ਪੁੱਤ ਤੇਰਾ ਵੈਲੀ ਸੱਸੀਏ

ਉਂਜ ਵੀ ਨਿੱਤ ਦੇ ਸ਼ਰਾਬੀ ਨੂੰ ਸਮਾਜ ਵਿੱਚ ਕੋਈ ਵੀ ਪਸੰਦ ਨਹੀਂ ਕਰਦਾ, ਹਰ ਕੋਈ ਹਕਾਰਤ ਦੀ ਨਜ਼ਰ ਨਾਲ ਵੇਖਦਾ ਹੈ—

ਭਾਈ ਜੀ ਦੀ ਬੇਰੀ ਦੇ

ਖੱਟੇ ਮਿੱਠੇ ਬੇਰ

ਦੂਰੋਂ ਹਿੜ੍ਹਕ ਚਲਾਈ ਵੇ

ਪਰੇ ਹੋ ਜਾ ਵੇ ਸ਼ਰਾਬੀਆ

ਮੈਂ ਨਰਮਾਂ ਬੀਜਣ ਆਈ ਵੇ

ਸ਼ਰਾਬ ਦੀ ਪਿਆਲੀ ਵਸਦੇ-ਰਸਦੇ ਘਰਾਂ ਦਾ ਨਾਸ ਕਰ ਦੇਂਦੀ ਹੈ। ਸ਼ਰਾਬੀ ਪਤੀ ਤੋਂ ਸਤੀ ਹੋਈ ਮੁਟਿਆਰ ਸ਼ਰਾਬੀ ਪਤੀ ਦਾ ਸਾਂਗ ਰਚ ਕੇ ਗਿੱਧੇ ਦੇ ਪਿੜ ਵਿੱਚ ਉਸ ਦਾ ਮਖੌਲ ਉਡਾਉਂਦੀ ਹੈ—

ਪਟ ਸੁੱਟਿਆ ਪਿਆਲੀ ਨੇ

ਅੱਗੇ ਤਾਂ ਚੱਬਦਾ ਬਿਸਕੁਟ ਪੋਲੇ

ਹੁਣ ਕਿਉਂ ਚੱਬਦਾ ਛੋਲੇ

ਪਟਿਆ ਪਿਆਲੀ ਨੇ

ਅੱਗੇ ਤਾਂ ਚੋਂਦਾ ਮੱਝਾਂ ਗਾਈਆਂ

ਹੁਣ ਕਿਉਂ ਚੋਂਦਾ ਕੁੱਤੀ

ਪਟ ਸੁਟਿਆ ਪਿਆਲੀ ਨੇ

ਅੱਗੇ ਤਾਂ ਚੜ੍ਹਦਾ ਬੱਗੀ ਘੋੜੀ

ਹੁਣ ਨੀ ਲੱਭਦੀ ਕੁੱਤੀ

ਪੱਟਿਆ ਪਿਆਲੀ ਨੇ

ਕਈਆਂ ਨੂੰ ਅਫੀਮੀ, ਪੋਸਤੀ, ਅਮਲੀ ਟੱਕਰ ਜਾਂਦੇ ਹਨ। ਪੋਸਤੀਆਂ ਦੀਆਂ ਕਰਤੂਤਾਂ ਤੋਂ ਭਲਾ ਕੌਣ ਨਹੀਂ ਵਾਕਿਫ ਪੋਸਤ ਪੀਂਦੜਾ ਮਾਏਂ ਪੰਜ ਸੇਰ ਰੋਜ਼ ਨੀ ਸੱਗੀ ਮੇਰੀ ਬੇਚ ਲੀ ਚੂੜਾ ਲੈ ਗਿਆ ਉਠਾ

ਪੋਸਤ ਪੀਂਦੜਾ ਮਾਏਂ

ਪੰਜ ਸੇਰ ਰੋਜ਼ ਨੀ

ਸੱਗੀ ਮੇਰੀ ਬੇਚ ਲੀ

ਚੂੜਾ ਲੈ ਗਿਆ ਉਠਾ

ਪੋਸਤ ਪੀਂਦੜਾ ਮਾਏਂ

ਪੰਜ ਸੇਰ ਰੋਜ਼ ਨੀ

ਗਹਿਣੇ ਤਾਂ ਇਕ ਪਾਸੇ ਰਹੇ ਇਹ ਅਮਲੀ ਬਰਾਬੀ ਆਪਣੇ ਘਰਾਂ ਚੋਂ ਚੋਰੀ ਛਿਪੇ ਭਾਂਡੇ ਵੀ ਖਿਸਕਾ ਲੈਂਦੇ ਹਨ। ਅਮਲੀ ਦੀ ਵਹੁਟੀ ਸੁਪਨੇ ਵਿੱਚ ਵੀ ਆਪਣੇ ਪਤੀ ਨੂੰ ਚੋਰੀ ਭਾਂਡੇ ਚੁਕਦੇ ਹੀ ਵੇਖਦੀ ਹੈ। ਕੋਡੀ ਤਰਸਯੋਗ ਹਾਲਤ ਹੈ ਅਮਲੀਆਂ ਦੀਆਂ ਵਹੁਟੀਆਂ ਦੀ-

ਸੁੱਤੀ ਪਈ ਨੇ ਪੱਟਾਂ ਤੇ ਹੱਥ ਮਾਰੇ