ਧਾਰਾ ਦਿਲ ਟਿਕੇ ਵਾਲੀ

ਹੇ ਦਿਲ ਟਿਕਿਆ! ਤੂੰ ਗੰਗਾ ਹੈਂ,

ਹੇ 'ਧਾਰਾ ਦਿਲ ਟਿਕੇ ਵਾਲੀ!'

ਤੂੰ ਧਾਰਾ ਅਤਿ ਅਨੂਪਮ ਹੈਂ,

ਤੂੰ ਧਾਰਾ ਅਤਿ ਅਨੂਪਮ ਹੈਂ। 1.

ਹੇ ਸੀਤਲ ਵਹਿ ਰਹੀ ਗੰਗੇ!

ਹੇ ਅੰਮ੍ਰਿਤ ਚਲ ਰਹੀ ਧਾਰਾ!

ਤੇਰਾ ਸ੍ਵਰਗੀ ਸਰੂਪਮ ਹੈ,

ਤੇਰਾ ਸ੍ਵਰਗੀ ਸਰੂਪਮ ਹੈ।2.

ਤੂੰ ਵਗਦੀ ਤਾਂ ਨਹੀਂ ਦਿਸਦੀ,

ਪੈ ਵਗਦੀ ਠੰਢ ਪਾਂਦੀ ਹੈਂ,

ਤੇ ਹੋਂਦ ਅਪਣੀ ਲਖਾਂਦੀ ਹੈਂ,

ਤੂੰ ਰੂਪਮ ਹੈਂ ਅਰੂਪਮ ਹੈਂ।3.

ਅਹੋ ਹਨ ਭਾਗ ਸਹੀਓ ਨੀ!

ਜੋ ਇਸ਼ਨਾਨ੍ਯਾ ਹੈ ਇਸ ਗੰਗੇ,

ਤੇ ਚਖਿਆ ਨੀਰ ਜਿਸ ਇਸ ਦਾ

ਉਹ ਰਸਭੂਮੀ ਦਾ ਭੂਪਮ ਹੈ। 4.

ਹਾਂ ਵਗਦੀ ਰਹੁ ਸਦਾ ਗੰਗੇ!

ਸ਼ਨਾਨੰ ਦਾਨ ਦੇਂਦੀ ਰਹੁ,

ਤੇ ਪਾਵਨ ਸਭ ਨੂੰ ਕਰਦੀ ਰਹੁ,

ਕਿ ਤੂੰ ਪਾਵਨ ਸਰੂਪਮ ਹੈਂ। 5.

ਤੇਰੇ ਦਰਸ਼ਨ ਸ਼ਨਾਨੰ ਨੇ

ਹੈ ਤਨ ਮਨ ਠਾਰਿਆ ਸਾਰਾ,

ਤੇਰੇ ਆਚਮਨ ਜੀਵਾਇਆ

ਸਪਰਸ਼ ਪਾਰਸ ਅਨੂਪਮ ਹੈ। 6.

ਉਤਰਨਾ ਅਰਸ਼ ਤੋਂ ਤੇਰਾ

ਤੇ ਦਿਲ ਭੂਮੀ ਤੇ ਵਹਿਣਾ ਜੋ

ਹੇ ਰੀਗੇ! ਹੈ ਅਨੂਪਮ ਏਹ

ਅਨੂਪਮ ਹੈ, ਅਨੂਪਮ ਹੈ। 7.  69.