ਕੀ ਅਜੇ ਤਕ ਮਨੁੱਖ ਰੂਹ ਅਤੇ ਪ੍ਰਕ੍ਰਿਤੀ ਦੀਆਂ ਆਵਾਜ਼ਾਂ ਨੂੰ ਸੁਣਕੇ ਰੋਇਆ ਨਹੀਂ? ਅਤੇ ਕੀ ਉਸਦੇ ਹੰਝੂ ਤਿੱਖੀ ਤੇ ਸਹੀ ਸਮਝ ਦਾ ਪ੍ਰਮਾਣ ਨਹੀਂ ਹਨ?

ਦੈਵੀ ਸੰਗੀਤ।

ਪਿਆਰ ਦੇ ਰੂਹ ਦੀ ਬੇਟੀ

ਪਿਆਰ ਅਤੇ ਕੁੜਿਤਣ ਦਾ ਪਿਆਲਾ

ਮਨੁੱਖੀ ਮਨ ਦਾ ਸੁਪਨਾ, ਗ਼ਮ ਦਾ ਫਲ

ਖੁਸ਼ੀ ਦਾ ਫੁੱਲ, ਜਜ਼ਬੇ ਦੀ ਮਹਿਕ ਅਤੇ ਖੇੜਾ

ਪ੍ਰੇਮੀਆਂ ਦੀ ਜ਼ਬਾਨ, ਭੇਦਾਂ ਨੂੰ ਜ਼ਾਹਰ ਕਰਨ ਵਾਲੀ

ਛੁਪੇ ਪ੍ਰੇਮ ਦੇ ਹੰਝੂਆਂ ਦੀ ਮਾਂ

ਕਵੀਆਂ, ਸੰਗੀਤਕਾਰਾਂ ਤੇ ਸ਼ਿਲਪਕਾਰਾਂ ਦੀ ਪ੍ਰੇਰਨਾ

ਸ਼ਬਦਾਂ ਦੇ ਅੰਸ਼ਾਂ ਵਿਚ ਵਿਚਾਰਾਂ ਦੀ ਸਾਂਝ

ਖੂਬਸੂਰਤੀ ਵਿਚੋਂ ਪਿਆਰ ਨੂੰ ਘੜਣ ਵਾਲੀ,

ਸੁਪਨਿਆਂ ਦੀ ਦੁਨੀਆਂ ਵਿਚ ਸੁੱਚੇ ਦਿਲ ਦੀ ਸ਼ਰਾਬ

ਸੂਰਬੀਰਾਂ ਨੂੰ ਉਤਸ਼ਾਹ ਦੇਣ ਵਾਲੀ,

ਰੂਹ ਨੂੰ ਸ਼ਕਤੀ ਦੇਣ ਵਾਲੀ,

ਦਇਆ ਦਾ ਸਾਗਰ ਅਤੇ ਸੂਖਮਤਾ ਦਾ ਸਮੁੰਦਰ

ਓ ਸੰਗੀਤ

ਤੇਰੀ ਗਹਿਰਾਈ ਵਿਚ ਅਸੀਂ ਆਪਣੇ ਦਿਲ

ਅਤੇ ਰੂਹਾਂ ਅਰਪਿਤ ਕਰਦੇ ਹਾਂ,

ਤੂੰ ਹੀ ਸਾਨੂੰ ਕੰਨਾਂ ਨਾਲ ਵੇਖਣਾ ਸਿਖਾਇਆ।

ਅਤੇ ਦਿਲਾਂ ਨਾਲ ਸੁਣਨਾ।