ਵਿੱਥ

ਸੁਣ ਨੀ ਝੀਲ ਪਾਣੀਏਂ ਵਾਲੀ!

ਲਗੀ ਰਹੋ ਨਿਜ ਸੋਮੇ ਨਾਲ:

ਤਰੋ ਤਾਜ਼ਗੀ ਨਿਰਮਲਤਾਈ

ਨਿਭਦੀ ਰਹਿਸੀ ਤੇਰੇ ਨਾਲ।

ਪੈਣ ਨ ਦੇਵੀਂ ਵਿੱਥ ਵਿਚਾਲੇ

ਰਹਿਸੇਂ ਫਿਰ ਨੀ ਤੂੰ ਖੁਸ਼ਹਾਲ।

ਵਿੱਥ ਬੁਰੀ ਅਤਿ ਦੇਇ ਵਿਛੋੜੇ

ਵਿਚ ਵਿਛੋੜੇ ਉਲਟਨ ਹਾਲ। ੯.

(ਬੰਬਈ २०-१-१६५)

ਖੇਮ ਕੁਸ਼ਲ ਕਲਯਾਣ

(ਉਮਰ ਖਯਾਮ ਦੀ ਇਕ ਰੁਬਾਈ ਦੀ ਤਸਵੀਰ ਪਰ)

ਟੁੱਕਰ ਹੋਵੇ ਖਾਣ ਨੂੰ

ਠੰਡਾ ਜਲ ਹੋ ਪਾਣ,

ਮਾਣਨ ਨੂੰ ਹੋ ਨਾਮ ਰਸ

ਗਾਵਣ ਨੂੰ ਰਬ ਗਾਣ,

ਸੰਗਤ ਆ ਕੀਰਤਨ ਕਰੇ

ਅਰਸ਼ੀ ਛਾਵੇ ਸ਼ਾਨ

ਫਿਰ ਜੰਗਲ ਮੰਗਲ ਬਣੇ

ਖੇਮ ਕੁਸ਼ਲ ਕਲਯਾਣ। ੧੦.

(ਅੰਮ੍ਰਿਤਸਰ ੭-੧੦-੧੯੫੬)