ਅਫ਼ਸਾਨੇ
ਅਸੀਂ ਕਮਲੇ ਦੀਵਾਨੇ ਰਹਿ ਗਏ,
ਇਸ਼ਕ ਦੇ ਭਰਦੇ ਹਰਜ਼ਾਨੇ ਰਹਿ ਗਏ।
ਉਹਨੇ ਕਿਸ ਨਾਲ ਕਰੇ ਵਾਅਦੇ ਨਹੀਂ ਪਤਾ,
ਸਾਡੇ ਲਈ ਬਸ ਬਹਾਨੇ ਰਹਿ ਗਏ।
ਚਾਵਾਂ ਨਾਲ ਦੱਸਦਾ ਸੀ ਨਾਮ ਸਭ ਨੂੰ,
ਹੁਣ ਕੰਨੀਂ ਸੁਣਦੇ ਤਾਅਨੇ ਰਹਿ ਗਏ।
ਉਹਨੇ ਜੋੜ ਲਈ ਕਹਾਣੀ ਗ਼ੈਰਾਂ ਨਾਲ,
ਸਾਡੇ ਇਸ਼ਕ ਦੇ ਅਫ਼ਸਾਨੇ ਰਹਿ ਗਏ।
ਦੋਸਤੀ ਤੋਂ ਕਰੀਬ
ਉਹਦੇ ਨਾਲ ਇਕ ਰਿਸ਼ਤਾ ਅਜੀਬ ਰਿਹਾ,
ਥੋੜ੍ਹਾ ਦੋਸਤੀ ਤੋਂ ਸੀ ਕਰੀਬ ਰਿਹਾ।
ਜਦ ਤੱਕ ਰਹੀ ਗੱਲਬਾਤ ਉਸ ਨਾਲ,
ਗੱਲ ਕਹਿ ਨਾ ਹੋਈ, ਇਹੋ ਨਸੀਬ ਰਿਹਾ।
ਜਵਾਨੀ ਸਾਰੀ ਦਾਅ 'ਤੇ ਲਾਅ,
ਦਿਲਾ ਤੈਨੂੰ ਪਛਤਾਵਾ ਹੀ ਕਿਉਂ ਅਜ਼ੀਜ਼ ਰਿਹਾ।
ਉਹਨੇ ਵਾਅਦਾ ਵੀ ਨਹੀਂ ਕੀਤਾ ਮੁੜ ਆਉਣ ਦਾ,
ਤੇ ਇਹ ਪਾਗਲ ਦਿਲ ਅੱਜ ਵੀ ਉਹਨੂੰ ਉਡੀਕ ਰਿਹਾ।
