਚਨ ਕੀਤਾ: ਏਥੇ ਥਡਾ ਅਸਥਾਨ ਬਣੂੰਗਾ, ਨੌ ਨੇਜੇ ਉਚਾ ਦਮਦਮਾ ਹੋਉ, ਸ੍ਵਰਨ ਕੇ ਕਲਸ ਹੋਣਗੇ।

ਫਿਰ ਸਿਖਾਂ ਕਹਿਆ: 'ਜੀ ਓਹ ਕੌਣ ਹੋਊਗਾ?' ਗੁਰੂ ਜੀ ਬਚਨ ਕੀਤਾ: 'ਦਸਮਾ ਜਾਮਾ ਪਹਿਰੂਗਾ ਗੁਰੂ ਆਪਿ ਵਡਾ ਕਲਾਧਾਰੀ ਹੋਊਗਾ। ਮੀਰੀ ਪੀਰੀ ਵਾਲਾ ਹੋਊਗਾ। ਰਾਜ ਜੋਗ ਦੋਨੋਂ ਪਗ ਧਾਰੂਗਾ। ਫੇਰ ਬਡੇ ਜੱਗ ਕਰੂਗਾ, ਬੜੇ ਦਾਨ ਦੇਊਗਾ ਬ੍ਰਹਮਣਾਂ ਨੂੰ। ਫੇਰ ਆਦਿ ਸਕਤੀ ਭਗਵਤੀ ਕੋ ਪੂਜੇਗਾ, ਪ੍ਰਤਖ ਕਰੇਗਾ, ਤਿਸਤੇ ਬਰ ਲਊਗਾ ਜੀਤਨੇ ਕਾ*। ਫੇਰ ਆਪਣਾ ਹਿੰਦੂ ਮੁਸਲਮਾਨ ਤੇ ਤੀਸਰਾ ਪੰਥ ਸਾਜੇਗਾ। ਬਡੇ ਜੁਧ ਜੰਗ ਕਰੂਗਾ। ਪ੍ਰਿਥਮੇ ਬਾਈਧਾਰ ਪਹਾੜੀਆਂ ਨੂੰ ਜੀਤੇਗਾ। ਫੇਰ ਤੁਰਕਾਂ ਸਾਥ ਜੁੱਧ ਕਰਕੇ ਦਸ ਲਾਖ ਘੋੜਾ ਜੀਤੇਗਾ। ਤਿਨਾ ਕੀ ਸਫਾ ਦੂਰ ਉਠਾਵੇਗਾ। ਫੇਰ ਸਿੰਘਾਂ ਨੂੰ ਰਾਜ ਦੇਵੇਗਾ। ਗਰੰਥ ਜੀ ਆਪਣੀ ਬਾਣੀ ਰਚੇਗਾ ਨਵੀਨ ਹੀ। ਪੂਰਬ ਪਟਣੇ ਔਤਾਰ ਧਾਰੂਗਾ। ਪਹਾੜ ਕੀ ਦੂਣ ਵਿਚ ਰਹੂਗਾ। ਫੇਰ ਪਛਮ ਕੀ ਤਰਫ ਐਥੋਂ ਚਾਲੀ ਕੇਸ ਜੁਧ ਜੀਤ ਕੇ ਆਉਗਾ। ਇਸੀ ਬਰਮੀ ਉਤੇ ਕਮਰ ਖੋਲਕੇ ਦਮ ਲਊਗਾ। ਅਸਾਂ ਤਿਸ ਪੁਰਖ ਕੇ ਅਸਥਾਨ ਨੂੰ ਅਗੇ ਹੀ ਮੱਥਾ ਟੇਕਿਆ ਹੈ।‘

* ਗੁਰੂ ਪ੍ਰਤਾਪ ਸੂਰਜ ਗ੍ਰੰਥ ਦੇ ਕਰਤਾ ਨੇ ਗੁਰੂ ਜੀ ਦਾ ਦਮਦਮੇ ਡੇਰਾ ਕਰਨ ਦਾ ਪਤਾ ਤਾਂ ਦਿੱਤਾ ਹੈ:- 'ਪੁਨ ਦਮਦਮੇ ਪਹੁਚੇ ਜਾਇ ਪਰ ਇਹ 18, ਤੇ 20 ਸਾਖੀ ਵਾਲੇ ਭਵਿਖਤ ਵਾਕ ਆਦਿ ਨਹੀਂ ਦਿੱਤੇ। ਦਸਮੇਸ਼ ਜੀ ਦੇ ਭਗਵਤੀ ਆਦਿ ਪੂਜਨ ਦੀ ਵੀਚਾਰ ਲਈ ਪੜੇ, ਦੇਵੀ ਪੂਜਨ ਪੜਤਾਲ ਜੇ ਪੁਸਤਕ ਖਾਲਸਾ ਸਮਾਚਾਰ ਦੇ ਦਫਤ੍ਰੋ ਮਿਲਦੀ ਹੈ।