ਮੈਨੂੰ ਮੇਰਾ ਪਿਆਰ ਚੇਤੇ ਆ
ਤੈਨੂੰ ਕੀਤਾ ਇਜ਼ਹਾਰ ਚੇਤੇ ਆ,
ਮੈਨੂੰ ਮੇਰਾ ਪਿਆਰ ਚੇਤੇ ਆ।
ਉਹ ਭੋਲਾ ਚਿਹਰਾ ਤੇ ਤੇਜ਼ ਨਜ਼ਰਾਂ,
ਹਾਸਾ ਬੁੱਲ੍ਹੀਆਂ ਵਿਚਕਾਰ ਚੇਤੇ ਆ।
ਤੈਨੂੰ ਲੁੱਕ-ਲੁੱਕ ਵੇਖਣਾ,
ਤੈਨੂੰ ਮੰਗ ਮੱਥਾ ਟੇਕਣਾ।
ਤੈਨੂੰ ਪਾਉਣ ਨੂੰ ਮੰਗੀਆਂ ਸੀ ਜਿਹੜੀਆਂ,
ਉਹ ਸੁੱਖਾਂ ਦਾ ਭਾਰ ਚੇਤੇ ਆ।
ਤੈਨੂੰ ਕੀਤਾ ਇਜ਼ਹਾਰ ਚੇਤੇ ਆ,
ਮੈਨੂੰ ਮੇਰਾ ਪਿਆਰ ਚੇਤੇ ਆ।
ਤੂੰ ਦੱਸ ਤੈਨੂੰ ਚੇਤੇ ਆ ਜਾਂ ਨਹੀਂ,
ਤੂੰ ਚਾਹੁੰਦੀ ਸਾਂ ਜਾਂ ਨਹੀਂ।
ਅੱਜ ਤੱਕ ਕਿਸੇ ਨਾਲ ਨਹੀਂ ਨਿਭਾਈ ਮੈਂ,
ਤੇਰੇ ਨਾਲ ਸਕਦਾ ਸੀ ਨਿਭਾ ਜਾਂ ਨਹੀਂ।
ਤੂੰ ਮੇਰੇ ਪਿਆਰ ਦਾ ਕੀਤਾ ਸੀ ਜੋ,
ਉਹ ਇਨਕਾਰ ਚੇਤੇ ਆ।
ਹਾਂ ਮੈਨੂੰ ਮੇਰਾ ਪਿਆਰ ਚੇਤੇ ਆ।
