ਕਹਿਨਾ ਏਨੀ ਘਟ ਥਾਂਏਂ ਕਿਸੇ ਹੋਰ ਜ਼ਬਾਨ ਵਿਚ ਏਨਾ ਵਧੀਕ ਨਹੀਂ ਕਿਹਾ ਜਾ ਸਕਦਾ। ਪੂਰੀ ਕਿਤਾਬ ਬਸ ਦੋ ਵਾਕਾਂ ਵਿਚ ਸਿਮਟ ਜਾਂਦੀ ਹੈ। ਕ੍ਰਿਸ਼ਮਾ ਹੈ ਇਹ। ਮਿਰਜ਼ਾ ਗਾਲਿਬ ਇਸ ਜ਼ਬਾਨ ਦਾ ਪੀਰ ਹੈ।

ਗਿਆਰਵੀਂ ਅਤੇ ਆਖਰੀ ਕਿਤਾਬ ਐਲਨ ਵਟਸ ਦੀ ਕਿਤਾਬ ਹੈ, Alan Wetts' THE BOOK ਸੰਭਾਲ ਕੇ ਰੱਖੀ ਹੋਈ ਹੈ। ਐਲਟ ਵਟਸ ਬੁੱਧ ਨਹੀਂ, ਹੋ ਸਕਦਾ ਹੈ ਕਿਸੇ ਦਿਨ ਬੁੱਧ ਹੋ ਜਾਏ। ਨੇੜੇ ਅੱਪੜ ਗਿਐ। ਕਿਤਾਬ ਬਹੁਤ ਅਹਿਮ ਹੈ। ਇਹ ਉਸ ਦੀ ਇੰਜੀਲ ਹੈ, ਜ਼ੈਨ ਉਸਤਾਦਾਂ, ਜ਼ੈਨ ਗ੍ਰੰਥਾਂ ਨਾਲ ਉਸਦਾ ਵਾਹ। ਆਦਮੀ ਬੇਅੰਤ ਬੁੱਧੀਮਾਨ, ਪਰ ਹੈ ਸੀ ਸ਼ਰਾਬੀ। ਬੁੱਧੀ ਸ਼ਰਾਬ ਵਿਚ ਘੁਲੀ ਤਾਂ ਰਸਭਰੀ ਕਿਤਾਬ ਬਣ ਗਈ। ਮੈਂ ਕਿਤਾਬ ਨੂੰ ਇਸ਼ਕ ਕੀਤਾ ਤੇ ਅਖੀਰ ਤੱਕ ਆਪਣੇ ਕੋਲ ਸੰਭਾਲ ਲਈ।