ਇਸ਼ਕ ਦਾ ਮਤਲਬ
ਕਿਹਨੂੰ ਕਿਹਨੂੰ ਖਬਰਾਂ ਨੇ,
ਕਿੰਨੀਆਂ ਲੱਗੀਆਂ ਕਬਰਾਂ ਨੇ।
ਅੱਜ ਤੱਕ ਦੱਬੇ ਹਾਸੇ ਕਿੰਨੇ,
ਜ਼ਾਲਿਮ ਇਹਨਾਂ ਸਬਰਾਂ ਨੇ।
ਗੁਨਾਹ ਕੀਤਾ ਹੋਊ ਜੇ ਸਜਾ ਮਿਲੀ,
ਹੋਰ ਇੰਨਾ ਵੀ ਨਹੀਂ ਪੱਧਰਾ ਮੈਂ।
ਕਿੰਨੀ ਵਾਰ ਖਾਲੀ ਮੋੜੀਆਂ,
ਦਿਲ ਦਰਵਾਜ਼ੇ ਤੋਂ ਸੱਧਰਾਂ ਮੈਂ।
ਉਹਦੇ ਪੈਰੀ ਬੰਦ ਜੁੱਤੀ,
ਸਾਡੇ ਟੁੱਟੀਆਂ ਵੱਦਰਾਂ ਨੇ।
ਕੌਣ ਦੱਸੇ ਹੁਸਨ ਵਾਲਿਆਂ ਨੂੰ,
ਸਾਨੂੰ ਮੋਹਣਾ ਏ ਬਸ ਕਦਰਾਂ ਨੇ।
ਇਹੀ ਤਾਂ ਸਭ ਤੋਂ ਆਮ ਗੱਲ ਹੈ,
ਕਿ ਤੈਨੂੰ ਲੱਗਦਾ ਹਾਂ ਵੱਖਰਾ ਮੈਂ।
ਅਰਮਾਨ ਇਸ਼ਕ ਦਾ ਮਤਲਬ ਦੱਸਾਂ ਤੈਨੂੰ,
ਜੇ ਤੈਨੂੰ ਕਿਧਰੇ ਟੱਕਰਾਂ ਮੈਂ ।
