ਪਿਆਰ ਛੱਡ ਦੋਸਤ ਰਹਿੰਦੇ ਹਾਂ
ਹਾਸੇ ਹੱਸ ਤੂੰ ਨਾਲ ਮੇਰੇ, ਐਵੇਂ ਅੱਖ ਨਾ ਡੋਲ ਤੂੰ।
ਮੈਂ ਅੱਖੀਆਂ ਪੜਲੀਆਂ ਤੇਰੀਆਂ, ਚੁੱਪ ਰਹਿ ਕੁੱਝ ਨਾ ਬੋਲ ਤੂੰ।
ਇੱਕ ਉਮੀਦ ਆ ਦਿਲ ਤੇਰੇ 'ਚ, ਇੱਕ ਡਰ ਵੀ ਹੈ ਖੋਣ ਦਾ।
ਕਿਵੇਂ ਸਮਝਾਵਾਂ ਤੈਨੂੰ ਗੱਲਾਂ ਦੇ ਵਿਚ,
ਤੈਨੂੰ ਹੱਕ ਨਹੀਂ ਦੇ ਸਕਦਾ ਗਲ ਲਾਉਣ ਦਾ।
ਇਹ ਪਿਆਰ ਮੁਹੱਬਤ ਛੱਡ ਪਰੇ, ਆਪਾਂ ਦੋਸਤੀ ਰੱਖ ਲੈਂਦੇ ਹਾਂ।
ਪਿਆਰ ਛੱਡ, ਦੋਸਤ ਰਹਿੰਦੇ ਹਾਂ।
ਮੈਨੂੰ ਪਤਾ ਤੂੰ ਚਾਹੁੰਦੀ ਮੈਨੂੰ, ਪਰ ਮੈਂ ਚਾਹ ਕੇ ਵੀ ਚਾਹ ਨਹੀਂ ਸਕਦਾ।
ਉਹ ਗੱਲ ਸਮਝ ਮੇਰੇ ਵੀ ਨਹੀਂ ਆਈ,
ਕਿੰਝ ਦੱਸਾਂ ਤੈਨੂੰ ਮੈਂ ਸਮਝਾ ਨਹੀਂ ਸਕਦਾ।
ਮੇਰਾ ਜੋ ਸੁਭਾਅ ਹੋ ਗਿਆ, ਸੱਚ ਮੰਨੇ ਤਾਂ ਤੂੰ ਝੱਲ ਨਹੀਂ ਪਾਉਣਾ।
ਇਹ ਇਸ਼ਕ ਚੰਦਰੇ ਨੇ ਪਹੇਲੀ ਬਣ ਜਾਣਾ, ਉਸ ਪਹੇਲੀ ਦਾ ਹੱਲ ਨਹੀਂ ਹੋਣਾ।
ਇਹ ਗੱਲ ਕਰ ਨਜ਼ਰਾਂ ਨਾ ਝੁਕਾਅ,
ਇਹ ਗੱਲ ਭੁੱਲ ਪਹਿਲਾਂ ਵਾਂਗ ਵਹਿੰਦੇ ਹਾਂ।
ਪਿਆਰ ਛੱਡ, ਦੋਸਤ ਰਹਿੰਦੇ ਹਾਂ।
