ਪੀਲ਼ੇ ਦੈਂਤ ਦਾ ਸ਼ਹਿਰ, ਜਿਵੇਂ ਕਿ ਗੋਰਕੀ ਨੇ ਆਖਿਆ ਸੀ, ਸਾਮਰਾਜੀ ਅਮਰੀਕਾ ਦਾ ਚਿੰਨ੍ਹ ਹੈ।
"ਇਹੋ ਜਿਹਾ ਡਰਾਉਣਾ ਤੇ ਅਨੋਖਾ ਸ਼ਹਿਰ ਮੈਂ ਪਹਿਲਾਂ ਕਦੇ ਨਹੀਂ ਵੇਖਿਆ”, ਉਸ ਨੇ ਲਿਖਿਆ ਸੀ, "ਅਤੇ ਕਦੇ ਵੀ ਲੋਕ ਇਤਨੇ ਤੁੱਛ ਤੇ ਇਤਨੇ ਗੁਲਾਮ ਹੋਏ ਜੀਵ ਨਹੀਂ ਸਨ ਵੇਖੇ।"
ਇਸ ਸੰਗ੍ਰਹਿ ਵਿੱਚ ਗੋਰਕੀ ਦੇ ਬਹੁਤ ਪ੍ਰਸਿੱਧ ਅਖ਼ਬਾਰਾਂ ਲਈ ਵਿਸ਼ੇਸ਼ ਲੇਖ, ਪੈਂਫਲਿਟ, ਨਿਬੰਧ ਅਤੇ ਚਿੱਠੀਆਂ ਸ਼ਾਮਲ ਹਨ ਜੋ ਉਸ ਨੇ 1906 ਵਿੱਚ ਅਮਰੀਕਾ ਵਿੱਚ ਆਪਣੇ ਕਿਆਮ ਦੇ ਦੌਰਾਨ ਲਿਖੇ ਸਨ।
ਇਹਨਾਂ ਲਿਖਤਾਂ ਵਿੱਚ ਗੋਰਕੀ ਅਮਰੀਕਾ ਦਾ ਸਾਮਰਾਜੀ ਚਿਹਰਾ, ਬੁਰਜੂਆ ਜਮਹੂਰੀਅਤ ਦਾ ਦੰਭ ਅਤੇ ਕਿਰਤੀ ਲੋਕਾਂ ਬਾਰੇ ਆਪਣੀਆਂ ਭਾਵਨਾਵਾਂ ਦਰਸਾਉਂਦਾ ਹੈ ਜਿਹੜੇ ਕਿਰਤੀ ਲੋਕ "ਇੱਕ ਨਵਾਂ ਜੀਵਨ, ਇੱਕ ਭਰਾਤਰੀ ਜੀਵਨ, ਇੱਕ ਅਜਿਹਾ ਜੀਵਨ ਜੋ ਵਿਵੇਕ ਤੇ ਗਿਆਨ ਅਨੁਸਾਰ ਚੱਲੇਗਾ - ਰਚਣ ਦੇ" ਕਾਬਲ ਹਨ।
