ਪੁਸ਼ਕਰ

ਪੁਸ਼ਕਰ ਤੇਰੇ ਪਾਣੀ ਸੁਹਣੇ

ਪਰ ਸਨਸਾਰਾਂ' ਵੇੜ੍ਹੇ,

ਮੈਲੇ ਕੀਤੇ ਲੋਕਾਂ ਤੇਰੇ,

ਸੁਹਣੇ ਚਾਰ ਚੁਫੇਰੇ।

ਕਰਨ ਆਰਤੀ, ਫੁੱਲ ਚੜ੍ਹਾਵਨ,

'ਤੀਰਥ-ਰਾਜ' ਪੁਕਾਰਨ,

ਕੁਦਰਤ ਰਚੇ ਨਜ਼ਾਰੇ ਨਾਂ ਕੁਈ

ਸੁਆਰ ਸ਼ਿੰਗਾਰੇ ਤੇਰੇ! ੫

(ਅਜਮੇਰ ੧੭-੯-੧੯੩੩)-ਖ:ਸ:੨੪-੫-੧੯੭੮

ਸੁੰਞਾ ਸੀਨਾ

ਜਿਸ ਸੀਨੇ ਤੜਪਨ ਨਹੀਂ ਪਈ

ਸੁੰਞਾ ਸੀਨਾ ਸਹੀਓ!

ਦਿਲ ਉਸ ਸੀਨੇ ਧਉਂਕਣ? ਨਾਲੋਂ

ਜ਼ਰਾ ਬੀ ਵੱਧ ਨਹੀਓਂ।

ਦੁੱਪੜ ਜਿਵੇਂ ਅਨਾੜੀ ਦੇ ਹੱਥ

ਧਾਪ ਧਾਪ ਦਿਲ ਵਜਦਾ,

ਰਸ ਰੰਗ ਜਿੰਦ ਹੁਲਾਰੇ ਵਾਲੀ

ਉਸ ਦੇ ਅੰਦਰ ਨਹੀਓਂ। ੬.

(ਬੰਬਈ ਫਰਵਰੀ ੧੯੫੩)

––––––––––––––––––

1. ਮਗਰਮੱਛਾਂ।    2. ਕੋਲੇ ਭਖਾਣ ਲਈ ਇਕ ਮਸ਼ਕ ਜੋ ਹਵਾ ਦੇਂਦੀ ਹੈ।