ਹਾਲੇ ਟੁੱਟੀ ਯਾਰੀ ਤਾਜ਼ੀ ਤਾਜ਼ੀ
ਮਿਲਦਾ ਦਿਲ ਨੂੰ ਚੈਨ ਕਿਉਂ ਨਹੀਂ?
ਦਿਨ ਜਿਹੀ ਹੁੰਦੀ, ਰੈਣ ਕਿਉਂ ਨਹੀਂ?
ਬੱਸ ਇਕੋ ਸ਼ਖਸ ਦੀ ਗੱਲ ਆਉਂਦੀ,
ਲੋਕੀ ਪਾਗਲ ਕਹਿਣ ਕਿਉਂ ਨਹੀਂ?
ਮੌਤ-ਮੌਤ ਦਾ, ਨਾਮ ਰਹਿੰਦਾ ਜਪਦਾ,
ਤੇ ਉਹਦੇ ਬਿਨ ਫਿਰ ਮਰਿਆ ਵੀ ਨਹੀਂ।
ਇੰਞ ਲੱਗਦਾ ਉਹਨੇ ਸੱਚ ਕਿਹਾ ਸੀ,
ਮੈਂ ਇਸ਼ਕ ਉਹਨੂੰ ਕਰਿਆ ਹੀ ਨਹੀਂ।
ਮੈਂ ਕਿਉਂ ਆਖਾਂ ਉਹ ਮੇਰੀ ਹੋਜੇ,
ਉਹ ਜਿੱਥੇ ਰਹੇ, ਰਹੇ ਰਾਜੀ ਬਾਜੀ।
ਭੁੱਲਜਾਂਗਾ ਉਹਨੂੰ ਕੁਝ ਚਿਰ ਪਾ ਕੇ,
ਹਾਲੇ ਟੁੱਟੀ ਯਾਰੀ ਤਾਜ਼ੀ-ਤਾਜ਼ੀ।
ਉਹਦੀ ਤਲੀਆਂ ਦੀ ਛੋਹ ਦਾ ਅਹਿਸਾਸ,
ਹੈ ਅੱਜ ਵੀ ਮੇਰੀਆਂ ਤਲੀਆਂ ਨੂੰ।
ਸਾਡੀਆਂ ਪੈੜਾਂ ਜਿੱਥੇ ਛਪੀਆਂ ਪਈਆਂ,
ਅਸੀਂ ਭੁੱਲ ਗਏ ਉਹਨਾਂ ਗਲੀਆਂ ਨੂੰ।
ਫੱਕਰ ਹੋ ਗਿਆ ਸੁਭਾਅ ਇਹ ਮੇਰਾ,
ਤੇ ਹੋਇਆ ਉਹਦੇ ਜਾਣ ਦੇ ਬਾਅਦ।
ਉਹਦੀ ਅੱਖ ਨਹੀਂ ਰੋਈ ਸਬੂਤ ਦਿੰਦੀ ਏ,
ਕੋਈ ਮਿਲ ਗਿਆ ਹੋਊ ਅਰਮਾਨ ਦੇ ਬਾਅਦ।
