ਤੈਨੂੰ ਕਦੇ ਨਾ ਪਿਆਰ ਹੋਏ
ਜਿਵੇਂ ਮੈਂ ਤਰਸਿਆਂ ਤੂੰ ਨਾ ਤਰਸੇਂ,
ਇਹ ਗ਼ਮ ਤੇਰੇ 'ਤੇ ਨਾ ਵਰਸੇ।
ਬਸ ਖੁਸ਼ੀਆਂ ਹੋਣ ਤੇਰੇ ਆਸੇ ਪਾਸੇ,
ਤੇ ਤੂੰ ਉਹ ਖੁਸ਼ੀਆਂ ਦੀ ਹੱਕਦਾਰ ਹੋਏਂ।
ਮੈਂ ਕਰਾਂ ਦੁਆ ਤੇਰੇ ਲਈ,
ਤੈਨੂੰ ਕਦੇ ਨਾ ਪਿਆਰ ਹੋਏ।
ਦਿਲ ਲੱਗੇ ਨਾ, ਦਿਲ ਟੁੱਟੇ ਨਾ,
ਹਾਸਾ ਤੇਰਾ ਕਦੇ ਰੁੱਸੇ ਨਾ।
ਖੁਸ਼ੀਆਂ ਦੀਆਂ ਬਹਾਰਾਂ ਰਹਿਣ ਸਦਾ,
ਤੇ ਇਹ ਰੁੱਤ ਕਦੇ ਮੁੱਕੇ ਨਾ।
ਫੁੱਲ ਵਾਂਗ ਰਹੇ ਤੇਰਾ ਚਿਹਰਾ ਖਿੜਿਆ,
ਕਿਸੇ ਗੱਲ ਦਾ ਨਾ ਤੇਰੇ `ਤੇ ਭਾਰ ਹੋਏ।
ਮੈਂ ਕਰਾਂ ਦੁਆ ਤੇਰੇ ਲਈ,
ਤੈਨੂੰ ਕਦੇ ਨਾ ਪਿਆਰ ਹੋਏ।
