ਇਹ ਔਰਤ ਦੀ ਵਿਡੰਬਨਾ/ਮਜਬੂਰੀ ਹੀ ਹੈ ਕਿ ਉਹ ਨਾ ਚਾਹੁੰਦੀ ਹੋਈ ਵੀ ਨੌਕਰੀ ਤੇ ਜਾਣ ਲੱਗੇ ਅਪਣੇ ਪਤੀ ਨੂੰ ਸ਼ਰਾਬ ਦਾ ਭਰਿਆ ਪਿਆਲਾ ਪੀਣ ਲਈ ਪੇਸ਼ ਕਰਦੀ ਹੈ। ਇਹ ਉਸ ਜ਼ਮਾਨੇ ਦਾ ਗੀਤ ਹੈ ਜਦੋਂ ਨੌਕਰੀ 'ਤੇ ਗਏ ਮਰਦ ਕਈ- ਕਈ ਵਰ੍ਹੇ ਘਰ ਨਹੀਂ ਸੀ ਪਰਤਦੇ ਤੇ ਔਰਤਾਂ ਮਗਰੋਂ ਵਿਛੋੜੇ ਦੇ ਸਲ ਸਹਿੰਦੀਆਂ ਸਨ। ਗੀਤ ਦੇ ਬੋਲ ਹਨ-

ਭਰਿਆ ਪਿਆਲਾ ਜੀ ਸ਼ਰਾਬ ਦਾ

ਹੋ ਮੈਂ ਬਾਰੀ ਬੀਬਾ

ਪੀ ਲੈ ਵਿਹੜੇ ਖੜੋ ਕੇ

ਭਰਿਆ ਪਿਆਲਾ ਅਸੀਂ ਨਾ ਜੀ ਪੀਣਾ

ਹੋ ਮੈਂ ਬਾਰੀ ਗੋਰੀਏ ਨੀ

ਅਸੀਂ ਨੌਕਰ ਉੱਠ ਜਾਣਾ

ਨੌਕਰ ਤਾਂ ਜਾਣਾ ਤੁਸੀਂ ਚਲੇ ਜਾਵੋ

ਹੋ ਮੈਂ ਬਾਹੀ ਬੀਬਾ ਵੇ

ਕੋਈ ਦੇ ਜਾ ਨਿਸ਼ਾਨੀ

ਗੋਦੀ ਤਾਂ ਬਾਲਕ ਤੇਰੇ ਖੇਡਦਾ

ਹੋ ਮੈਂ ਬਾਰੀ ਗੋਰੀਏ ਨੀ

ਇਹੋ ਸਾਫ ਨਿਸ਼ਾਨੀ

ਗੋਦੀ ਦਾ ਬਾਲਕ ਤੇਰਾ ਜਗ ਜੀਵੇ

ਹੋ ਮੈਂ ਬਾਰੀ ਬੀਬਾ ਵੇ

ਕੋਈ ਸਾਫ ਨਿਸ਼ਾਨੀ

ਸੁੰਨੀ ਹਵੇਲੀ ਵਿੱਚ ਛੱਡ ਚੱਲੇ

ਹੋ ਮੈਂ ਬਾਰੀ ਬੀਬਾ

ਥੋਨੂੰ ਤਰਸ ਨਾ ਆਇਆ

ਤਰਸ ਨਾ ਆਇਆ ਤੇਰੇ ਮਾਪਿਆਂ ਨੂੰ

ਹੋ ਮੈਂ ਬਾਰੀ ਗੋਰੀਏ ਨੀ

ਜੀਹਨੇ ਨੌਕਰ ਲੜ ਲਾਈ

ਭੁੱਲੇ ਤਾਂ ਮਾਪਿਆਂ ਨੇ

ਲੜ ਲਾਏ ਦਿੱਤੀ

ਹੋ ਮੈਂ ਬਾਰੀ ਬੀਬਾ

ਥੋਨੂੰ ਤਰਸ ਨਾ ਆਇਆ

ਤਰਸ ਨਾ ਆਇਆ ਤੇਰੇ ਮਾਪਿਆਂ ਨੂੰ

ਹੋ ਮੈਂ ਬਾਰੀ ਗੋਰੀਏ ਨੀ

ਜੀਹਨੇ ਨੌਕਰ ਲੜ ਲਾਈ

ਭੁੱਲੇ ਤਾਂ ਮਾਪਿਆਂ ਨੇ