ਦੂਜੀ ਸਖੀ-

ਥਾਂਉਂ ਥੋੜੀ ਜੇਹੀ ਲੱਗੇ ਦੂਰ,

ਚੱਲ ਪਓ ਜੇ ਚਲਣ ਮਨਜ਼ੂਰ।

ਦੋਵੇਂ ਤੁਰ ਪਈਆਂ, ਅਵਾਜ਼ ਦੇ ਕੋਲ ਪਹੁੰਚਕੇ,

 

ਪਹਿਲੀ ਸਖੀ:-

ਬੀਬੀਓ ਰਾਣੀਓਂ!

ਸੁਹਣੀਓਂ ਸੁਆਣੀਓਂ!

ਕੀਹ ਕਰਨੀਆਂ ਓ? ਤੇ

ਕੀਹ ਗਾਉਨੀਆਂ ਓ ?

ਹਥੌੜੀ ਨਾਲ ਇਕ ਪੱਥਰ ਤੋੜ ਰਹੀ ਤੋੜਨ ਹਾਰ:-

ਪਈਆਂ ਤੋੜਨੀਆਂ ਹਾਂ ਪੱਥਰ ਵੱਟੇ

ਨਿਕੇ ਹੋਣ ਹਥੌੜੀ ਦੀ ਸੱਟੇ।

 

ਦੂਜੀ ਸਖੀ (ਕਾਹਲੀ ਨਾਲ):-

ਕੀਹ ਕਹਿਨੀਆਂ ਪਈਆਂ ਓ ਮੂੰਹੋਂ

ਐਉਂ ਜਾਪੇ ਜਿਉਂ ਕਹਿਨੀਆਂ ਓ "ਤੂੰਹੋਂ"!

 

ਦੂਜੀ ਪੱਥਰ ਤੋੜਨੀ:-

ਹਾਂ, ਗਾਨੀਆਂ ਪਈਆਂ ਹਾਂ "ਤੂੰਹੋਂ”।

"ਤੂੰਹੋਂ ਤੂੰਹੋਂ" ਤੇ "ਤੂੰਹੋਂ ਹੀ ਤੂੰਹੋਂ।”

 

ਪਹਿਲੀ ਸਖੀ:-

ਕਿਸਨੂੰ ਕਹਿੰਦੀਆਂ ਪਈਆਂ ਓ ਤੂੰਹੋਂ?

ਇਕ ਪੱਥਰ ਤੋੜਨੀ:-

ਜੇਹੜਾ ਲੁਕਿਆ ਬੈਠੈ ਸਾਡੇ ਅੰਦਰ

ਬੈਠਾ ਸੁਣਦੈ ਜੋ ਸਾਡਾ ਏ ਗੀਤ।