ਜੀ ਕਰਦਾ ਏ ਮਰ ਦੇਖਾ
ਮੈਂ ਦੀਵਾ ਉਹ ਸੂਰਜ,
ਓਹਦੇ ਮੂਹਰੇ ਮੇਰੀ ਲੋਅ ਨਹੀਂ ਕੋਈ।
ਲੱਖਾਂ ਮੁਰੀਦ ਨੇ ਦੇਖੇ ਉਹਦੇ,
ਭੀੜ ਆ ਇਕ ਦੋ ਨਹੀਂ ਕੋਈ।
ਰਹਿੰਦੀ ਉਹ ਅਸਮਾਨ ਉੱਚੇ 'ਚ,
ਰਹਿ ਧਰਤੀ 'ਤੇ ਉਹਨੂੰ ਖੜ ਦੇਖਾਂ।
ਮੈਂ ਸੁਣਿਆ ਹੁੰਦੀਆਂ ਨਹੀਂ ਮਰਿਆਂ ਨੂੰ ਬੰਦਿਸ਼ਾਂ ਕੋਈ,
ਜੀ ਕਰਦਾ ਏ ਮਰ ਦੇਖਾਂ।
ਬੜੀ ਕਰਦਾਂ ਕੋਸ਼ਿਸ਼ ਸਿੱਧਾ ਤੱਕ ਨਹੀਂ ਹੁੰਦਾ,
ਮਿਹਣਾ ਜੱਗ ਦਾ ਹੁਣ ਖੱਟ ਨਹੀਂ ਹੁੰਦਾ।
ਨਾ ਹੀ ਹੁੰਦਾ ਹੋ ਦੂਰ ਓਹਤੋਂ,
ਤੇ ਕੋਲ ਵੀ ਓਹਦੇ ਭੱਜ ਨਹੀਂ ਹੁੰਦਾ।
ਉਹ ਸੂਚੀ ਲਿਖਾਈ ਪੰਜਾਬੀ ਜਿਵੇਂ,
ਦੱਸ ਕਿੱਦਾਂ ਓਹਨੂੰ ਪੜ ਦੇਖਾਂ।
ਮੈਂ ਸੁਣਿਆ ਹੁੰਦੀਆਂ ਨਹੀਂ ਮਰਿਆਂ ਨੂੰ ਬੰਦਿਸ਼ਾਂ ਕੋਈ,
ਜੀ ਕਰਦਾ ਏ ਮਰ ਦੇਖਾਂ।
