ਕਲਗੀ ਪੁਰ ਮੇਰੀ ਪ੍ਰੀਤ ਲਗੀ

ਉਹ ਉਸ ਨੂੰ ਜੂਆ ਖੇਡਣ ਤੋਂ ਵਰਜਦੀ ਹੋਈ ਸਮਝਾਉਣ ਦਾ ਯਤਨ ਵੀ ਕਰਦੀ ਹੈ—

ਚੰਨ ਚਾਨਣੀ ਰਾਤ

ਡਿਓਢੀ ਪੁਰ ਕੌਣ ਖੜਾ

ਮੇਰੀ ਜਾਨ ਡਿਓਢੀ ਪੁਰ ਕੌਣ ਖੜਾ

ਚੰਨ ਚਾਨਣੀ ਰਾਤ

ਡਿਓਢੀ ਪੁਰ ਮੇਰਾ ਲਾਲ ਖੜਾ

ਬਰਜ ਰਹੀ ਉਸ ਲਾਲ ਨੂੰ

ਜੂਏ ਖਾਨੇ ਜੀ ਨਾ ਜਾਣਾ

ਜੂਏ ਵਾਲੇ ਦਾ ਉਲਟਾ ਵਿਹਾਰ

ਘਰ ਦੀ ਨਾਰੀ ਵੀ ਹਾਰ ਦੇਣੀ

ਬਰਜ ਰਹੀ ਉਸ ਲਾਲ ਨੂੰ

ਜੂਏ ਖਾਨੇ ਜੀ ਨਾ ਜਾਣਾ

ਜੂਏ ਵਾਲੇ ਦਾ ਉਲਟਾ ਵਿਹਾਰ

ਭਰੀਓ ਬੋਤਲ ਜੀ ਪੀ ਜਾਂਦੇ

ਵਰਜ ਰਹੀ ਉਸ ਲਾਲ ਨੂੰ

ਕੰਜਰੀ ਖਾਨੇ ਜੀ ਨਾ ਜਾਣਾ

ਕੰਜਰੀ ਵਾਲੇ ਦਾ ਉਲਟਾ ਵਿਹਾਰ

ਘਰਦੀ ਨਾਰੀ ਜੀ ਤਿਆਗ ਦੇਣੀ

ਵਰਜ ਰਹੀ ਉਸ ਲਾਲ ਨੂੰ

ਜੱਕੇ ਖਾਨੇ ਜੀ ਨਾ ਜਾਣਾ

ਜੱਕੇ ਵਾਲੇ ਦਾ ਉਲਟਾ ਵਿਹਾਰ

ਅੱਧੀ ਰਾਤੋਂ ਜੀ ਤੋਰ ਲੈਂਦੇ

ਸ਼ਰਾਬ ਕਈ ਐਬਾਂ ਨੂੰ ਜਨਮ ਦੇਂਦੀ ਹੈ। ਸ਼ਰਾਬ ਪੀ ਕੇ ਲੋਕੀ ਕੀ ਕੀ ਨਹੀਂ ਕਰਦੇ। ਕੂੰਜ ਕੁਰਲਾਵੇ ਨਾ ਤਾਂ ਹੋਰ ਕੀ ਕਰੋ :-

ਟੁੱਟ ਪੈਣਾ ਤਾਂ ਜੂਆ ਖੇਡਦਾ

ਕਰਦਾ ਅਜਬ ਬਹਾਰਾਂ

ਮਾਸ ਸ਼ਰਾਬ ਕਦੇ ਨੀ ਛੱਡਦਾ

ਦੇਖ ਉਸ ਦੀਆਂ ਕਾਰਾਂ

ਗਹਿਣੇ ਗੱਟੇ ਲੈ ਗਿਆ ਸਾਰੇ

ਕੂਕਾਂ ਕਹਿਰ ਦੀਆਂ ਮਾਰਾਂ

ਜੇ ਚਾਹੇ ਤਾਂ ਸੋਟਾ ਫੇਰੇ

ਦੁਖੜੇ ਨਿੱਤ ਸਹਾਰਾਂ