ਕਰਨਗੀਆਂ ਜਾਂ ਫਿਰ ਇਹ ਵੀ ਹੋ ਸਕਦੈ ਕਿ ਉਹ ਲੋਕ ਨਿਰਦੋਸ਼ ਨਾ ਹੋਣ ਕਿਉਂਕਿ ਉਹ ਕੁਦਰਤ ਦੇ ਵਿਰੁੱਧ ਵੱਡੇ ਪਾਪ ਕਰ ਰਹੇ ਹਨ। ਮਤਲਬ ਰੂਪਾਂਤਰਣ ਦੀ ਯੋਗਤਾ ਦੀ ਕਮੀ ਹੈ। ਸਾਰੇ ਜੋ ਬਦਲ ਨਹੀਂ ਕਰ ਸਕਦੇ, ਮਿਸਾਲ ਵਜੋਂ ਤੁਸੀਂ ਤੇ ਮੈਂ ਸਥਾਪਤੀ ਨੂੰ ਕੋਸਦੇ ਹੋਏ ਮਰਨਗੇ ਜਿਸਦੀ ਉਹਨਾਂ ਸਹਾਇਤਾ ਕੀਤੀ। ਇਨਕਲਾਬ ਹਮੇਸ਼ਾ ਤੋਂ ਹੀ ਵਿਅਕਤੀਹੀਣ ਰਿਹਾ ਹੈ। ਇਹ ਲੋਕਾਂ ਦਾ ਬਲੀਦਾਨ ਮੰਗਦਾ ਹੈ। ਲੋਕਾਂ ਦੀਆਂ ਸਿਮਰਤੀਆਂ ਵੀ। ਮਿਸਾਲ ਦੇ ਤੌਰ 'ਤੇ ਨੌਜਵਾਨਾਂ ਨੂੰ ਪ੍ਰੇਰਿਤ ਕਰਨ ਲਈ ਯਾਦਾਂ ਤੇ ਸੰਦਾਂ ਵਜੋਂ । ਮੇਰਾ ਪਾਪ ਜ਼ਿਆਦਾ ਵੱਡਾ ਹੈ, ਕਿਉਂਕਿ ਮੈਂ ਵਧੇਰੇ ਚਲਾਕ ਜਾਂ ਤੁਹਾਡੇ ਕਹਿਣ ਮੁਤਾਬਿਕ ਜ਼ਿਆਦਾ ਅਨੁਭਵੀ ਹਾਂ। ਮੈਂ ਇਹ ਕਹਿੰਦੇ ਹੋਏ ਮਰਾਂਗਾ ਕਿ ਮੇਰਾ ਬਲੀਦਾਨ ਸਾਡੀ ਗਲੀ-ਸੜੀ ਵਿਵਸਥਾ ਦੇ ਵਿਰੋਧ ਵਿਚ ਹਿਲਜੁੱਲ ਪੈਦਾ ਕਰੇਗਾ। ਮੈਂ ਇਹ ਵੀ ਜਾਣਦਾ ਹਾਂ ਕਿ ਨਫ਼ਰਤ ਤੇ ਸੰਘਰਸ਼ ਦੇ ਰੂਪ ਵਿਚ ਕੱਸੀਆਂ ਹੋਈਆਂ ਮੁੱਠੀਆਂ ਤੇ ਜਬਾੜਿਆਂ ਨਾਲ ਤੁਸੀਂ ਮੌਤ ਪ੍ਰਾਪਤ ਕਰਨਾ ਚਾਹੋਗੇ ਕਿਉਂਕਿ ਤੁਸੀਂ ਕੋਈ ਪ੍ਰਤੀਕ ਨਹੀਂ ਹੋ । ਸਗੋਂ ਇਹ ਸਮਾਜ ਦੇ ਬਿਹਤਰੀਨ ਮੈਂਬਰ ਦੀ ਮੌਤ ਹੋਵੇਗੀ। ਇਤਿਹਾਸ ਦੀ ਗਤੀ ਤੁਹਾਡੇ ਬਾਰੇ ਮੇਰੀ ਰਾਇ ਤੋਂ ਤਬਦੀਲ ਨਹੀਂ ਹੁੰਦੀ। ਪੂਰੇ ਖਿੱਤੇ ਦੀ ਲੋਕਾਈ ਤੁਹਾਡੀ ਜ਼ੁਬਾਨ ਤੋਂ ਬੋਲਦੀ ਹੈ ਤੇ ਤੁਹਾਡੇ ਕਾਰਜਾਂ ਰਾਹੀਂ ਪ੍ਰਗਟਾਵਾ ਲੱਭਦੀ ਹੈ। ਤੁਸੀਂ ਮੇਰੇ ਜਿੰਨੇ ਹੀ ਲਾਭਕਾਰੀ ਹੋ, ਪਰ ਇਹ ਨਹੀਂ ਜਾਣਦੇ ਕਿ ਸਮਾਜ ਲਈ ਤੁਹਾਡਾ ਮਹੱਤਵ ਕੀ ਹੈ।"

ਮੈਂ ਉਸਦੇ ਦੰਦ ਤੇ ਉਸਦੀ ਦ੍ਰਿੜ ਮੁਸਕਾਨ ਵੱਲ ਦੇਖਿਆ। ਜਿਹੜੀ ਇਤਿਹਾਸ ਦੱਸ ਰਹੀ ਸੀ। ਮੈਂ ਉਸ ਨਾਲ ਹੱਥ ਮਿਲਾਉਂਦੇ ਸਮੇਂ ਦੂਰ ਤੋਂ ਬੁੜਬੁੜਾਹਟ ਦੀ ਰਸਮੀ ਵਿਦਾਈ ਨੂੰ ਮਹਿਸੂਸ ਕੀਤਾ। ਉਸਦੇ ਅਰਥ-ਭਰਪੂਰ ਸ਼ਬਦਾਂ ਨੇ ਰਾਤ ਸਮੇਂ ਮੈਨੂੰ ਫਿਰ ਜਕੜ ਲਿਆ। ਉਸਦੇ ਸ਼ਬਦਾਂ ਤੋਂ ਬਿਨਾਂ ਵੀ ਮੈਂ ਜਾਣਦਾਂ………….ਮੈਂ ਜਾਣਦਾਂ ਕਿ ਨਿਰਦੇਸ਼ ਦੇਣ ਦੀ ਮਹਾਨ ਭਾਵਨਾ ਮਨੁੱਖਤਾ ਨੂੰ ਦੋ ਹਿੱਸਿਆਂ ਵਿਚ ਵੰਡ ਦੇਵੇਗੀ। ਮੈਂ ਫਿਰ ਵੀ ਲੋਕਾਂ ਨਾਲ ਹੀ ਹੋਵਾਂਗਾ। ਮੈਂ ਇਹ ਜਾਣਦਾ ਹਾਂ, ਮੈਂ ਇਸਨੂੰ ਰਾਤ ਸਮੇਂ ਅਸਮਾਨ ਵਿਚ ਦਰਜ ਹੁੰਦਿਆਂ ਦੇਖਿਆ। ਸਿਧਾਂਤਾਂ ਅਤੇ ਜੜ੍ਹਵਾਦ ਦੇ ਮਨੋਵੇਗਾਂ ਦੇ ਭੁਲੇਖੇ ਦੇ ਸ਼ਿਕਾਰ ਇਕ ਪਰਛਾਵੇਂ ਵਾਂਗ ਮੈਂ ਗੱਜਦਾ ਹੋਇਆ ਰੁਕਾਵਟਾਂ ਅਤੇ ਬੰਦਿਸ਼ਾਂ 'ਤੇ ਹਮਲਾ ਕਰਾਂਗਾ, ਖੂਨ ਨਾਲ ਭਿੱਜਿਆ ਆਪਣਾ ਹਥਿਆਰ ਲਵਾਂਗਾ ਤੇ ਗੁੱਸੇ ਵਿਚ ਦੁਸ਼ਮਣ ਨੂੰ ਮੌਤ ਦੇ ਘਾਟ ਉਤਾਰ ਦਿਆਂਗਾ। ਜਿਵੇਂ ਮਹਾਨ ਅੰਤ ਕਿਸੇ ਤਾਜ਼ੇ ਉਤਸ਼ਾਹ ਨੂੰ ਮਾਰਦਾ ਹੈ। ਉਵੇਂ ਹੀ ਮੈਂ ਆਪਣੇ ਆਪ ਨੂੰ ਦੇਖਦਾ ਹਾਂ, ਜਿਸਨੇ ਖ਼ੁਦ ਨੂੰ ਸ਼ਾਨਦਾਰ ਇਨਕਲਾਬ ਲਈ ਸਮਾਪਤ ਕਰ ਦਿੱਤਾ ਹੈ। ਇਹ ਇਨਕਲਾਬ ਨਿੱਜੀ ਇੱਛਾਵਾਂ ਦੀ ਮਹਾਨ ਸਮਾਨਤਾ ਨੂੰ ਪੈਦਾ ਕਰੇਗਾ। ਮੈਂ ਮਹਿਸੂਸ ਕਰਦਾਂ ਕਿ ਮੇਰੀਆਂ ਨਾਸਾਂ ਚੌੜੀਆਂ ਹੋ ਗਈਆਂ ਹਨ, ਇਨ੍ਹਾਂ ਵਿੱਚੋਂ ਵੈਰੀਆਂ ਦੀ ਮੌਤ, ਬਾਰੂਦ ਤੇ ਖੂਨ ਦੀ ਤਿੱਖੀ ਬੂ ਆ ਰਹੀ ਹੈ। ਮੈਂ ਆਪਣੇ ਆਪ ਨੂੰ ਫੌਲਾਦ ਦਾ ਬਣਾ ਲਿਆ ਹੈ। ਇਸਨੂੰ ਯੁੱਧ ਲਈ ਤਿਆਰ ਕਰ ਲਿਆ ਹੈ ਤੇ ਖ਼ੁਦ ਨੂੰ ਉਸ ਪਵਿੱਤਰ ਸਥਾਨ ਲਈ ਵੀ ਤਿਆਰ ਕਰ ਲਿਆ ਹੈ, ਜਿਸ ਵਿਚ ਜੇਤੂ ਪਰੋਲੇਤਾਰੀ ਦੀ ਪਾਸ਼ਵਿਕਤਾ ਨਵੀਂ ਊਰਜਾ ਤੇ ਉਮੀਦਾਂ ਨਾਲ ਗੂੰਜ ਸਕਦੀ ਹੈ।