ਹੁਣ ਬਸ ਕਰੀਏ
ਬਹੁਤ ਭਰਲਿਆ ਮਨ,
ਹੁਣ ਹੱਸ ਕਰੀਏ।
ਨਹੀਂ ਨਿਭਣਾ ਰਿਸ਼ਤਾ ਇਹ,
ਹੁਣ ਬੱਸ ਕਰੀਏ।
ਇਹ ਤੰਦਾਂ ਇਸ਼ਕ ਦੀਆਂ ਕੱਚੀਆਂ,
ਕਿੰਨਾ ਚਿਰ ਖਿੱਚਾਂਗੇ।
ਇਹ ਲੜਾਈਆਂ ਦੇ ਮੀਂਹ 'ਚ,
ਕਿੰਨਾ ਚਿਰ ਭਿੱਜਾਂਗੇ।
ਨਹੀਂ ਹੋਣਾ ਹੁਣ ਇਕ-ਦੂਜੇ ਦਾ,
ਦਿਲ ਨੂੰ ਪੱਕਾ ਦੱਸ ਕਰੀਏ।
ਬਹੁਤ ਭਰਲਿਆ ਮਨ,
ਹੁਣ ਹੱਸ ਕਰੀਏ।
ਨਹੀਂ ਨਿਭਣਾ ਰਿਸ਼ਤਾ ਇਹ,
ਹੁਣ ਬਸ ਕਰੀਏ।
ਪਿਆਰ ਕਰਿਆ ਤਾਂ ਸੀ,
ਭਾਵੇਂ ਨਿਭਿਆ ਨਹੀਂ।
ਅਪਣਾ ਇਕ ਹੋਣਾ ਖੌਰੇ,
ਲਿਖਿਆ ਹੀ ਨਹੀਂ।
ਬੜਾ ਰਹਿ ਲਿਆ ਇਕ-ਦੂਜੇ ਦਾ,
ਚਲ ਦਿਲ ਨੂੰ ਮੁੜ ਆਪਣੇ ਵੱਸ ਕਰੀਏ।
ਹੁਣ ਨਹੀਂ ਨਿਭਣਾ ਰਿਸ਼ਤਾ ਇਹ,
ਹੁਣ ਬਸ ਕਰੀਏ।
