ਪ੍ਰਸ਼ਨ- ਵਿਆਕਰਨਕ ਸ਼੍ਰੇਣੀਆਂ ਸਬੰਧੀ ਤੁਸੀਂ ਕੀ ਜਾਣਦੇ ਹੋ ?

ਉੱਤਰ- ਵਿਆਕਰਨਕ ਸ਼੍ਰੇਣੀਆਂ ਦੀ ਹੋਂਦ ਇਸ ਗੱਲ ਦਾ ਪਰਮਾਣ ਹੈ ਕਿ ਭਾਸ਼ਾਵਾਂ ਵਿਚ ਨਾਂਵ ਅਤੇ ਕਿਰਿਆ ਰੂਪ ਕਿਨ੍ਹਾਂ ਵਿਆਕਰਨਕ ਪਰਕਾਰਜਾਂ ਲਈ ਰੂਪਾਂਤਰਿਤ ਹੁੰਦੇ ਹਨ। ਨਾਂਵ ਅਤੇ ਕਿਰਿਆ ਦੇ ਵਿਆਕਰਨਕ ਰੂਪਾਂਤਰਨ ਨੂੰ ਹੀ ਵਿਆਕਰਨਕ ਸ਼੍ਰੇਣੀਆਂ ਦਾ ਨਾਂ ਦਿੱਤਾ ਜਾਂਦਾ ਹੈ। ਪੰਜਾਬੀ ਭਾਸ਼ਾ ਵਿਚ ਹੇਠ ਲਿਖੀਆਂ ਸ਼੍ਰੇਣੀਆਂ ਦੀ ਸਥਾਪਨਾ ਕੀਤੀ ਗਈ ਹੈ :

1. ਕਾਲ (Tense)

2. ਆਸਪੈਕਟ (Aspect)

3. ਵਾਚ (Voice)

4. ਪੁਰਖ (Person)

5. ਲਿੰਗ (Gender)

6. ਵਚਨ (Number)

7. ਕਾਰਕ (Case)

1. ਕਾਲ (Tense)

ਪੰਜਾਬੀ ਭਾਸ਼ਾ ਵਿਚ ਤਿੰਨ ਕਾਲ ਹਨ :

ਭੂਤ ਕਾਲ (Past Tense)

ਵਰਤਮਾਨ (Present Tense)

ਭਵਿੱਖ ਕਾਲ (Future Tense)

1. ਭੂਤ ਕਾਲ: ਭੂਤ ਕਾਲ ਦੀ ਪਛਾਣ ਸੀ/ਸਨ ਸਹਾਇਕ ਕਿਰਿਆਵਾਂ ਰਾਹੀਂ ਹੁੰਦੀ ਹੈ। ਜਿਵੇਂ:

ਉਹ ਚਲਾ ਗਿਆ ਸੀ

ਉਹ ਪਹੁੰਚ ਗਏ ਸਨ

ਪ੍ਰੰਤੂ ਕਈ ਵਾਕਾਂ ਵਿਚ ਸਹਾਇਕ ਕਿਰਿਆ ਨਹੀਂ ਹੁੰਦੀ । ਉਥੇ ਭੂਤ ਕਾਲ ਦੀ ਪਛਾਣ ਕਿਰਿਆਵੀ ਰੂਪ ਰਾਹੀਂ ਹੁੰਦੀ ਹੈ :

ਉਹ ਆ ਗਿਆ

ਉਹ ਚਲੇ ਗਏ

ਵਰਤਮਾਨ ਕਾਲ : ਵਰਤਮਾਨ ਕਾਲ ਦੀ ਪਛਾਣ ਹੈ/ਹਨ ਸਹਾਇਕ ਕਿਰਿਆਵਾਂ ਰਾਹੀਂ ਹੁੰਦੀ ਹੈ। ਜਿਵੇਂ :

ਉਹ ਪਹੁੰਚ ਗਿਆ ਹੈ

ਰਾਮ ਕਿਤਾਬ ਪੜ੍ਹਦਾ ਹੈ

ਬੱਚੇ ਖੇਡ ਰਹੇ ਹਨ

ਇਹ ਤਿੰਨੇ ਵਾਕ ਵਰਤਮਾਨ ਦੀ ਸੂਚਨਾ ਦਿੰਦੇ ਹਨ।

ਭਵਿੱਖ ਕਾਲ: ਭਵਿੱਖ ਕਾਲ ਦੀ ਪਛਾਣ -ਏਗਾ ਜਾਂ -ਊ ਅੰਤਕ ਕਿਰਿਆਵੀ ਰੂਪਾਂ ਰਾਹੀਂ ਹੁੰਦੀ ਹੈ। ਪੰਜਾਬੀ ਭਾਸ਼ਾ ਵਿਚ ਭਵਿੱਖ ਕਾਲੀ ਸਹਾਇਕ ਕਿਰਿਆ ਨਹੀਂ ਹੈ। ਜਿਵੇਂ:

ਲੜਕਾ ਕੱਲ ਚਲਾ ਜਾਊ