ਜ਼ੁਲਫ਼ਾਂ ਦੇ ਜਾਲ
ਦਿਨ, ਰਾਤ, ਹਫਤੇ 'ਤੇ ਮਹੀਨੇ ਸਾਲ ਲੰਘ ਗਏ,
ਜੋ ਪਲ ਤੇਰੇ ਨਾਲ ਲੰਘੇ, ਬਾਕਮਾਲ ਲੰਘ ਗਏ।
ਉਂਝ ਤਾਂ ਤੇਰੇ ਬਿਨ ਵੀ ਦਿਨ ਲੰਘੀ ਜਾਂਦੇ ਨੇ,
ਪਰ ਉਹਨਾਂ ਦੀ ਰੀਸ ਨਹੀਂ, ਜੋ ਤੇਰੇ ਨਾਲ ਲੰਘ ਗਏ।
ਖਿਆਲਾਂ ਤੇਰਿਆਂ ਵਿਚ ਸਮੇਂ ਦਾ ਪਤਾ ਨਹੀਂ ਲੱਗਾ,
ਬੀਤੇ ਵਕਤ ਨਾਲ, ਚੰਗੇ-ਮਾੜੇ ਸਾਰੇ ਹਾਲ ਲੰਘ ਗਏ।
ਨਾ ਫੇਰ ਰਾਹ ਮਿਲੇ ਉਹ ਜਿੱਥੇ ਤੂੰ ਮਿਲਣਾ,
ਅਸੀਂ ਗਲ਼ੀ-ਗਲ਼ੀ ਕਰਦੇ ਭਾਲ ਲੰਘ ਗਏ।
ਖੁਦ ਵੀ ਗਏ ਗਵਾਚ ਤੈਨੂੰ ਭਾਲਦੇ-ਭਾਲਦੇ,
ਪਤਾ ਨਹੀਂ ਕਿੰਨੇ ਹੀ ਸਾਲ-ਗਾਲ ਲੰਘ ਗਏ।
ਸਾਰੀ ਉਮਰ ਨਾਗ ਨਗਨਾਂ ਤੋਂ ਡਰਦੇ ਰਹੇ,
ਤੇ ਆਈ ਅੰਤ ਦੀ ਜ਼ੁਲਫ਼ਾਂ ਦੇ ਜਾਲ ਡੰਗ ਗਏ।
