ਮਿਲਾਂਗੇ ਜ਼ਰੂਰ
ਕਦੇ ਖ੍ਵਾਬਾਂ 'ਚ ਕਦੇ ਖਿਆਲਾਂ 'ਚ
ਪ੍ਰੀਤ ਕੰਵਲ
ਮਾਹੀ ਮੈਂਡੜਾ
ਮੈਂ ਬਿਰਹਣ ਰਹੂੰ ਉਜਾੜਾਂ 'ਚ
ਗੁਲਜ਼ਾਰਾਂ ਉਹਲੇ ਵੱਸੇ ਮਾਹੀ ਮੈਂਡੜਾ
ਇਹ ਇਸ਼ਕ ਜਾਦੂ ਹੈ ਜਾਂ ਟੂਣਾ
ਅੱਜ ਤਾਈਂ ਨਾ ਸਮਝ ਆਇਆ ਪੈਂਤੜਾ
ਮੱਕਾ ਮਾਹੀ ਦਾ ਘਰ ਬਤਲਾਇਆ
ਸਰਦਲ ਉਸਦੀ ਸੀਸ ਨਿਵਾਇਆ
ਮੁੱਖ ਫ਼ਸੁਮਾਵਜਉਲ ਨੂਰ ਖੁਦਾਇਆ
ਖੁਦ ਦਾ ਖੁਦ ਹੀ ਹੈ ਵੋ ਹੈਂਕੜਾ
ਮੈਂ ਬਿਰਹਣ ਰਹੂੰ ਉਜਾੜਾਂ 'ਚ
ਗੁਲਜ਼ਾਰਾਂ ਉਹਲੇ ਵੱਸੇ ਮਾਹੀ ਮੈਂਡੜਾ
ਦੀਦਾਰ ਜਿਸਦਾ ਕਰਨ ਚਲਾ ਏ
ਮੈਂਡੜਾ ਮਾਹੀ ਕਾਲੁਬਲਾ ਏ
ਅਸਾਂ ਜਾਣਾ ਲਾਇਲਾਹਾ ਜਾਣਾ
ਉਸ ਨੂੰ ਦੇਖਣ ਮੀਲ ਸੈਂਕੜਾ
ਮੈਂ ਬਿਰਹਣ ਰਹੂੰ ਉਜਾੜਾਂ 'ਚ
ਗੁਲਜ਼ਾਰਾਂ ਉਹਲੇ ਵੱਸੇ ਮਾਹੀ ਮੈਂਡੜਾ
ਦਿਲ ਬੀਤਰ ਖਿਲਾ ਸ਼ਗੁਫ਼ਾ
ਪੀਆ ਦੀ ਹੈ ਅੱਖ ਅਜੂਬਾ
ਦੇਖੋ ਰੇ ਦੇਖੋ ਆਸ਼ਿਕ ਹੋਇਓ
ਪ੍ਰੇਤਾਂ ਦਾ ਵੀ ਪੀਰ ਦੈਂਤੜਾ
ਮੈਂ ਬਿਰਹਣ ਰਹੂੰ ਉਜਾੜਾਂ 'ਚ
ਗੁਲਜ਼ਾਰਾਂ ਉਹਲੇ ਵੱਸੇ ਮਾਹੀ ਮੈਂਡੜਾ
ਇਹ ਇਸ਼ਕ ਜਾਦੂ ਹੈ ਜਾਂ ਟੂਣਾ
ਅੱਜ ਤਾਈਂ ਨਾ ਸਮਝ ਆਇਆ ਪੈਂਤੜਾ
(ਬਿਰਹਣ - ਵਿਛੋੜੇ 'ਚ ਮਰਿਆ
ਮੈਂਡੜਾ - ਮੇਰਾ
ਗੁਲਜ਼ਾਰ - ਬਾਗ
ਫ਼ਸੁਮਾਵਜਉਲ - ਖੁਦਾ ਵਰਗਾ
ਹੈਂਕੜਾ - ਖੁਦ ਦੀ ਮਿਸਾਲ
ਕਾਲੂਬਲਾ - ਰੱਬ
ਲਾਇਲਾਹਾ - ਕੋਈ ਸ਼ੱਕ ਨਹੀਂ
ਸ਼ਗੂਫ਼ਾ - ਨਵਾਂ ਖਿੜਿਆ ਫੁੱਲ)