ਪਲਕਾਂ ਢੋਣ ਤੋਂ ਪਹਿਲਾਂ ਹੀ ਆ ਬਹਿੰਦੇ ਨਜ਼ਰ ਅੰਦਰ

ਨਿਹੋਰੇ ਨਾਲ ਸੂਰਜ ਤੋਂ ਬਥੇਰੇ ਨੈਣ ਮੁੰਦੇ ਨੇ

 

ਜਿਸਦਾ ਨਾਂ ਸੁਣਨ ਤੇ ਕੰਨਾਂ 'ਚ ਪੈ ਜਾਂਦਾ ਰਿਹਾ ਸਿੱਕਾ

ਪਰ ਉਸ ਪ੍ਰਭਾਤ ਦੇ ਕੰਨਾਂ 'ਚ ਤਾਂ ਚਾਨਣ ਦੇ ਬੁੰਦੇ ਨੇ

 

ਚਲੀ ਜਾਵੇਗੀ ਧਰਤੀ ਤੋਂ ਅਸਾਡੀ ਲਾਸ਼ ਦੀ ਬੂ ਵੀ

ਕਿ ਧੁਲ ਕੇ ਖੂਨ ਦੇ ਹੀ ਨਾਲ ਜ਼ੱਰੇ ਪਾਕ ਹੁੰਦੇ ਨੇ

16. ਦੀਵਾਲੀ ਦੀ ਰਾਤ

ਲਹਿਰਦੀ ਹੋਏਗੀ ਕਾਹੀ

ਲਹਿਰਦੇ ਹੋਣਗੇ ਪਾਣੀ

ਕਿਸੇ ਦੀ ਨਜ਼ਰ ਚੁੰਮਣ ਨੂੰ

ਠਹਿਰਦੇ ਹੋਣਗੇ ਪਾਣੀ

ਐਵੇਂ ਢਲ ਆਉਂਦੀਆ ਅੱਖਾਂ

ਕਿਨਾਰੇ ਕੋਲ ਆਥਣ ਤੇ

ਕਿਸੇ ਦੇ ਨੈਣਾਂ ਦੀ ਰੌਣਕ