ਕਾਫ਼ਿਰ ਅੱਖਾਂ ਵਾਲਾ
ਕਾਫ਼ਿਰ ਅੱਖਾਂ ਵਾਲਾ,
ਕੋਈ ਇਹਦੇ ਤੋਂ ਮੋਹ ਦੀ ਆਸ ਨਹੀਂ।
ਗੱਲਾਂ ਕਰਦਾ ਰੱਬ ਦੀਆਂ ਬੱਸ,
ਤੇ ਕਹਿੰਦਾ ਰੱਬ 'ਤੇ ਮੈਨੂੰ ਵਿਸ਼ਵਾਸ ਨਹੀਂ।
ਮੁੱਲ ਮਿਹਨਤ ਦਾ ਹੁੰਦਾ ਫ਼ਲ ਜਿਵੇਂ,
ਅੱਜ ਨੂੰ ਹੁੰਦਾ ਕੱਲ੍ਹ ਜਿਵੇਂ।
ਕੱਲ੍ਹ ਦੀ ਕਰਦਾ ਉਡੀਕ ਰਹਿੰਦਾ,
ਤੇ ਨਾਲੇ ਆਖੇ ਕੋਈ ਕੱਲ੍ਹ ਤੋਂ ਮੈਨੂੰ ਆਸ ਨਹੀਂ।
ਗੱਲਾਂ ਕਰਦਾ ਰੱਬ ਦੀਆਂ ਬੱਸ,
ਤੇ ਕਹਿੰਦਾ ਰੱਬ 'ਤੇ ਮੈਨੂੰ ਵਿਸ਼ਵਾਸ ਨਹੀਂ।
ਮਾਘ ਦੇ ਵਿਚ ਲੋਅ ਜਿਵੇਂ, ਹਾੜ ਦੇ ਵਿਚ ਸ਼ੀਤ ਜਿਹਾ।
ਬੈਠਾ ਨਿੰਮ ਥੱਲੇ ਲੱਭ ਜਾਊਗਾ, ਮੁੰਡਾ ਸ਼ਿਵ ਦੇ ਗੀਤ ਜਿਹਾ।
ਜ਼ਿੰਦਗੀ ਨਾਲੋਂ ਮੌਤ ਚੰਗੀ, ਥੋੜ੍ਹੀ ਨਹੀਂ ਬਹੁਤ ਚੰਗੀ।
ਇਹ ਗੱਲ ਅਰਮਾਨ ਦੀ ਆਈ ਮੈਨੂੰ ਰਾਸ ਨਹੀਂ।
ਗੱਲਾਂ ਕਰਦਾ ਰੱਬ ਦੀਆਂ ਬੱਸ,
ਤੇ ਕਹਿੰਦਾ ਰੱਬ 'ਤੇ ਮੈਨੂੰ ਵਿਸ਼ਵਾਸ ਨਹੀਂ।
