ਜਿਹੋ ਜਿਹਾ ਉਪਰ, ਤਿਹੋ ਜਿਹਾ ਥੱਲੇ

ਜਿਹੋ ਜਿਹਾ ਅੰਦਰ, ਤਿਹੋ ਜਿਹਾ ਬਾਹਰ

-ਦ ਇਮਰਾਲਡ ਟੈਬਲੇਟ, ਲਗਭਗ 3000 ਈ. ਪੂ.

ਇਹ ਪੁਸਤਕ ਤੁਹਾਨੂੰ ਸਮਰਪਿਤ ਹੈ

 

ਆਸ ਕਰਦੀ ਹਾਂ ਕਿ 'ਰਹੱਸ ਤੁਹਾਡੇ ਸਾਰੇ ਜੀਵਨ ਨੂੰ

ਪ੍ਰੇਮ ਤੇ ਖੁਸ਼ੀਆਂ ਨਾਲ ਭਰ ਦੇਵੇਗਾ।

 

ਤੁਹਾਡੇ ਅਤੇ ਸਾਰੀ ਦੁਨੀਆ ਲਈ

ਮੇਰੀ ਇਹੀ ਕਾਮਨਾ ਹੈ।

ਵਿਸ਼ਾ - ਸੂਚੀ

ਪ੍ਰਸਤਾਵਨਾ

ਆਭਾਰ

ਰਹੱਸ ਪ੍ਰਗਟ ਹੁੰਦਾ ਹੈ

ਰਹੱਸ ਦਾ ਸੌਖਾਕਰਣ

ਰਹੱਸ ਦਾ ਉਪ੍ਯੋਗ ਕਿਵੇਂ

ਸਸ਼ਕਤ ਪ੍ਰਤੀਕਿਰਿਆਵਾਂ

ਧਨ ਦਾ ਰਹੱਸ

ਸੰਬੰਧਾਂ ਦਾ ਰਹੱਸ

ਸਿਹਤ ਦਾ ਰਹੱਸ

ਸੰਸਾਰ ਦਾ ਰਹੱਸ

ਤੁਹਾਡੇ ਲਈ ਰਹੱਸ

ਜੀਵਨ ਦਾ ਰਹੱਸ

ਜੀਵਨੀਆਂ 

ਪ੍ਰਸਤਾਵਨਾ

ਇਕ ਸਾਲ ਪਹਿਲਾਂ ਮੇਰੀ ਜ਼ਿੰਦਗੀ ਬਿਖਰ ਗਈ ਸੀ। ਕੰਮ ਦੇ ਥਕੇਵੇਂ ਬਹੁਤ ਜਿਆਦਾ ਸਨ, ਮੇਰੇ ਪਿਤਾ ਜੀ ਅਚਣਚੇਤ ਹੀ ਕਾਲਵਸ ਹੋ ਗਏ ਸਨ ਅਤੇ ਸਹਿਕਰਮੀਆਂ ਤੇ ਸਨੇਹੀ ਲੋਕਾਂ ਨਾਲ ਮੇਰੇ ਸੰਬੰਧ ਕਾਫ਼ੀ ਨਿਰਾਸ਼ਾਪੂਰਨ ਸਨ। ਉਸ ਵੇਲੇ ਮੈਨੂੰ ਇਹ ਪਤਾ ਨਹੀਂ ਸੀ ਕਿ ਮੇਰੀ ਇਸ ਡੂੰਘੀ ਨਿਰਾਸ਼ਾ ਨਾਲ ਹੀ ਮੈਨੂੰ ਜਿੰਦਗੀ ਦਾ ਸਭ ਤੋਂ ਵੱਡਾ ਤੋਹਫਾ ਮਿਲੇਗਾ।

ਮੈਨੂੰ ਅਚਣਚੇਤ ਹੀ ਇਕ ਮਹਾਨ ਰਹੱਸ - ਜੀਵਨ ਦੇ ਰਹੱਸ - ਦਾ ਝਲਕ ਮਿਲੀ। ਇਹ ਝਲਕ ਸੌ ਸਾਲ ਪੁਰਾਣੀ ਇਕ ਪੁਸਤਕ ਤੋਂ ਮਿਲੀ, ਜਿਹੜੀ ਮੇਰੀ ਧੀ ਹੇਲੀ ਨੇ ਮੈਨੂੰ ਦਿੱਤੀ ਸੀ। ਇਸ ਤੋਂ ਬਾਅਦ ਮੈਂ ਇਸ ਰਹੱਸ ਨੂੰ ਇਤਿਹਾਸ ਵਿਚ ਲੱਭਿਆ। ਮੈਂ ਇਹ ਜਾਣ ਕੇ ਹੈਰਾਨ ਰਹਿ ਗਈ ਕਿ ਬਹੁਤ ਸਾਰੇ ਲੋਕਾਂ ਨੂੰ ਇਸ ਰਹੱਸ ਦਾ ਗਿਆਨ ਸੀ। ਉਹ ਇਤਿਹਾਸ ਦੇ ਮਹਾਨਤਮ ਵਿਅਕਤੀ ਸਨ : ਪਲੈਟੋ, ਸ਼ੈਕਸਪੀਅਰ, ਨਿਊਟਨ, ਹਿਯੋਗੋ, ਬੀਥੋਵਾਨ, ਲਿੰਕਨ, ਐਮਰਸਨ, ਐਡੀਸਨ, ਆਇਨਸਟੀਨ ।

ਹੈਰਾਨੀ ਨਾਲ ਮੈਂ ਆਪਣੇ-ਆਪ ਨੂੰ ਪੁੱਛਿਆ, " ਹਰ ਇਨਸਾਨ ਇਹ ਰਹੱਸ ਕਿਉਂ ਨਹੀਂ ਜਾਣਦਾ ਹੈ?" ਇਸ ਰਹੱਸ ਨੂੰ ਦੁਨੀਆ ਦੇ ਹਰ ਇਨਸਾਨ ਤਕ ਪਹੁੰਚਾਣ ਦੀ ਇੱਛਾ ਮੇਰੇ ਅੰਦਰ ਅੱਗ ਵਾਂਗ ਮੱਚਣ ਲੱਗੀ। ਫਿਰ ਮੈਂ ਵਰਤਮਾਨ ਯੁਗ ਦੇ ਉਨ੍ਹਾਂ ਲੋਕਾਂ ਨੂੰ ਲੱਭਣ ਵਿਚ ਤਤਪਰ ਹੋਈ, ਜਿਨ੍ਹਾਂ ਨੂੰ ਇਸ ਰਹੱਸ ਦਾ ਗਿਆਨ ਸੀ।

ਉਹ ਇਕ-ਇਕ ਕਰਕੇ ਪ੍ਰਗਟ ਹੋਣ ਲੱਗੇ। ਮੈਂ ਜਿਵੇਂ ਚੁੰਬਕ ਬਣ ਗਈ ਸੀ। ਮੇਰੀ ਖੋਜ ਅਰੰਭ ਹੁੰਦੇ ਹੀ ਮਾਹਿਰ ਇਕ ਤੋਂ ਬਾਅਦ ਇਕ ਮੇਰੇ ਵੱਲ ਖਿੱਚਦੇ ਚਲੇ ਆਏ। ਇਕ ਟੀਚਰ ਮਿਲਣ ਤੋਂ ਬਾਅਦ ਮੈਨੂੰ ਆਪਣੇ-ਆਪ ਦੂਜੇ ਟੀਚਰ ਦੀ ਲੜੀ ਮਿਲਦੀ ਚਲੀ ਗਈ, ਜਿਵੇਂ ਇਕ ਉੱਤਮ ਜੰਜੀਰ 'ਚ ਹੁੰਦਾ

ਹੈ। ਜੇਕਰ ਮੈਂ ਭਟਕ ਕੇ ਗਲਤ ਰਾਹ 'ਤੇ ਪੁੱਜ ਜਾਂਦੀ, ਤਾਂ ਕੋਈ ਦੂਜੀ ਚੀਜ਼ ਮੇਰਾ ਧਿਆਨ ਖਿੱਚ ਲੈਂਦੀ ਸੀ ਤੇ ਅਗਲਾ ਮਹਾਨ ਟੀਚਰ ਪ੍ਰਗਟ ਹੋ ਜਾਂਦਾ ਸੀ। ਜੇਕਰ ਮੈਂ ਇੰਟਰਨੇਟ ਸਰਚ ਕਰਣ ਵੇਲੇ 'ਸੰਜੋਗਵਸ" ਗਲਤ ਲਿੰਕ ਦਬ ਦੇਂਦੀ, ਤਾਂ ਉਹ ਲਿੰਕ ਮੈਨੂੰ ਕਿਸੇ ਮਹੱਤਵਪੂਰਨ ਜਾਣਕਾਰੀ ਵਲ ਲੈ ਜਾਂਦੀ ਸੀ। ਕੁੱਝ ਹੀ ਹਫਤਿਆਂ 'ਚ ਮੈਂ ਇਸ ਰਹੱਸ ਦੀ ਸਦੀਆਂ ਲੰਮੀ ਯਾਤਰਾ ਦਾ ਨਕਸ਼ਾ ਲੱਭ ਲਿਆ ਅਤੇ ਇਸਦੇ ਵਰਤਮਾਨ ਪ੍ਰਯੋਗਕਰਤਾਵਾਂ ਨੂੰ ਵੀ ਲੱਭ ਲਿਆ।

ਫ਼ਿਲਮ ਰਾਹੀਂ ਇਸ ਰਹੱਸ ਨੂੰ ਦੁਨੀਆਂ ਤਕ ਪਹੁੰਚਾਣ ਦਾ ਸੁਫਨਾ ਮੇਰੇ ਦਿਮਾਗ਼ 'ਚ ਬੈਠ ਗਿਆ। ਅਗਲੇ ਦੋ ਮਹੀਨਿਆਂ ਤਕ ਮੇਰੀ ਫਿਲਮ ਤੇ ਟੈਲੀਵਿਜ਼ਨ ਪ੍ਰਾਡੱਕਸ਼ਨ ਟੀਮ ਨੇ ਇਹ ਰਹੱਸ ਸਿੱਖਿਆ। ਟੀਮ ਦੇ ਹਰ ਮੈਂਬਰ ਲਈ ਇਸ ਰਹੱਸ ਦਾ ਗਿਆਨ ਲਾਜ਼ਮੀ ਸੀ, ਕਿਉਂਕਿ ਅਸੀਂ ਜਿਹੜੇ ਕੰਮ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸੀ, ਉਹ ਇਸ ਦੇ ਗਿਆਨ ਦੇ ਬਿਨਾਂ ਅਸੰਭਵ ਸੀ।

ਉਸ ਸਮੇਂ ਤਕ ਇਕ ਵੀ ਟੀਚਰ ਨੇ ਇਸ ਫਿਲਮ ਲਈ ਆਪਣੀ ਸਹਿਮਤੀ ਨਹੀਂ ਦਿੱਤੀ ਸੀ, ਲੇਕਿਨ ਚਿੰਤਾ ਦੀ ਕੋਈ ਗੱਲ ਨਹੀਂ ਸੀ, ਕਿਉਂਕਿ ਅਸੀਂ ਰਹੱਸ ਜਾਣਦੇ ਸੀ। ਪੂਰੇ ਵਿਸ਼ਵਾਸ ਨਾਲ ਮੈਂ ਆਸਟ੍ਰੇਲੀਆ ਤੋਂ ਅਮਰੀਕਾ ਪੁੱਜ ਗਈ, ਕਿਉਂਕਿ ਜ਼ਿਆਦਾਤਰ ਟੀਚਰਜ ਉੱਥੇ ਹੀ ਰਹਿੰਦੇ ਸਨ। ਸੱਤ ਹਫਤਿਆਂ ਬਾਅਦ ਦ ਸੀਕ੍ਰਿਟ ਦੀ ਟੀਮ ਨੇ ਅਮਰੀਕਾ ਦੇ ਪਚਵੰਜਾ ਮਹਾਨਤਮ ਟੀਚਰਜ ਦੀ ਰਿਕਾਰਡਿੰਗ ਕਰ ਲਈ ਅਤੇ 120 ਘੰਟੇ ਲੰਮੀ ਫਿਲਮ ਤਿਆਰ ਕਰ ਲਈ। ਦ ਸੀਕ੍ਰਿਟ ਫਿਲਮ ਬਨਾਉਣ ਵੇਲੇ ਅਸੀਂ ਹਰ ਕਦਮ, ਹਰ ਸਾਹ ਨਾਲ ਰਹੱਸ ਦਾ ਇਸਤੇਮਾਲ ਕੀਤਾ। ਇੰਜ ਲੱਗ ਰਿਹਾ ਸੀ, ਜਿਵੇਂ ਅਸੀਂ ਹਰ ਚੀਜ਼ ਤੇ ਹਰ ਵਿਅਕਤੀ ਨੂੰ ਚੁੰਬਕ ਵਾਂਗ ਆਪਣੇ ਵੱਲ ਖਿੱਚ ਰਹੀ ਸੀ। ਆਖਿਰਕਾਰ ਅੱਠ ਮਹੀਨਿਆਂ ਬਾਅਦ ਦ ਸੀਕ੍ਰਿਟ ਫਿਲਮ ਰੀਲੀਜ਼ ਹੋ ਗਈ।

ਜਦੋਂ ਫਿਲਮ ਦੁਨੀਆਂ ਭਰ ਵਿਚ ਹਰਮਨ-ਪਿਆਰੀ ਹੋਈ, ਤਾਂ ਚਮਤਕਾਰ ਦੀ ਕਹਾਣੀਆਂ ਦਾ ਹੜ੍ਹ ਹੀ ਆ ਗਿਆ। ਲੋਕਾਂ ਨੂੰ ਸਾਨੂੰ ਦੱਸਿਆ ਕਿ ਰਹੱਸ ਦਾ ਪ੍ਰਯੋਗ ਕਰਨ ਤੋਂ ਬਾਅਦ ਉਨ੍ਹਾਂ ਦੇ ਸਦੀਵੀ ਦਰਦ, ਡਿਪ੍ਰੈਸ਼ਨ ਤੇ ਬੀਮਾਰੀਆਂ ਤੋਂ ਛੁਟਕਾਰਾ ਮਿਲ ਗਿਆ ਜਾਂ ਐਕਸੀਡੈਂਟ ਤੋਂ ਬਾਅਦ ਉਹ ਪਹਿਲੀ ਵਾਰ ਚੱਲ ਪਏ, ਇੱਥੋਂ ਤਕ ਕਿ ਮਿਰਤੂ ਬੈਡ `ਤੇ ਪਏ ਹੋਣ ਦੇ ਬਾਵਜੂਦ ਉਹ ਠੀਕ ਹੋ ਗਏ। ਸਾਨੂੰ ਹਜ਼ਾਰਾਂ ਹੀ ਪ੍ਰਸੰਗ ਦੱਸੇ ਗਏ ਕਿ ਸਾਡੀ ਫਿਲਮ ਵਿਚ ਦੱਸੇ ਗਏ ਰਹੱਸ ਦਾ ਪ੍ਰਯੋਗ ਕਰ ਕੇ ਲੋਕਾਂ ਨੂੰ ਕਿਵੇਂ ਬਹੁਤ ਵੱਡੀ ਰਕਮ ਅਤੇ ਡਾਕ ਤੋਂ ਅਚਣਚੇਤ ਚੈਕ ਪ੍ਰਾਪਤ ਕੀਤੇ। ਇਸ ਰਹੱਸ ਦਾ ਪ੍ਰਯੋਗ

ਕਰਕੇ ਲੋਕਾਂ ਨੇ ਆਦਰਸ਼ ਮਕਾਨ, ਜੀਵਨਸਾਥੀ, ਕਾਰ, ਨੌਕਰੀਆਂ ਅਤੇ ਪ੍ਰਮੋਸ਼ਨ ਪਾਏ। ਰਹੱਸ ਨੂੰ ਲਾਗੂ ਕਰਣ ਦੇ ਚੰਦ ਦਿਨਾਂ ਹੀ ਅੰਦਰ ਕਈ ਕੰਪਨੀਆਂ ਦੀ ਕਾਇਆ-ਕਲਪ ਹੋ ਗਈ। ਪਤੀ-ਪਤਨੀ ਦੇ ਤਣਾਅਪੂਰਨ ਸੰਬੰਧਾਂ ਦੇ ਵਧੀਆ ਹੋਣ ਦੀਆਂ ਕਹਾਣੀਆਂ ਵੀ ਸਾਨੂੰ ਮਿਲੀਆਂ, ਜਿਸ ਨਾਲ ਬੱਚਿਆਂ ਨੂੰ ਦੁਬਾਰਾ ਸਦਭਾਵ ਦਾ ਮਾਹੌਲ ਮਿਲ ਸਕਿਆ।

ਸਾਨੂੰ ਮਿਲਣ ਵਾਲੀ ਸਭ ਤੋਂ ਵਧੀਆਂ ਕਹਾਣੀਆਂ ਬੱਚਿਆਂ ਬਾਰੇ ਸਨ। ਸਾਨੂੰ ਦੱਸਿਆ ਗਿਆ ਕਿ ਕਿਸ ਤਰ੍ਹਾਂ ਬੱਚਿਆਂ ਨੇ ਰਹੱਸ ਦਾ ਇਸਤੇਮਾਲ ਕਰ ਆਪਣੀ ਮਨਚਾਹੀ ਚੀਜ਼ ਨੂੰ ਆਕਰਸ਼ਤ ਕਰ ਲਿਆ। ਜਿਨ੍ਹਾਂ 'ਚੋਂ ਚੰਗੇ ਗ੍ਰੈਡ ਤੇ ਦੋਸਤ ਸ਼ਾਮਿਲ ਸਨ। ਰਹੱਸ ਨੇ ਡਾਕਟਰਾਂ ਨੂੰ ਪ੍ਰੇਰਿਤ ਕੀਤਾ ਕਿ ਉਹ ਆਪਣੇ ਮਰੀਜ਼ਾਂ ਨਾਲ ਆਪਣਾ ਗਿਆਨ ਵੰਡਣ ਲੱਗੇ। ਇਸ ਨਾਲ ਯੂਨੀਵਰਸਿਟੀਆਂ ਤੇ ਸਕੂਲਾਂ ਨੂੰ ਆਪਣੇ ਵਿਦਿਆਰਥੀਆਂ ਨਾਲ, ਹੈਲਥ ਕਲੱਬਜ ਨੂੰ ਆਪਣੇ ਗਾਹਕਾਂ ਨਾਲ, ਸਾਰੇ ਚਰਚਾਂ ਤੇ ਅਧਿਆਤਮਿਕ ਕੇਂਦਰਾਂ ਨੂੰ ਆਪਣੇ ਮੈਂਬਰਾਂ ਨਾਲ ਆਪਣਾ ਗਿਆਨ ਵੰਡਣ ਲਈ ਪ੍ਰੇਰਿਤ ਕੀਤਾ। ਦੁਨੀਆਂ ਭਰ ਦੇ ਘਰਾਂ ਵਿਚ ਸੀਕ੍ਰਿਟ ਪਾਰਟੀਆਂ ਆਯੋਜਿਤ ਕੀਤੀਆਂ ਗਈਆਂ, ਜਿਥੇ ਲੋਕਾਂ ਨੇ ਆਪਣੇ ਸਨੇਹੀਆਂ ਤੇ ਪਰਿਵਾਰਾਂ ਨੂੰ ਇਹ ਰਹੱਸ ਸਿਖਾਇਆ। ਲੋਕਾਂ ਨੇ ਇਸ ਰਹੱਸ ਦੇ ਪ੍ਰਯੋਗ ਨਾਲ ਹਰ ਤਰ੍ਹਾਂ ਦੀ ਚੀਜ਼ ਨੂੰ ਆਕਰਸ਼ਿਤ ਕੀਤਾ ਹੈ - ਜਿਨ੍ਹਾਂ 'ਚ ਇਕ ਖਾਸ ਖੰਬ ਤੋਂ ਲੈ ਕੇ ਇਕ ਕਰੋੜ ਡਾਲਰ ਤੱਕ ਦੀ ਰਕਮ ਸ਼ਾਮਿਲ ਹੈ। ਇਹ ਸਾਰਾ ਕੁੱਝ ਫਿਲਮ ਦੇ ਰਿਲੀਜ ਹੋਣ ਦੇ ਚੰਦ ਮਹੀਨਿਆਂ ਦੇ ਅੰਦਰ ਹੀ ਹੋ ਗਿਆ।

ਦ ਸੀਕ੍ਰਿਟ ਬਨਾਉਣ ਪਿੱਛੇ ਮੇਰਾ ਇਰਾਦਾ ਦੁਨੀਆਂ ਭਰ ਦੇ ਖਰਬਾਂ ਲੋਕਾਂ ਨੂੰ ਸੁਖੀ ਬਨਾਉਣਾ ਸੀ - ਅਤੇ ਹੈ। ਸਾਡੀ ਟੀਮ ਹਰ ਦਿਨ ਇਸ ਇਰਾਦੇ ਨੂੰ ਸਾਕਾਰ ਹੁੰਦੇ ਦੇਖ ਰਹੀ ਹੈ। ਸਾਨੂੰ ਸਾਰੀ ਦੁਨੀਆ ਦੇ ਹਰ ਉਮਰ, ਜਾਤਿ ਅਤੇ ਦੇਸ਼ ਦੇ ਹਜ਼ਾਰਾਂ ਲੋਕਾਂ ਦੀਆਂ ਚਿੱਠੀਆਂ ਮਿਲਦੀਆਂ ਹਨ, ਜਿਨ੍ਹਾਂ 'ਚ ਉਹ ਰਹੱਸ ਦੇ ਪ੍ਰਤੀ ਆਪਣੀ ਕ੍ਰਿਤਗਤਾ ਵਿਅਕਤ ਕਰਦੇ ਹਨ। ਇਸ ਗਿਆਨ ਨਾਲ ਤੁਸੀਂ ਕੁੱਝ ਵੀ ਕਰ ਸਕਦੇ ਹੋ। ਇਹੋ ਜਿਹੀ ਇਕ ਵੀ ਚੀਜ ਨਹੀਂ ਹੈ, ਜਿਹੜੀ ਤੁਸੀਂ ਨਹੀਂ ਕਰ ਸਕਦੇ। ਇਕ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਤੁਸੀਂ ਕੌਣ ਹੋ ਜਾਂ ਤੁਸੀਂ ਕਿੱਥੇ ਰਹਿੰਦੇ ਹੈ, ਦ ਸੀਕ੍ਰਿਟ ਵਿਚ ਦੱਸਿਆ ਗਿਆ ਰਹੱਸ ਤੁਹਾਨੂੰ ਹਰ ਉਹ ਚੀਜ ਦੇ ਸਕਦਾ ਹੈ, ਜਿਹੜੀ ਤੁਸੀਂ ਚਾਹੁੰਦੇ ਹੋ।

ਇਸ ਪੁਸਤਕ ਵਿਚ ਚੌਵੀਂ ਅਦਭੁੱਤ ਟੀਚਰਜ਼ ਨੂੰ ਫ਼ੀਚਰ ਕੀਤਾ ਗਿਆ ਹੈ। ਉਨ੍ਹਾਂ ਦੇ ਸ਼ਬਦ ਵੱਖ-ਵੱਖ ਸਮੇਂ ਅਮਰੀਕਾ ਦੇ ਵੱਖ-ਵੱਖ ਹਿੱਸਿਆਂ 'ਚ ਫਿਲਮਾਏ ਗਏ ਹਨ, ਲੇਕਿਨ ਉਹ ਸਾਰੇ ਇਕ ਹੀ ਸੁਰ

ਵਿਚ ਬੋਲਦੇ ਹਨ। ਇਸ ਪੁਸਤਕ 'ਚ ਰਹੱਸ ਦੇ ਟੀਚਰਜ਼ ਦੇ ਸੰਦੇਸ਼ ਦੇ ਇਲਾਵਾ ਰਹੱਸ ਦੇ ਪ੍ਰਯੋਗ ਦੀ ਚਮਤਕਾਰੀ ਕਹਾਣੀਆਂ ਵੀ ਦਿੱਤੀਆਂ ਗਈਆਂ ਹਨ। ਇਸ ਵਿਚ ਮੈਂ ਆਪਣੇ ਵੱਲੋਂ ਸਿੱਖੇ ਸਾਰੇ ਸੌਖੇ ਰਾਹ, ਟਿਪਜ ਤੇ ਸ਼ਾਰਟਕੱਟਸ ਦੱਸੇ ਹਨ, ਤਾਂ ਕਿ ਤੁਸੀਂ ਆਪਣੇ ਸੁਫਨਿਆਂ ਮੁਤਾਬਕ ਜੀਵਨ ਜੀ ਸਕੋ।

ਸਾਰੀ ਪੁਸਤਕ 'ਚ ਮੈਂ ਕਈ ਜਗ੍ਹਾਵਾਂ 'ਤੇ "ਤੁਸੀਂ" ਸ਼ਬਦ ਨੂੰ ਬੋਲਡ ਕੀਤਾ ਹੈ। ਇੰਜ ਇਸਲਈ ਕਿਉਂਕਿ ਮੈਂ ਤੁਹਾਨੂੰ ਇਹ ਮਹਿਸੂਸ ਕਰਾਉਣਾ ਚਾਹੁੰਦੀ ਸੀ ਕਿ ਮੈਂ ਇਹ ਪੁਸਤਕ ਤੁਹਾਡੇ ਲਈ ਹੀ ਲਿਖੀ ਹੈ। 'ਤੁਸੀ" ਸ਼ਬਦ ਬੋਲਡ ਹੋਣ ਦਾ ਮਤਲਬ ਇਹ ਹੈ ਕਿ ਤੁਹਾਡੇ ਨਾਲ ਵਿਅਕਤੀਗਤ ਤੌਰ ਨਾਲ ਬੋਲ ਰਹੀ ਹਾਂ। ਮੇਰਾ ਇਰਾਦਾ ਇਹ ਹੈ ਕਿ ਤੁਸੀਂ ਇਨ੍ਹਾਂ ਪੰਨਿਆਂ ਨਾਲ ਵਿਅਕਤੀਗਤ ਜੁੜਾਅ ਮਹਿਸੂਸ ਕਰੋ, ਕਿਉਂਕਿ ਇਹ ਰਹੱਸ ਤੁਹਾਡੇ ਲਈ ਹੀ ਪ੍ਰਗਟ ਕੀਤਾ ਗਿਆ।

ਇਹਨਾਂ ਪੰਨਿਆਂ ਨੂੰ ਪੜ੍ਹਨ ਤੇ ਰਹੱਸ ਨੂੰ ਸਿਖਾਉਣ ਤੋਂ ਬਾਅਦ ਤੁਸੀਂ ਇਹ ਜਾਣ ਜਾਓਗੇ ਕਿ ਤੁਸੀਂ ਆਪਣੀ ਮਨਚਾਹੀ ਚੀਜ਼ ਕਿਵੇਂ ਕਰ ਸਕਦੇ ਹੋ, ਬਣ ਸਕਦੇ ਹੋ ਜਾਂ ਪਾ ਸਕਦੇ ਹੋ। ਤੁਸੀਂ ਜਾਣ ਜਾਵੇਗਾ ਕਿ ਤੁਸੀਂ ਸਚਮੁਚ ਕੌਣ ਹੈ। ਤੁਸੀਂ ਉਸ ਸੱਚੀ ਮਹਿਮਾ ਨੂੰ ਜਾਣ ਜਾਵੋਗੇ, ਜਿਹੜਾ ਤੁਹਾਡਾ ਇੰਤਜਾਰ ਕਰ ਰਹੀ ਹੈ।

ਆਭਾਰ

ਦਿਲੋਂ ਸ਼ੁਕਰਗੁਜ਼ਾਰੀ ਨਾਲ ਮੈਂ ਹਰ ਉਸ ਵਿਅਕਤੀ ਨੂੰ ਧੰਨਵਾਦ ਦੇਣਾ ਚਾਹੁੰਦੀ ਹਾਂ, ਜਿਹੜਾ ਮੇਰੀ ਜ਼ਿੰਦਗੀ 'ਚ ਆਇਆ ਅਤੇ ਜਿਸਨੇ ਆਪਣੀ ਹੋਂਦ ਨਾਲ ਮੈਨੂੰ ਪ੍ਰੇਰਿਤ, ਉਤਸ਼ਾਹਿਤ ਤੇ ਊਰਜਾਵਾਨ ਬਣਾਇਆ।

ਮੈਂ ਉਨ੍ਹਾਂ ਲੋਕਾਂ ਪ੍ਰਤਿ ਵੀ ਆਪਣੀ ਕਿਰਤਗਤਾ ਵਿਅਕਤ ਕਰਣਾ ਚਾਹੁੰਦੀ ਹਾਂ, ਜਿਨ੍ਹਾਂ ਮੇਰੀ ਯਾਤਰਾ ਤੇ ਇਸ ਪੁਸਤਕ ਨੂੰ ਸਫਲ ਬਨਾਉਣ 'ਚ ਆਪਣਾ ਪ੍ਰਬਲ ਸਮਰਥਨ ਤੇ ਯੋਗਦਾਨ ਦਿੱਤਾ :

ਆਪਣੇ ਗਿਆਨ, ਪ੍ਰੇਮ ਤੇ ਦੈਵੀ ਸੰਦੇਸ਼ ਨੂੰ ਉਦਾਰਤਾ ਨਾਲ ਦੱਸਣ ਲਈ ਮੈਂ ਦ ਸੀਕ੍ਰਿਟ ਦੇ ਫੀਚਰਡ ਸਹਿਲੇਖਕਾਂ ਦੀ ਆਭਾਰੀ ਹਾਂ : ਜਾਨ ਅਸਾਰਾਫ, ਮਾਇਕਲ ਬਰਨਾਰਡ ਬੇਕਵਿਥ, ਲੀ ਬ੍ਰੋਅਰ, ਜੈਕ ਕੈਨਫੀਲਡ, ਡਾੱ. ਜਾੱਨ ਡੇਮਾਰਟਿਨੀ, ਮੈਰੀ ਡਾਇਮੰਡ, ਮਾਇਕ ਡੂਲੀ, ਬਾੱਬ ਡਾੱਯਲ, ਹੇਲ ਡ੍ਰਵੋਸਕਿਨ, ਮਾਰਿਸ ਗੁਡਮੈਨ, ਡਾ. ਜਾੱਨ ਗ੍ਰੇ, ਡਾ. ਜਾੱਨ ਹੇਜਲਿਨ, ਬਿਲ ਹੈਰਿਸ, ਡਾ. ਬੈਨ ਜਾੱਨਸਨ, ਲਾਰਲ ਲੈਂਜਮੀਅਰ, ਲੀਸਾ ਨਿਕੋਲੱਸ, ਬਾੱਬ ਪ੍ਰਾੱਕਟਰ, ਜੇਮਸ ਰੇ, ਡੇਵਿਡ ਸਕਰਮਰ, ਮਾਰਸੀ ਸ਼ਿਮਾੱਫ, ਡਾ. ਜੋ ਵਿਟਾਲ, ਡਾ. ਡੇਨਿਸ ਵੇਟਲੀ, ਨੀਲ ਡੋਨਾਲਡ ਵੈਲਸ ਅਤੇ ਡਾ. ਫ੍ਰੇਡ ਏਲਨ ਵੋਲਫ।

ਮੈਂ ਦ ਸੀਕ੍ਰਿਟ ਦੀ ਪ੍ਰੋਡਕਸ਼ਨ ਟੀਮ ਦੇ ਕੁਝ ਬਹੁਤ ਸ਼ਾਨਦਾਰ ਲੋਕਾਂ ਦੀ ਵੀ ਧੰਨਵਾਦੀ ਹਾਂ: ਪਾੱਲ ਹੈਰਿੰਗਟਨ, ਗਲੈਂਡਾ ਬੇਲ, ਸਕਾਈ ਬਰਨ ਤੇ ਨਿਕ ਜਾੱਰਜ। ਨਾਲ ਹੀ ਡੂ ਹੈਰੀਅਟ ਡੇਨੀਅਲ ਕੇਰ, ਡੇਮੀਅਨ ਕੋਰਬਾੱਯ ਤੇ ਉਨ੍ਹਾਂ ਸਾਰਿਆਂ ਦੀ ਵੀ, ਜਿਹੜੇ ਦ ਸੀਕ੍ਰਿਟ ਫਿਲਮ ਬਨਾਉਣ ਦੀ ਯਾਤਰਾ ਚ ਸਾਡੇ ਨਾਲ ਰਹੇ।

ਗੋਜਰ ਮੀਡੀਆ ਨੂੰ ਧੰਨਵਾਦ, ਜਿਨ੍ਹਾਂ ਨੇ ਬੇਹਤਰੀਨ ਗ੍ਰਾਫਿਕਸ ਬਣਾਏ ਤੇ ਉਨ੍ਹਾਂ 'ਚ ਰਹੱਸ ਦੀ ਭਾਵਨਾ ਵੀ ਭਰੀ : ਜੇਮਸ ਆਰਮਸਟ੍ਰਾਂਗ, ਸ਼ੇਮਸ ਹੋਰ ਅਤੇ ਏਂਡੀ ਲਿਊਸ ਨੂੰ ਧੰਨਵਾਦ।

ਦ ਸੀਕ੍ਰਿਟ ਦੇ ਸੀਈਓ ਬਾੱਬ ਰੇਨਾਨ ਨੂੰ, ਜਿਨ੍ਹਾਂ ਨੂੰ ਰੱਬ ਨੇ ਸਾਡੇ ਕੋਲ ਭੇਜਿਆ ਸੀ।

ਮਾਇਕਲ ਗਾਰਡੀਨਰ ਤੇ ਆਸਟ੍ਰੇਲੀਆ ਤੇ ਅਮਰੀਕਾ ਦੀ ਕਾਨੂੰਨੀ ਤੇ ਸਲਾਹਾਕਾਰੀ ਟੀਮ ਨੂੰ।

ਦ ਸੀਕ੍ਰਿਟ ਵੈੱਬਸਾਈਟ ਟੀਮ ਨੂੰ : ਡੈਨ ਹਾਲਿੰਗਸ, ਜਾੱਨ ਹੇਰੇਨ ਤੇ ਪਾਵਰਫੁਲ ਇੰਟੇਸ਼ਨਜ਼ ਨੂੰ, ਜਿਹੜੀ ਦ ਸੀਕ੍ਰਿਟ ਫੋਰਮ ਦਾ ਪ੍ਰਬੰਧ ਵੇਖਦੇ ਅਤੇ ਉਸ ਨੂੰ ਚਲਾਉਂਦੇ ਹਨ, ਨਾਲ ਹੀ ਫੋਰਮ 'ਤੇ ਮੌਜੂਦ ਸਾਰੇ ਅਦਭੁੱਤ ਵਿਅਕਤੀਆਂ ਨੂੰ।

ਅਤੀਤ ਦੇ ਉਨ੍ਹਾਂ ਮਹਾਨ ਅਵਤਾਰਾਂ ਤੇ ਉਪਦੇਸ਼ਕਾਂ ਨੂੰ, ਜਿਨ੍ਹਾਂ ਦੀ ਲੇਖਨੀ ਨੇ ਮੇਰੇ ਅੰਦਰ ਇੱਛਾ ਦੀ ਭੱਖਦੀ ਮਸਾਲ ਬਾਲਤੀ। ਮੈਂ ਉਨ੍ਹਾਂ ਦੀ ਮਹਾਨਤਾ ਦੀ ਓਟ 'ਚ ਚਲੀ ਹਾਂ ਅਤੇ ਉਨ੍ਹਾਂ 'ਚੋਂ ਹਰੇਕ ਦਾ ਸਨਮਾਨ ਕਰਦੀ ਹਾਂ। ਰਾੱਬਰਟ ਕਾੱਲੀਅਰ ਤੇ ਰਾੱਬਰਟ ਕਾੱਲੀਅਰ ਪਬਲੀਕੇਸ਼ਨਜ਼, ਵੈਲੇਸ ਵੇਟਲਜ, ਚਾਰਲਸ ਹਾਨੇਲ, ਜੋਸੈਫ ਕੈਂਪਬੇਲ ਅਤੇ ਦ ਜੋਸੇਫ ਕੈਂਪਬੇਲ ਫਾਉਂਡੇਸ਼ਨ, ਪ੍ਰੇਂਟਿਸ ਮਲਫੋਰਡ, ਜੇਨੇਵੀਵ ਬੇਹਰੇਂਡ ਤੇ ਚਾਰਲਸ ਫ਼ਿਲਮੋਰ ਨੂੰ ਉਚੇਚਾ ਧੰਨਵਾਦ।

ਏਟ੍ਰੀਆ ਬੂਕਸ/ਬਿਯੋਂਡ ਵਰਡਜ਼ ਦੇ ਰਿਚਰਡ ਕੋਹਨ ਤੇ ਸਿੰਥੀਆ ਬਲੈਕ ਅਤੇ ਸਾਇਮਨ ਐਂਡ ਸੂਸਟਰ ਦੀ ਜੂਡਿਥ ਕਰ ਨੂੰ ਧੰਨਵਾਦ, ਜਿਨ੍ਹਾਂ ਨੇ ਦਿਲ ਖੋਲ੍ਹ ਕੇ ਦ ਸੀਕ੍ਰਿਟ ਨੂੰ ਗਲੇ ਲਾਇਆ। ਸੰਪਾਦਨਾ ਲਈ ਹੈਨਰੀ ਕੋਵੀ ਤੇ ਜੂਨੀ ਸਟੀਗਰਵਾਲਟ ਨੂੰ ਧੰਨਵਾਦ।

ਆਪਣੀ ਕਹਾਣੀਆਂ ਨੂੰ ਉਦਾਰਤਾ ਨਾਲ ਦੱਸਣ ਲਈ ਮੈਂ ਇਨ੍ਹਾਂ ਦੀ ਆਭਾਰੀ ਹਾਂ : ਕੈਥੀ ਗੁਡਮੈਨ, ਸੂਜ਼ਨ ਸਲੋਟ ਤੇ ਕਾਲਿਨ ਹੈਲਮ: ਬੇਲਿਜ ਨੈਚੁਰਲ ਐਨਰਜੀ ਦੀ ਡਾਇਰੈਕਟਰ ਸੂਜਨ ਮੋਰਿਸ, ਜੀਨੀ ਮੌਕੇ ਤੇ ਜੋ ਸੁਗਰਮੈਨ ।

ਉਨ੍ਹਾਂ ਦੇ ਪ੍ਰੇਰਕ ਉਪਦੇਸ਼ ਲਈ ਡਾੱ. ਰਾੱਬਰਟ ਐਂਥਨੀ, ਜੇਰੀ ਤੇ ਐਸਥਰ ਹਿਕਸ, ਇਬਰਾਹਿਮ, ਡੇਵਿਡ ਕੈਮਰਾਨ ਗਾਇਕਾਂਡੀ, ਜਾੱਨ ਹੈਰੀਚਰਨ, ਕੈਥਰੀਨ ਪੋਂਡਰ, ਗੇ ਅਤੇ ਕੇਟੀ ਹੈਂਡ੍ਰਿਕਸ, ਸਟੀਫਨ ਐਮ.ਆਰ. ਕਵੀ, ਏਕਹਾਰਟ ਟਾੱਲ ਤੇ ਡੇਬੀ ਫੋਰਡ ਨੂੰ ਉਚੇਚਾ ਧੰਨਵਾਦ। ਉਨ੍ਹਾਂ ਦੇ ਉਦਾਰ ਸਮਰਥਨ ਲਈ ਟ੍ਰਾਂਸਫਾਰਮੈਸ਼ਨਲ ਲੀਡਰਜ ਕਾਉਂਸਿਲ ਦੀ ਮੈਂਬਰ ਕ੍ਰਿਸ ਤੇ ਜੇਨੇਟ ਏਟਵੁਡ, ਮਾਰਸੀਆ ਮਾਰਟਿਨ, ਦ ਸਪਿਰੀਟੀਚਿਉਲ ਸਿਨੇਮਾ ਸਰਕਲ, ਅਗੇਪ ਸਪਿਰੀਟਿਚਿਊਲ ਸੈਂਟਰ ਦੇ ਸਟਾਫ ਤੇ ਦ ਸੀਕ੍ਰਿਟ ਵਿਚ ਫੀਚਰ ਸਾਰੇ ਉਪਦੇਸ਼ਕਾਂ ਦੇ ਸਹਿਯੋਗੀਆਂ ਅਤੇ ਸਟਾਫ ਨੂੰ ਧੰਨਵਾਦ।

ਮੇਰੇ ਅਮੁੱਲੇ ਮਿੱਤਰਾਂ ਨੂੰ ਉਨ੍ਹਾਂ ਦੇ ਪ੍ਰੇਮ ਤੇ ਸਮਰਥਨ ਲਈ ਉਚੇਚੇ ਤੌਰ ਤੇ ਧੰਨਵਾਦ : ਮਾਰਸੀ ਕੋਲਟਨਕ੍ਰਿਲੀ, ਮਾਰਗ੍ਰੇਟ ਰੇਨਵਨ, ਏਥੇਨਾ ਗੋਲੀਆਨਿਸ ਤੇ ਜਾੱਨ ਵਾੱਕਰ, ਏਲੇਨ ਬੇਟ, ਏਡ੍ਰੀਆ ਕੀਰ ਤੇ ਮਾਇਕਲ ਅਤੇ ਕੈਂਡ੍ਰਾ ਏਬੇ। ਅਤੇ ਮੇਰੇ ਅਦਭੁੱਤ ਪਰਿਵਾਰ ਨੂੰ: ਪੀਟਰ ਬਰਨ, ਮੇਰੀ ਬਹੁਤ ਖਾਸ ਭੈਣਾਂ ਨੂੰ: ਜੈਨ ਚਾਇਲਡ ਨੂੰ ਇਸ ਪੁਸਤਕ 'ਚ ਉਨ੍ਹਾਂ ਦੀ ਅਮੁੱਲੀ ਮਦਦ ਲਈ, ਪਾਲਿਨ ਵਰਨਾੱਨ, ਕਾਏ ਆਇਜਨ (ਮਰਹੂਮ), ਅਤੇ ਗਲੇਂਡਾ ਬੇਲ ਨੂੰ, ਜਿਹੜੀ ਹਮੇਸਾ ਮੇਰੇ ਨਾਲ ਹੈ ਅਤੇ ਜਿਨ੍ਹਾਂ ਦੇ ਪਿਆਰ ਤੇ ਸਹਿਯੋਗ ਦੀ ਕੋਈ ਸੀਮਾ ਨਹੀਂ ਹੈ। ਮੇਰੀ ਹਿੰਮਤੀ ਮਾਂ, ਆਇਰੀਨ ਆਇਜ਼ਨ ਅਤੇ ਮੇਰੇ ਪਿਤਾ ਰੋਨਾਲਡ ਆਇਜ਼ਨ ਦੀ ਯਾਦ 'ਚ, ਜਿਨ੍ਹਾਂ ਦੇ ਪਿਆਰ ਦੀ ਰੌਸ਼ਨੀ ਹੁਣ ਵੀ ਸਾਡੇ ਜੀਵਨ ਨੂੰ ਰੌਸ਼ਨ ਕਰਦੀ ਹੈ।

ਤੇ ਅੰਤ ਵਿਚ ਮੈਂ ਆਪਣੀ ਧੀਆਂ ਹੇਲੀ ਤੇ ਸਕਾਈ ਬਰਨ ਦੀ ਆਭਾਰੀ ਹਾਂ। ਹੇਲੀ ਮੇਰੇ ਜ਼ਿੰਦਗੀ ਤੇ ਇਸ ਦੀ ਸੱਚੀ ਯਾਤਰਾ ਲਈ ਜਿੰਮੇਵਾਰ ਸੀ। ਸਕਾਈ ਇਸ ਪੁਸਤਕ ਦੀ ਰਚਨਾ 'ਚ ਹਮੇਸ਼ਾ ਮੇਰੇ ਨਾਲ ਰਹੀ ਅਤੇ ਉਸਨੇ ਮੇਰੇ ਸ਼ਬਦਾਂ ਨੂੰ ਬਹੁਤ ਚੰਗੀ ਤਰ੍ਹਾਂ ਸੰਪਾਦਤ ਤੇ ਰੂਪਾਂਤਰਿਤ ਕੀਤਾ। ਮੇਰੀ ਧੀਆਂ ਮੇਰੇ ਜੀਵਨ 'ਚ ਅਮੁੱਲੀਆਂ ਰਤਨ ਹਨ ਅਤੇ ਉਹ ਆਪਣੀ ਮੌਜੂਦਗੀ ਨਾਲ ਹੀ ਮੇਰੀ ਹਰ ਸਾਹ ਨੂੰ ਮਹਿਕਾ ਦਿੰਦੀਆਂ ਹਨ।

ਰਹੱਸ ਪ੍ਰਗਟ ਹੁੰਦਾ ਹੈ

ਬਾੱਬ ਪ੍ਰਾੱਕਟਰ

ਦਾਰਸ਼ਨਿਕ, ਲੇਖਕ ਅਤੇ ਵਿਅਕਤੀਗਤ ਮਾਰਗਦਰਸ਼ਕ

ਰਹੱਸ ਨਾਲ ਤੁਹਾਨੂੰ ਆਪਣੀ ਹਰ ਮਨਚਾਹੀ ਚੀਜ਼ ਮਿਲ ਜਾਂਦੀ ਹੈ : ਖੁਸੀ, ਸਿਹਤ ਅਤੇ ਦੌਲਤ ।

 

ਡਾੱ. ਜੋ ਵਿਟਾਲ

ਮੇਟਾਫ਼ਿਜ਼ਿਸ਼ੀਅਨ, ਮਾਰਕੇਟਿੰਗ ਵਿਸ਼ੇਸ਼ਗ ਅਤੇ ਲੇਖਕ

ਤੁਸੀਂ ਜੋ ਚਾਹੇ ਪਾ ਸਕਦੇ ਹੋ, ਕਰ ਸਕਦੇ ਹੋ ਜਾਂ ਬਣ ਸਕਦੇ ਹੋ ।

 

ਜਾੱਨ ਅਸਾਰਾਫ਼

ਉਦਮੀ ਅਤੇ ਕਮਾਈ ਵਿਸ਼ੇਸ਼ਗ

ਅਸੀਂ ਜਿਸ ਚੀਜ਼ ਨੂੰ ਪਾਉਣ ਦੀ ਚੋਣ ਕਰੀਏ, ਉਸ ਨੂੰ ਪਾ ਸਕਦੇ ਹਾਂ। ਇਸ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਉਹ ਚੀਜ ਕਿੰਨੀ ਵੱਡੀ ਹੈ।

ਤੁਸੀਂ ਕਿਸ ਤਰ੍ਹਾਂ ਦੇ ਮਕਾਨ ਵਿਚ ਰਹਿਣਾ ਚਾਹੁੰਦੇ ਹੋ? ਕੀ ਤੁਸੀਂ ਕਰੋੜਪਤੀ ਬਣਨਾ ਚਾਹੁੰਦੇ ਹੋ ? ਤੁਸੀਂ ਕਿਸ ਤਰ੍ਹਾਂ ਦਾ ਬਿਜ਼ਨਿਸ ਬਨਾਉਣਾ ਚਾਹੁੰਦੇ ਹੋ ? ਕੀ ਤੁਸੀਂ ਜਿਆਦਾ ਸਫਲਤਾ ਚਾਹੁੰਦੇ ਹੋ ? ਅਹਿਮ ਸਵਾਲ ਇਹ ਹੈ ਕਿ ਤੁਸੀਂ ਸਚਮੁੱਚ ਕੀ ਚਾਹੁੰਦੇ ਹੋ ?

 

ਡਾੱ. ਜਾੱਨ ਡੇਮਾਰਟਿਨੀ

ਦਾਰਸ਼ਨਿਕ, ਕਾਇਰੋਪ੍ਰੈਕਟਰ, ਉਪਚਾਰਕ ਅਤੇ ਵਿਅਕਤੀਗਤ ਕਾਇਆਕਲਪ ਵਿਸ਼ੇਸ਼ਗ

ਇਹ ਜੀਵਨ ਦਾ ਮਹਾਨ ਰਹੱਸ ਹੈ।

 

ਡਾੱ. ਡੇਨਿਸ ਵੇਟਲੀ

ਮਨੋਵਿਗਿਆਨੀ ਅਤੇ ਮਾਨਸਿਕ ਸਮਰਥਾ ਟ੍ਰੇਨਰ

ਅਤੀਤ ਦੇ ਜਿਨ੍ਹਾਂ ਲੀਡਰਜ਼ ਦੇ ਕੋਲ ਰਹੱਸ ਸੀ, ਉਹ ਇਸਦੀ ਸ਼ਕਤੀ ਦਾ ਗਿਆਨ ਆਪਣੇ ਤਕ ਹੀ ਸੀਮਤ ਰਖਣਾ ਚਾਹੁੰਦੇ ਸਨ ਅਤੇ ਦੂਜਿਆਂ ਨੂੰ ਨਹੀਂ ਦੱਸਣਾ ਚਾਹੁੰਦੇ ਸੀ। ਉਨ੍ਹਾਂ ਨੇ ਇਹ ਰਹੱਸ ਲੋਕਾਂ ਨੂੰ ਨਹੀਂ ਦੱਸਿਆ। ਆਮ ਲੋਕੀ ਕੰਮ-ਧੰਧਿਆਂ 'ਤੇ ਜਾਂਦੇ ਸਨ, ਸਾਰਾ ਦਿਨ ਕੰਮ ਕਰਦੇ ਸੀ ਅਤੇ ਸਾਮੀਂ ਘਰ ਮੁੜ ਆਉਂਦੇ ਸਨ। ਉਨ੍ਹਾਂ ਦੀ ਜਿੰਦਗੀ ਇਸੇ ਚੱਕੀ 'ਤੇ ਚਲਦੀ ਸੀ ਅਤੇ ਉਨ੍ਹਾਂ ਕੋਲ ਜ਼ਰਾ ਜਿਹੀ ਵੀ ਸ਼ਕਤੀ ਨਹੀਂ ਸੀ, ਕਿਉਂਕਿ ਰਹੱਸ ਸਿਰਫ ਕੁਝ ਕੁ ਲੋਕਾਂ ਨੂੰ ਹੀ ਪਤਾ ਸੀ।

ਇਤਿਹਾਸ 'ਚ ਬਹੁਤ ਸਾਰੇ ਲੋਕਾਂ ਦੇ ਮਨਾਂ 'ਚ ਰਹੱਸ ਦਾ ਗਿਆਨ ਹਾਸਿਲ ਕਰਣ ਦੀ ਇੱਛਾ ਜਾਗਰਿਤ ਹੋਈ ਅਤੇ ਕਈ ਜਾਨਕਾਰਾਂ ਨੇ ਤਾਂ ਦੂਜਿਆਂ ਤਕ ਉਹ ਗਿਆਨ ਪਹੁੰਚਾਉਣ ਦਾ ਤਰੀਕਾ ਲੱਭਣ ਦੀ ਕੋਸ਼ਿਸ਼ ਵੀ ਕੀਤੀ।

 

ਮਾਇਕਲ ਬਰਨਾਡਰ ਬੇਕਵਿਥ

ਭਵਿਖਦ੍ਰਿਸ਼ਟਾ ਤੇ ਅਗੇਪ ਇੰਟਰਨੈਸ਼ਨਲ ਸਪਿਰਿਟਚਿਊਲ ਸੈਂਟਰ ਦੇ ਸੰਸਥਾਪਕ

ਮੈਂ ਲੋਕਾਂ ਦੇ ਜੀਵਨ 'ਚ ਕਈ ਚਮਤਕਾਰ ਹੁੰਦੇ ਦੇਖੇ ਹਨ। ਵਿਤੀ ਚਮਤਕਾਰ,

ਸਰੀਰਿਕ ਉਪਚਾਰ ਦੇ ਚਮਤਕਾਰ, ਮਾਨਸਿਕ ਉਪਚਾਰ ਅਤੇ ਸੰਬੰਧਾਂ ਦੇ ਉਪਚਾਰ ਦੇ ਚਮਤਕਾਰ।

 

ਜੈਕ ਕੈਨਫ਼ੀਲਡ

ਲੇਖਕ, ਸਿਖਿਅਕ, ਜੀਵਨ ਮਾਰਗਦਰਸ਼ਕ ਅਤੇ ਪ੍ਰੇਰਕ ਵਕਤਾ

ਇਹ ਸਾਰਾ ਕੁਝ ਇਸਲਈ ਹੋਇਆ। ਕਿਉਂਕਿ ਮੈਂ ਇਹ ਜਾਣ ਲਿਆ ਕਿ ਰਹੱਸ ਤੇ ਅਮਲ ਕਿਵੇਂ ਕਰਣਾ ਹੈ।

 

ਰਹੱਸ ਕੀ ਹੈ?

ਬਾੱਬ ਪ੍ਰਾੱਕਟਰ

ਤੁਸੀਂ ਸ਼ਾਇਦ ਇਹ ਸੋਚ-ਸੋਚ ਕੇ ਹੈਰਾਨ ਹੋ ਰਹੇ ਹੋਵੋਗੇ, "ਆਖਿਰ ਇਹ ‘ਰਹੱਸ’ ਹੈ ਕੀ ?" ਮੈਂ ਤੁਹਾਨੂੰ ਦੱਸਦਾ ਹਾਂ ਕਿ ਮੇਰੇ ਹਿਸਾਬ ਨਾਲ ਇਸ ਦਾ ਕੀ ਮਤਲਬ ਹੈ।

ਅਸੀਂ ਸਾਰੇ ਇਸ ਹੀ ਅਸੀਮਿਤ ਸ਼ਕਤੀ ਨਾਲ ਕੰਮ ਕਰਦੇ ਹਾਂ। ਇਕੋ ਜਿਹੇ ਨਿਯਮ ਸਾਡਾ ਮਾਰਗਦਰਸ਼ਨ ਕਰਦੇ ਹਨ। ਬ੍ਰਹਿਮੰਡ ਦੇ ਕੁਦਰਤੀ ਨਿਯਮ ਇੰਨੇ ਦਰੁਸਤ ਹਨ ਕਿ ਸਾਨੂੰ ਸਪੇਸਸ਼ਿਪ ਬਨਾਉਣ 'ਚ ਜ਼ਰਾ ਵੀ ਮੁਸ਼ਕਿਲ ਨਹੀਂ ਆਉਂਦੀ, ਅਸੀਂ ਲੋਕਾਂ ਨੂੰ ਚੰਨ 'ਤੇ ਭੇਜ ਸਕਦੇ ਹਾਂ ਅਤੇ ਸਾਨੂੰ ਸਪੇਸਸ਼ਿਪ ਦੇ ਉਤਰਨ ਦੇ ਪਲ ਨੂੰ ਵੀ ਸਟੀਕਤਾ ਨਾਲ ਕੰਟਰੋਲ ਕਰ ਸਕਦੇ ਹਾਂ।

ਤੁਸੀਂ ਭਾਰਤ, ਆਸਟ੍ਰੇਲੀਆ, ਨਿਊਜ਼ੀਲੈਂਡ, ਸਟਾੱਕਹੋਮ, ਲੰਡਨ, ਟੋਰੰਟੋ, ਮਾਂਟਰੀਅਲ, ਨਿਊਯਾਰਕ ਜਾਂ ਚਾਹੇ ਜਿਥੇ ਰਹਿੰਦੇ ਹੋ, ਅਸੀਂ ਸਾਰੇ ਇਕੋ ਹੀ ਸ਼ਕਤੀ, ਇਕੋ ਹੀ ਨਿਯਮ ਨਾਲ ਕੰਮ ਕਰ ਰਹੇ ਹਾਂ। ਇਸ ਦਾ ਨਾਂ ਆਕਰਸ਼ਨ ਹੈ!

ਰਹੱਸ ਆਕਰਸ਼ਨ ਦਾ ਨਿਯਮ ਹੈ!

ਤੁਹਾਡੇ ਜੀਵਨ 'ਚ ਜਿਹੜੀਆਂ ਵੀ ਚੀਜ਼ਾਂ ਆ ਰਹੀਆਂ ਹਨ, ਉਨ੍ਹਾਂ ਨੂੰ ਤੁਸੀਂ ਆਪਣੇ ਜੀਵਨ 'ਚ ਆਕਰਸ਼ਿਤ ਕਰ ਰਹੇ ਹੋ। ਅਤੇ ਉਹ ਉਹਨਾਂ ਤਸਵੀਰਾਂ ਰਾਹੀਂ ਤੁਹਾਡੇ ਵੱਲ ਆਕਰਸ਼ਿਤ ਹੋ ਰਹੀਆਂ ਹਨ, ਜਿਹੜੀਆਂ ਤੁਹਾਡੇ ਦਿਮਾਗ ਵਿਚ ਹਨ। ਭਾਵ ਜੇ ਤੁਸੀਂ ਸੋਚ ਰਹੇ ਹੋ। ਤੁਹਾਡੇ ਮਸਤਿਸ਼ਕ ਵਿਚ ਜੋ ਕੁੱਝ ਵੀ ਚੱਲ ਰਿਹਾ ਹੈ, ਉਸ ਨੂੰ ਤੁਸੀਂ ਆਪਣੇ ਵੱਲ ਆਕਰਸ਼ਿਤ ਕਰ ਰਹੇ ਹੋ।

 

"ਤੁਹਾਡਾ ਹਰ ਵਿਚਾਰ ਇਕ ਵਾਸਤਵਿਕ ਵਸਤ - ਇਕ ਸ਼ਕਤੀ ਹੈ।"

ਪ੍ਰੇਂਟਿਸ ਮਲਫ਼ੋਰਡ (1834-1891)

ਦੁਨਿਆ ਦੇ ਮਹਾਨਤਮ ਸਿੱਖਿਅਕਾਂ ਨੇ ਸਾਨੂੰ ਦੱਸਿਆ ਕਿ ਆਕਰਸ਼ਨ ਦਾ ਨਿਯਮ ਦੁਨਿਆਂ ਦਾ ਸਭ ਤੋਂ ਸ਼ਕਤੀਸ਼ਾਲੀ ਨਿਯਮ ਹੈ।

ਵਿਲੀਅਮ ਸ਼ੈਕਸਪੀਅਰ, ਰਾੱਬਰਟ ਬ੍ਰਾਊਨਿੰਗ ਅਤੇ ਵਿਲੀਅਮ ਬਲੈਕ ਨੇ ਇਸ ਨੂੰ ਆਪਣੀ ਕਵਿਤਾ 'ਚ ਸਿਖਾਇਆ ਹੈ। ਲੁਡਵਿਗ ਵੈਨ ਬੀਥੋਵਨ ਵਰਗੇ ਸੰਗੀਤਕਾਰਾਂ ਨੇ ਇਸ ਨੂੰ ਆਪਣੇ ਸੰਗੀਤ ਵਿਚ ਵਿਅਕਤ ਕੀਤਾ ਹੈ। ਲਿਓਨਾਰਦੋ ਦ ਵਿੰਚੀ ਨੇ ਇਸ ਨੂੰ ਆਪਣੀ ਪੈਟਿੰਗਜ਼ ਵਿਚ ਉਕੇਰਿਆ ਹੈ। ਸੁਕਰਾਤ, ਪਲੈਟੋ, ਰੈਲਫ ਵਾਲਡੋ ਇਮਰਸਨ, ਪਾਇਥੈਗਾਰਸ, ਸਰ ਫ਼ਰਾਂਸਿਸ ਬੇਕਨ, ਸਰ ਆਈਜੈਕ ਨਿਊਟਨ, ਜੋਹਾਨਨ ਵੋਲਫ਼ਗੈਂਗ ਵਾੱਨ ਗੇਰੇ ਅਤੇ ਵਿਕਟਰ ਹਯੂਗੋ ਨੇ ਇਸ ਨੂੰ ਆਪਣੀ ਲੇਖਨੀ ਅਤੇ ਦਰਸ਼ਨ 'ਚ ਵਿਅਕਤ ਕੀਤਾ ਹੈ। ਇਸੇ ਕਰਕੇ ਉਨ੍ਹਾਂ ਦੇ ਨਾਂ ਅਮਰ ਅਤੇ ਉਨ੍ਹਾਂ ਦੀ ਮਹਾਨਤਾ ਸਦੀਆਂ ਬਾਅਦ ਵੀ ਕਾਇਮ ਹੈ।

ਇਹ ਰਹੱਸ ਹਿੰਦੂ ਧਰਮ, ਹਰਮੈਟਿਕ ਪਰੰਪਰਾਵਾਂ, ਬੋਧ ਧਰਮ, ਯਹੂਦੀ ਧਰਮ, ਇਸਾਈ ਧਰਮ ਅਤੇ ਇਸਲਾਮ 'ਚ ਮੌਜੂਦ ਹਨ। ਇਹ ਬੈਬੀਲੋਨ ਅਤੇ ਮਿਸ਼ਰ ਦੀ ਪ੍ਰਾਚੀਨ ਸਭਿਅਤਾਵਾਂ ਦੀ ਲੇਖਨੀ ਅਤੇ ਕਹਾਣੀਆਂ 'ਚ ਦਰਸਾਇਆ ਗਿਆ ਹੈ। ਇਹ ਨਿਯਮ ਯੁਗਾਂ-ਯੁਗਾਂ ਤੋਂ ਕਈ ਰੂਪਾਂ 'ਚ ਵਿਅਕਤ ਹੁੰਦਾ ਆ ਰਿਹਾ ਹੈ ਅਤੇ ਇਸ ਨੂੰ ਸਦੀਆਂ ਪੁਰਾਣੇ ਪ੍ਰਾਚੀਨ ਗ੍ਰੰਥਾਂ 'ਚ ਪੜ੍ਹਿਆ ਜਾ ਸਕਦਾ ਹੈ। ਇਸ ਨੂੰ 3000 ਈਸਾ ਪੂਰਵ 'ਚ ਪੱਥਰਾਂ 'ਤੇ ਉਕੇਰਿਆ ਗਿਆ ਸੀ। ਹਾਲਾਂਕਿ ਕੁੱਝ ਲੋਕਾਂ ਇਸ ਰਹੱਸ ਦੇ ਗਿਆਨ ਨੂੰ ਹਾਸਿਲ ਕਰਣਾ ਚਾਹੁੰਦੇ ਸਨ ਅਤੇ ਉਨ੍ਹਾਂ ਨੇ ਇਸ ਨੂੰ ਸਚਮੁੱਚ ਹਾਸਿਲ ਵੀ ਕਰ ਲਿਆ

ਲੇਕਿਨ ਇਹ ਹਮੇਸ਼ਾ ਤੋਂ ਮੌਜੂਦ ਸੀ ਅਤੇ ਕੋਈ ਵੀ ਇਸ ਨੂੰ ਲੱਭ ਸਕਦਾ ਸੀ।

ਨਿਯਮ ਜਾਂ ਕਾਨੂੰਨ ਸਮੇਂ ਦੇ ਨਾਲ ਹੀ ਸ਼ੁਰੂ ਹੋ ਗਿਆ ਸੀ। ਇਸਦੀ ਹੋਂਦ ਹਮੇਸ਼ਾ ਤੋਂ ਸੀ ਅਤੇ ਹਮੇਸ਼ਾ ਰਹੇਗੀ ਵੀ।

ਇਹੀ ਨਿਯਮ ਬ੍ਰਹਿਮੰਡ ਦੀ ਸਮੁੱਚੀ ਵਿਵਸਥਾ, ਤੁਹਾਡੇ ਜੀਵਨ ਦੇ ਹਰ ਪਲ ਅਤੇ ਤੁਹਾਡੇ ਜੀਵਨ ਦੇ ਹਰ ਅਨੁਭਵ ਨੂੰ ਨਿਸਚਿਤ ਕਰਦਾ ਹੈ। ਇਸ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਤੁਸੀਂ ਕੋਣ ਹੋ ਜਾਂ ਤੁਸੀਂ ਕਿੱਥੇ ਹੋ। ਆਕਰਸ਼ਨ ਦਾ ਨਿਯਮ ਤੁਹਾਡੇ ਸਮੁੱਚੇ ਜੀਵਨ ਦੇ ਅਨੁਭਵਾਂ ਨੂੰ ਆਕਾਰ ਦੇ ਰਿਹਾ ਹੈ। ਇਹ ਸਭ ਤੋਂ ਪ੍ਰਬਲ ਨਿਯਮ ਤੁਹਾਡੇ ਵਿਚਾਰਾਂ ਰਾਹੀਂ ਇੰਜ ਕਰਦਾ ਹੈ। ਤੁਸੀਂ ਆਪਣੇ ਵਿਚਾਰਾਂ ਤੋਂ ਆਕਰਸ਼ਨ  ਦੇ ਇਸ ਨਿਯਮ ਨੂੰ ਅਮਲ 'ਚ ਲਿਆਉਂਦੇ ਹੋ।

1912 ਵਿਚ ਚਾਰਲਸ ਹਾਨੇਲ ਨੇ ਆਕਰਸ਼ਨ ਦੇ ਨਿਯਮ ਦਾ ਵਰਨਣ ਕਰਦਿਆਂ ਕਿਹਾ ਸੀ, "ਇਹ ਸਭ ਤੋਂ ਮਹਾਨ ਅਤੇ ਸਭ ਤੋਂ ਅਚੂਕ ਨਿਯਮ ਹੈ, ਜਿਸ 'ਤੇ ਸਿਰਜਨਾ ਦਾ ਸਮੁੱਚਾ ਤੰਤਰ ਨਿਰਭਰ ਕਰਦਾ ਹੈ।"

 

ਬਾੱਬ ਪ੍ਰਾੱਕਟਰ

ਹਰ ਯੁਗ ਦੇ ਬੁੱਧੀਮਾਨ ਲੋਕਾਂ ਨੂੰ ਇਸ ਨਿਯਮ ਦਾ ਗਿਆਨ ਸੀ। ਤੁਸੀਂ ਇਸ ਨੂੰ ਪ੍ਰਾਚੀਨ ਬੈਬੀਲੋਨੀਆ ਦੀ ਸੰਸਕ੍ਰਿਤੀ ਵਿਚ ਵੀ ਦੇਖ ਸਕਦੇ ਹੋ। ਉਨ੍ਹਾਂ ਨੂੰ ਇਸਦਾ ਗਿਆਨ ਸੀ, ਹਾਲਾਂਕਿ ਇਹ ਗਿਆਨ ਬਹੁਤ ਘੱਟ ਲੋਕਾਂ ਦੇ ਚੋਣਵੇਂ ਸਮੂਹ ਤਕ ਹੀ ਸੀਮਿਤ ਸੀ।

ਇਤਿਹਾਸਕਾਰ ਪ੍ਰਾਚੀਨ ਬੈਬੀਲੋਨ ਸੰਸਕ੍ਰਿਤੀ ਦੀ ਮਹਾਨ ਉਪਲੱਬਧੀਆਂ ਅਤੇ ਪ੍ਰਚੁਰ ਸਮਰਿਧੀ ਦਾ ਗੁਣਗਾਨ ਕਰਦੇ ਨਹੀਂ ਥੱਕਦੇ। ਵਿਸ਼ਵ ਦੇ ਸੱਤ ਅਜੂਬਿਆਂ 'ਚੋਂ ਇਕ ਹੈਂਗਿੰਗ ਗਾਰਡਨਜ਼ ਇਸੇ ਸੰਸਕ੍ਰਿਤੀ ਦੀ ਦੇਣ ਸਨ। ਇਸ ਕੌਮ ਨੇ ਬ੍ਰਹਿਮੰਡ ਦੇ ਨਿਯਮਾਂ ਨੂੰ ਸਮਝਿਆ ਅਤੇ ਉਨ੍ਹਾਂ 'ਤੇ ਅਮਲ ਕੀਤਾ। ਇਸੇ ਕਰਕੇ ਇਹ ਇਤਿਹਾਸ ਦੀ ਸਭ ਤੋਂ ਦੌਲਤਮੰਦ ਕੌਮਾਂ 'ਚੋਂ ਇਕ ਬਣ ਗਈ।

ਬਾੱਬ ਪ੍ਰਾੱਕਟਰ

ਕੀ ਤੁਸੀਂ ਜਾਣਦੇ ਹੋ ਕਿ ਸਿਰਫ਼ 1 ਫੀਸਦੀ ਲੋਕ ਤਕਰੀਬਨ 96 ਫੀਸਦੀ ਧਨ ਕਮਾਉਂਦੇ ਹਨ। ਕੀ ਤੁਸੀਂ ਸੋਚਦੇ ਹੋ ਕਿ ਇਹ ਸਿਰਫ਼ ਇਕ ਸੰਜੋਗ ਹੈ? ਇਹ ਤਾਂ ਪਹਿਲਾਂ ਤੋਂ ਹੀ ਨਿਰਧਾਰਿਤ ਹੈ। ਉਨ੍ਹਾਂ ਨੂੰ ਇਕ ਖਾਸ ਚੀਜ ਦਾ ਗਿਆਨ ਹੈ। ਦਰਅਸਲ ਉਨ੍ਹਾਂ ਨੂੰ ਰਹੱਸ ਦਾ ਗਿਆਨ ਹੈ ਅਤੇ ਉਹੀ ਰਹੱਸ ਹੁਣ ਤੁਹਾਨੂੰ ਦੱਸਿਆ ਜਾ ਰਿਹਾ ਹੈ।

ਇਸ ਰਹੱਸ ਦੇ ਪ੍ਰਯੋਗ ਨਾਲ ਲੋਕਾਂ ਨੇ ਆਪਣੇ ਜੀਵਨ ਵਿਚ ਦੌਲਤ ਨੂੰ ਆਕਰਸ਼ਿਤ ਕੀਤਾ ਹੈ, ਭਾਵੇਂ ਉਨ੍ਹਾਂ ਨੇ ਇਹ ਸੋਚ-ਸਮਝ ਕੇ ਕੀਤਾ ਹੋਵੇ ਜਾਂ ਅਨਜਾਣੇ 'ਚ ਹੀ। ਉਹ ਬਹੁਤਾਤ ਅਤੇ ਦੌਲਤ ਦੇ ਵਿਚਾਰ ਸੋਚਦੇ ਹਨ। ਉਹ ਆਪਣੇ ਦਿਮਾਗ਼ ਵਿਚ ਕਿਸੇ ਵਿਰੋਧੀ ਵਿਚਾਰ ਨੂੰ ਜੜਾਂ ਨਹੀਂ ਜਮਾਉਣ ਦਿੰਦੇ ਹਨ। ਉਨ੍ਹਾਂ ਦੇ ਸਭ ਤੋਂ ਪ੍ਰਬਲ ਵਿਚਾਰ ਦੌਲਤ ਬਾਰੇ ਹੀ ਹੁੰਦੇ ਹਨ। ਉਹ ਸਿਰਫ ਦੌਲਤ ਬਾਰੇ ਹੀ ਸੋਚਦੇ ਰਹਿੰਦੇ ਹਨ ਅਤੇ ਉਨ੍ਹਾਂ ਦੇ ਦਿਮਾਗ 'ਚ ਇਸ ਤੋਂ ਇਲਾਵਾ ਹੋਰ ਕੋਈ ਚੀਜ਼ ਨਹੀਂ ਹੁੰਦੀ। ਭਾਵੇਂ ਉਨ੍ਹਾਂ ਨੂੰ ਇਸ ਗਲ ਦਾ ਅਹਿਸਾਸ ਹੋਵੇ ਜਾਂ ਨਾ ਹੋਵੇ, ਦੌਲਤ ਸਬੰਧੀ ਪ੍ਰਬਲ ਵਿਚਾਰਾਂ ਕਾਰਣ ਹੀ ਦੌਲਤ ਉਨ੍ਹਾਂ ਵਲ ਆਕਰਸ਼ਿਤ ਹੁੰਦੀਆਂ ਹਨ। ਇਹ ਅਮਲੀ ਆਕਰਸ਼ਨ ਦਾ ਨਿਯਮ ਹੈ।

ਰਹੱਸ ਅਤੇ ਅਮਲੀ ਆਕਰਸ਼ਨ ਦੇ ਨਿਯਮ ਨੂੰ ਦੱਸਣ ਦਾ ਇਕ ਉੱਤਮ ਉਦਾਹਰਨ ਇਹ ਹੈ : ਤੁਸੀਂ ਇਹੋ ਜਿਹੇ ਲੋਕਾਂ ਨੂੰ ਜਾਣਦੇ ਹੋਵੇਗੇ, ਜਿਨ੍ਹਾਂ ਨੇ ਬੜੀ ਸਾਰੀ ਦੌਲਤ ਹਾਸਿਲ ਕਰਕੇ ਗੁਆ ਦਿੱਤੀ ਲੇਕਿਨ ਕੁੱਝ ਸਮੇਂ ਬਾਅਦ ਹੀ ਦੁਬਾਰਾ ਹਾਸਿਲ ਕਰ ਲਈ। ਇੰਜ ਕਿਵੇਂ ਹੋਇਆ? ਉਨ੍ਹਾਂ ਨੂੰ ਪਤਾ ਹੋਵੇ ਜਾਂ ਨਾ, ਲੇਕਿਨ ਹੋਇਆ ਇਹ ਸੀ ਕਿ ਚੂੰਕਿ ਪਹਿਲਾਂ ਉਹ ਦੌਲਤ ਬਾਰੇ ਬੜੀ ਪ੍ਰਬਲਤਾ ਨਾਲ ਸੋਚਦੇ ਸਨ, ਇਸਲਈ ਉਹ ਉਸ ਨੂੰ ਹਾਸਿਲ ਕਰਣ ਵਿਚ ਸਫਲ ਹੋਏ। ਫਿਰ ਉਨ੍ਹਾਂ ਨੇ ਦੌਲਤ ਗਵਾਉਣ ਦੇ ਡਰਾਉਣੇ ਵਿਚਾਰਾਂ ਨੂੰ ਆਪਣੇ ਦਿਮਾਗ 'ਚ ਆਉਣ ਦਿੱਤਾ, ਜਦੋਂ ਤਕ ਕਿ ਉਹ ਪ੍ਰਬਲ ਨਹੀਂ ਬਣ ਗਏ। ਦੌਲਤ ਪਾਉਣ ਦੇ ਵਿਚਾਰਾਂ ਦਾ ਪਲੜਾ ਹਲਕਾ ਹੋ ਗਿਆ ਅਤੇ ਦੌਲਤ ਗਵਾਉਣ ਦੇ ਵਿਚਾਰਾਂ ਦਾ ਪਲੜਾ ਭਾਰੀ ਹੋ ਗਿਆ। ਇਸੇ ਕਾਰਣ ਉਨ੍ਹਾਂ ਨੇ ਦੌਲਤ ਗਵਾਂ ਦਿੱਤੀ। ਬਹਰਹਾਲ, ਦੌਲਤ ਜਾਣ ਤੋਂ ਬਾਅਦ ਇਸਦੇ ਜਾਣ ਦਾ ਡਰ ਵੀ ਗਾਇਬ ਹੋ ਗਿਆ ਅਤੇ ਉਨ੍ਹਾਂ ਨੇ ਦੌਲਤ ਦੇ ਪ੍ਰਬਲ ਵਿਚਾਰਾਂ ਨਾਲ ਤੱਕੜੀ ਦੇ ਸਕਾਰਾਤਮਕ ਪੱਲੇ ਨੂੰ ਦੁਬਾਰਾ ਭਾਰੀ ਕਰ ਲਿਆ। ਅਤੇ ਦੌਲਤ ਪਰਤ ਆਈ।

ਆਕਰਸ਼ਨ ਦਾ ਨਿਯਮ ਤੁਹਾਡੇ ਵਿਚਾਰਾਂ `ਤੇ ਪ੍ਰਤਿਕਿਰਿਆ ਕਰਦਾ ਹੈ, ਚਾਹੇ ਉਹ ਜਿਵੇਂ ਦੇ ਵੀ ਹੋਣ।

ਸਮਾਨ ਚੀਜ਼ਾਂ ਸਮਾਨ ਚੀਜ਼ਾਂ ਨੂੰ ਆਕਰਸ਼ਿਤ ਕਰਦੀਆਂ ਹਨ।

 

ਜਾੱਨ ਅਸਾਰਾਫ਼

ਆਕਰਸ਼ਨ ਦੇ ਨਿਯਮ 'ਤੇ ਅਮਲ ਕਰਣ ਦਾ ਮੇਰਾ ਸਭ ਤੋਂ ਸੌਖਾ ਤਰੀਕਾ ਇਹ ਹੈ ਕਿ ਮੈਂ ਆਪਣੇ-ਆਪ ਨੂੰ ਚੁੰਬਕ ਮੰਨ ਲੈਂਦਾ ਹਾਂ ਅਤੇ ਇਹ ਜਾਣਦਾ ਹਾਂ ਕਿ ਦੂਜਾ ਚੁੰਬਕ ਮੇਰੇ ਵੱਲ ਆਕਰਸ਼ਿਤ ਹੋਵੇਗਾ।

ਤੁਸੀਂ ਬ੍ਰਹਿਮੰਡ ਦੇ ਸਭ ਤੋਂ ਸ਼ਕਤੀਸ਼ਾਲੀ ਚੁੰਬਕ ਹੋ। ਤੁਹਾਡੇ 'ਚ ਇਹੋ ਜਿਹੀ ਚੁੰਬਕੀ ਸ਼ਕਤੀ ਹੈ, ਜਿਹੜੀ ਦੁਨੀਆਂ ਦੀ ਕਿਸੇ ਵੀ ਚੀਜ ਤੋਂ ਵੱਧ ਸ਼ਕਤੀਸ਼ਾਲੀ ਹੈ ਅਤੇ ਇਹ ਅਥਾਹ ਚੁੰਬਕੀ ਸ਼ਕਤੀ ਤੁਹਾਡੇ ਵਿਚਾਰਾਂ ਨਾਲ ਨਿਕਲਦੀਆਂ ਹਨ।

 

ਬਾੱਬ ਡਾੱਯਲ

ਲੇਖਕ ਅਤੇ ਆਕਰਸ਼ਨ ਦੇ ਨਿਯਮ ਦੇ ਮਾਹਰ

ਮੁੱਢਲੇ ਤੌਰ 'ਤੇ, ਆਕਰਸ਼ਨ ਦਾ ਨਿਯਮ ਇਹ ਕਹਿੰਦਾ ਹੈ ਕਿ ਸਮਾਨ ਚੀਜ਼ਾਂ ਸਮਾਨ ਚੀਜਾਂ ਨੂੰ ਆਕਰਸ਼ਿਤ ਕਰਦੀਆਂ ਹਨ। ਭਾਵੇਂ ਅਸੀਂ ਵਾਕਈ ਵਿਚਾਰਾਂ ਦੇ ਇਕੋ ਹੀ ਸਤਰ 'ਤੇ ਗੱਲਾਂ ਕਰ ਰਹੇ ਹਾਂ।

ਆਕਰਸ਼ਨ ਦਾ ਨਿਯਮ ਕਹਿੰਦਾ ਹੈ ਕਿ ਸਮਾਨ ਚੀਜ਼ਾਂ ਸਮਾਨ ਚੀਜ਼ਾਂ ਨੂੰ ਆਕਰਸ਼ਿਤ ਕਰਦੀਆਂ ਹਨ। ਇਸਦਾ ਮਤਲਬ ਇਹ ਹੈ ਕਿ ਜਦੋਂ ਤੁਸੀਂ ਕੋਈ ਵਿਚਾਰ ਸੋਚਦੇ ਹੋ ਤਾਂ ਤੁਸੀਂ ਉਸੇ ਵਰਗੇ ਹੋਰ ਵਿਚਾਰਾਂ ਨੂੰ ਵੀ ਆਪਣੇ ਵੱਲ ਆਕਰਸ਼ਿਤ ਕਰ ਰਹੇ ਹੁੰਦੇ ਹੋ। ਤੁਸੀਂ ਆਪਣੇ ਜੀਵਨ 'ਚ ਆਕਰਸ਼ਨ ਦੇ ਨਿਯਮ ਦੇ ਸੰਦਰਭ ਵਿਚ ਇਹ ਅਨੁਭਵ ਕੀਤਾ ਹੋਵੇਗਾ:

ਤੁਸੀਂ ਕਦੇ ਕਿਸੀ ਇਹੋ ਜਿਹੀ ਚੀਜ਼ ਬਾਰੇ ਸੋਚਦੇ ਹੋਵੋ, ਜਿਸ ਨਾਲ ਤੁਸੀਂ ਖੁਸ਼ ਨਹੀਂ ਸੀ। ਤੁਸੀਂ ਉਸਦੇ ਬਾਰੇ ਜਿੰਨਾ ਜਿਆਦਾ ਸੋਚਿਆ, ਉਹ ਉੱਨੀ ਹੀ ਜਿਆਦਾ ਬਦਤਰ ਲੱਗਣ ਲੱਗੀ। ਇੰਜ ਇਸਲਈ ਹੋਇਆ। ਕਿਉਂਕਿ ਜਦੋਂ ਤੁਸੀਂ ਲਗਾਤਾਰ ਇਕੋ ਹੀ ਵਿਚਾਰ ਸੋਚਦੇ ਹੋ ਤਾਂ ਆਕਰਸ਼ਨ ਦਾ

ਨਿਯਮ ਤੁਰੰਤ ਉਸੇ ਵਰਗੇ ਦੂਜੇ ਵਿਚਾਰ ਤੁਹਾਡੇ ਵੱਲ ਲਿਆਉਣ ਲੱਗਦਾ ਹੈ। ਕੁੱਝ ਮਿੰਟਾਂ 'ਚ ਹੀ ਤੁਹਾਡੇ ਦਿਮਾਗ ਵਿਚ ਇੰਨੇ ਸਾਰੇ ਭੈੜੇ ਵਿਚਾਰ ਭਰ ਜਾਣਗੇ ਕਿ ਸਥਿਤੀ ਪਹਿਲਾਂ ਤੋਂ ਜਿਆਦਾ ਮਾੜੀ ਦਿਖਣ ਲੱਗੇਗੀ। ਤੁਸੀਂ ਇਸ ਬਾਰੇ ਜਿੰਨਾ ਜਿਆਦਾ ਸੋਚੋਗੇ, ਉਨੇ ਹੀ ਜਿਆਦਾ ਪਰੇਸ਼ਾਨ ਹੋਵੋਗੇ।

ਹੋ ਸਕਦਾ ਹੈ, ਤੁਹਾਨੂੰ ਸਮਾਨ ਵਿਚਾਰਾਂ ਨੂੰ ਆਕਰਸ਼ਿਤ ਕਰਣ ਦਾ ਹੇਠਾਂ ਦਿੱਤਾ ਅਨੁਭਵ ਵੀ ਹੋਇਆ ਹੋਵੇ। ਹੋ ਸਕਦਾ ਹੈ, ਕੋਈ ਗਾਣਾ ਸੁਣਨ ਤੋਂ ਬਾਅਦ ਤੁਸੀਂ ਉਸ ਨੂੰ ਆਪਣੇ ਦਿਮਾਗ ਤੋਂ ਬਾਹਰ ਨਹੀਂ ਕੱਢ ਪਾਏ ਹੋਵੋ। ਉਹ ਗਾਣਾ ਤੁਹਾਡੇ ਦਿਮਾਗ 'ਚ ਵਾਰ-ਵਾਰ ਵੱਜਦਾ ਰਿਹਾ ਹੋਵੇ। ਹੋ ਸਕਦਾ ਹੈ ਤੁਹਾਨੂੰ ਪਤਾ ਵੀ ਨਾ ਹੋਵੇ, ਲੇਕਿਨ ਉਹ ਗਾਣਾ ਸੁਣਨ ਵੇਲੇ ਤੁਸੀਂ ਆਪਣਾ ਸਾਰਾ ਧਿਆਨ ਉਸ ਉੱਤੇ ਕੇਂਦ੍ਰਿਤ ਕਰ ਲਿਆ ਸੀ। ਇਸ ਤਰ੍ਹਾਂ ਕਰਕੇ ਤੁਸੀਂ ਉਸ ਗਾਣੇ ਦੇ ਵਿਚਾਰ ਵਰਗੇ ਹੋਰ ਵਿਚਾਰਾਂ ਨੂੰ ਸਸ਼ਕਤ ਤੌਰ ਤੇ ਆਕਰਸ਼ਿਤ ਕਰ ਰਹੇ ਸੀ, ਇਸਲਈ ਆਕਰਸ਼ਨ ਦਾ ਨਿਯਮ ਸਕ੍ਰਿਅ ਹੋ ਗਿਆ ਅਤੇ ਉਸ ਨੇ ਉਸ ਗਾਣੇ ਦੇ ਵਿਚਾਰ ਨਾਲ ਮਿਲਦੇ-ਜੁਲਦੇ ਵਿਚਾਰਾਂ ਨੂੰ ਤੁਹਾਡੇ ਵੱਲ ਆਕਰਸ਼ਿਤ ਕਰ ਦਿਤਾ।

 

ਜਾੱਨ ਅਸਾਰਾਫ਼

ਬਤੌਰ ਇਨਸਾਨ ਸਾਡਾ ਕੰਮ ਆਪਣੇ ਦਿਮਾਗ 'ਚ ਇਹੋ ਜਿਹੇ ਵਿਚਾਰ ਰੱਖਣਾ ਹੈ, ਜਿਨ੍ਹਾਂ ਨੂੰ ਅਸੀਂ ਚਾਹੁੰਦੇ ਹਾਂ। ਸਾਨੂੰ ਇਸ ਬਾਰੇ ਬਿਲਕੁਲ ਸਪਸ਼ਟ ਹੋਣਾ ਚਾਹੀਦਾ ਹੈ ਕਿ ਅਸੀਂ ਕੀ ਚਾਹੁੰਦੇ ਹਾਂ। ਇੰਜ ਕਰਕੇ ਅਸੀਂ ਬ੍ਰਹਿਮੰਡ ਦੇ ਮਹਾਨਤਮ ਨਿਯਮਾਂ 'ਚੋਂ ਇਕ ਨੂੰ ਸਕ੍ਰਿਅ ਕਰ ਦਿੰਦੇ ਹਾਂ, ਜਿਹੜਾ ਕਿ ਆਕਰਸ਼ਨ ਦਾ ਨਿਯਮ ਹੈ। ਤੁਸੀਂ ਜਿਸ ਬਾਰੇ ਸਭ ਤੋਂ ਜ਼ਿਆਦਾ ਸੋਚਦੇ ਹੋ, ਉਹ ਬਣ ਜਾਂਦੇ ਹੋ। ਤੁਸੀਂ ਜਿਸ ਵਸਤੂ ਜਾਂ ਵਿਅਕਤੀ ਬਾਰੇ ਸਭ ਤੋਂ ਜ਼ਿਆਦਾ ਸੋਚਦੇ ਹੋ, ਉਸ ਨੂੰ ਆਪਣੇ ਵੱਲ ਆਕਰਸ਼ਿਤ ਵੀ ਕਰਦੇ ਹੋ।

ਤੁਹਾਡਾ ਵਰਤਮਾਨ ਜੀਵਨ ਤੁਹਾਡੇ ਪੁਰਾਣੇ ਵਿਚਾਰਾਂ ਦਾ ਪਰਛਾਵਾਂ ਹੈ। ਇਸ 'ਚ ਤੁਹਾਡੇ ਕੋਲ ਮੌਜੂਦ ਸਾਰੀਆਂ ਚੰਗੀਆਂ ਚੀਜ਼ਾਂ ਸ਼ਾਮਿਲ ਹਨ ਅਤੇ ਉਹ ਚੀਜ਼ਾਂ ਵੀ, ਜਿਹੜੀਆਂ ਸ਼ਾਇਦ ਉੱਨੀਆਂ ਚੰਗੀਆਂ ਨਹੀਂ ਸਨ। ਚੂੰਕਿ ਤੁਸੀਂ ਆਪਣੇ ਵੱਲ ਉਸ ਨੂੰ ਆਕਰਸ਼ਿਤ ਕਰਦੇ ਹੋ, ਜਿਸ ਬਾਰੇ ਤੁਸੀਂ ਸਭ ਤੋਂ ਜ਼ਿਆਦਾ ਸੋਚਦੇ ਹੋ, ਇਸਲਈ ਇਹ ਆਸਾਨੀ ਨਾਲ ਪਤਾ ਚਲ ਸਕਦਾ ਹੈ ਕਿ ਜੀਵਨ ਦੇ ਹਰ ਖੇਤਰ

ਚ ਤੁਹਾਡੇ ਪ੍ਰਬਲ ਵਿਚਾਰ ਕੀ ਹਨ, ਕਿਉਂਕਿ ਉਹ ਹਕੀਕਤ 'ਚ ਬਦਲ ਚੁੱਕੇ ਹਨ। ਹੁਣ ਤੱਕ ! ਹੁਣ ਤੁਸੀਂ ਰਹੱਸ ਸਿਖ ਰਹੇ ਹੋ ਅਤੇ ਇਸ 'ਤੇ ਅਮਲ ਕਰ ਕੇ ਹਰ ਚੀਜ਼ ਬਦਲ ਸਕਦੇ ਹੋ।

 

ਬਾੱਬ ਪ੍ਰਾੱਕਟਰ

ਜੇਕਰ ਤੁਸੀਂ ਆਪਣੇ ਦਿਮਾਗ 'ਚ ਕੋਈ ਚੀਜ ਦੇਖ ਸਕੋ ਤਾਂ ਉਹ ਤੁਹਾਡੇ ਹੱਥ ਚ ਆ ਜਾਵੇਗੀ।

ਜੇਕਰ ਤੁਸੀਂ ਆਪਣੇ ਦਿਮਾਗ 'ਚ ਸੋਚ ਲਵੋ ਕਿ ਤੁਸੀਂ ਕੀ ਚਾਹੁੰਦੇ ਹੋ ਅਤੇ ਉਸ ਨੂੰ ਆਪਣਾ ਪ੍ਰਬਲ ਵਿਚਾਰ ਬਣਾ ਲਓ, ਤਾਂ ਉਹ ਚੀਜ ਤੁਹਾਡੇ ਜੀਵਨ ਵਿਚ ਪ੍ਰਗਟ ਹੋ ਜਾਵੇਗੀ।

 

ਮਾਇਕ ਡੂਲੀ

ਲੇਖਕ ਅਤੇ ਅੰਤਰ-ਰਾਸ਼ਟ੍ਰੀ ਵਕਤਾ

ਇਹ ਸਿਧਾਂਤ ਸੰਖੇਪ ਵਿਚ ਪੰਜ ਸੌਖੇ ਸ਼ਬਦਾਂ 'ਚ ਦੱਸਿਆ ਜਾ ਸਕਦਾ ਹੈ। ਵਿਚਾਰ ਚੀਜ਼ਾਂ ਬਣ ਜਾਂਦੇ ਹਨ।

ਇਸ ਸਭ ਤੋਂ ਸ਼ਕਤੀਸ਼ਾਲੀ ਨਿਯਮ ਨਾਲ ਤੁਹਾਡੇ ਵਿਚਾਰ ਤੁਹਾਡੇ ਜੀਵਨ ਦੀ ਵਸਤਾਂ ਦੇ ਰੂਪ 'ਚ ਸਾਕਾਰ ਹੋ ਜਾਂਦੀਆਂ ਹਨ। ਵਿਚਾਰ ਚੀਜਾਂ ਬਣ ਜਾਂਦੇ ਹਨ। ਇਹ ਸੂਤਰ ਵਾਰ-ਵਾਰ ਦੁਹਰਾਓ ਅਤੇ ਇਸ ਨੂੰ ਆਪਣੀ ਚੇਤਨਤਾ ਤੇ ਸੋਝੀ ਵਿਚ ਸਿੰਮ ਜਾਣ ਦਿਓ। ਤੁਹਾਡੇ ਵਿਚਾਰ ਚੀਜ਼ਾਂ ਬਣ ਜਾਂਦੇ ਹਨ!

 

ਜਾੱਨ ਅਸਾਰਾਫ਼

ਜਿਆਦਾਤਰ ਲੋਕ ਇਹ ਨਹੀਂ ਸਮਝਦੇ ਕਿ ਹਰ ਵਿਚਾਰ ਦੀ ਇਕ ਫ੍ਰੀਕਊਂਸੀ ਹੁੰਦਾ ਹੈ। ਅਸੀਂ ਵਿਚਾਰਾਂ ਨੂੰ ਮਾਪ ਸਕਦੇ ਹਾਂ। ਇਸਲਈ ਜੇਕਰ ਤੁਸੀਂ ਵਾਰ-ਵਾਰ ਇਕੋ ਹੀ ਚੀਜ਼ ਬਾਰੇ ਸੋਚ ਰਹੇ ਹੋ, ਆਪਣੇ ਦਿਮਾਗ 'ਚ ਉਸ ਅਛੂਤੀ ਨਵੀਂ ਕਾਰ ਦਾ ਮਾਲਕ ਬਣਨ ਦੀ ਕਲਪਨਾ ਕਰ ਰਹੇ ਹੋ, ਉਸ ਪੈਸੇ ਦੇ ਮਾਲਕ ਬਣਨ ਦੀ ਜਿਸਦੀ ਤੁਹਾਨੂੰ ਲੋੜ ਹੈ, ਕੰਪਨੀ ਬਨਾਉਣ ਦੀ, ਆਦਰਸ਼ ਜੀਵਨਸਾਥੀ ਪਾਣ ਦੀ... ਜੇਕਰ ਤੁਸੀਂ ਉਸ ਨੂੰ ਕਲਪਨਾ 'ਚ ਦੇਖ ਰਹੇ ਹੋ, ਤਾਂ ਤੁਸੀਂ ਉਸੇ ਫ੍ਰੀਕਊਂਸੀ ਨੂੰ ਇਕਸਾਰ ਭੇਜ ਰਹੇ ਹੋ।

ਡਾੱ. ਜੋ ਵਿਟਾਲ

ਵਿਚਾਰ ਚੁੰਬਕੀ ਸੰਕੇਤ ਭੇਜਦੇ ਹਨ, ਜਿਹੜੀ ਉਸ ਵਰਗੀ ਚੀਜ਼ ਨੂੰ ਤੁਹਾਡੇ ਵੱਲ ਆਕਰਸ਼ਿਤ ਕਰਦੇ ਹਨ।

"ਪ੍ਰਬਲ ਵਿਚਾਰ ਜਾਂ ਮਾਨਸਿਕ ਨਜਰੀਆ ਚੁੰਬਕ ਹੈ। ਨਿਯਮ ਇਹ ਹੈ ਕਿ ਸਮਾਨ ਚੀਜ਼ਾਂ ਸਮਾਨ ਚੀਜ਼ਾਂ ਵੱਲ ਆਕਰਸ਼ਿਤ ਕਰਦੀਆਂ ਹਨ। ਨਤੀਜਤਨ, ਮਾਨਸਿਕ ਨਜਰੀਆ ਸਦਾ ਆਪਣੀ ਪ੍ਰਕਿਰਤੀ ਦੇ ਅਨੁਰੂਪ ਸਥਿਤੀਆਂ ਨੂੰ ਆਕਰਸਿਤ ਕਰੇਗਾ।"

ਚਾਰਲਸ ਹਾਨੇਲ (1866-1949)

 

ਵਿਚਾਰ ਚੁੰਬਕੀ ਹੁੰਦੇ ਹਨ ਅਤੇ ਵਿਚਾਰਾਂ ਦੀ ਇਕ ਫ੍ਰੀਕਊਂਸੀ ਹੁੰਦੀ ਹੈ। ਜਦੋਂ ਤੁਸੀਂ ਸੋਚਦੇ ਹੈ, ਤਾਂ ਉਹ ਵਿਚਾਰ ਸੰਪ੍ਰੇਸਿਤ ਹੋ ਕੇ ਬ੍ਰਹਿਮੰਡ ਵਿਚ ਪਹੁੰਚ ਜਾਂਦੇ ਹਨ ਤੇ ਚੁੰਬਕ ਵਾਂਗ ਸਮਾਨ ਫ੍ਰੀਕਊਂਸੀ ਵਾਲੀਆਂ ਚੀਜ਼ਾਂ ਨੂੰ ਆਕਰਸ਼ਿਤ ਕਰਦੇ ਹਨ। ਹਰ ਭੇਜੀ ਗਈ ਚੀਜ਼ ਸ੍ਰੋਤ ਤੱਕ ਮੁੜਦੀ ਹੈ। ਤੇ ਉਹ ਸ੍ਰੋਤ ਤੁਸੀਂ ਹੋ।

ਇਸ ਬਾਰੇ ਇਸ ਤਰ੍ਹਾਂ ਸੋਚੋ : ਅਸੀਂ ਜਾਣਦੇ ਹਾਂ ਕਿ ਕਿਸੇ ਟੈਲੀਵਿਜ਼ਨ ਸਟੇਸ਼ਨ ਦਾ ਟ੍ਰਾਂਸਮੀਸ਼ਨ ਟਾਵਰ ਇਕ ਫ੍ਰੀਕਊਂਸੀ 'ਤੇ ਬ੍ਰਾਡਕਾਸਟ ਕਰਦਾ ਹੈ, ਜਿਹੜੀਆਂ ਤੁਹਾਡੇ ਟੈਲੀਵਿਜ਼ਨ ਦੀਆਂ ਤਸਵੀਰਾਂ 'ਚ ਬਦਲ ਜਾਂਦੀਆਂ ਹਨ। ਸੱਚ ਤਾਂ ਇਹ ਹੈ ਕਿ ਸਾਡੇ 'ਚੋਂ ਜ਼ਿਆਦਾਤਰ ਲੋਕ ਇਹ ਸਮਝ ਨਹੀਂ ਪਾਉਂਦੇ ਕਿ ਇਹ ਕਿਵੇਂ ਹੁੰਦਾ ਹੈ, ਪਰ ਅਸੀਂ ਇੰਨਾ ਜ਼ਰੂਰ ਜਾਣਦੇ ਹਾਂ ਕਿ ਹਰ ਚੈਨਲ ਦੀ ਇਕ ਫ੍ਰੀਕਊਂਸੀ ਹੁੰਦੀ ਹੈ ਅਤੇ ਜਦੋਂ ਅਸੀਂ ਉਸ ਫ੍ਰੀਕਊਂਸੀ 'ਤੇ ਚੈਨਲ ਸੈੱਟ ਕਰਦੇ ਹਾਂ, ਤਾਂ ਅਸੀਂ ਆਪਣੇ ਟੈਲੀਵਿਜ਼ਨ 'ਤੇ ਤਸਵੀਰਾਂ ਦੇਖਣ ਲੱਗਦੇ ਹਾਂ। ਅਸੀਂ ਚੈਨਲ ਚੁਣ ਕੇ ਫ੍ਰੀਕਊਂਸੀ ਚੁਣਦੇ ਹਾਂ ਅਤੇ ਇਸ ਤੋਂ ਬਾਅਦ ਸਾਨੂੰ ਉਸ ਚੈਨਲ 'ਤੇ ਪ੍ਰਸਾਰਿਤ ਹੋਣ ਵਾਲੀਆਂ ਤਸਵੀਰਾਂ ਮਿਲਦੀਆਂ ਹਨ। ਜੇਕਰ ਅਸੀਂ ਆਪਣੇ ਟੈਲੀਵਿਜ਼ਨ 'ਤੇ ਵੱਖਰੀਆਂ ਤਸਵੀਰਾਂ ਦੇਖਣਾ ਚਾਹੁੰਦੇ ਹਾਂ, ਤਾਂ ਅਸੀਂ ਚੈਨਲ ਬਦਲ ਦਿੰਦੇ ਹਾਂ ਅਤੇ ਉਸ ਨੂੰ ਨਵੀਂ ਫ੍ਰੀਕਊਂਸੀ 'ਤੇ ਸੈਟ ਕਰ ਦਿੰਦੇ ਹਾਂ।

ਤੁਸੀਂ ਮਾਨਵੀ ਟ੍ਰਾਂਸਮੀਸ਼ਨ ਟਾਵਰ ਹੋ ਅਤੇ ਧਰਤੀ 'ਤੇ ਬਣੇ ਕਿਸੇ ਵੀ ਟੈਲੀਵਿਜ਼ਨ ਟਾਵਰ ਤੋਂ ਜ਼ਿਆਦਾ ਸ਼ਕਤੀਸ਼ਾਲੀ। ਤੁਸੀਂ ਬ੍ਰਹਿਮੰਡ ਦੇ ਸਭ ਤੋਂ ਸ਼ਕਤੀਸ਼ਾਲੀ ਟ੍ਰਾਂਸਮਿਸ਼ਨ ਟਾਵਰ ਹੋ। ਤੁਹਾਡਾ ਟ੍ਰਾਂਸਮਿਸ਼ਨ

ਤੁਹਾਡੇ ਜੀਵਨ ਤੇ ਸੰਸਾਰ ਦੀ ਰਚਨਾ ਕਰਦਾ ਹੈ। ਤੁਹਾਡੇ ਵੱਲੋਂ ਪ੍ਰਸਾਰਿਤ ਫ੍ਰੀਕਊਂਸੀ ਸ਼ਹਿਰਾਂ, ਦੇਸ਼ਾਂ, ਸੰਸਾਰ ਦੇ ਪਾਰ ਪਹੁੰਚ ਜਾਂਦੀ ਹੈ। ਉਹ ਸਾਰੇ ਬ੍ਰਹਿਮੰਡ ਵਿਚ ਗੂੰਜਣ ਲੱਗਦੀ ਹੈ। ਅਤੇ ਉਸ ਫ੍ਰੀਕਊਂਸੀ ਨੂੰ ਤੁਸੀਂ ਆਪਣੇ ਵਿਚਾਰਾਂ ਨਾਲ ਹੀ ਪ੍ਰਸਾਰਿਤ ਕਰ ਰਹੇ ਹੋ।

ਤੁਹਾਡੇ ਵਿਚਾਰਾਂ ਦੇ ਪ੍ਰਸਾਰਣ ਨਾਲ ਤੁਹਾਨੂੰ ਜਿਹੜੀਆਂ ਤਸਵੀਰਾਂ ਮਿਲਦੀਆਂ ਹਨ, ਉਹ ਤੁਹਾਡੇ ਲਿਵਿੰਗ ਰੂਮ ਦੇ ਟੈਲੀਵਿਜ਼ਨ ਸਕ੍ਰੀਨ 'ਤੇ ਨਹੀਂ ਦਿਖਦੀਆਂ। ਉਹ ਤਸਵੀਰਾਂ ਤਾਂ ਤੁਹਾਡੇ ਜੀਵਨ 'ਚ ਦਿਖਦੀਆਂ ਹਨ! ਤੁਹਾਡੇ ਵਿਚਾਰ ਫ੍ਰੀਕਊਂਸੀ ਸੈਟ ਕਰਦੇ ਹਨ, ਉਸ ਫ੍ਰੀਕਊਂਸੀ 'ਤੇ ਮੌਜੂਦ ਸਮਾਨ ਚੀਜਾਂ ਨੂੰ ਆਕਰਸ਼ਿਤ ਕਰਦੇ ਹਨ ਅਤੇ ਫਿਰ ਤੁਹਾਡੇ ਵਿਚਾਰਾਂ ਨੂੰ ਜੀਵਨ ਦੀਆਂ ਤਸਵੀਰਾਂ ਦੇ ਤੌਰ ਤੇ ਤੁਹਾਡੇ ਵੱਲ ਪ੍ਰਸਾਰਿਤ ਕਰ ਦਿੰਦੇ ਹਨ। ਜੇਕਰ ਤੁਸੀਂ ਆਪਣੇ ਜੀਵਨ ਦੀ ਕਿਸੇ ਵੀ ਚੀਜ਼ ਨੂੰ ਬਦਲਣਾ ਚਾਹੁੰਦੇ ਹੋ, ਤਾਂ ਤੁਹਾਡੇ ਵਿਚਾਰ ਬਦਲ ਕੇ ਚੈਨਲ ਅਤੇ ਫ੍ਰੀਕਊਂਸੀ ਬਦਲ ਦਿਓ।

"ਮਾਨਸਿਕ ਸ਼ਕਤੀਆਂ ਦੀ ਥਿੜਕਣ ਬ੍ਰਹਿਮੰਡ 'ਚ ਸਭ ਤੋਂ ਵਧੀਆਂ ਤੇ ਸਭ ਤੋਂ ਸ਼ਕਤੀਸ਼ਾਲੀ ਹੁੰਦੀ ਹੈ।"

ਚਾਰਲਸ ਹਾਨੇਲ

ਬਾੱਬ ਪ੍ਰਾੱਕਟਰ

ਜੇਕਰ ਤੁਸੀਂ ਸਮਰਿੱਧ ਜੀਵਨ ਜਿਊਣ ਦੀ ਕਲਪਨਾ ਕਰੋਗੇ, ਤਾਂ ਤੁਸੀਂ ਇਸ ਨੂੰ ਆਕਰਸ਼ਿਤ ਕਰ ਲਵੋਗੇ। ਇਹ ਸਿਧਾਂਤ ਹਰ ਵਾਰ, ਹਰ ਇਨਸਾਨ ਦੇ ਮਾਮਲੇ 'ਚ ਕੰਮ ਕਰਦਾ ਹੈ।

ਜਦੋਂ ਤੁਸੀਂ ਆਪਣੇ ਸਮਰਿੱਧ ਜੀਵਨ ਦੀ ਕਲਪਨਾ ਕਰਦੇ ਹੋ, ਤਾਂ ਤੁਸੀਂ ਆਕਰਸ਼ਨ ਦੇ ਨਿਯਮ ਦੁਆਰਾ ਪ੍ਰਬਲ ਤੇ ਸਚੇਤਨ ਤੌਰ ਤੇ ਆਪਣੇ ਜੀਵਨ ਦਾ ਨਿਰਮਾਣ ਕਰ ਰਹੇ ਹੁੰਦੇ ਹੋ। ਇਹ ਕੰਮ ਇੰਨਾ ਹੀ ਸੌਖਾ ਹੈ। ਲੇਕਿਨ ਫਿਰ ਸਭ ਤੋਂ ਸਪਸ਼ਟ ਸਵਾਲ ਆਉਂਦਾ ਹੈ, "ਹਰ ਵਿਅਕਤੀ ਆਪਣੇ ਸੁਫਨਿਆਂ ਦੀ ਜ਼ਿੰਦਗੀ ਕਿਉਂ ਨਹੀਂ ਜੀ ਰਿਹਾ ਹੈ?"

ਮਾੜੇ ਦੀ ਬਜਾਇ ਚੰਗੇ ਨੂੰ ਆਕਰਸ਼ਿਤ ਕਰੋ

ਜਾੱਨ ਅਸਾਰਾਫ

ਇਹੀ ਸਮਸਿਆ ਹੈ। ਜ਼ਿਆਦਾਤਰ ਲੋਕ ਇਸ ਬਾਰੇ ਸੋਚ ਰਹੇ ਹਨ ਕਿ ਉਹ ਕੀ ਨਹੀਂ ਚਾਹੁੰਦੇ ਅਤੇ ਫਿਰ ਇਸ ਗਲ 'ਤੇ ਹੈਰਾਨ ਹੋ ਰਹੇ ਹਨ ਕਿ ਉਨ੍ਹਾਂ ਦੇ ਨਾਲ ਵਾਰ-ਵਾਰ ਮਾੜੀਆਂ ਚੀਜ਼ਾਂ ਕਿਉਂ ਹੁੰਦੀਆਂ ਹਨ।

ਲੋਕਾਂ ਨੂੰ ਉਨ੍ਹਾਂ ਦੀ ਮਨਚਾਹੀ ਚੀਜ਼ਾਂ ਨਾ ਮਿਲਣ ਦਾ ਇਕੱਲਾ ਕਾਰਣ ਇਹ ਹੈ ਕਿ ਉਹ ਇਸ ਬਾਰੇ ਜ਼ਿਆਦਾ ਸੋਚ ਰਹੇ ਹਨ ਕਿ ਉਹ ਕੀ ਨਹੀਂ ਚਾਹੁੰਦੇ ਹਨ, ਬਜਾਇ ਇਸਦੇ ਕਿ ਉਹ ਕੀ ਚਾਹੁੰਦੇ ਹਨ। ਆਪਣੇ ਵਿਚਾਰਾਂ 'ਤੇ ਗੌਰ ਕਰੋ ਅਤੇ ਆਪਣੇ ਸ਼ਬਦਾਂ ਨੂੰ ਸੁਣੋ। ਨਿਯਮ ਅਮਿੱਟ ਹਨ ਅਤੇ ਇਸ 'ਚ ਕਿਤੇ ਗ਼ਲਤੀ ਨਹੀਂ ਹੁੰਦੀ।

ਮਨੁੱਖ ਜਾਤੀ 'ਚ ਸਦੀਆਂ ਤੋਂ ਇਕ ਮਹਾਂਮਾਰੀ ਫੈਲੀ ਹੋਈ ਹੈ, ਜਿਹੜੀ ਪਲੇਗ ਤੋਂ ਜ਼ਿਆਦਾ ਬਦਤਰ ਹੈ। ਇਹ “ਨਹੀਂ ਚਾਹੁੰਦਾ” ਦੀ ਮਹਾਂਮਾਰੀ ਹੈ। ਲੋਕ ਇਸ ਮਹਾਂਮਾਰੀ ਨੂੰ ਸੁਰਜੀਤ ਰੱਖਦੇ ਹਨ, ਜਦੋਂ ਉਹ ਉਨ੍ਹਾਂ ਚੀਜ਼ਾਂ 'ਤੇ ਪ੍ਰਬਲਤਾ ਨਾਲ ਸੋਚਦੇ, ਬੋਲ੍ਹਦੇ, ਕੰਮ ਕਰਦੇ ਅਤੇ ਧਿਆਨ ਕੇਂਦ੍ਰਿਤ ਕਰਦੇ ਹਨ, ਜਿਨ੍ਹਾਂ ਨੂੰ ਉਹ "ਨਹੀਂ ਚਾਹੁੰਦੇ।” ਲੇਕਿਨ ਇਹ ਪੀੜ੍ਹੀ ਇਤਿਹਾਸ ਬਦਲ ਦੇਵੇਗੀ, ਕਿਉਂਕਿ ਸਾਨੂੰ ਉਹ ਗਿਆਨ ਮਿਲ ਰਿਹਾ ਹੈ, ਜਿਹੜਾ ਇਸ ਮਹਾਂਮਾਰੀ ਤੋਂ ਮੁਕਤੀ ਦਿਵਾ ਸਕਦਾ ਹੈ! ਇਹ ਤੁਹਾਡੇ ਤੋਂ ਅਰੰਭ ਹੁੰਦਾ ਹੈ ਅਤੇ ਤੁਸੀਂ ਇਸ ਨਵੇਂ ਵਿਚਾਰਿਕ ਆਂਦੋਲਨ ਦੇ ਆਗੂ ਬਣ ਸਕਦੇ ਹੋ, ਇਸ ਲਈ ਤੁਹਾਨੂੰ ਬਸ ਉਹ ਸੋਚਣਾ ਤੇ ਬੋਲਣਾ ਹੈ, ਜਿਹੜਾ ਤੁਸੀਂ ਚਾਹੁੰਦੇ ਹੋ।

 

ਬਾੱਬ ਡਾੱਯਲ

ਆਕਰਸ਼ਨ ਦਾ ਨਿਯਮ ਇਸ ਗਲ ਦੀ ਪਰਵਾਹ ਨਹੀਂ ਕਰਦਾ ਕਿ ਤੁਸੀਂ ਕਿਸੇ ਚੀਜ਼ ਨੂੰ ਚੰਗਾ ਮੰਨਦੇ ਹੋ ਜਾਂ ਮਾੜਾ; ਤੁਸੀਂ ਉਸਨੂੰ ਚਾਹੁੰਦੇ ਹੋ ਜਾਂ ਨਹੀਂ। ਇਹ ਨਿਯਮ ਤਾਂ ਤੁਹਾਡੇ ਵਿਚਾਰਾਂ 'ਤੇ ਪ੍ਰਤਿਕਿਰਿਆ ਕਰਦਾ ਹੈ। ਇਸਲਈ ਜੇਕਰ ਤੁਸੀਂ ਕਰਜ਼ ਦੇ ਪਹਾੜ ਨੂੰ ਦੇਖ ਕੇ ਮਾੜਾ ਮਹਿਸੂਸ ਕਰ ਰਹੇ ਹੋ, ਤਾਂ ਤੁਸੀਂ ਬ੍ਰਹਿਮੰਡ ਨੂੰ ਇਹ ਸੰਕੇਤ ਭੇਜ ਰਹੇ ਹੋ,

"ਮੈਂ ਇੰਨੇ ਭਾਰੀ ਕਰਜ਼ ਤੋਂ ਬੁਰਾ ਮਹਿਸੂਸ ਕਰ ਰਿਹਾ ਹਾਂ।" ਤੁਸੀਂ ਆਪਣੇ-ਆਪ ਨੂੰ ਇਹ ਗਲ ਦ੍ਰਿੜ੍ਹਤਾ ਨਾਲ ਕਹਿ ਰਹੇ ਹੋ। ਤੁਸੀਂ ਇਸ ਨੂੰ ਆਪਣੀ ਹੋਂਦ ਦੇ ਹਰ ਪੱਧਰ 'ਤੇ ਮਹਿਸੂਸ ਕਰ ਰਹੇ ਹੋ। ਨਤੀਜਾ : ਤੁਹਾਨੂੰ ਇਹੀ ਚੀਜ਼ ਹੋਰ ਜਿਆਦਾ ਮਿਲੇਗੀ ।

ਆਕਰਸ਼ਨ ਦਾ ਨਿਯਮ ਕੁਦਰਤੀ ਨਿਯਮ ਹੈ। ਇਹ ਨਿਰਪੱਖ ਹੈ ਤੇ ਚੰਗੀਆਂ ਜਾਂ ਮਾੜੀਆਂ ਚੀਜ਼ਾਂ ਵਿਚ ਫਰਕ ਨਹੀਂ ਕਰਦਾ। ਇਹ ਤੁਹਾਡੇ ਵਿਚਾਰਾਂ ਨੂੰ ਤੁਹਾਡੇ ਜੀਵਨ 'ਚ ਸਾਕਾਰ ਕਰ ਦਿੰਦਾ ਹੈ। ਤੁਸੀਂ ਜਿਸ ਬਾਰੇ ਵੀ ਸੋਚਦੇ ਹੋ, ਆਕਰਸ਼ਨ  ਦਾ ਨਿਯਮ ਤੁਹਾਨੂੰ ਉਹੀ ਦਿੰਦਾ ਹੈ।

 

ਲੀਸਾ ਨਿਕੋਲਸ

ਲੇਖਿਕਾ ਅਤੇ ਵਿਅਕਤੀਗਤ ਸਸ਼ਕਤੀਕਰਣ ਵਿਸ਼ੇਸ਼ਗ

ਆਕਰਸ਼ਨ ਦਾ ਨਿਯਮ ਸਚਮੁਚ ਆਗਿਆਕਾਰੀ ਹੈ। ਜਦੋਂ ਤੁਸੀਂ ਆਪਣੀ ਮਨਚਾਹੀ ਚੀਜ਼ਾਂ ਬਾਰੇ ਸੋਚਦੇ ਹੋ ਤੇ ਪੂਰੇ ਇਰਾਦੇ ਨਾਲ ਉਸ 'ਤੇ ਧਿਆਨ ਕੇਂਦ੍ਰਿਤ ਕਰਦੇ ਹੋ, ਤਾਂ ਆਕਰਸ਼ਨ ਤੁਹਾਨੂੰ ਤੁਹਾਡੀ ਮਨਚਾਹੀ ਚੀਜ ਦੇਵੇਗਾ - ਹਰ ਵਾਰ। ਜਦੋਂ ਤੁਸੀਂ ਉਨ੍ਹਾਂ ਚੀਜਾਂ 'ਤੇ ਧਿਆਨ ਕੇਂਦ੍ਰਿਤ ਕਰਦੇ ਹੋ, ਜਿਨ੍ਹਾਂ ਨੂੰ ਤੁਸੀਂ ਨਹੀਂ ਚਾਹੁੰਦੇ ਹੋ - "ਮੈਂ ਦੇਰੀ ਨਾਲ ਨਹੀਂ ਪੁੱਜਣਾ ਚਾਹੁੰਦਾ, ਮੈਂ ਦੇਰੀ ਨਾਲ ਨਹੀਂ ਪਹੁੰਚਣਾ ਚਾਹੁੰਦਾ" - ਤਾਂ ਆਕਰਸ਼ਨ ਦੇ ਨਿਯਮ ਨੂੰ ਇਹ ਸੁਣਾਈ ਨਹੀਂ ਦਿੰਦਾ ਕਿ ਤੁਸੀਂ ਇਸ ਨੂੰ ਨਹੀਂ ਚਾਹੁੰਦੇ ਹੋ। ਉਹ ਤਾਂ ਬਸ ਉਹਨਾਂ ਚੀਜ਼ਾਂ ਨੂੰ ਪ੍ਰਗਟ ਕਰ ਦਿੰਦਾ ਹੈ, ਜਿਹਨਾਂ ਬਾਰੇ ਤੁਸੀਂ ਸੋਚ ਰਹੇ ਹੋ। ਇਸਲਈ ਇੰਜ ਵਾਰ-ਵਾਰ ਤੇ ਹਰ ਵਾਰ ਹੁੰਦਾ ਹੈ। ਆਕਰਸ਼ਨ  ਦਾ ਨਿਯਮ ਇੱਛਾ ਜਾਂ ਅਨਿੱਛਾ 'ਚ ਅੰਤਰ ਨਹੀਂ ਕਰਦਾ ਹੈ। ਜਦੋਂ ਤੁਸੀਂ ਕਿਸੇ ਚੀਜ਼ 'ਤੇ ਧਿਆਨ ਕੇਂਦ੍ਰਿਤ ਕਰਦੇ ਹੋ, ਭਾਵੇਂ ਉਹ ਜਿਹੜੀ ਵੀ ਹੋਵੇ, ਤਾਂ ਤੁਸੀਂ ਦਰਅਸਲ ਉਸ ਨੂੰ ਆਪਣੇ ਜੀਵਨ 'ਚ ਸਾਕਾਰ ਕਰ ਰਹੇ ਹੋ।

ਜਦੋਂ ਤੁਸੀਂ ਆਪਣੀ ਕਿਸੇ ਮਨਚਾਹੀ ਚੀਜ਼ 'ਤੇ ਆਪਣੇ ਵਿਚਾਰ ਕੇਂਦ੍ਰਿਤ ਕਰਦੇ ਹੋ ਅਤੇ ਇਕਾਗਰਤਾ ਬਣਾਏ ਰੱਖਦੇ ਹੋ, ਤਾਂ ਤੁਸੀਂ ਉਸ ਪਲ ਸ੍ਰਿਸ਼ਟੀ ਦੀ ਸਭ ਤੋਂ ਪ੍ਰਬਲ ਸ਼ਕਤੀ ਤੋਂ ਆਪਣੀ ਮਨਚਾਹੀ ਚੀਜ਼ ਨੂੰ ਬੁਲਾਵਾ ਦੇ ਰਹੇ ਹੋ। ਆਕਰਸ਼ਨ ਦਾ ਨਿਯਮ "ਨਹੀਂ" ਜਾਂ "ਨਹੀਂ ਚਾਹੁੰਦਾ" ਜਾਂ ਕਿਸੇ ਵੀ ਤਰ੍ਹਾਂ

ਦੇ ਨਕਾਰਾਤਮਕ ਸ਼ਬਦਾਂ ਨੂੰ ਮਾਪ ਜਾਂ ਜੋਖ ਨਹੀਂ ਸਕਦਾ। ਜਦੋਂ ਤੁਸੀਂ ਨਕਾਰਾਤਮਕ ਸ਼ਬਦ ਬੋਲਦੇ ਹੋ, ਤਾਂ ਆਕਰਸ਼ਨ ਦਾ ਨਿਯਮ ਇਹ ਸੁਣਦਾ ਹੈ:

"ਮੈਂ ਇਹਨਾਂ ਕੱਪੜਿਆਂ 'ਤੇ ਕੋਈ ਚੀਜ਼ ਨਹੀਂ ਵਹਾਉਣਾ ਚਾਹੁੰਦਾ ਹਾਂ।"

"ਮੈਂ ਇਹਨਾਂ ਕੱਪੜਿਆਂ 'ਤੇ ਕੋਈ ਚੀਜ ਵਹਾਉਣਾ ਚਾਹੁੰਦਾ ਹਾਂ ਤੇ ਇਸ ਤੋਂ ਇਲਾਵਾ ਵੀ ਬਹੁਤੀਆਂ ਚੀਜਾਂ ਵਹਾਉਣਾ ਚਾਹੁੰਦਾ ਹਾਂ।"

 

"ਮੈਂ ਮਾੜਾ ਹੇਅਰਕਟ ਨਹੀਂ ਚਾਹੁੰਦਾ ਹਾਂ।"

"ਮੈਂ ਮਾੜਾ ਹੇਅਰਕਟ ਚਾਹੁੰਦਾ ਹਾਂ।"

 

"ਮੈਂ ਨਹੀਂ ਚਾਹੁੰਦਾ ਕਿ ਮੈਨੂੰ ਦੇਰ ਹੋ ਜਾਏ।"

"ਮੈਂ ਚਾਹੁੰਦਾ ਹਾਂ ਕਿ ਮੈਨੂੰ ਦੇਰ ਹੋ ਜਾਏ।"

 

"ਮੈਂ ਨਹੀਂ ਚਾਹੁੰਦਾ ਕਿ ਉਹ ਵਿਅਕਤੀ ਮੇਰੇ ਨਾਲ ਬਦਤਮੀਜ਼ੀ ਨਾਲ ਪੇਸ਼ ਆਏ।"

"ਮੈਂ ਚਾਹੁੰਦਾ ਹਾਂ ਕਿ ਉਹ ਵਿਅਕਤੀ ਤੇ ਹੋਰ ਵਿਅਕਤੀ ਮੇਰੇ ਨਾਲ ਬਦਤਮੀਜੀ ਨਾਲ ਪੇਸ਼ ਆਉਣ।"

 

"ਮੈਂ ਨਹੀਂ ਚਾਹੁੰਦਾ ਕਿ ਰੇਸਤਰਾਂ ਵਾਲੇ ਸਾਡੀ ਟੇਬਿਲ ਕਿਸੇ ਹੋਰ ਨੂੰ ਦੇ ਦੇਣ।"

'ਮੈਂ ਚਾਹੁੰਦਾ ਹਾਂ ਕਿ ਰੇਸਤਰਾਂ ਵਾਲੇ ਸਾਡੀ ਟੇਬਿਲ ਕਿਸੇ ਹੋਰ ਨੂੰ ਦੇ ਦੇਣ।"

 

"ਮੈਂ ਨਹੀਂ ਚਾਹੁੰਦਾ ਕਿ ਇਹ ਜੁੱਤੀ ਕੱਟੇ।"

"ਮੈਂ ਚਾਹੁੰਦਾ ਹਾਂ ਕਿ ਇਹ ਜੁੱਤੀ ਕੱਟੇ।"

 

"ਮੈਂ ਇਸ ਕੰਮ ਨੂੰ ਨਹੀਂ ਸੰਭਾਲ ਸਕਦਾ।"

"ਮੈਂ ਇਸ ਤੋਂ ਇਲਾਵਾ ਵੀ ਇਹੋ ਜਿਹੇ ਬਹੁਤ ਕੰਮ ਚਾਹੁੰਦਾ ਹਾਂ, ਜਿਨ੍ਹਾਂ ਨੂੰ ਮੈਂ ਨਹੀਂ ਸੰਭਾਲ ਸਕਦਾ।"

 

"ਮੈਂ ਫਲੂ ਦਾ ਸ਼ਿਕਾਰ ਨਹੀਂ ਹੋਣਾ ਚਾਹੁੰਦਾ।"

"ਮੈਂ ਫਲੂ ਤੇ ਹੋਰ ਬੀਮਾਰੀਆਂ ਦਾ ਸ਼ਿਕਾਰ ਹੋਣਾ ਚਾਹੁੰਦਾ ਹਾਂ।"

 

"ਮੈਂ ਬਹਿਸ ਨਹੀਂ ਕਰਣਾ ਚਾਹੁੰਦਾ।"

"ਮੈਂ ਹੋਰ ਜ਼ਿਆਦਾ ਬਹਿਸ ਕਰਣਾ ਚਾਹੁੰਦਾ ਹਾਂ।"

"ਮੇਰੇ ਨਾਲ ਇਸ ਤਰ੍ਹਾਂ ਨਾ ਬੋਲੋ।"

"ਮੈਂ ਚਾਹੁੰਦਾ ਹਾਂ ਕਿ ਤੁਸੀਂ ਮੇਰੇ ਨਾਲ ਇੰਜ ਬੋਲੋ ਅਤੇ ਹੋਰ ਲੋਕ ਵੀ ਮੇਰੇ ਨਾਲ ਇਸੇ ਤਰ੍ਹਾਂ ਹੀ ਬੋਲਣ।"

 

ਆਕਰਸ਼ਨ ਦਾ ਨਿਯਮ ਤੁਹਾਨੂੰ ਉਹੀ ਦੇ ਰਿਹਾ ਹੈ, ਜਿਸ ਬਾਰੇ ਤੁਸੀ ਸੋਚ ਰਹੇ ਹੋ

-ਵਕਤ ਖਤਮ!

ਬਾੱਬ ਪ੍ਰਾੱਕਟਰ

ਆਕਰਸ਼ਨ ਦਾ ਨਿਯਮ ਹਮੇਸ਼ਾ ਕੰਮ ਕਰਦਾ ਹੈ, ਭਾਵੇਂ ਤੁਸੀਂ ਇਸ 'ਤੇ ਯਕੀਨ ਕਰਦੇ ਹੋ ਜਾਂ ਨਹੀਂ, ਭਾਵੇਂ ਤੁਸੀਂ ਇਸ ਨੂੰ ਸਮਝਦੇ ਹੋ ਜਾਂ ਨਹੀਂ!"

ਆਕਰਸ਼ਨ ਦਾ ਨਿਯਮ ਉਤਪਤੀ ਦਾ ਨਿਯਮ ਹੈ। ਕੁਆਂਟਮ ਭੌਤਿਕਸ਼ਾਸਤ੍ਰੀ ਸਾਨੂੰ ਦੱਸਦੇ ਹਨ ਕਿ ਸਮੁੱਚਾ ਬ੍ਰਹਿਮੰਡ ਵਿਚਾਰ ਨਾਲ ਉਤਪੰਨ ਹੋਇਆ ਹੈ। ਤੁਸੀਂ ਆਪਣੇ ਵਿਚਾਰਾਂ ਤੇ ਆਕਰਸ਼ਨ ਦੇ ਨਿਯਮ ਦੁਆਰਾ ਆਪਣੇ ਜੀਵਨ ਦਾ ਸਿਰਜਨ ਕਰ ਸਕਦੇ ਹੋ ਤੇ ਹਰ ਵਿਅਕਤੀ ਇਹੀ ਕਰ ਰਿਹਾ ਹੈ। ਤੁਸੀਂ ਇਸ ਗੱਲ ਨੂੰ ਜਾਣੋ ਜਾਂ ਨਾ ਜਾਣੋ, ਇਹ ਹਮੇਸ਼ਾ ਸਕ੍ਰਿਅ ਹੈ। ਇਹ ਸਾਰੇ ਇਤਿਹਾਸ 'ਚ ਤੁਹਾਡੇ ਅਤੇ ਹਰ ਵਿਅਕਤੀ ਦੇ ਜੀਵਨ 'ਚ ਸਕ੍ਰਿਅ ਰਿਹਾ ਹੈ। ਜਦੋਂ ਤੁਸੀਂ ਇਸ ਮਹਾਨ ਨਿਯਮ ਨੂੰ ਜਾਣ ਲੈਂਦੇ ਹੋ, ਉਦੋਂ ਜਾ ਕੇ ਤੁਹਾਨੂੰ ਪਤਾ ਚੱਲਦਾ ਹੈ ਕਿ ਤੁਸੀਂ ਹੈਰਾਨੀਕੁਨ ਤੌਰ ਤੇ ਸ਼ਕਤੀਸ਼ਾਲੀ ਹੋ ਤੁਸੀਂ ਸਿਰਫ਼ ਸੋਚਕੇ ਆਪਣੇ ਜੀਵਨ 'ਚ ਕਿੰਨੀਆਂ ਸਾਰੀਆਂ ਨਿਯਾਮਤਾਂ ਲਿਆ ਸਕਦੇ ਹੋ।

 

ਲੀਸਾ ਨਿਕੋਲਸ

ਇਹ ਉਂਨਾ ਹੀ ਕੰਮ ਕਰਦਾ ਹੈ, ਜਿੰਨਾ ਤੁਸੀਂ ਸੋਚਦੇ ਹੋ। ਜਦੋਂ ਵੀ ਤੁਹਾਡੇ ਵਿਚਾਰ ਪ੍ਰਵਾਹਿਤ ਹੁੰਦੇ ਹਨ, ਆਕਰਸ਼ਨ ਦਾ ਨਿਯਮ ਕੰਮ ਕਰਣ ਲੱਗਦਾ ਹੈ। ਜਦੋਂ ਤੁਸੀਂ ਅਤੀਤ ਬਾਰੇ ਸੋਚਦੇ ਹੋ, ਤਾਂ ਆਕਰਸ਼ਨ ਦਾ ਨਿਯਮ ਕੰਮ ਕਰਣ ਲੱਗਦਾ ਹੈ। ਜਦੋਂ ਤੁਸੀਂ ਵਰਤਮਾਨ ਜਾਂ ਭਵਿਖ ਬਾਰੇ ਸੋਚਦੇ ਹੋ, ਤਾਂ ਆਕਰਸ਼ਨ ਦਾ ਨਿਯਮ ਕੰਮ ਕਰਣ ਲੱਗਦਾ ਹੈ। ਇਹ ਇਕ ਨਾ-ਖਤਮ ਹੋਣ ਵਾਲੀ ਪ੍ਰਕਿਰਿਆ ਹੈ। ਕੋਈ ਪਾੱਜ ਬਟਨ ਨਹੀਂ, ਕੋਈ ਸਟਾੱਪ ਬਟਨ ਨਹੀਂ। ਤੁਹਾਡੇ ਵਿਚਾਰਾਂ ਵਾਂਗ ਇਹ ਵੀ ਹਮੇਸ਼ਾ ਸਕ੍ਰਿਆ ਰਹਿੰਦਾ ਹੈ।

ਚਾਹੇ ਤੁਹਾਨੂੰ ਇਸਦਾ ਅਹਿਸਾਸ ਹੋਵੇ ਜਾਂ ਨਾ ਹੋਵੇ, ਅਸੀਂ ਜਿਆਦਾਤਰ ਸਮਾਂ ਸੋਚਦੇ ਰਹਿੰਦੇ ਹਾਂ। ਜਦੋਂ ਤੁਸੀਂ ਕਿਸੇ ਨੂੰ ਬੋਲਦੇ ਜਾਂ ਸੁਣਦੇ ਹੋ, ਤਾਂ ਵੀ ਤੁਸੀਂ ਸੋਚ ਰਹੇ ਹੁੰਦੇ ਹੋ। ਜਦੋਂ ਤੁਸੀਂ ਅਖਬਾਰ ਪੜ੍ਹਦੇ ਜਾਂ ਟੈਲੀਵਿਜ਼ਨ ਦੇਖਦੇ ਹੋ, ਤਾਂ ਤੁਸੀਂ ਸੋਚ ਰਹੇ ਹੁੰਦੇ ਹੋ। ਜਦੋਂ ਤੁਸੀਂ ਅਤੀਤ ਦੀਆਂ ਘਟਨਾਵਾਂ ਨੂੰ ਯਾਦ ਕਰਦੇ ਹੋ, ਤਾਂ ਤੁਸੀਂ ਸੋਚ ਰਹੇ ਹੁੰਦੇ ਹੋ। ਜਦੋਂ ਤੁਸੀਂ ਭਵਿਖ ਬਾਰੇ ਵਿਚਾਰ ਕਰਦੇ ਹੋ ਤਾਂ ਤੁਸੀਂ ਸੋਚ ਰਹੇ ਹੁੰਦੇ ਹੋ। ਜਦੋਂ ਤੁਸੀਂ ਕਾਰ ਚਲਾਉਂਦੇ ਹੋ, ਤਾਂ ਸੋਚ ਰਹੇ ਹੁੰਦੇ ਹੋ। ਸਾਡੇ ਤੋਂ ਜ਼ਿਆਦਾਤਰ ਲੋਕਾਂ ਦਾ ਸੋਚਣਾ ਉਦੋਂ ਬੰਦ ਹੁੰਦਾ ਹੈ, ਜਦੋਂ ਅਸੀਂ ਸੌਂ ਜਾਂਦੇ ਹਾਂ। ਬਹਰਰਾਲ, ਨੀਂਦਰ 'ਚ ਵੀ ਆਕਰਸ਼ਨ ਦੀਆਂ ਸ਼ਕਤੀਆਂ ਸੌਣ ਤੋਂ ਪਹਿਲਾਂ ਦੇ ਸਾਡੇ ਆਖਰੀ ਵਿਚਾਰਾਂ 'ਤੇ ਕੰਮ ਕਰਦੀਆਂ ਹਨ। ਇਸਲਈ ਸੌਣ ਤੋਂ ਪਹਿਲਾਂ ਚੰਗੇ ਵਿਚਾਰ ਸੋਚੋ।

 

ਮਾਇਕਲ ਬਰਨਾਰਡ ਬੇਕਵਿਥ

ਸਿਰਜਨਾ ਹਮੇਸ਼ਾ ਹੋ ਰਹੀ ਹੈ। ਜਦੋਂ ਵੀ ਕਿਸੇ ਵਿਅਕਤੀ ਦੇ ਮਨ ਵਿਚ ਕੋਈ ਵਿਚਾਰ ਆਉਂਦਾ ਹੈ ਜਾਂ ਉਸਦੇ ਕੋਲ ਸੋਚਣ ਦਾ ਸਦੀਵੀ ਨਜ਼ਰੀਆ ਹੁੰਦਾ ਹੈ, ਤਾਂ ਉਹ ਸਿਰਜਨਾ ਕਰ ਰਿਹਾ ਹੈ। ਉਨ੍ਹਾਂ ਵਿਚਾਰਾਂ ਨਾਲ ਕੋਈ ਚੀਜ਼ ਪ੍ਰਗਟ ਹੋਣ ਵਾਲੀ ਹੈ।

ਤੁਸੀਂ ਇਸ ਵੇਲੇ ਜੋ ਸੋਚ ਰਹੇ ਹੋ ਉਸ ਨਾਲ ਤੁਸੀਂ ਆਪਣੇ ਭਾਵੀ ਜੀਵਨ ਦੀ ਰਚਨਾ ਕਰ ਰਹੇ ਹੋ। ਤੁਸੀਂ ਆਪਣੇ ਵਿਚਾਰਾਂ ਨਾਲ ਆਪਣੇ ਜੀਵਨ ਦਾ ਨਿਰਮਾਣ ਕਰ ਰਹੇ ਹੋ। ਚੂੰਕਿ ਤੁਸੀਂ ਹਮੇਸਾ ਸੋਚ ਰਹੇ ਹੋ, ਇਸਲਈ ਤੁਸੀਂ ਸਦਾ ਨਿਰਮਾਣ ਕਰ ਰਹੇ ਹੋ। ਤੁਸੀਂ ਜਿਸਦੇ ਬਾਰੇ ਸਭ ਤੋਂ ਜਿਆਦਾ ਸੋਚਦੇ ਹੋ ਜਾਂ ਜਿਸ 'ਤੇ ਸਭ ਤੋਂ ਜ਼ਿਆਦਾ ਧਿਆਨ ਕੇਂਦ੍ਰਿਤ ਕਰਦੇ ਹੋ, ਉਹੀ ਤੁਹਾਡੇ ਜੀਵਨ ਵਿਚ ਪ੍ਰਗਟ ਹੋਵੇਗਾ।

ਪ੍ਰਕਿਰਤੀ ਦੇ ਸਾਰੇ ਨਿਯਮਾਂ ਵਾਂਗ ਹੀ ਇਹ ਨਿਯਮ ਵੀ ਬਿਲਕੁਲ ਅਚੂਕ ਹੈ। ਤੁਸੀਂ ਆਪਣੇ ਜੀਵਨ ਦੀ ਰਚਨਾ ਕਰਦੇ ਹੋ। ਤੁਸੀਂ ਜੋ ਬੀਜਿਆ ਹੈ ਉਹੀ ਕੱਟੋਗੇ! ਤੁਹਾਡੇ ਵਿਚਾਰ ਬੀਜ ਹਨ ਅਤੇ ਤੁਸੀਂ ਜਿਹੜੀ ਫਸਲ ਕੱਟੋਗੇ, ਉਹ ਤੁਹਾਡੇ ਬੀਜੇ ਬੀਜਾਂ 'ਤੇ ਨਿਰਭਰ ਕਰੇਗੀ।

ਜੇਕਰ ਤੁਸੀਂ ਸ਼ਿਕਾਇਤ ਕਰ ਰਹੇ ਹੋ, ਤਾਂ ਆਕਰਸ਼ਨ ਦਾ ਨਿਯਮ ਪ੍ਰਬਲਤਾ ਨਾਲ ਕੰਮ ਕਰਕੇ ਤੁਹਾਡੇ

ਜੀਵਨ 'ਚ ਇਹੋ ਜਿਹੀਆਂ ਹੋਰ ਜ਼ਿਆਦਾ ਸਥਿਤੀਆਂ ਲੈ ਆਵੇਗਾ, ਜਿਨ੍ਹਾਂ ਨਾਲ ਤੁਹਾਨੂੰ ਸ਼ਿਕਾਇਤ ਹੋਵੇਗੀ। ਜੇਕਰ ਤੁਸੀਂ ਕਿਸੇ ਦੀ ਵੇਦਨਾ ਇਕਾਗਰਤਾ ਨਾਲ ਸੁਣ ਰਹੇ ਹੋ, ਉਸ ਨਾਲ ਹਮਦਰਦੀ ਰੱਖ ਰਹੇ ਹੋ, ਉਸ ਨਾਲ ਸਹਿਮਤ ਹੋ ਰਹੇ ਹੋ, ਤਾਂ ਉਸੇ ਪਲ ਤੁਸੀਂ ਆਪਣੇ ਵੱਲ ਇਹੋ ਜਿਹੀਆਂ ਸਥਿਤੀਆਂ ਨੂੰ ਆਕਰਸ਼ਿਤ ਕਰ ਰਹੇ ਹੋ, ਤਾਂ ਉਸੇ ਪਲ ਤੁਸੀਂ ਆਪਣੇ ਵੱਲ ਇਹੋ ਜਿਹੀਆਂ ਸਥਿਤੀਆਂ ਨੂੰ ਆਕਰਸ਼ਿਤ ਕਰ ਰਹੇ ਹੋ ਜਿਨ੍ਹਾਂ ਬਾਰੇ ਤੁਸੀਂ ਵੀ ਚਿੰਤਾ ਵਿਅਕਤ ਕਰੋਗੇ।

ਤੁਹਾਡੇ ਵਿਚਾਰ ਜਿਸ ਚੀਜ਼ 'ਤੇ ਕੇਂਦ੍ਰਿਤ ਹੁੰਦੇ ਹਨ, ਇਹ ਨਿਯਮ ਤੁਹਾਡੇ ਵੱਲ ਠੀਕ ਉਹ ਚੀਜ ਪ੍ਰਸਾਰਿਤ ਤੇ ਪ੍ਰਗਟ ਕਰਦਾ ਹੈ। ਇਸ ਸਸ਼ਕਤ ਗਿਆਨ ਨਾਲ ਤੁਸੀਂ ਆਪਣੇ ਸੋਚਣ ਦਾ ਤਰੀਕਾ ਬਦਲ ਸਕਦੇ ਹੋ ਤੇ ਇਸ ਤਰ੍ਹਾਂ ਆਪਣੇ ਜੀਵਨ ਦੀ ਹਰ ਸਥਿਤੀ ਅਤੇ ਘਟਨਾ ਨੂੰ ਪੂਰੀ ਤਰ੍ਹਾਂ ਬਦਲ ਸਕਦੇ ਹੋ।

 

ਬਿਲ ਹੈਰਿਸ

ਸਿਖਿਅਕ ਤੇ ਸੈਂਟਰਪਾਇੰਟ ਰਿਸਰਚ ਇੰਸਟੀਚਿਊਟ ਦੇ ਮੋਢੀ

ਮੇਰਾ ਰਾਬਰਟ ਨਾਂ ਦਾ ਇਕ ਵਿਦਿਆਰਥੀ ਸੀ, ਜਿਹੜਾ ਮੇਰਾ ਇਕ ਆਨਲਾਇਨ ਕੋਰਸ ਕਰ ਰਿਹਾ ਸੀ ਅਤੇ ਈਮੇਲ ਨਾਲ ਮੇਰੇ ਨਾਲ ਸੰਪਰਕ ਕਰ ਸਕਦਾ ਸੀ।

ਰਾਬਰਟ ਸਮਲਿੰਗੀ ਸੀ। ਉਸਨੇ ਈਮੇਲਾਂ 'ਚ ਮੈਨੂੰ ਆਪਣੇ ਜੀਵਨ ਦੀਆਂ ਭਿਅੰਕਰ ਸੱਚਾਈਆਂ ਦੱਸੀਆਂ। ਕੰਪਨੀ 'ਚ ਉਸ ਨਾਲ ਕੰਮ ਕਰਣ ਵਾਲੇ ਲੋਕ ਉਸ ਨੂੰ ਸਮੂਹਕ ਤੌਰ ਤੇ ਸਤਾਉਂਦੇ ਸਨ। ਉਹ ਬੜੇ ਤਨਾਅ ਵਿਚ ਰਹਿੰਦਾ ਸੀ, ਕਿਉਂਕਿ ਉਹ ਉਸ ਦੇ ਨਾਲ ਬਹੁਤ ਭੈੜਾ ਸਲੂਕ ਕਰਦੇ ਸਨ। ਜਦੋਂ ਉਹ ਸੜਕ 'ਤੇ ਚਲਦਾ ਸੀ, ਤਾਂ ਉਸ ਨੂੰ ਹੋਮੋਫੋਬਿਕ ਲੋਕ ਘੇਰ ਲੈਂਦੇ ਸਨ, ਜਿਹੜਾ ਕਿਸੇ ਤਰ੍ਹਾਂ ਨਾਲ ਉਸਦਾ ਅਪਮਾਨ ਕਰਣਾ ਚਾਹੁੰਦੇ ਸਨ। ਉਹ ਸਟੈਂਡਅਪ ਕਾਮੇਡੀਅਨ ਬਣਨਾ ਚਾਹੁੰਦਾ ਸੀ ਅਤੇ ਜਦੋਂ ਉਹ ਸਟੈਂਡ ਅਪ ਕਾਮੇਡੀ ਕਰਦਾ, ਤਾਂ ਸਮਲਿੰਗੀ ਹੋਣ ਕਾਰਣ ਉਸ ਨੂੰ ਹਰ ਕੋਈ ਸਤਾਉਣ ਲੱਗਦਾ ਸੀ। ਉਸਦਾ ਜੀਵਨ ਬਹੁਤੇ ਦੁਖਾਂ ਤੇ ਤਕਲੀਫਾਂ ਨਾਲ ਭਰਿਆ ਪਿਆ ਸੀ। ਉਸ 'ਤੇ ਹੋਣ ਵਾਲੇ ਸਾਰੇ ਹਮਲੇ ਉਸਦੇ ਸਮਲਿੰਗੀ ਹੋਣ 'ਤੇ ਹੀ ਕੇਂਦ੍ਰਿਤ ਸਨ।

ਮੈਂ ਉਸ ਨੂੰ ਦੱਸਿਆ ਕਿ ਉਹ ਉੱਨਾਂ ਚੀਜਾਂ 'ਤੇ ਧਿਆਨ ਕੇਂਦ੍ਰਿਤ ਕਰ ਰਿਹਾ ਹੈ, ਜਿਨ੍ਹਾਂ ਨੂੰ ਉਹ ਨਹੀਂ ਚਾਹੁੰਦਾ ਸੀ। ਮੈਂ ਉਸਨੂੰ ਉਸਦਾ ਈਮੇਲ ਫਾਰਵਰਡ ਕਰਕੇ ਕਿਹਾ "ਇਸ ਨੂੰ ਦੁਬਾਰਾ ਪੜ੍ਹੋ। ਤੂੰ ਮੈਨੂੰ ਉਹ ਸਾਰੀਆਂ ਚੀਜਾਂ ਦੱਸ ਰਿਹਾ ਹੈਂ ਜਿਹੜੀ ਤੁਸੀਂ ਨਹੀਂ ਚਾਹੁੰਦੇ। ਮੈਂ ਜਾਣਦਾ ਹਾਂ ਕਿ ਇਸ ਬਾਰੇ ਤੁਹਾਡੀਆਂ ਭਾਵਨਾਵਾਂ ਬੜੀਆਂ ਪ੍ਰਬਲ ਹਨ ਅਤੇ ਜਦੋਂ ਕੋਈ ਵਿਅਕਤੀ ਕਿਸੀ ਚੀਜ 'ਤੇ ਬਹੁਤ ਜੋਸ਼ ਨਾਲ ਧਿਆਨ ਕੇਂਦ੍ਰਿਤ ਕਰਦਾ ਹੈ, ਤਾਂ ਉਹ ਚੀਜ ਜਿਆਦਾ ਛੇਤੀ ਹੁੰਦੀ ਹੈ।"

ਉਸਨੇ ਇਸ ਨਿਯਮ ਦਾ ਪਾਲਨ ਕਰਦੇ ਹੋਏ ਇਹ ਫੈਸਲਾ ਕੀਤਾ ਕਿ ਉਹ ਉਸੇ ਚੀਜ਼ 'ਤੇ ਧਿਆਨ ਕੇਂਦ੍ਰਿਤ ਕਰੇਗਾ, ਜਿਸ ਨੂੰ ਉਹ ਚਾਹੁੰਦਾ ਹੈ। ਉਸ ਨੇ ਸਚਮੁੱਚ ਇਸਦੀ ਕੋਸਿਸ ਕੀਤੀ। ਅਗਲੇ ਛੇ ਤੋਂ ਅੱਠ ਹਫਤਿਆਂ 'ਚ ਜੋ ਕੁੱਝ ਹੋਇਆ, ਉਹ ਚਮਤਕਾਰ ਤੋਂ ਘੱਟ ਨਹੀਂ ਸੀ। ਆੱਫਿਸ ਦੇ ਜਿਹੜੇ ਸਹਿਕਰਮੀ ਉਸ ਨੂੰ ਪਰੇਸ਼ਾਨ ਕਰਦੇ ਸਨ, ਉਨ੍ਹਾਂ ਦਾ ਜਾਂ ਤੇ ਕਿਸੇ ਹੋਰ ਦੂਜੇ ਵਿਭਾਗ 'ਚ ਤਬਾਦਲਾ ਹੋ ਗਿਆ, ਜਾਂ ਉਨ੍ਹਾਂ ਨੇ ਕੰਪਨੀ ਛੱਡ ਦਿੱਤੀ ਜਾਂ ਉਸ ਨੂੰ ਪਰੇਸ਼ਾਨ ਕਰਣਾ ਛੱਡ ਦਿੱਤਾ। ਹੁਣ ਉਸ ਨੂੰ ਆਪਣੇ ਕੰਮ 'ਚ ਮਜ਼ਾ ਆਉਣ ਲੱਗਾ। ਹੁਣ ਸੜਕ 'ਤੇ ਚਲਣ ਵੇਲੇ ਉਸ ਨੂੰ ਕੋਈ ਨਹੀਂ ਸੀ ਸਤਾਂਦਾ। ਉਹ ਲੋਕ ਉੱਥੇ ਸਨ ਹੀ ਨਹੀਂ। ਜਦੋਂ ਉਹ ਸਟੈਂਡ-ਅਪ ਕਾਮੇਡੀ ਕਰਦਾ, ਤਾਂ ਲੋਕੀਂ ਤਾੜੀਆਂ ਬਜਾਉਂਦੇ ਸਨ ਅਤੇ ਕੋਈ ਉਸ ਨੂੰ ਤੰਗ ਨਹੀਂ ਕਰਦਾ ਸੀ।

ਉਸਦੀ ਜਿੰਦਗੀ ਇਸਲਈ ਬਦਲ ਗਈ, ਕਿਉਂਕਿ ਉਸ ਨੇ ਆਪਣੀ ਮਨਭਾਉਂਦੀਆਂ ਚੀਜਾਂ 'ਤੇ ਧਿਆਨ ਕੇਂਦ੍ਰਿਤ ਕੀਤਾ ਅਤੇ ਉਨ੍ਹਾਂ ਚੀਜ਼ਾਂ 'ਤੇ ਧਿਆਨ ਕੇਂਦ੍ਰਿਤ ਕਰਣਾ ਛੱਡ ਦਿੱਤਾ। ਜਿਨ੍ਹਾਂ ਨੂੰ ਉਹ ਨਹੀਂ ਸੀ ਚਾਹੁੰਦਾ, ਜਿਨ੍ਹਾਂ ਕੋਲੋਂ ਉਹ ਡਰਦਾ ਸੀ ਜਾਂ ਜਿਨ੍ਹਾਂ ਕੋਲੋਂ ਉਹ ਬਚਣਾ ਚਾਹੁੰਦਾ ਸੀ।

ਰਾੱਬਰਟ ਦੀ ਜ਼ਿੰਦਗੀ ਇਸਲਈ ਬਦਲੀ, ਕਿਉਂਕਿ ਉਸਨੇ ਆਪਣੇ ਵਿਚਾਰਾਂ ਨੂੰ ਬਦਲ ਲਿਆ। ਉਸ ਬ੍ਰਹਿਮੰਡ 'ਚ ਇਕ ਵੱਖਰੀ ਹੀ ਫ੍ਰੀਕਊਂਸੀ ਭੇਜੀ। ਬ੍ਰਹਿਮੰਡ ਨੂੰ ਨਵੀਂ ਫ੍ਰੀਕਊਂਸੀ ਅਨੁਸਾਰ ਤਸਵੀਰਾਂ ਦੇਣੀਆਂ ਹੀ ਸਨ, ਚਾਹੇ ਸਥਿਤੀ ਕਿਨੀ ਵੀ ਅਸੰਭਵ ਦਿਖੇ। ਰਾਬਰਟ ਦੇ ਨਵੇਂ ਵਿਚਾਰਾਂ ਕਾਰਣ ਉਸਦੀ ਫ੍ਰੀਕਊਂਸੀ ਬਦਲ ਗਈ ਅਤੇ ਉਸਦੀ ਜ਼ਿੰਦਗੀ ਦੀਆਂ ਤਸਵੀਰਾਂ ਵੀ।

ਤੁਹਾਡੀ ਜ਼ਿੰਦਗੀ ਤੁਹਾਡੇ ਹੱਥ 'ਚ ਹੈ। ਤੁਸੀਂ ਇਸ ਵਕਤ ਚਾਹੇ ਜਿੱਥੇ ਹੋਵੇ, ਤੁਹਾਡੇ ਜੀਵਨ 'ਚ ਭਾਵੇਂ ਜੋ ਕੁੱਝ ਹੋਇਆ ਹੋਵੇ, ਤੁਸੀਂ ਇਸੇ ਵਕਤ ਆਪਣੇ ਵਿਚਾਰ ਬਦਲ ਕੇ ਆਪਣੀ ਜ਼ਿੰਦਗੀ ਬਦਲ ਸਕਦੇ

ਹੋ। ਨਿਰਾਸ਼ਾਜਨਕ ਸਥਿਤੀ ਵਰਗੀ ਕੋਈ ਚੀਜ਼ ਨਹੀਂ ਹੁੰਦੀ। ਤੁਹਾਡੀ ਜ਼ਿੰਦਗੀ ਦੀ ਹਰ ਸਥਿਤੀ ਬਦਲ ਸਕਦੀ ਹੈ!

ਤੁਹਾਡੇ ਮਸਤਿਸ਼ਕ ਦੀ ਸ਼ਕਤੀ

ਮਾਇਕਲ ਬਰਨਾਰਡ ਬੇਕਵਿਥ

ਤੁਸੀਂ ਉਨ੍ਹਾਂ ਪ੍ਰਬਲ ਵਿਚਾਰਾਂ ਨੂੰ ਆਕਰਸ਼ਿਤ ਕਰਦੇ ਹੋ, ਜਿਨ੍ਹਾਂ ਨੂੰ ਤੁਸੀਂ ਆਪਣੀ ਜਾਗਰੂਕਤਾ 'ਚ ਰੱਖਦੇ ਹੋ, ਚਾਹੇ ਉਹ ਵਿਚਾਰ ਚੇਤਨ ਹੋਣ ਜਾਂ ਅਚੇਤਨ। ਇਹੀ ਮੁਢਲੀ ਗੱਲ ਹੈ।

ਤੁਸੀਂ ਅੱਜ ਤੋਂ ਪਹਿਲਾਂ ਆਪਣੇ ਵਿਚਾਰਾਂ ਬਾਰੇ ਜਾਗਰਕ ਹੋਵੇ ਜਾਂ ਨਾ, ਲੇਕਿਨ ਹੁਣ ਤਾਂ ਤੁਸੀਂ ਜਾਗਰੂਕ ਹੋ ਚੁੱਕੇ ਹੋ। ਜਦੋਂ ਤੁਸੀਂ 'ਰਹੱਸ' ਜਾਣ ਚੁੱਕੇ ਹੋ ਅਤੇ ਡੂੰਘੀ ਨੀਂਦਰ ਤੋਂ ਜਾਗ ਰਹੇ ਹੋ। ਹੁਣ ਤੁਸੀਂ ਜਾਗਰੂਕ ਬਣ ਰਹੇ ਹੋ! ਗਿਆਨ ਬਾਰੇ, ਨਿਯਮ ਬਾਰੇ, ਉਸ ਸ਼ਕਤੀ ਬਾਰੇ, ਜਿਹੜੀ ਤੁਹਾਡੇ ਵਿਚਾਰਾਂ 'ਚ ਹੈ।

 

ਡਾੱ. ਜਾੱਨ ਡੇਮਾਰਟਿਨੀ

ਬਹੁਤ ਧਿਆਨ ਨਾਲ ਦੇਖਣ ਤੇ ਤੁਸੀਂ ਪਾਓਗੇ ਕਿ ਉਹ ਰਹੱਸ ਯਾਨੀ ਸਾਡੇ ਦਿਮਾਗ ਤੇ ਇਰਾਦਿਆਂ ਦੀ ਸ਼ਕਤੀ ਰੋਜਾਨਾ ਦੀ ਜਿੰਦਗੀ 'ਚ ਚਾਰੇ ਪਾਸੇ ਮੌਜੂਦ ਹੈ। ਸਾਨੂੰ ਤਾਂ ਬਸ ਆਪਣੀਆਂ ਅੱਖਾਂ ਖੋਲ੍ਹ ਕੇ ਦੇਖਣਾਂ ਹੀ ਹੈ।

 

ਲੀਸਾ ਨਿਕੋਲਸ

ਤੁਸੀਂ ਆਕਰਸ਼ਨ ਦੇ ਨਿਯਮ ਨੂੰ ਹਰ ਥਾਂ ਦੇਖ ਸਕਦੇ ਹੋ। ਤੁਸੀਂ ਹਰ ਚੀਜ਼ ਨੂੰ ਆਪਣੇ ਵੱਲ ਆਕਰਸ਼ਿਤ ਕਰ ਰਹੇ ਹੋ। ਆਲੇ-ਦੁਆਲੇ ਦੇ ਲੋਕ, ਨੌਕਰੀ, ਪਰੀਸਥਿਤੀਆਂ, ਸਿਹਤ, ਦੌਲਤ, ਕਰਜ਼, ਖੁਸ਼ੀ, ਤੁਹਾਡੀ ਕਾਰ, ਤੁਹਾਡਾ ਸਮਾਜ ਜਾਂ ਬਰਾਦਰੀ। ਅਤੇ ਤੁਸੀਂ ਇਨ੍ਹਾਂ ਸਾਰਿਆਂ ਨੂੰ ਚੁੰਬਕ ਵਾਂਗ ਆਪਣੇ ਵੱਲ ਖਿੱਚਿਆ ਹੈ। ਤੁਸੀਂ ਜਿਸ ਬਾਰੇ

ਸੋਚਦੇ ਹੋ, ਉਸ ਨੂੰ ਹਕੀਕਤ 'ਚ ਬਦਲ ਦਿੰਦੇ ਹੋ। ਤੁਹਾਡਾ ਸਾਰਾ ਜੀਵਨ ਤੁਹਾਡੇ ਦਿਮਾਗ 'ਚ ਘੁੰਮਣ ਵਾਲੇ ਵਿਚਾਰਾਂ ਦਾ ਪ੍ਰਗਟਾਵਾ ਹੈ।

ਇਹ ਬ੍ਰਹਿਮੰਡ ਬਣਾਉਂਦਾ ਹੈ, ਹਟਾਉਂਦਾ ਨਹੀਂ ਹੈ। ਕੋਈ ਚੀਜ਼ ਆਕਰਸ਼ਨ ਦੇ ਨਿਯਮ ਤੋਂ ਪਰੇ ਨਹੀਂ ਹੈ। ਤੁਹਾਡੀ ਜ਼ਿੰਦਗੀ ਤੁਹਾਡੇ ਪ੍ਰਬਲ ਵਿਚਾਰਾਂ ਦਾ ਆਇਨਾ ਹੈ। ਇਸ ਧਰਤੀ 'ਤੇ ਮੌਜੂਦ ਸਾਰੇ ਜੀਵਤ ਪ੍ਰਾਣੀ ਆਕਰਸ਼ਨ ਦੇ ਨਿਯਮ ਰਾਹੀਂ ਕੰਮ ਕਰਦੇ ਹਨ। ਇਨਸਾਨਾਂ ਕੋਲ ਦਿਮਾਗ ਹੈ, ਵਿਵੇਕ ਹੈ। ਉਹ ਆਪਣੀ ਸੁਤੰਤਰ ਇੱਛਾ ਦਾ ਪ੍ਰਯੋਗ ਕਰ ਆਪਣੇ ਵਿਚਾਰ ਚੁਣ ਸਕਦੇ ਹਨ। ਉਨ੍ਹਾਂ ਕੋਲ ਨਿਰਣਾ ਕਰਣ ਤੇ ਆਪਣੇ ਮਾਨਸਿਕ ਵਿਚਾਰਾਂ ਨਾਲ ਆਪਣੇ ਜੀਵਨ ਦੀ ਸਿਰਜਨਾ ਕਰਣ ਦੀ ਸ਼ਕਤੀ ਹੁੰਦੀ ਹੈ।

 

ਡਾੱ. ਫ੍ਰੇਡ ਏਲਨ ਵੋਲਫ਼

ਕੁਆਂਟਮ ਭੌਤਿਕ ਸ਼ਾਸਤ੍ਰੀ, ਲੈਕਚਰਾਰ ਅਤੇ ਪੁਰਸਕਾਰ-ਜੇਤੂ ਲੇਖਕ

ਮੈਂ ਖਿਆਲੀ ਪੁਲਾਅ ਜਾਂ ਖਿਆਲੀ ਪਾਗਲਪਣ ਦੇ ਨਜ਼ਰੀਏ ਨਾਲ ਤੁਹਾਨੂੰ ਇਹ ਗੱਲ ਨਹੀਂ ਕਹਿ ਰਿਹਾ ਹਾਂ। ਮੈਂ ਇਹ ਗੱਲ ਜ਼ਿਆਦਾ ਡੂੰਘੀ ਤੇ ਬੁਨਿਆਦੀ ਸੋਝੀ ਨਾਲ ਕਹਿ ਰਿਹਾ ਹਾਂ।

ਕੁਆਂਟਮ ਫਿਜਿਕਸ ਇਸ ਖੋਜ ਵੱਲ ਸਚਮੁੱਚ ਇਸਾਰਾ ਕਰ ਰਿਹਾ ਹੈ। ਇਸਦਾ ਕਹਿਣਾ ਹੈ ਕਿ ਮਸਤਿਸ਼ਕ ਦੇ ਬਿਨਾਂ ਤੁਹਾਡੇ ਕੋਲ ਬ੍ਰਹਿਮੰਡ ਹੋ ਹੀ ਨਹੀਂ ਸਕਦਾ ਅਤੇ ਮਸਤਿਸ਼ਕ ਦਰਅਸਲ ਉਸ ਚੀਜ਼ ਨੂੰ ਆਕਾਰ ਦੇ ਰਿਹਾ ਹੈ, ਜਿਸ ਬਾਰੇ ਸੋਚਿਆ ਜਾ ਰਿਹਾ ਹੈ।

ਜੇਕਰ ਤੁਸੀਂ ਬ੍ਰਹਿਮੰਡ ਦੇ ਸਭ ਤੋਂ ਸ਼ਕਤੀਸ਼ਾਲੀ ਟ੍ਰਾਂਸਮੀਸ਼ਨ ਟਾਵਰ ਬਨਾਉਣ ਦੀ ਉਪਮਾ ਬਾਰੇ ਸੋਚੋ, ਤਾਂ ਤੁਹਾਨੂੰ ਡਾੱ. ਵੋਲਫ ਦੇ ਸ਼ਬਦਾਂ 'ਚ ਉਸਦੀ ਝਲਕ ਨਜਰ ਆ ਜਾਵੇਗੀ। ਤੁਹਾਡਾ ਮਸਤਿਸ਼ਕ ਜਿਹੇ ਜਿਹੇ ਵਿਚਾਰ ਸੋਚਦਾ ਹੈ, ਤਿਹੋ ਜਿਹੀ ਤਸਵੀਰਾਂ ਜ਼ਿੰਦਗੀ ਦੇ ਅਨੁਭਵਾਂ ਦੇ ਰੂਪ 'ਚ ਤੁਹਾਡੇ ਵੱਲ ਪ੍ਰਸਾਰਿਤ ਹੁੰਦੀਆਂ ਹਨ। ਤੁਸੀਂ ਆਪਣੇ ਵਿਚਾਰਾਂ ਨਾਲ ਨਾ ਕੇਵਲ ਆਪਣੇ ਜੀਵਨ ਦੀ ਸਿਰਜਨਾ ਕਰਦੇ ਹੋ, ਬਲਕਿ ਵਿਸ਼ਵ ਦੇ ਨਿਰਮਾਣ 'ਚ ਵੀ ਪ੍ਰਬਲ ਯੋਗਦਾਨ ਦਿੰਦੇ ਹੋ। ਜੇਕਰ ਤੁਸੀਂ ਸੋਚਦੇ ਹੋ

ਕਿ ਤੁਸੀਂ ਮਹੱਤਵਹੀਣ ਹੋ ਤੇ ਇਸ ਦੁਨੀਆ 'ਚ ਤੁਹਾਡੇ ਕੋਲ ਥੋੜ੍ਹੀ ਜਹੀ ਵੀ ਸਕਤੀ ਨਹੀਂ ਹੈ, ਤਾਂ ਦੁਬਾਰਾ ਸੋਚ ਲਓ। ਸੱਚ ਤਾਂ ਇਹ ਹੈ ਕਿ ਤੁਹਾਡਾ ਮਸਤਿਸ਼ਕ ਤੁਹਾਡੇ ਆਲੇ-ਦੁਆਲੇ ਦੀ ਦੁਨੀਆਂ ਨੂੰ ਆਕਾਰ ਦੇ ਰਿਹਾ ਹੈ।

ਪਿਛਲੇ ਅੱਸੀ ਸਾਲਾਂ 'ਚ ਕੁਆਂਟਮ ਭੌਤਿਕਸ਼ਾਸਤ੍ਰੀਆਂ ਨੇ ਚਮਤਕਾਰੀ ਕੰਮਾਂ ਤੇ ਖੋਜਾਂ ਕਾਰਣ ਹੁਣ ਅਸੀਂ ਹੁਣ ਮਾਨਵੀ ਮਸਤਿਸ਼ਕ ਦੀ ਅਸੀਮਿਤ ਸਿਰਜਨਾਤਮਕ ਸ਼ਕਤੀ ਨੂੰ ਜਿਆਦਾ ਚੰਗੀ ਤਰ੍ਹਾਂ ਸਮਝ ਚੁੱਕੇ ਹਾਂ। ਉਨ੍ਹਾਂ ਦੇ ਨਤੀਜੇ ਵਿਸ਼ਵ ਦੇ ਮਹਾਨਤਮ ਚਿੰਤਕਾਂ ਦੇ ਸ਼ਬਦਾਂ ਦੇ ਅਨੁਰੂਪ ਹਨ, ਜਿਨ੍ਹਾਂ 'ਚ ਕਾਰਨੇਗੀ, ਇਮਰਸਨ, ਸ਼ੈਕਸਪੀਅਰ, ਬੇਕਨ, ਕ੍ਰਿਸ਼ਨ ਅਤੇ ਬੁੱਧ ਸ਼ਾਮਿਲ ਹਨ।

 

ਬਾੱਬ ਪ੍ਰਾੱਕਟਰ

ਜੇਕਰ ਤੁਸੀਂ ਇਸ ਨਿਯਮ ਨੂੰ ਨਹੀਂ ਸਮਝਦੇ ਹੋ, ਤਾਂ ਇਸਦਾ ਮਤਲਬ ਇਹ ਨਹੀਂ ਹੈ ਕਿ ਤੁਹਾਨੂੰ ਇਸ ਨੂੰ ਅਪਰਵਾਨ ਕਰ ਦੇਣਾ ਚਾਹੀਦਾ ਹੈ। ਹੋ ਸਕਦਾ ਹੈ ਤੁਸੀਂ ਬਿਜਲੀ ਨੂੰ ਨਹੀਂ ਸਮਝਦੇ ਹੋਵੇ, ਲੇਕਿਨ ਇਸਦੇ ਬਾਵਜੂਦ ਤੁਸੀਂ ਉਸ ਤੋਂ ਪ੍ਰਾਪਤ ਲਾਭਾਂ ਦਾ ਆਨੰਦ ਮਾਣਦੇ ਹੋ। ਮੈਂ ਨਹੀਂ ਜਾਣਦਾ ਕਿ ਬਿਜਲੀ ਕਿਵੇਂ ਕੰਮ ਕਰਦੀ ਹੈ। ਲੇਕਿਨ ਮੈਂ ਇਹ ਗੱਲ ਜਾਣਦਾ ਹਾਂ : ਤੁਸੀਂ ਬਿਜਲੀ ਨਾਲ ਕਿਸੇ ਇਨਸਾਨ ਦਾ ਡਿਨਰ ਤਿਆਰ ਕਰ ਸਕਦੇ ਹੋ ਅਤੇ ਤੁਸੀਂ ਉਸ ਇਨਸਾਨ ਨੂੰ ਵੀ ਪਕਾ ਸਕਦੇ ਹੋ।

 

ਮਾਇਕਲ ਬਰਨਾਰਡ ਬੇਕਵਿਥ

ਅਕਸਰ ਇਸ ਮਹਾਨ ਰਹੱਸ ਨੂੰ ਸਮਝਣ ਤੋਂ ਬਾਅਦ ਲੋਕ ਇਸ ਗਲ ਨਾਲ ਘਬਰਾ ਜਾਂਦੇ ਹਨ ਕਿ ਉਨ੍ਹਾਂ ਕੋਲ ਕਿੰਨੇ ਸਾਰੇ ਨਕਾਰਾਤਮਕ ਵਿਚਾਰ ਹਨ। ਉਨ੍ਹਾਂ ਨੂੰ ਜਾਣ ਲੈਣਾ ਚਾਹੀਦਾ ਹੈ ਕਿ ਬਤੌਰ ਵਿਗਿਆਨਕ ਇਹ ਸਾਬਤ ਹੋ ਚੁੱਕਿਆ ਹੈ ਕਿ ਸਕਾਰਾਤਮਕ ਵਿਚਾਰ ਨਕਾਰਾਤਮਕ ਵਿਚਾਰ ਨਾਲੋਂ ਸੈਂਕੜੇ ਗੁਣਾ ਜਿਆਦਾ ਸ਼ਕਤੀਸ਼ਾਲੀ ਹੁੰਦੇ ਹਨ। ਇਹ ਜਾਣਨ ਤੋਂ ਬਾਅਦ ਲੋਕਾਂ ਦੀ ਚਿੰਤਾ ਕਾਫੀ ਘੱਟ ਹੋ ਜਾਂਦੀ ਹੈ।

ਸੱਚਾਈ ਤਾਂ ਇਹ ਹੈ ਕਿ ਤੁਹਾਡੇ ਜੀਵਨ 'ਚ ਕੋਈ ਨਕਾਰਾਤਮਕ ਚੀਜ਼ ਲਿਆਉਣ ਲਈ ਬਹੁਤੇ ਨਕਰਾਤਮਕ ਵਿਚਾਰ ਅਤੇ ਲਗਾਤਾਰ ਨਕਾਰਾਤਮਕ ਸੋਚ ਦੀ ਲੋੜ ਹੁੰਦੀ ਹੈ। ਬਹਰਹਾਲ, ਜੇਕਰ ਤੁਸੀਂ ਲੰਮੇ ਸਮੇਂ ਤਕ ਨਕਾਰਾਤਮਕ ਵਿਚਾਰ ਸੋਚਦੇ ਰਹੋਗੇ ਤਾਂ ਉਹ ਤੁਹਾਡੇ ਜੀਵਨ `ਚ ਪ੍ਰਗਟ ਹੋ ਜਾਣਗੇ। ਜੇਕਰ ਤੁਸੀਂ ਨਕਾਰਾਤਮਕ ਵਿਚਾਰਾਂ ਬਾਰੇ ਚਿੰਤਾ ਕਰੋਗੇ, ਤਾਂ ਤੁਸੀਂ ਆਪਣੇ ਨਕਾਰਾਤਮਕ ਵਿਚਾਰਾਂ ਬਾਰੇ ਹੋਰ ਜਿਆਦਾ ਚਿੰਤਾਵਾਂ ਨੂੰ ਆਕਰਸ਼ਿਤ ਕਰੋਗੇ ਅਤੇ ਉਨ੍ਹਾਂ ਨੂੰ ਕਈ ਗੁਣਾਂ ਵਧਾ ਲਵੋਗੇ। ਇਸੇ ਵੇਲੇ ਫੈਸਲਾ ਕਰੋ ਕਿ ਤੁਸੀਂ ਸਿਰਫ ਚੰਗੇ ਵਿਚਾਰ ਹੀ ਸੋਚੋਗੇ। ਇਸੇ ਵਕਤ ਬ੍ਰਹਿਮੰਡ ਦੇ ਸਾਮ੍ਹਣੇ ਐਲਾਨ ਕਰੋ ਕਿ ਤੁਹਾਡੇ ਸਾਰੇ ਚੰਗੇ ਵਿਚਾਰ ਸ਼ਕਤੀਸ਼ਾਲੀ ਹਨ ਅਤੇ ਸਾਰੇ ਨਕਾਰਾਤਮਕ ਵਿਚਾਰ ਕਮਜ਼ੋਰ।

 

ਲੀਸਾ ਨਿਕੋਲਸ

ਰੱਬ ਦਾ ਸ਼ੁਕਰ ਹੈ ਕਿ ਵਿਚਾਰ ਆਉਣ ਅਤੇ ਉਨ੍ਹਾਂ ਦੇ ਸਾਕਾਰ ਹੋਣ ਵਿਚਕਾਰ ਫਾਸਲਾ ਹੁੰਦਾ ਹੈ ਤੇ ਸਮਾਂ ਲੱਗਦਾ ਹੈ। ਸ਼ੁਕਰ ਹੈ ਕਿ ਤੁਹਾਡੇ ਸਾਰੇ ਵਿਚਾਰ ਫੌਰਨ ਸੱਚ ਨਹੀਂ ਹੋ ਜਾਂਦੇ। ਜੇਕਰ ਇਸ ਤਰਾਂ ਹੁੰਦਾ, ਤਾਂ ਅਸੀਂ ਬੜੀ ਮੁਸ਼ਕਲ ਵਿਚ ਪੈ ਜਾਂਦੇ। ਸਮਾਂ ਲੱਗਣ ਤੇ ਦੇਰ ਹੋਣ ਕਾਰਣ ਤੁਹਾਨੂੰ ਫਾਇਦਾ ਹੁੰਦਾ ਹੈ। ਇਸ ਨਾਲ ਤੁਹਾਨੂੰ ਦੁਬਾਰਾ ਸਮਝਣ, ਆਪਣੀ ਮਨਚਾਹੀ ਚੀਜ਼ ਬਾਰੇ ਸੋਚਣ ਅਤੇ ਇਕ ਨਵਾਂ ਵਿਕਲਪ ਚੁਨਣ ਦਾ ਮੌਕਾ ਮਿਲਦਾ ਹੈ।

ਆਪਣੇ ਜੀਵਨ ਦਾ ਨਿਰਮਾਣ ਕਰਨ ਦੀ ਸਾਰੀ ਸ਼ਕਤੀ ਤੁਹਾਡੇ ਕੋਲ ਮੌਜੂਦ ਹੈ, ਕਿਉਂਕਿ ਇਸ ਵੇਲੇ ਤੁਸੀਂ ਇਹੀ ਸੋਚ ਰਹੇ ਹੋ। ਜੇਕਰ ਤੁਹਾਡੇ ਮਨ 'ਚ ਨਕਾਰਾਤਮਕ ਵਿਚਾਰ ਹੋਣ, ਜਿਨ੍ਹਾਂ ਦੇ ਸਾਕਾਰ ਹੋਣ ਨਾਲ ਤੁਹਾਨੂੰ ਕੋਈ ਮੁਨਾਫ਼ਾ ਨਹੀਂ ਹੋਵੇਗਾ, ਤਾਂ ਤੁਸੀਂ ਇਸੇ ਵੇਲੇ ਆਪਣੇ ਵਿਚਾਰਾਂ ਨੂੰ ਬਦਲ ਸਕਦੇ ਹੋ। ਤੁਸੀਂ ਆਪਣੇ ਪੁਰਾਣੇ ਵਿਚਾਰਾਂ ਨੂੰ ਮਿਟਾ ਕੇ ਉਨ੍ਹਾਂ ਦੀ ਥਾਂ ਚੰਗੇ ਵਿਚਾਰਾਂ ਨੂੰ ਰੱਖ ਸਕਦੇ ਹੋ। ਸਮਾਂ ਮਿਲਣ ਤੇ ਤੁਹਾਨੂੰ ਫਾਇਦਾ ਹੁੰਦਾ ਹੈ ਕਿਉਂਕਿ ਤੁਸੀਂ ਇਸ ਦੌਰਾਨ ਨਵੇਂ ਵਿਚਾਰ ਸੋਚ ਸਕਦੇ ਹੋ ਅਤੇ ਨਵੀਂ ਫ੍ਰੀਕਊਂਸੀ ਪ੍ਰੇਸ਼ਿਤ ਕਰ ਸਕਦੇ ਹੋ, ਇਸੇ ਵਕਤ!

ਡਾ. ਜੋ ਵਿਟਾਲ

ਆਪਣੇ ਵਿਚਾਰਾਂ ਬਾਰੇ ਜਾਗਰੂਕ ਬਣੋ, ਆਪਣੇ ਵਿਚਾਰਾਂ ਨੂੰ ਸਾਵਧਾਨੀ ਨਾਲ ਚੁਣੋ ਤੇ ਇਸ ਪ੍ਰਕਿਰਿਆ ਦਾ ਅਨੰਦ ਮਾਣੋ, ਕਿਉਂਕਿ ਤੁਸੀਂ ਆਪਣੇ ਜੀਵਨ ਦੇ ਮਾਸਟਰਪੀਸ ਹੋ। ਤੁਸੀਂ ਆਪਣੇ ਜੀਵਨ ਦੇ ਮਾਇਕਲ ਏਜੰਲੋਂ ਹੋ। ਤੁਸੀਂ ਜਿਸ ਡੇਵਿਡ ਦੀ ਮੂਰਤੀ ਬਣਾ ਰਹੇ ਹੋ, ਉਹ ਤੁਸੀਂ ਆਪ ਹੋ।

ਆਪਣੇ ਮਸਤਿਸ਼ਕ 'ਤੇ ਜਿੱਤ ਪਾਣ ਦਾ ਇਕ ਤਰੀਕਾ ਆਪਣੇ ਦਿਮਾਗ ਨੂੰ ਸ਼ਾਂਤ ਰੱਖਣਾ ਸਿੱਖਣਾ ਹੈ। ਇਸ ਕਿਤਾਬ ਦਾ ਹਰ ਇਕ ਟੀਚਰ ਹਰ ਦਿਨ ਸਾਧਨਾ ਕਰਦਾ ਹੈ। ਜਦੋਂ ਤਕ ਮੈਂ ਰਹੱਸ ਨਹੀਂ ਖੋਜਿਆ ਸੀ, ਉਦੋਂ ਤੱਕ ਮੈਨੂੰ ਇਹ ਅਹਿਸਾਸ ਹੀ ਨਹੀਂ ਸੀ ਕਿ ਸਾਧਨਾ ਵਿਚ ਕਿੰਨੀ ਸ਼ਕਤੀ ਹੁੰਦੀ ਹੈ। ਸਾਧਨਾ ਮਸਤਿਸ਼ਕ ਨੂੰ ਸ਼ਾਂਤ ਕਰ ਦਿੰਦੀ ਹੈ, ਵਿਚਾਰਾਂ ਨੂੰ ਕਾਬੂ ਕਰਣ 'ਚ ਮਦਦ ਕਰਦੀ ਹੈ, ਸ਼ਰੀਰ 'ਚ ਫੁਰਤੀ ਭਰ ਦਿੰਦੀ ਹੈ। ਚੰਗੀ ਖਬਰ ਇਹ ਹੈ ਕਿ ਤੁਹਾਨੂੰ ਘੰਟੇਬੱਧੀ ਸਾਧਨਾ ਕਰਣ ਦੀ ਲੋੜ ਨਹੀਂ ਹੈ। ਅਰੰਭ ਵਿਚ ਬਸ ਤਿੰਨ ਤੋਂ ਦਸ ਮਿੰਟ ਹੀ ਕਾਫ਼ੀ ਹਨ । ਇਨੇ ਨਾਲ ਹੀ ਤੁਹਾਨੂੰ ਵਿਚਾਰਾਂ 'ਤੇ ਕਾਬੂ ਕਰਣ ਦੀ ਨਾ-ਭਰੋਸੇਯੋਗ ਸ਼ਕਤੀ ਮਿਲ ਸਕਦੀ ਹੈ।

ਆਪਣੇ ਵਿਚਾਰਾਂ ਬਾਰੇ ਸੁਚੇਤ ਰਹਿਣ ਲਈ ਤੁਸੀਂ ਇਹ ਸੰਕਲਪ ਵੀ ਕਰ ਸਕਦੇ ਹੋ, "ਮੈਂ ਆਪਣੇ ਵਿਚਾਰਾਂ ਦਾ ਮਾਲਿਕ ਹਾਂ।" ਇਸ ਨੂੰ ਵਾਰ-ਵਾਰ ਦੁਹਰਾਓ ਅਤੇ ਇਸ 'ਤੇ ਚਿੰਤਨ ਕਰੋ। ਜਦੋਂ ਤੁਸੀਂ ਇਸ ਸੰਕਲਪ ਨੂੰ ਵਾਰ-ਵਾਰ ਦੁਹਰਾਉਂਦੇ ਹੋ, ਤਾਂ ਆਕਰਸ਼ਨ ਦੀ ਨਿਯਮ ਦੁਆਰਾ ਤੁਸੀਂ ਸਚਮੁੱਚ ਇੰਜ ਦੇ ਬਣ ਜਾਂਦੇ ਹੋ।

ਤੁਹਾਨੂੰ ਹੁਣ ਉਹ ਗਿਆਨ ਮਿਲ ਰਿਹਾ ਹੈ, ਜਿਸ ਨਾਲ ਤੁਸੀਂ ਆਪਣਾ ਸਭ ਤੋਂ ਵਧੀਆ ਸੰਸਕਰਨ ਬਣਾ ਸਕਦੇ ਹੋ। ਤੁਹਾਡੇ ਉਸ ਸਭ ਤੋਂ ਵਧੀਆ ਸੰਸਕਰਨ ਦੀ ਸੰਭਾਵਨਾ ਪਹਿਲੇ ਤੋਂ ਹੀ ਤੁਹਾਡੇ ਸਭ ਤੋਂ ਸ਼ਾਨਦਾਰ ਸੰਸਕਰਨ ਦੀ ਫ੍ਰੀਕਊਂਸੀ 'ਤੇ ਮੌਜੂਦ ਹੈ। ਨਿਰਣਾ ਕਰੋ ਕਿ ਤੁਸੀਂ ਕੀ ਬਣਨਾ, ਕਰਣਾ ਜਾਂ ਪਾਣਾ ਚਾਹੁੰਦੇ ਹੋ। ਇਸਦੇ ਵਿਚਾਰ ਸੋਚੋ ਅਤੇ ਫ੍ਰੀਕਊਂਸੀ ਭੇਜੋ: ਤੁਹਾਡਾ ਸੁਪਨਾ ਸਾਕਾਰ ਹੋ ਜਾਵੇਗਾ।

ਰਹੱਸ ਸੰਖੇਪ

• ਆਕਰਸ਼ਨ ਦਾ ਨਿਯਮ ਜੀਵਨ ਦਾ ਮਹਾਨ ਰਹੱਸ ਹੈ।
• ਆਕਰਸ਼ਨ ਦਾ ਨਿਯਮ ਕਹਿੰਦਾ ਹੈ ਕਿ ਸਮਾਨ ਚੀਜਾਂ ਸਮਾਨ ਚੀਜਾਂ ਨੂੰ ਆਕਰਸ਼ਿਤ ਕਰਦੀਆਂ ਹਨ, ਇਸਲਈ ਜਦੋਂ ਤੁਸੀਂ ਇਕ ਵਿਚਾਰ ਸੋਚਦੇ ਹੋ, ਤਾਂ ਤੁਸੀਂ ਉਸੇ ਵਰਗੇ ਹੋਰ ਵਿਚਾਰਾਂ ਨੂੰ ਆਪਣੇ ਵੱਲ ਆਕਰਸ਼ਤ ਕਰਦੇ ਹੋ।
• ਵਿਚਾਰ ਚੁੰਬਕੀ ਹਨ ਤੇ ਹਰ ਵਿਚਾਰ ਦੀ ਇਕ ਫ੍ਰੀਕਊਂਸੀ ਹੁੰਦੀ ਹੈ। ਜਦੋਂ ਤੁਹਾਡੇ ਮਨ 'ਚ ਵਿਚਾਰ ਆਉਂਦੇ ਹਨ, ਤਾਂ ਉਹ ਬ੍ਰਹਿਮੰਡ ਵਿਚ ਪਹੁੰਚਦੇ ਹਨ ਤੇ ਚੁੰਬਕ ਵਾਂਗ ਉਸੇ ਫ੍ਰੀਕਊਂਸੀ ਸਰੋਤ ਤਕ ਯਾਨੀ ਤੁਹਾਡੇ ਤਕ ਵਾਪਸ ਆਉਂਦੀ ਹੈ।
• ਤੁਸੀਂ ਮਾਨਵੀ ਟ੍ਰਾਂਸਮਿਸ਼ਨ ਟਾਂਵਰ ਵਾਂਗ ਹੋ ਤੇ ਆਪਣੇ ਵਿਚਾਰਾਂ ਨਾਲ ਫ੍ਰੀਕਊਂਸੀ ਪ੍ਰਸਾਰਿਤ ਕਰ ਰਹੇ ਹੋ। ਜੇਕਰ ਤੁਸੀਂ ਆਪਣੀ ਜ਼ਿੰਦਗੀ 'ਚ ਕੋਈ ਚੀਜ਼ ਬਦਲਣਾ ਚਾਹੁੰਦੇ ਹੋ, ਤਾਂ ਆਪਣੇ ਵਿਚਾਰ ਬਦਲ ਕੇ ਫ੍ਰੀਕਊਂਸੀ ਬਦਲ ਲਓ।
• ਤੁਹਾਡੇ ਵਰਤਮਾਨ ਵਿਚਾਰ ਤੁਹਾਡੇ ਭਾਵੀ ਜੀਵਨ ਦਾ ਨਿਰਮਾਣ ਕਰ ਰਹੇ ਹਨ। ਤੁਸੀਂ ਜਿਸ ਬਾਰੇ ਸਭ ਤੋਂ ਜਿਆਦਾ ਸੋਚਦੇ ਹੋ ਜਾਂ ਜਿਸ 'ਤੇ ਸਭ ਤੋਂ ਜਿਆਦਾ ਧਿਆਨ ਕੇਂਦ੍ਰਿਤ ਕਰਦੇ ਹੋ, ਉਹ ਤੁਹਾਡੀ ਜ਼ਿੰਦਗੀ ਵਿਚ ਪ੍ਰਗਟ ਹੋ ਜਾਵੇਗੀ।
• ਤੁਹਾਡੇ ਵਿਚਾਰ ਵਸਤੂ ਬਣ ਜਾਂਦੇ ਹਨ।

ਰਹੱਸ ਦਾ ਸੌਖਾਕਰਣ

ਮਾਇਕਲ ਬਰਨਾਰਡ ਬੇਕਵਿਥ

ਅਸੀਂ ਜਿਸ ਬ੍ਰਹਿਮੰਡ 'ਚ ਰਹਿੰਦੇ ਹਾਂ, ਉਸ ਵਿਚ ਗੁਰਤਾ ਵਰਗੇ ਅਤੁਟ ਨਿਯਮ ਕੰਮ ਕਰਦੇ ਹਨ। ਜੇਕਰ ਤੁਸੀਂ ਕਿਸੇ ਇਮਾਰਤ ਤੋਂ ਹੇਠਾਂ ਡਿਗਦੇ ਹੋ, ਤਾਂ ਇਸ ਗੱਲ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਤੁਸੀਂ ਚੰਗੇ ਇਨਸਾਨ ਹੋ ਜਾਂ ਮਾੜੇ, ਤੁਸੀਂ ਜਮੀਨ ਨਾਲ ਜ਼ਰੂਰ ਟਕਰੋਗੇ।

ਆਕਰਸ਼ਨ ਦਾ ਨਿਯਮ ਪ੍ਰਕਿਰਤੀ ਦਾ ਨਿਯਮ ਹੈ। ਇਹ ਗੁਰਤਾ ਦੇ ਨਿਯਮ ਜਿੰਨਾ ਹੀ ਨਿਰਪੱਖ ਤੇ ਸਰਵ-ਵਿਆਪੀ ਹੈ। ਇਹ ਨਿਸ਼ਚਿਤ ਤੇ ਅਚੂਕ ਹੈ।

 

ਡਾੱ. ਜੋ ਵਿਟਾਲ

ਇਸ ਵੇਲੇ ਤੁਹਾਡੇ ਜੀਵਨ 'ਚ ਜਿਹੜੀਆਂ ਵੀ ਚੀਜਾਂ ਹਨ, ਉਨ੍ਹਾਂ ਨੂੰ ਤੁਸੀਂ ਆਪਣੇ ਵੱਲ ਆਕਰਸ਼ਤ ਕੀਤਾ ਹੈ। ਇਨ੍ਹਾਂ `ਚ ਉਹ ਚੀਜ਼ਾਂ ਵੀ ਸ਼ਾਮਿਲ ਹਨ, ਜਿਨ੍ਹਾਂ ਬਾਰੇ ਤੁਸੀਂ ਪਰੇਸਾਨ ਜਾਂ ਦੁਖੀ ਹੋ। ਮੈਂ ਇਹ ਗੱਲ ਚੰਗੀ ਤਰ੍ਹਾਂ ਜਾਣਦਾ ਹਾਂ ਕਿ ਇਹ ਗੱਲ ਤੁਹਾਨੂੰ ਚੰਗੀ ਨਹੀਂ ਲੱਗ ਰਹੀ ਹੋਵੇਗੀ। ਤੁਸੀਂ ਫੌਰਨ ਕਹਿ ਸਕਦੇ ਹੋ, 'ਮੈਂ ਉਸ ਕਾਰ ਐਕਸੀਡੈਂਟ ਨੂੰ ਆਕਰਸਤ ਨਹੀਂ ਸੀ ਕੀਤਾ। ਮੈਂ ਉਸ ਗਾਹਕ ਨੂੰ ਆਕਰਸ਼ਤ ਨਹੀਂ ਕੀਤਾ, ਜਿਸ ਨੇ ਮੈਨੂੰ ਬਹੁਤ ਪਰੇਸ਼ਾਨ ਕੀਤਾ। ਮੈਂ ਕਰਜ਼ੇ ਦੇ ਪਹਾੜ ਨੂੰ ਆਕਰਸਤ ਨਹੀਂ ਕੀਤਾ ਸੀ।" ਮੈਂ ਇਥੇ ਤੁਹਾਡੀ ਗੱਲ ਨੂੰ ਕੱਟਣੀ ਚਾਹਵਾਂਗਾ। ਹਾਂ, ਤੁਸੀਂ ਉਨ੍ਹਾਂ ਚੀਜਾਂ ਨੂੰ

ਆਕਰਸ਼ਤ ਕੀਤਾ ਸੀ। ਇਸ ਸਿਧਾਂਤ ਨੂੰ ਸਮਝਣਾ ਬੜਾ ਮੁਸ਼ਕਿਲ ਹੈ, ਲੇਕਿਨ ਇਕ ਵਾਰੀ ਜਦੋਂ ਤੁਸੀਂ ਇਸ ਨੂੰ ਸਵੀਕਾਰ ਕਰ ਲੈਂਦੇ ਹੋ, ਤਾਂ ਇਸ ਨਾਲ ਤੁਹਾਡੀ ਜ਼ਿੰਦਗੀ ਬਦਲ ਜਾਂਦੀ ਹੈ।

ਆਮ ਕਰਕੇ ਜਦੋਂ ਲੋਕ ਰਹੱਸ ਦੇ ਇਸ ਹਿੱਸੇ ਨੂੰ ਪਹਿਲੀ ਵਾਰ ਸੁਣਦੇ ਹਨ, ਤਾਂ ਉਨ੍ਹਾਂ ਨੂੰ ਇਤਿਹਾਸ ਦੀਆਂ ਇਹੋ ਜਿਹੀਆਂ ਘਟਨਾਵਾਂ ਯਾਦ ਆ ਜਾਂਦੀਆਂ ਹਨ, ਜਿਨ੍ਹਾਂ 'ਚ ਬਹੁਤ ਸਾਰੇ ਲੋਕ ਇਕੋ ਵੇਲੇ ਮਰੇ ਸਨ। ਉਨ੍ਹਾਂ ਨੂੰ ਇਹ ਸਮਝਣ ਵਿਚ ਮੁਸ਼ਕਿਲ ਹੁੰਦੀ ਹੈ ਕਿ ਇੰਨੇ ਸਾਰੇ ਲੋਕ ਆਪਣੇ-ਆਪ ਉਸ ਖਾਸ ਘਟਨਾ ਪ੍ਰਤਿ ਕਿਵੇਂ ਆਕਰਸ਼ਿਤ ਕਰ ਸਕਦੇ ਸਨ। ਲੇਕਿਨ ਆਕਰਸ਼ਨ ਦੇ ਨਿਯਮ ਮੁਤਾਬਿਕ ਉਹ ਯਕੀਨਨ ਘਟਨਾ ਦੀ ਫ੍ਰੀਕਊਂਸੀ 'ਤੇ ਹੀ ਰਹੇ ਹੋਣਗੇ। ਇਸਦਾ ਇਹ ਮਤਲਬ ਨਹੀਂ ਹੈਂ ਕਿ ਉਨ੍ਹਾਂ ਨੇ ਉਸ ਨਿਸ਼ਚਿਤ ਦੁਰਘਟਨਾ ਬਾਰੇ ਸੋਚਿਆ ਹੋਵੇਗਾ। ਲੇਕਿਨ ਉਨ੍ਹਾਂ ਦੇ ਵਿਚਾਰਾਂ ਦੀ ਫ੍ਰੀਕਊਂਸੀ ਉਸ ਘਟਨਾ ਦੀ ਫ੍ਰੀਕਊਂਸੀ ਨਾਲ ਮੇਲ ਖਾਂਦੀ ਹੋਵੇਗੀ। ਜੇਕਰ ਲੋਕਾਂ ਨੂੰ ਇਹ ਯਕੀਨ ਹੋਵੇ ਕਿ ਉਹ ਗਲਤ ਸਮੇਂ 'ਤੇ ਗਲਤ ਥਾਂ ਹੋ ਸਕਦੇ ਹਨ ਅਤੇ ਉਨ੍ਹਾਂ ਦਾ ਬਾਹਰਲੀ ਪਰੀਸਥਿਤੀਆਂ ਜਾਂ ਹਾਲਾਤਾਂ 'ਤੇ ਕੋਈ ਕਾਬੂ ਨਹੀਂ ਹੈ, ਤਾਂ ਡਰ, ਵਖਰਾਪਣ, ਕਮਜ਼ੋਰੀ ਦੇ ਨਿਰੰਤਰ ਵਿਚਾਰ ਉਨ੍ਹਾਂ ਨੂੰ ਗਲਤ ਸਮੇਂ 'ਤੇ ਗ਼ਲਤ ਥਾਂ ਰਹਿਣ ਲਈ ਆਕਰਸ਼ਿਤ ਕਰ ਸਕਦੇ ਹਨ।

ਤੁਸੀਂ ਇਸੇ ਵੇਲੇ ਵਿਕਲਪ ਚੁਣ ਸਕਦੇ ਹੋ। ਕੀ ਤੁਸੀਂ ਇਹ ਯਕੀਨ ਕਰਣਾ ਚਾਹੁੰਦੇ ਹੋ ਕਿ ਇਹ ਤਾਂ ਸਿਰਫ ਕਿਸਮਤ ਦੀ ਗੱਲ ਹੈ ਅਤੇ ਤੁਹਾਡੇ ਨਾਲ ਮਾੜੀਆਂ ਘਟਨਾਵਾਂ ਕਿਸੇ ਵੇਲੇ ਵੀ ਹੋ ਸਕਦੀਆਂ ਹਨ? ਕੀ ਤੁਸੀਂ ਇਹ ਯਕੀਨ ਕਰਣਾ ਚਾਹੁੰਦੇ ਹੋ ਕਿ ਤੁਸੀਂ ਗਲਤ ਸਮੇਂ 'ਤੇ ਗਲਤ ਜਗ੍ਹਾ ਤੇ ਹੋ ਸਕਦੇ ਹੋ, ਕਿ ਤੁਹਾਡਾ ਹਾਲਾਤਾਂ ਉੱਤੇ ਕੋਈ ਕੰਟਰੋਲ ਨਹੀਂ ਹੈ?

ਜਾਂ ਤੁਸੀਂ ਇਹ ਯਕੀਨ ਕਰਨਾ ਤੇ ਜਾਣਨਾ ਚਾਹੁੰਦੇ ਹੋ ਕਿ ਤੁਹਾਡੀ ਤਕਦੀਰ ਤੁਹਾਡੇ ਹੱਥਾਂ 'ਚ ਹੈ ਅਤੇ ਤੁਹਾਡੀ ਜ਼ਿੰਦਗੀ ਵਿਚ ਸਿਰਫ ਚੰਗੀਆਂ ਚੀਜ਼ਾਂ ਹੀ ਆ ਸਕਦੀਆਂ ਹਨ, ਕਿਉਂਕਿ ਤੁਸੀਂ ਉਨ੍ਹਾਂ ਬਾਰੇ ਸੋਚਦੇ ਹੋ? ਤੁਹਾਡੇ ਕੋਲ ਵਿਕਲਪ ਮੌਜੂਦ ਹਨ ਅਤੇ ਤੁਸੀਂ ਜੋ ਸੋਚਣ ਦੀ ਚੋਣ ਕਰੋਗੇ, ਉਹੀ ਤੁਹਾਡੇ ਜੀਵਨ ਦਾ ਅਨੁਭਵ ਬਣ ਜਾਵੇਗਾ।

ਕੋਈ ਵੀ ਚੀਜ ਤੁਹਾਡੇ ਕੋਲ ਉਦੋਂ ਤਕ ਨਹੀਂ ਆ ਸਕਦੀ, ਜਦੋਂ ਤਕ ਕਿ ਤੁਸੀਂ ਲਗਾਤਾਰ ਸੋਚ ਕੇ ਉਸ ਨੂੰ ਆਪਣੇ ਕੋਲ ਨਾ ਬੁਲਾਓ।

ਬਾੱਬ ਡਾੱਯਲ

ਸਾਡੇ 'ਚੋਂ ਜਿਆਦਾਤਰ ਲੋਕ ਬਿਨਾਂ ਸੋਚੇ-ਸਮਝੇ ਘਟਨਾਵਾਂ ਨੂੰ ਆਕਰਸ਼ਤ ਕਰਦੇ ਹਨ। ਅਸੀਂ ਸੋਚਦੇ ਹਾਂ ਕਿ ਸਾਡਾ ਇਸ 'ਤੇ ਕੋਈ ਕੰਟਰਲ ਨਹੀਂ ਹੈ। ਸਾਡੇ ਵਿਚਾਰ ਅਤੇ ਭਾਵਨਾਵਾਂ ਸਾਡੀ ਜਾਣਕਾਰੀ ਦੇ ਬਿਨਾਂ ਸਾਨੂੰ ਰਾਹ ਦਿਖਾਉਂਦੇ ਹਨ ਤੇ ਹਰ ਚੀਜ ਸਾਡੇ ਵੱਲ ਖਿੱਚੀ ਚਲੀ ਆਉਂਦੀ ਹੈ।

ਕੋਈ ਵੀ ਜਾਣ ਬੁੱਝ ਕੇ ਕਦੇ ਕਿਸੇ ਅਨਚਾਹੀ ਚੀਜ਼ ਨੂੰ ਆਕਰਸ਼ਿਤ ਨਹੀਂ ਕਰੇਗਾ। ਰਹੱਸ ਜਾਣਨ ਤੋਂ ਬਾਅਦ ਤੁਸੀਂ ਇਹ ਆਸਾਨੀ ਨਾਲ ਸਮਝ ਸਕਦੇ ਹੋ ਕਿ ਤੁਹਾਡੇ ਜਾਂ ਦੂਜੇ ਲੋਕਾਂ ਦੇ ਜੀਵਨ 'ਚ ਕੁਝ ਅਨਚਾਹੀ ਚੀਜ਼ਾਂ ਹੋਈਆਂ ਹੋਣਗੀਆਂ। ਸਿਰਫ ਇਸਲਈ, ਕਿਉਂਕਿ ਅਸੀਂ ਆਪਣੇ ਵਿਚਾਰਾਂ ਦੀ ਮਹਾਨ ਰਚਨਾਤਮਕ ਸ਼ਕਤੀ ਤੋਂ ਅਨਜਾਣ ਸੀ।

 

ਡਾੱ. ਜੋ ਵਿਟਾਲ

ਜੇਕਰ ਤੁਸੀਂ ਇਹ ਪਹਿਲੀ ਵਾਰ ਸੁਣ ਰਹੇ ਹੋ, ਤਾਂ ਤੁਹਾਨੂੰ ਇੰਜ ਲੱਗ ਸਕਦਾ ਹੈ, "ਠੀਕ ਹੈ, ਤਾਂ ਇਸਦਾ ਮਤਲਬ ਹੈ ਕਿ ਮੈਨੂੰ ਆਪਣੇ ਵਿਚਾਰਾਂ ਦੀ ਨਿਗਰਾਨੀ ਕਰਣੀ ਹੋਵੇਗੀ? ਇਹ ਤਾਂ ਬੜਾ ਮੁਸ਼ਕਿਲ ਕੰਮ ਹੈ। ਇੰਜ ਪਹਿਲੀ ਵਾਰ ਲੱਗ ਸਕਦਾ ਹੈ, ਲੇਕਿਨ ਇਥੋਂ ਹੀ ਮਜਾ ਸ਼ੁਰੂ ਹੁੰਦਾ ਹੈ।

ਮਜ਼ੇਦਾਰ ਗੱਲ ਇਹ ਹੈ ਕਿ ਰਹੱਸ ਦੇ ਕਈ ਸ਼ਾਰਟਕਟ ਹਨ ਤੇ ਤੁਸੀਂ ਇਹੋ ਜਿਹੇ ਸ਼ਾਰਟਕਟ ਨੂੰ ਚੁਣ ਸਕਦੇ ਹੋ, ਜਿਹੜਾ ਤੁਹਾਡੇ ਲਈ ਸਭ ਤੋਂ ਚੰਗੀ ਤਰ੍ਹਾਂ ਕੰਮ ਕਰਦਾ ਹੈ। ਅੱਗੇ ਪੜ੍ਹਦੇ ਰਹੋ। ਤੁਹਾਨੂੰ ਇਸਦਾ ਤਰੀਕਾ ਸਮਝ 'ਚ ਆ ਜਾਵੇਗਾ।

 

ਮਾਰਸੀ ਸ਼ਿਮਾੱਫ਼

ਲੇਖਕ, ਅੰਤਰ-ਰਾਸ਼ਟਰੀ ਵਕਤਾ ਅਤੇ ਟ੍ਰਾਂਸਫ਼ਾਰਮੇਸ਼ਨਲ ਲੀਡਰ

ਦਿਮਾਗ਼ 'ਚ ਆਉਣ ਵਾਲੇ ਹਰੇਕ ਵਿਚਾਰ ਦੀ ਨਿਗਰਾਨੀ ਕਰਣੀ ਅਸੰਭਵ ਹੈ। ਰਿਸਰਚ ਕਰਣ ਵਾਲੇ ਦੱਸਦੇ ਹਨ ਕਿ ਸਾਡੇ ਦਿਮਾਗ ਵਿਚ ਹਰ ਦਿਨ ਸੱਠ ਹਜ਼ਾਰ ਵਿਚਾਰ ਆਉਂਦੇ ਹਨ। ਜੇਕਰ ਦਿਮਾਗ 'ਚ ਆਉਣ ਵਾਲੇ ਸਾਰੇ ਸੱਠ ਹਜ਼ਾਰ ਵਿਚਾਰਾਂ ਨੂੰ ਕੰਟਰੋਲ ਕਰਣ ਦੀ ਕੋਸ਼ਿਸ਼ ਕਰਾਂਗੇ, ਤਾਂ ਸੋਚੋ ਕਿ ਤੁਸੀਂ

ਕਿੰਨਾ ਥੱਕ ਜਾਵੋਗੇ? ਖੁਸ਼ਕਿਸਮਤੀ ਨਾਲ ਇਕ ਜਿਆਦਾ ਸੌਖਾ ਤਰੀਕਾ ਹੈ: ਭਾਵਨਾਵਾਂ। ਸਾਡੀਆਂ ਭਾਵਨਾਵਾਂ ਸਾਨੂੰ ਦੱਸ ਦਿੰਦੀਆਂ ਹਨ ਕਿ ਅਸੀਂ ਕੀ ਸੋਚ ਰਹੇ ਹਾਂ ।

ਭਾਵਨਾਵਾਂ ਬਹੁਤ ਮਹੱਤਵਪੂਰਨ ਹੁੰਦੀਆਂ ਹਨ। ਤੁਹਾਡੀਆਂ ਭਾਵਨਾਵਾਂ ਤੁਹਾਡੇ ਜੀਵਨ ਦੇ ਨਿਰਮਾਣ 'ਚ ਤੁਹਾਡੀ ਮਦਦ ਕਰ ਸਕਦੀਆਂ ਹਨ। ਇਸ ਟੀਚੇ ਨੂੰ ਪਾਉਣ ਲਈ ਉਨ੍ਹਾਂ ਤੋਂ ਹੋਰ ਵਧੀਆ ਸਾਲ ਦੂਜਾ ਨਹੀਂ ਹੈ। ਤੁਹਾਡੇ ਵਿਚਾਰ ਹਰ ਘਟਨਾ ਦਾ ਮੁੱਢਲਾ ਕਾਰਣ ਹੈ। ਇਸ ਦੁਨੀਆ ਦੀ ਦਿਖਣ ਤੇ ਅਨੁਭਵ ਕੀਤੀ ਜਾਣ ਵਾਲੀ ਹਰ ਚੀਜ਼ ਨਤੀਜਾ ਹੈ, ਅਤੇ ਇਸ ਵਿਚ ਤੁਹਾਡੀਆਂ ਭਾਵਨਾਵਾਂ ਸਾਮਿਲ ਹਨ। ਕਾਰਣ ਹਮੇਸ਼ਾ ਤੁਹਾਡੇ ਵਿਚਾਰ ਹਨ।

 

ਬਾੱਬ ਡਾੱਯਲ

ਭਾਵਨਾਵਾਂ ਅਵਿਸਵਨੀ ਤੋਹਫੇ ਹਨ। ਉਹ ਸਾਨੂੰ ਦੱਸ ਦਿੰਦੀਆਂ ਹਨ ਕਿ ਅਸੀਂ ਕੀ ਸੋਚ ਰਹੇ ਹਾਂ।

ਤੁਹਾਡੀਆਂ ਭਾਵਨਾਵਾਂ ਤੁਹਾਨੂੰ ਫੌਰਨ ਦੱਸ ਦਿੰਦੀਆਂ ਹਨ ਕਿ ਤੁਸੀਂ ਕੀ ਸੋਚ ਰਹੇ ਹੋ। ਉਸ ਵੇਲੇ ਨੂੰ ਯਾਦ ਕਰੋ, ਜਦੋਂ ਤੁਹਾਡੀਆਂ ਭਾਵਨਾਵਾਂ ਅਚਣਚੇਤ ਗੋਤੇ ਖਾਣ ਲੱਗੀਆਂ ਸਨ - ਇੰਜ ਸ਼ਾਇਦ ਉਦੋਂ ਹੋਇਆ ਹੋਵੇਗਾ, ਜਦੋਂ ਤੁਸੀਂ ਕੋਈ ਬੁਰੀ ਖਬਰ ਸੁਣੀ ਸੀ। ਤੁਹਾਡੇ ਢਿੱਡ ਜਾਂ ਸੋਲਰ ਪਲੇਕਸ 'ਚ ਅਚਣਚੇਤ ਬੁਰਾ ਅਹਿਸਾਸ ਹੋਇਆ ਸੀ। ਤੁਹਾਡੀਆਂ ਭਾਵਨਾਵਾਂ ਤੁਹਾਨੂੰ ਫੋਰਨ ਇਸ਼ਾਰਾ ਭੇਜ ਦਿੰਦੀਆਂ ਹਨ ਕਿ ਤੁਸੀਂ ਕੀ ਸੋਚ ਰਹੇ ਹੋ।

ਤੁਸੀਂ ਕਿਵੇਂ ਮਹਿਸੂਸ ਕਰ ਰਹੇ ਹੋ, ਇਸ 'ਤੇ ਗੌਹ ਕਰਣਾ ਸਿਖੋ। ਇਸ਼ਾਰਿਆਂ ਨੂੰ ਪੜ੍ਹਨਾ ਸਿਖੋ, ਕਿਉਂਕਿ ਇਸੇ ਤਰੀਕੇ ਨਾਲ ਤੁਸੀਂ ਸਭ ਤੋਂ ਛੇਤੀ ਇਹ ਜਾਣ ਸਕਦੇ ਹੋ ਕਿ ਤੁਸੀਂ ਕੀ ਸੋਚ ਰਹੇ ਹੋ।

 

ਲੀਸਾ ਨਿਕੋਲਸ

ਤੁਹਾਡੇ ਕੋਲ ਦੋ ਤਰ੍ਹਾਂ ਦੀਆਂ ਭਾਵਨਾਵਾਂ ਹੁੰਦੀਆਂ ਹਨ : ਚੰਗੀਆਂ ਭਾਵਨਾਵਾਂ ਤੇ ਮਾੜੀਆਂ ਭਾਵਨਾਵਾਂ। ਤੁਸੀਂ ਦੋਨਾਂ ਦੇ ਫਰਕ ਨੂੰ ਜਾਣਦੇ ਹੋ, ਕਿਉਂਕਿ ਇਸ ਤਰ੍ਹਾਂ ਦੀਆਂ ਭਾਵਨਾਵਾਂ ਨਾਲ ਤੁਹਾਨੂੰ ਚੰਗਾ ਮਹਿਸੂਸ ਹੁੰਦਾ ਹੈ ਅਤੇ ਦੂਜੀ ਤਰ੍ਹਾਂ ਦੀਆਂ ਭਾਵਨਾਵਾਂ ਨਾਲ ਤੁਹਾਨੂੰ ਮਾੜਾ ਮਹਿਸੂਸ ਹੁੰਦਾ ਹੈ। ਡਿਪ੍ਰੈਸ਼ਨ, ਗੁੱਸਾ, ਈਰਖਾ, ਅਪਰਾਧਬੋਧ... ਇਹੋ ਜਹੀ

ਭਾਵਨਾਵਾਂ, ਜਿਹੜੀਆਂ ਤੁਹਾਨੂੰ ਸਸ਼ਕਤ ਮਹਿਸੂਸ ਨਹੀਂ ਕਰਦੀਆਂ ਹਨ। ਉਹ ਮਾੜੀਆਂ ਭਾਵਨਾਵਾਂ ਹਨ।

ਕੋਈ ਵੀ ਤੁਹਾਨੂੰ ਇਹ ਨਹੀਂ ਦੱਸ ਸਕਦਾ ਕਿ ਤੁਸੀਂ ਚੰਗਾ ਮਹਿਸੂਸ ਕਰ ਰਹੇ ਹੋ ਜਾਂ ਮਾੜਾ। ਸਿਰਫ ਤੁਸੀਂ ਹੀ ਜਾਣਦੇ ਹੋ ਕਿ ਤੁਸੀਂ ਕਿਸੇ ਵਲੋਂ ਕਿੰਜ ਮਹਿਸੂਸ ਕਰ ਰਹੇ ਹੋ। ਜੇਕਰ ਤੁਹਾਨੂੰ ਯਕੀਨ ਨਹੀਂ ਹੈ ਕਿ ਤੁਸੀਂ ਕਿਸ ਤਰ੍ਹਾਂ ਮਹਿਸੂਸ ਕਰ ਰਹੇ ਹੋ, ਤਾਂ ਬਸ ਆਪਣੇ ਆਪ ਨੂੰ ਇਹ ਪੁੱਛ ਲਵੋ, "ਮੈਂ ਕਿੰਝ ਮਹਿਸੂਸ ਕਰ ਰਿਹਾ ਹਾਂ?" ਤੁਸੀਂ ਦਿਨ 'ਚ ਕਈ ਵਾਰੀ ਇਹ ਸਵਾਲ ਪੁੱਛ ਸਕਦੇ ਹੋ। ਇਸ ਤਰ੍ਹਾਂ ਕਰਣ ਨਾਲ ਤੁਸੀਂ ਇਸ ਬਾਰੇ ਜਿਆਦਾ ਜਾਗਰੂਕ ਹੋਵੇਗੇ ਕਿ ਤੁਸੀਂ ਕਿੰਝ ਮਹਿਸੂਸ ਕਰ ਰਹੇ ਹੋ।

ਤੁਹਾਡੇ ਲਈ ਇਹ ਜਾਣਨਾ ਬਹੁਤ ਮਹੱਤਵਪੂਰਨ ਹੈ ਕਿ ਮਾੜਾ ਮਹਿਸੂਸ ਕਰਣ ਵੇਲੇ ਦਿਮਾਗ 'ਚ ਚੰਗੇ ਵਿਚਾਰ ਰੱਖਣੇ ਅਸੰਭਵ ਹੁੰਦੇ ਹਨ। ਇਹ ਗੱਲ ਤਾਂ ਨਿਯਮ ਦੇ ਖਿਲਾਫ਼ ਹੋਵੇਗੀ, ਕਿਉਂਕਿ ਤੁਹਾਡੇ ਵਿਚਾਰ ਹੀ ਤੁਹਾਡੀਆਂ ਭਾਵਨਾਵਾਂ ਨੂੰ ਪੈਦਾ ਕਰਦੇ ਹਨ। ਜੇਕਰ ਤੁਸੀਂ ਬੁਰਾ ਮਹਿਸੂਸ ਕਰ ਰਹੇ ਹੋ, ਤਾਂ ਇਸ ਤਰ੍ਹਾਂ ਇਸਲਈ ਹੈ, ਕਿਉਂਕਿ ਤੁਸੀਂ ਇਹੋ ਜਿਹੇ ਵਿਚਾਰ ਸੋਚ ਰਹੇ ਹੋ, ਜਿਹੜੇ ਤੁਹਾਨੂੰ ਬੁਰਾ ਮਹਿਸੂਸ ਕਰਾ ਰਹੇ ਹਨ।

ਤੁਹਾਡੇ ਵਿਚਾਰ ਤੁਹਾਡੀ ਫ੍ਰੀਕਊਂਸੀ ਤੈਅ ਕਰਦੇ ਹਨ ਅਤੇ ਤੁਹਾਡੀਆਂ ਭਾਵਨਾਵਾਂ ਤੁਹਾਨੂੰ ਤੁਰੰਤ ਦੱਸ ਦਿੰਦੀਆਂ ਹਨ ਕਿ ਤੁਸੀਂ ਕਿਸ ਫ੍ਰੀਕਊਂਸੀ 'ਤੇ ਹੋ। ਜਦੋਂ ਤੁਸੀਂ ਮਾੜਾ ਮਹਿਸੂਸ ਕਰਦੇ ਹੋ, ਤਾਂ ਇਸਦਾ ਮਤਲਬ ਇਹ ਹੈ ਕਿ ਤੁਸੀਂ ਮਾੜੀਆਂ ਚੀਜ਼ਾਂ ਨੂੰ ਆਕਰਸ਼ਿਤ ਕਰਣ ਦੀ ਫ੍ਰੀਕਊਂਸੀ 'ਤੇ ਹੋ। ਆਕਰਸ਼ਨ ਦਾ ਨਿਯਮ ਹਮੇਸ਼ਾ ਪ੍ਰਤੀਕਿਰਿਆ ਕਰੇਗਾ ਅਤੇ ਮਾੜੀਆਂ ਚੀਜ਼ਾਂ ਦੀਆਂ ਜ਼ਿਆਦਾ ਤਸਵੀਰਾਂ ਤੁਹਾਡੇ ਜੀਵਨ 'ਚ ਲਿਆਵੇਗਾ, ਜਿਸ ਨਾਲ ਤੁਸੀਂ ਮਾੜਾ ਮਹਿਸੂਸ ਕਰੋਗੇ।

ਜਦੋਂ ਤੁਸੀਂ ਮਾੜਾ ਮਹਿਸੂਸ ਕਰਦੇ ਹੋ ਅਤੇ ਆਪਣੇ ਵਿਚਾਰਾਂ ਨੂੰ ਬਦਲਣ ਜਾਂ ਬੇਹਤਰ ਮਹਿਸੂਸ ਕਰਣ ਦੀ ਕੋਈ ਕੋਸ਼ਿਸ਼ ਨਹੀਂ ਕਰਦੇ, ਤਾਂ ਤੁਸੀਂ ਦਰਅਸਲ ਕਹਿ ਰਹੇ ਹੋ, "ਮੇਰੇ ਜੀਵਨ 'ਚ ਇਹੋ ਜਿਹੀਆਂ ਹੋਰ ਜ਼ਿਆਦਾ ਪਰੀਸਥਿਤੀਆਂ ਲਿਆਵੋ, ਜਿਨ੍ਹਾਂ ਨਾਲ ਮੈਨੂੰ ਮਾੜਾ ਮਹਿਸੂਸ ਹੋਵੇ। ਉਨ੍ਹਾਂ ਨੂੰ ਲਿਆਓ!"

ਲੀਸ਼ਾ ਨਿਕੋਲਸ

ਇਸਦਾ ਦੂਜਾ ਪਹਿਲੂ ਇਹ ਹੈ ਕਿ ਤੁਹਾਡੇ ਕੋਲ ਚੰਗੇ ਭਾਵ ਤੇ ਭਾਵਨਾਵਾਂ ਵੀ ਹਨ। ਤੁਹਾਨੂੰ ਇਨ੍ਹਾਂ ਦੇ ਆਉਣ ਦਾ ਪਤਾ ਚਲ ਜਾਂਦਾ ਹੈ, ਕਿਉਂਕਿ ਇਹਨਾਂ ਨਾਲ ਤੁਹਾਨੂੰ ਚੰਗਾ ਮਹਿਸੂਸ ਹੁੰਦਾ ਹੈ। ਉਤਸ਼ਾਹ, ਖੁਸ਼ੀ, ਸ਼ੁਕਰਗੁਜ਼ਾਰੀ, ਪ੍ਰੇਮ। ਕਾਸ਼ ਅਸੀਂ ਹਰ ਦਿਨ ਇਹੀ ਮਹਿਸੂਸ ਕਰ ਸਕੀਏ। ਜਦੋਂ ਤੁਸੀਂ ਚੰਗੀਆਂ ਭਾਵਨਾਵਾਂ ਦਾ ਜਸ਼ਨ ਮਨਾਉਂਦੇ ਹੋ, ਤਾਂ ਤੁਸੀਂ ਆਪਣੇ ਵੱਲ ਹੋਰ ਜਿਆਦਾ ਚੰਗੀਆਂ ਭਾਵਨਾਵਾਂ ਤੇ ਚੀਜ਼ਾਂ ਨੂੰ ਆਕਰਸ਼ਿਤ ਕਰਦੇ ਹੋ, ਜਿਨ੍ਹਾਂ ਨਾਲ ਤੁਹਾਨੂੰ ਚੰਗਾ ਮਹਿਸੂਸ ਹੁੰਦਾ ਹੈ।

 

ਬਾੱਬ ਡਾੱਯਲ

ਇਹ ਸੱਚੀ ਬਹੁਤ ਸੌਖਾ ਹੈ। "ਮੈਂ ਇਸ ਵਕਤ ਆਪਣੇ ਵੱਲ ਕਿਸ ਨੂੰ ਆਕਰਸ਼ਿਤ ਕਰ ਰਿਹਾ ਹਾਂ?" ਹੁਣ ਦੱਸੋ, ਤੁਸੀਂ ਕਿੰਝ ਮਹਿਸੂਸ ਕਰਦੇ ਹੋ? "ਮੈਂ ਚੰਗਾ ਮਹਿਸੂਸ ਕਰਦਾ ਹਾਂ।" ਬੜੀ ਵਧੀਆ ਗਲ ਹੈ, ਇੰਝ ਹੀ ਮਹਿਸੂਸ ਕਰਦੇ ਰਹੋ।

ਚੰਗਾ ਮਹਿਸੂਸ ਕਰਣ ਵੇਲੇ ਨਕਾਰਾਤਮਕ ਵਿਚਾਰ ਸੋਚਣੇ ਅਸੰਭਵ ਹਨ। ਜੇਕਰ ਤੁਸੀਂ ਚੰਗਾ ਮਹਿਸੂਸ ਕਰ ਰਹੇ ਹੋ, ਤਾਂ ਇੰਝ ਇਸਲਈ ਹੈ ਕਿਉਂਕਿ ਤੁਸੀਂ ਚੰਗੇ ਵਿਚਾਰ ਸੋਚ ਰਹੇ ਹੋ। ਦੇਖੋ ਤੁਸੀਂ ਜੀਵਨ 'ਚ ਜੋ ਚਾਹੋ, ਉਹ ਪਾ ਸਕਦੇ ਹੋ। ਇਸਦੀ ਕੋਈ ਹੱਦ ਨਹੀਂ ਹੈ। ਸਿਰਫ ਇਕ ਪੇਂਚ ਹੈ : ਤੁਹਾਨੂੰ ਚੰਗਾ ਮਹਿਸੂਸ ਕਰਣਾ ਹੋਵੇਗਾ। ਜ਼ਰਾ ਸੋਚੋ, ਦਰਅਸਲ ਤੁਸੀਂ ਇਹੀ ਤਾਂ ਚਾਹੁੰਦੇ ਹੋ! ਨਿਯਮ ਸਚਮੁੱਚ ਆਦਰਸ਼ ਹੈ।

 

ਮਾਰਸੀ ਸ਼ਿਮਾੱਫ਼

ਜੇਕਰ ਤੁਸੀਂ ਚੰਗਾ ਮਹਿਸੂਸ ਕਰ ਰਹੇ ਹੋ, ਤਾਂ ਤੁਸੀਂ ਇਹੋ ਜਿਹੇ ਭਵਿਖ ਦਾ ਨਿਰਮਾਣ ਕਰ ਰਹੇ ਹੋ, ਜਿਹੜਾ ਤੁਹਾਡੀਆਂ ਇੱਛਾਵਾਂ ਦੇ ਅਨੁਰੂਪ ਹੈ। ਜੇਕਰ ਤੁਸੀਂ ਮਾੜਾ ਮਹਿਸੂਸ ਕਰ ਰਹੇ ਹੋ, ਤਾਂ ਤੁਸੀਂ ਇਹੋ ਜਿਹੇ ਭਵਿਖ ਦਾ ਨਿਰਮਾਣ ਕਰ ਰਹੇ ਹੋ, ਜਿਹੜਾ ਤੁਹਾਡੀਆਂ ਆਸਾਂ ਦੇ ਵਿਪਰੀਤ ਹੈ। ਆਕਰਸ਼ਨ ਦਾ ਨਿਯਮ ਹਰ ਦਿਨ, ਹਰ ਪਲ ਕੰਮ ਕਰ ਰਿਹਾ ਹੈ। ਅਸੀਂ ਜੋ ਕੁੱਝ ਵੀ ਸੋਚਦੇ ਅਤੇ ਮਹਿਸੂਸ ਕਰਦੇ ਹਾਂ, ਉਹ ਸਾਡੇ ਭਵਿਖ ਦਾ ਨਿਰਮਾਣ ਕਰਦਾ ਹੈ। ਜੇਕਰ ਤੁਸੀਂ ਫਿਕਰਮੰਦ ਜਾਂ ਡਰੇ ਹੋਏ ਹੋ, ਤਾਂ ਤੁਸੀਂ ਆਪਣੇ ਜੀਵਨ' ਚ ਇਹੋ ਜਿਹੀਆਂ ਘਟਨਾਵਾਂ ਨੂੰ ਸੱਦਾ ਦੇ ਰਹੇ ਹੋ, ਜਿਹੜੀਆਂ ਤੁਹਾਨੂੰ ਚਿੰਤਤ ਜਾਂ ਡਰਾਉਣ ।

ਜੇਕਰ ਤੁਸੀਂ ਚੰਗਾ ਮਹਿਸੂਸ ਕਰ ਰਹੇ ਹੋ, ਤਾਂ ਇਸਦਾ ਮਤਲਬ ਇਹ ਹੈ ਕਿ ਤੁਸੀਂ ਚੰਗੇ ਵਿਚਾਰ ਸੋਚ ਰਹੇ ਹੋ। ਤੁਸੀਂ ਸਹੀ ਰਾਹ 'ਤੇ ਹੋ ਅਤੇ ਇਕ ਸਸ਼ਕਤ ਫ੍ਰੀਕਊਂਸੀ ਭੇਜ ਰਹੇ ਹੋ, ਜਿਹੜੀ ਤੁਹਾਡੇ ਵੱਲ ਜ਼ਿਆਦਾ ਚੰਗੀਆਂ ਚੀਜਾਂ ਨੂੰ ਆਕਰਸ਼ਿਤ ਕਰ ਰਹੀ ਹੈ, ਜਿਸ ਨਾਲ ਤੁਸੀਂ ਚੰਗਾ ਮਹਿਸੂਸ ਕਰੋਗੇ। ਜਦੋਂ ਤੁਸੀਂ ਚੰਗਾ ਮਹਿਸੂਸ ਕਰ ਰਹੇ ਹੋ, ਤਾਂ ਉਨ੍ਹਾਂ ਘੜੀਆਂ ਨੂੰ ਜੱਫੀ ਪਾ ਲਓ ਅਤੇ ਉਨ੍ਹਾਂ ਦਾ ਦੋਹਨ ਕਰੋ। ਇਹ ਜਾਣ ਲਓ ਕਿ ਚੰਗਾ ਮਹਿਸੂਸ ਕਰਣ ਵੇਲੇ ਤੁਸੀਂ ਜਿਆਦਾ ਚੰਗੀਆਂ ਚੀਜ਼ਾਂ ਨੂੰ ਪ੍ਰਬਲਤਾ ਨਾਲ ਆਪਣੇ ਵੱਲ ਆਕਰਸ਼ਤ ਕਰ ਰਹੇ ਹੋ।

ਆਓ, ਹੁਣ ਇਕ ਕਦਮ ਅੱਗੇ ਚੱਲੀਏ। ਕਿਤੇ ਇੰਝ ਤਾਂ ਨਹੀਂ ਹੈ ਕਿ ਬ੍ਰਹਿਮੰਡ ਤੁਹਾਡੀਆਂ ਭਾਵਨਾਵਾਂ ਰਾਹੀਂ ਤੁਹਾਨੂੰ ਇਹ ਸੰਦੇਸ਼ ਦੇ ਰਿਹਾ ਹੋਵੇ ਕਿ ਤੁਸੀਂ ਕੀ ਸੋਚ ਰਹੇ ਹੋ?

 

ਜੈਕ ਕੈਨਫ਼ੀਲਡ

ਸਾਡੀਆਂ ਭਾਵਨਾਵਾਂ ਸਾਨੂੰ ਇਸ ਗਲ ਦਾ ਫੀਡਬੈਕ ਦਿੰਦੀਆਂ ਹਨ ਕਿ ਅਸੀਂ ਸਹੀ ਰਾਹ 'ਤੇ ਹਾਂ ਜਾਂ ਨਹੀਂ, ਅਸੀਂ ਸਹੀ ਦਿਸ਼ਾ ਵਿਚ ' ਜਾ ਰਹੇ ਹਾਂ ਜਾਂ ਨਹੀਂ ।

ਯਾਦ ਰੱਖੋ, ਤੁਹਾਡੇ ਵਿਚਾਰ ਹਰ ਚੀਜ਼ ਦਾ ਮੁੱਢਲਾ ਕਾਰਣ ਹੈ। ਇਸਲਈ ਜਦੋਂ ਤੁਸੀਂ ਕਿਸੇ ਵਿਚਾਰ ਨੂੰ ਲਗਾਤਾਰ ਸੋਚਦੇ ਹੋ, ਤਾਂ ਉਹ ਤੁਰੰਤ ਬ੍ਰਹਿਮੰਡ 'ਚ ਪੁੱਜ ਜਾਂਦਾ ਹੈ। ਉਹ ਵਿਚਾਰ ਚੁੰਬਕ ਵਾਂਗ ਆਪਣੇ ਸਮਾਨ ਫ੍ਰੀਕਊਂਸੀ ਨਾਲ ਜੁੜ ਜਾਂਦਾ ਹੈ ਅਤੇ ਕੁੱਝ ਹੀ ਘੜੀਆਂ ਅੰਦਰ ਹੀ ਤੁਹਾਡੀਆਂ ਭਾਵਨਾਵਾਂ ਦੁਆਰਾ ਉਸ ਫ੍ਰੀਕਊਂਸੀ ਦੀ ਰੀਡਿੰਗ ਤੁਹਾਨੂੰ ਮਿਲ ਜਾਂਦੀ ਹੈ। ਇਸ ਨੂੰ ਦੂਜੇ ਤਰੀਕੇ ਨਾਲ ਕਹੀਐ ਤਾਂ ਬ੍ਰਹਿਮੰਡ ਤੁਹਾਡੀਆਂ ਭਾਵਨਾਵਾਂ ਰਾਹੀਂ ਤੁਹਾਨੂੰ ਇਹ ਦੱਸ ਦਿੰਦਾ ਹੈ ਕਿ ਤੁਸੀਂ ਉਸ ਵੇਲੇ ਕਿਸ ਫ੍ਰੀਕਊਂਸੀ 'ਤੇ ਹੋ। ਤੁਹਾਡੀਆਂ ਭਾਵਨਾਵਾਂ ਤੁਹਾਡਾ ਫ੍ਰੀਕਊਂਸੀ ਫੀਡਬੈਕ ਮੈਕੇਨਿਜ਼ਮ ਹੈ!

ਜਦੋਂ ਤੁਸੀਂ ਚੰਗਾ ਮਹਿਸੂਸ ਕਰਦੇ ਹੋ, ਤਾਂ ਬ੍ਰਹਿਮੰਡ ਤੋਂ ਆਉਣ ਵਾਲਾ ਸੰਚਾਰ ਦੱਸਦਾ ਹੈ, "ਤੁਸੀਂ ਚੰਗੇ ਵਿਚਾਰ ਸੋਚ ਰਹੇ ਹੋ।" ਇਸੇ ਤਰ੍ਹਾਂ ਜਦੋਂ ਤੁਸੀਂ ਮਾੜਾ ਮਹਿਸੂਸ ਕਰਦੇ ਹੋ, ਤਾਂ ਬ੍ਰਹਿਮੰਡ ਤੋਂ ਆਉਣ ਵਾਲਾ ਸੰਚਾਰ ਦੱਸਦਾ ਹੈ, "ਤੁਸੀਂ ਮਾੜੇ ਵਿਚਾਰ ਸੋਚ ਰਹੋ ਹੋ।"

ਜੇਕਰ ਤੁਸੀਂ ਇਸ ਵਕਤ ਬੁਰਾ ਮਹਿਸੂਸ ਕਰ ਰਹੇ ਹੋ, ਤਾਂ ਬ੍ਰਹਿਮੰਡ ਤੋਂ ਆਉਣ ਵਾਲਾ ਸੁਨੇਹਾ ਦਰਅਸਲ ਇਹ ਕਹਿ ਰਿਹਾ ਹੈ। "ਖਬਰਦਾਰ! ਆਪਣੇ ਵਿਚਾਰਾਂ ਨੂੰ ਤੁਰੰਤ ਬਦਲੋ। ਨਕਾਰਾਤਮਕ

ਫ੍ਰੀਕਊਂਸੀ ਦਰਜ ਹੋਈ ਹੈ। ਫ੍ਰੀਕਊਂਸੀ ਬਦਲੋ। ਪ੍ਰਗਟੀਕਰਣ ਦੀ ਤਿਆਰੀ ਅਰੰਭ ਹੋ ਚੁੱਕੀ ਹੈ। ਖਬਰਦਾਰ।"

ਅਗਲੀ ਵਾਰ ਜਦੋਂ ਤੁਸੀਂ ਬੁਰਾ ਮਹਿਸੂਸ ਕਰੋ ਜਾਂ ਕੋਈ ਨਕਾਰਾਤਮਕ ਭਾਵ ਮਹਿਸੂਸ ਕਰੋ, ਤਾਂ ਬ੍ਰਹਿਮੰਡ ਦੁਆਰਾ ਭੇਜੇ ਗਏ ਸੰਕੇਤਾਂ `ਤੇ ਧਿਆਨ ਦਿਓ। ਉਸ ਵੇਲੇ ਤੁਸੀਂ ਨਕਾਰਾਤਮਕ ਫ੍ਰੀਕਊਂਸੀ 'ਤੇ ਹੋ ਅਤੇ ਆਪਣੀ ਭਲਾਈ ਦੇ ਰਾਹ 'ਚ ਆਪ ਰੁਕਾਵਟਾਂ ਖੜੀਆਂ ਕਰ ਰਹੇ ਹੋ। ਆਪਣੇ ਵਿਚਾਰਾਂ ਨੂੰ ਬਦਲ ਲਓ ਅਤੇ ਕਿਸੇ ਚੰਗੀ ਚੀਜ ਬਾਰੇ ਸੋਚੋ। ਜੇਕਰ ਤੁਹਾਨੂੰ ਚੰਗਾ ਮਹਿਸੂਸ ਹੋਣ ਲੱਗੇ, ਤਾਂ ਤੁਸੀਂ ਜਾਣ ਜਾਵੋਗੇ ਕਿ ਤੁਸੀਂ ਫ੍ਰੀਕਊਂਸੀ ਬਦਲ ਕੇ ਨਵੀਂ ਫ੍ਰੀਕਊਂਸੀ ਉੱਪਰ ਪਹੁੰਚ ਗਏ ਹੋ ਅਤੇ ਬ੍ਰਹਿਮੰਡ ਨੇ ਬੇਹਤਰ ਭਾਵਨਾਵਾਂ ਪਹੁੰਚਾ ਕੇ ਇਸਦੀ ਤਾਈਦ ਕਰ ਦਿਤੀ ਹੈ।

 

ਬਾੱਬ ਡਾੱਯਲ

ਤੁਹਾਨੂੰ ਠੀਕ ਉਹੀ ਮਿਲ ਰਿਹਾ ਹੈ, ਜਿਸ ਬਾਰੇ ਤੁਸੀਂ ਮਹਿਸੂਸ ਕਰ ਰਹੇ ਹੋ, ਉਹ ਨਹੀਂ, ਜਿਸ ਬਾਰੇ ਤੁਸੀਂ ਸੋਚ ਰਹੇ ਹੋ।

ਇਸਲਈ ਘਟਨਾਵਾਂ ਵਾਰ-ਵਾਰ ਹੁੰਦੀਆਂ ਹਨ। ਜੇਕਰ ਸਵੇਰੇ-ਸਵੇਰੇ ਬਿਸਤਰੇ ਤੋਂ ਉਤਰਣ ਵੇਲੇ ਕਿਸੇ ਦੇ ਅੰਗੂਠੇ 'ਚ ਸੱਟ ਵੱਜ ਜਾਂਦੀ ਹੈ, ਤਾਂ ਸਾਰਾ ਦਿਨ ਇਸੇ ਤਰ੍ਹਾਂ ਦੀਆਂ ਘਟਨਾਵਾਂ ਹੁੰਦੀਆਂ ਰਹਿੰਦੀਆਂ ਹਨ। ਉਸ ਵਿਅਕਤੀ ਨੂੰ ਥੋੜ੍ਹਾ ਜਿਹਾ ਵੀ ਅੰਦਾਜ਼ਾਂ ਨਹੀਂ ਹੁੰਦਾ ਕਿ ਆਪਣੀਆਂ ਭਾਵਨਾਵਾਂ 'ਚ ਥੋੜ੍ਹਾ ਜਿਹਾ ਬਦਲਾਅ ਕਰਕੇ ਉਹ ਆਪਣੇ ਸਾਰੇ ਦਿਨ - ਅਤੇ ਆਪਣੀ ਜਿੰਦਗੀ ਨੂੰ ਬਦਲ ਸਕਦਾ ਹੈ।

ਜੇਕਰ ਤੁਹਾਡਾ ਦਿਨ ਚੰਗਾ ਸ਼ੁਰੂ ਹੁੰਦਾ ਹੈ, ਅਤੇ ਤੁਸੀਂ ਸੁਖਮਈ ਭਾਵਨਾਵਾਂ ਮਹਿਸੂਸ ਕਰਦੇ ਹੋ, ਤਾਂ ਜਦੋਂ ਤਕ ਤੁਸੀਂ ਕਿਸੇ ਚੀਜ਼ ਨੂੰ ਆਪਣਾ ਮੂਡ ਬਦਲਣ ਦੀ ਇਜਾਜ਼ਤ ਨਾ ਦਿਓ, ਉਦੋਂ ਤਕ ਤੁਸੀਂ ਆਕਰਸ਼ਨ ਦੇ ਨਿਯਮ ਦੁਆਰਾ ਉਸੇ ਤਰ੍ਹਾਂ ਦੀਆਂ ਹੋਰ ਸਥਿਤੀਆਂ ਤੇ ਲੋਕਾਂ ਨੂੰ ਆਕਰਸ਼ਤ ਕਰਦੇ ਰਹੋਗੇ, ਜਿਹੜੇ ਉਹਨਾਂ ਸੁਖਮਈ ਭਾਵਨਾਵਾਂ ਨੂੰ ਕਾਇਮ ਰੱਖਣਗੇ।

ਸਾਡੇ ਸਾਰਿਆਂ ਦੀ ਜ਼ਿੰਦਗੀ 'ਚ ਇਹੋ ਜਿਹੇ ਦਿਨ ਜਾਂ ਸਮਾਂ ਆਉਣਗੇ, ਜਦੋਂ ਇਕ ਤੋਂ ਬਾਦ ਇਕ ਕਈ ਚੀਜਾਂ ਗੜਬੜ ਹੋਣ। ਭਾਵੇਂ ਤੁਹਾਨੂੰ ਇਸ ਗੱਲ ਦਾ ਅਹਿਸਾਸ ਹੋਇਆ ਹੋਵੇ ਜਾਂ ਨਾ, ਇਹ ਲੜੀਬੱਧ ਪ੍ਰਤਿਕਿਰਿਆ ਸਿਰਫ ਇਕ ਵਿਚਾਰ ਨਾਲ ਅਰੰਭ ਹੋਈ ਸੀ। ਉਸ ਇਕ ਮਾੜੇ ਵਿਚਾਰ ਨੇ ਦੂਜੇ ਮਾੜੇ

ਵਿਚਾਰਾਂ ਨੂੰ ਆਕਰਸ਼ਿਤ ਕੀਤਾ, ਫ੍ਰੀਕਊਂਸੀ ਦਰਜ ਹੋਈ ਤੇ ਆਖਰਕਾਰ ਕੋਈ ਚੀਜ਼ ਗੜਬੜ ਹੋ ਗਈ। ਫਿਰ ਜਦੋਂ ਤੁਸੀਂ ਉਸ ਗੜਬੜ ਚੀਜ 'ਤੇ ਮਾੜੀਆਂ ਭਾਵਨਾਵਾਂ ਮਹਿਸੂਸ ਕਰ ਕੇ ਪ੍ਰਤਿਕਿਰਿਆ ਕੀਤੀ, ਤਾਂ ਤੁਸੀਂ ਉਸੇ ਤਰ੍ਹਾਂ ਦੀਆਂ ਹੋਰ ਮਾੜੀਆਂ ਚੀਜ਼ਾਂ ਨੂੰ ਵੀ ਆਪਣੇ ਵੱਲ ਆਕਰਸ਼ਿਤ ਕਰ ਲਿਆ। ਪ੍ਰਤੀਕਿਰਿਆਵਾਂ ਅਕਸਰ ਉਸੇ ਤਰ੍ਹਾਂ ਦੀਆਂ ਜਿਆਦਾ ਚੀਜ਼ਾਂ ਨੂੰ ਆਕਰਸ਼ਿਤ ਕਰਦੀਆਂ ਹਨ ਅਤੇ ਲੜੀਬੱਧ ਪ੍ਰਤਿਕਿਰਿਆ ਉਦੋਂ ਤਕ ਹੁੰਦੀ ਰਹੇਗੀ, ਜਦੋਂ ਤਕ ਕਿ ਤੁਸੀਂ ਆਪਣੀ ਇੱਛਾ ਸ਼ਕਤੀ ਨਾਲ ਆਪਣੇ ਵਿਚਾਰ ਬਦਲ ਕੇ ਖੁਦ ਨੂੰ ਉਸ ਫ੍ਰੀਕਊਂਸੀ ਤੋਂ ਹਟਾ ਨਾ ਲਓ।

ਤੁਸੀਂ ਆਪਣੇ ਵਿਚਾਰ ਬਦਲ ਕੇ ਆਪਣੀ ਮਨਚਾਹੀ ਚੀਜ਼ਾਂ ਦੀ ਦਿਸ਼ਾ 'ਚ ਮੋੜ ਸਕਦੇ ਹੋ। ਤੁਹਾਨੂੰ ਆਪਣੀਆਂ ਭਾਵਨਾਵਾਂ ਤੋਂ ਇਹ ਜਾਣਕਾਰੀ ਮਿਲ ਜਾਵੇਗੀ ਕਿ ਤੁਸੀਂ ਆਪਣੀ ਫ੍ਰੀਕਊਂਸੀ ਬਦਲ ਲਈ ਹੈ। ਆਕਰਸ਼ਨ ਦਾ ਨਿਯਮ ਉਸ ਨਵੀਂ ਫ੍ਰੀਕਊਂਸੀ ਨੂੰ ਜਕੜ ਲਵੇਗਾ ਅਤੇ ਉਸ ਦੇ ਅਨੁਰੂਪ ਨਵੀਂਆਂ ਤਸਵੀਰਾਂ ਤੁਹਾਡੀ ਜਿੰਦਗੀ 'ਚ ਭੇਜ ਦੇਵੇਗਾ।

ਹੁਣ ਤੁਸੀਂ ਆਪਣੀਆਂ ਭਾਵਨਾਵਾਂ ਤੋਂ ਫਾਇਦਾ ਚੁੱਕ ਸਕਦੇ ਹੋ ਅਤੇ ਉਨ੍ਹਾਂ ਦਾ ਇਸਤੇਮਾਲ ਕਰ ਆਪਣੀ ਮਨਚਾਹੀਆਂ ਚੀਜਾਂ ਨੂੰ ਹਾਸਿਲ ਕਰ ਸਕਦੇ ਹੋ।

ਤੁਸੀਂ ਆਪਣੀ ਮਨਚਾਹੀ ਚੀਜਾਂ ਦੇ ਵਿਚਾਰਾਂ `ਚ ਭਾਵਨਾਤਮਕ ਪ੍ਰਬਲਤਾ ਦਾ ਪ੍ਰਯੋਗ ਕਰ ਜ਼ਿਆਦਾ ਸਸ਼ਕਤ ਫ੍ਰੀਕਊਂਸੀ ਪ੍ਰੇਸ਼ਿਤ ਕਰ ਸਕਦੇ ਹੋ ਅਤੇ ਆਪਣੀ ਭਾਵਨਾਵਾਂ ਤੋਂ ਫਾਇਦਾ ਚੁੱਕ ਸਕਦੇ ਹੋ।

 

ਮਾਇਕਲ ਬਰਨਾਰਡ ਬੇਕਵਿਥ

ਤੁਸੀਂ ਇਸੇ ਵੇਲੇ ਸਿਹਤਮੰਦ ਮਹਿਸੂਸ ਕਰ ਸਕਦੇ ਹੋ। ਤੁਸੀਂ ਸਮਰਿੱਧ ਮਹਿਸੂਸ ਕਰ ਸਕਦੇ ਹੋ। ਤੁਸੀਂ ਆਪਣੇ ਚਾਰੇ ਪਾਸੇ ਪ੍ਰੇਮ ਮਹਿਸੂਸ ਕਰ ਸਕਦੇ ਹੋ, ਭਲੇ ਹੀ ਉਹ ਤੁਹਾਡੇ ਜੀਵਨ 'ਚ ਨਾ ਹੋਣ। ਸਿੱਟਾ ਇਹ ਹੋਵੇਗਾ ਕਿ ਬ੍ਰਹਿਮੰਡ ਤੁਹਾਡੇ ਅਹਿਸਾਸ ਦੀ ਪ੍ਰਕਿਰਤੀ ਦੇ ਅਨੁਰੂਪ ਬਣ ਜਾਵੇਗਾ। ਬ੍ਰਹਿਮੰਡ ਤੁਹਾਡੇ ਅੰਦਰੂਨੀ ਭਾਵ ਦੀ ਪ੍ਰਕਿਰਤੀ ਦੇ ਅਨੁਰੂਪ ਬਦਲਕੇ ਤੁਹਾਡੇ ਸਾਹਮਣੇ ਪ੍ਰਗਟ ਹੋਵੇਗਾ, ਕਿਉਂਕਿ ਤੁਸੀਂ ਉਸੇ ਤਰ੍ਹਾਂ ਹੀ ਮਹਿਸੂਸ ਕਰਦੇ ਹੋ।

ਤਾਂ ਤੁਸੀਂ ਇਸ ਵਕਤ ਕਿਸ ਤਰ੍ਹਾਂ ਮਹਿਸੂਸ ਕਰ ਰਹੇ ਹੋ? ਕੁਝ ਪਲ ਸੋਚੋ ਕਿ ਤੁਸੀਂ ਕਿਸ ਤਰ੍ਹਾਂ ਮਹਿਸੂਸ ਕਰਦੇ ਹੋ। ਜੇਕਰ ਤੁਸੀਂ ਓਨਾ ਚੰਗਾ ਮਹਿਸੂਸ ਨਹੀਂ ਕਰਦੇ, ਜਿੰਨਾ ਤੁਸੀਂ ਚਾਹੁੰਦੇ ਹੋ, ਤਾਂ

ਕੋਸ਼ਿਸ਼ ਕਰਕੇ ਆਪਣੀਆਂ ਭਾਵਨਾਵਾਂ ਨੂੰ ਉੱਪਰ ਚੁੱਕੋ ਅਤੇ ਉਨ੍ਹਾਂ 'ਤੇ ਧਿਆਨ ਕੇਂਦਿਤ ਕਰੋ। ਜਦੋਂ ਤੁਸੀਂ ਆਪਣੀਆਂ ਭਾਵਨਾਵਾਂ ਨੂੰ ਉੱਪਰ ਚੁੱਕਣ ਲਈ ਬੜੀ ਡੂੰਘਿਆਈ ਨਾਲ ਧਿਆਨ ਕੇਂਦ੍ਰਿਤ ਕਰਦੇ ਹੋ, ਤਾਂ ਤੁਸੀਂ ਉਨ੍ਹਾਂ ਨੂੰ ਪ੍ਰਬਲਤਾ ਨਾਲ ਉੱਪਰ ਚੱਕਦੇ ਹੋ। ਇਸ ਦਾ ਇਕ ਤਰੀਕਾ ਅੱਖਾਂ ਬੰਦ ਕਰ ਕੇ (ਤਾਂ ਜੁ ਅੜੀਕਾ ਨਾ ਪਵੇ) ਅੰਦਰਲੀਆਂ ਭਾਵਨਾਵਾਂ 'ਤੇ ਧਿਆਨ ਕੇਂਦ੍ਰਿਤ ਕਰਣਾ ਹੈ ਅਤੇ ਫਿਰ ਇਕ ਮਿੰਟ ਤਕ ਮੁਸਕਾਓ।

 

ਲੀਸਾ ਨਿਕੋਲਸ

ਤੁਹਾਡੇ ਵਿਚਾਰ ਤੇ ਭਾਵਨਾਵਾਂ ਤੁਹਾਡੇ ਜੀਵਨ ਦਾ ਨਿਰਮਾਣ ਕਰਦੀਆਂ ਹਨ। ਇਹ ਹਮੇਸ਼ਾ ਇਸੇ ਤਰੀਕੇ ਨਾਲ ਹੁੰਦਾ ਹੈ ਅਤੇ ਹੁੰਦਾ ਰਹੇਗਾ। ਪੱਕੀ ਗਾਰੰਟੀ ਹੈ।

ਗੁਰਤਾ ਦੇ ਨਿਯਮ ਵਾਂਗ ਹੀ ਆਕਰਸ਼ਨ ਦੇ ਨਿਯਮ 'ਚ ਵੀ ਕਦੇ ਚੂਕ ਨਹੀਂ ਹੁੰਦੀ। ਇਸ ਤਰ੍ਹਾਂ ਕਦੇ ਨਹੀਂ ਹੁੰਦਾ ਕਿ ਗੁਰਤਾ ਦੇ ਨਿਯਮ 'ਚ ਚੂਕ ਹੋਣ ਦੇ ਕਾਰਣ ਤੁਸੀਂ ਸੂਰਾਂ ਨੂੰ ਉਡਦਿਆਂ ਦੇਖਿਆ ਹੋਵੇ, ਕਿਉਂਕਿ ਉਸ ਦਿਨ ਸੂਰ 'ਤੇ ਗੁਰਤਾ ਦਾ ਨਿਯਮ ਨਹੀਂ ਲਾਗੂ ਹੋ ਪਾਇਆ ਸੀ। ਇਸੇ ਤਰ੍ਹਾਂ ਆਕਰਸ਼ਨ ਦੇ ਨਿਯਮ 'ਚ ਵੀ ਕਦੇ ਚੂਕ ਨਹੀਂ ਹੁੰਦੀ। ਜੇਕਰ ਤੁਹਾਡੀ ਜ਼ਿੰਦਗੀ 'ਚ ਕੋਈ ਚੀਜ਼ ਆਉਂਦੀ ਹੈ ਤਾਂ ਇਸਦਾ ਮਤਲਬ ਇਹ ਹੈ ਕਿ ਤੁਸੀਂ ਲੰਮੇ ਸਮੇਂ ਤਕ ਉਸਦੇ ਬਾਰੇ ਸੋਚ ਕੇ ਉਸ ਨੂੰ ਆਪਣੇ ਵੱਲ ਆਕਰਸ਼ਿਤ ਕੀਤਾ ਹੈ। ਆਕਰਸ਼ਨ ਦਾ ਨਿਯਮ ਦਰੁਸਤ ਹੈ।

 

ਮਾਇਕਲ ਬਰਨਾਰਡ ਬੇਕਵਿਥ

ਇਸ ਨੂੰ ਹਜ਼ਮ ਕਰ ਪਾਉਣਾ ਔਖਾ ਹੈ, ਲੇਕਿਨ ਜਦੋਂ ਅਸੀਂ ਇਸ ਵਿਚਾਰ ਨੂੰ ਸਵੀਕਾਰ ਕਰਣ ਲੱਗਦੇ ਹਾਂ, ਤਾਂ ਇਸਦੇ ਪ੍ਰਭਾਵ ਜ਼ਬਰਦਸਤ ਹੁੰਦੇ ਹਨ। ਇਸਦਾ ਮਤਲਬ ਇਹ ਹੈ ਕਿ ਪੁਰਾਣੇ ਵਿਚਾਰਾਂ ਨੂੰ ਤੁਹਾਡੇ ਜੀਵਨ 'ਚ ਭਾਵੇਂ ਜੋ ਕੀਤਾ ਹੋਵੇ, ਲੇਕਿਨ ਜਾਗਰੂਕਤਾ ਨੂੰ ਬਦਲ ਕੇ ਤੁਸੀਂ ਜ਼ਿੰਦਗੀ ਨੂੰ ਬੇਹਤਰ ਬਣਾ ਸਕਦੇ ਹੋ।

ਤੁਹਾਡੇ ਕੋਲ ਹਰ ਚੀਜ਼ ਨੂੰ ਬਦਲਣ ਦੀ ਸ਼ਕਤੀ ਹੈ, ਕਿਉਂਕਿ ਤੁਸੀਂ ਹੀ ਤੇ ਆਪਣੇ ਵਿਚਾਰਾਂ ਨੂੰ ਚੁਣਦੇ ਹੋ, ਤੁਸੀਂ ਹੀ ਤੇ ਆਪਣੀਆਂ ਭਾਵਨਾਵਾਂ ਨੂੰ ਮਹਿਸੂਸ ਕਰਦੇ ਹੋ।

"ਤੁਸੀਂ ਰਾਹ 'ਚ ਚੱਲਦੇ-ਚੱਲਦੇ ਆਪਣੇ ਬ੍ਰਹਿਮੰਡ ਦਾ ਨਿਰਮਾਣ ਆਪ ਕਰਦੇ ਹੋ।"

ਵਿੰਸਟਨ ਚਰਚਿਲ

ਡਾੱ. ਜੋ ਵਿਟਾਲ

ਚੰਗਾ ਮਹਿਸੂਸ ਕਰਣਾ ਸਚਮੁੱਚ ਮਹੱਤਵਪੂਰਨ ਹੈ, ਕਿਉਂਕਿ ਇਹ ਚੰਗੀ ਭਾਵਨਾ ਬ੍ਰਹਿਮੰਡ 'ਚ ਸੰਕੇਤਾਂ ਵਾਂਗ ਹੋ ਜਾਂਦੀ ਹੈ ਅਤੇ ਤੁਹਾਡੇ ਵੱਲ ਉਸੇ ਵਰਗੀ ਜ਼ਿਆਦਾ ਚੀਜ਼ਾਂ ਨੂੰ ਆਕਰਸ਼ਤ ਕਰਣ ਲੱਗਦੀ ਹੈ। ਇਸਲਈ ਤੁਸੀਂ ਜਿੰਨਾ ਜ਼ਿਆਦਾ ਚੰਗਾ ਮਹਿਸੂਸ ਕਰੋਗੇ, ਤੁਹਾਡੇ ਵੱਲ ਉਂਨੀ ਹੀ ਜਿਆਦਾ ਚੰਗੀਆਂ ਚੀਜਾਂ ਆਕਰਸ਼ਿਤ ਹੋਣਗੀਆਂ, ਜਿਹੜੀਆਂ ਤੁਹਾਨੂੰ ਚੰਗਾ ਮਹਿਸੂਸ ਕਰਾਣਗੀਆਂ ਤੇ ਲਗਾਤਾਰ ਜਿਆਦਾ ਉੱਪਰ ਪਹੁੰਚਾਣਗੀਆਂ।

 

ਬਾੱਬ ਪ੍ਰਾੱਕਟਰ

ਜੇਕਰ ਤੁਸੀਂ ਨਿਰਾਸ਼ਾ ਮਹਿਸੂਸ ਕਰ ਰਹੇ ਹੋ, ਤਾਂ ਕੀ ਤੁਸੀਂ ਜਾਣਦੇ ਹੋ ਕਿ ਤੁਸੀਂ ਇਸੇ ਘੜੀ ਨੂੰ ਬਦਲ ਸਕਦੇ ਹੋ? ਵਧੀਆ ਜਿਹਾ ਗੀਤ ਲਾ ਲਓ ਜਾਂ ਗਾਉਣ ਲੱਗੋ - ਇਸ ਨਾਲ ਤੁਹਾਡੇ ਭਾਵ ਬਦਲ ਜਾਣਗੇ। ਜਾਂ ਕਿਸੇ ਸੋਹਣੀ ਚੀਜ ਬਾਰੇ ਸੋਚੋ। ਬੱਚੇ ਜਾਂ ਕਿਸੇ ਇਹੋ ਜਿਹੇ ਵਿਅਕਤੀ ਬਾਰੇ ਸੋਚੋ, ਜਿਸ ਨਾਲ ਤੁਸੀਂ ਸੱਚਾ ਪਿਆਰ ਕਰਦੇ ਹੋ ਅਤੇ ਉਸੇ 'ਤੇ ਧਿਆਨ ਕੇਂਦ੍ਰਿਤ ਰੱਖੋ। ਉਸ ਵਿਚਾਰ ਨੂੰ ਸੱਚੀ ਹੀ ਆਪਣੇ ਦਿਮਾਗ 'ਚ ਰੱਖ ਲਓ। ਉਸ ਵਿਚਾਰ ਨੂੰ ਛੱਡ ਕੇ ਕਿਸੇ ਦੂਜੀ ਚੀਜ ਨੂੰ ਦਿਮਾਗ 'ਚ ਆਉਣ ਹੀ ਨਾ ਦਿਓ। ਮੈਂ ਗਾਰੰਟੀ ਦਿੰਦਾ ਹਾਂ ਕਿ ਤੁਸੀਂ ਵਧੀਆ ਮਹਿਸੂਸ ਕਰਣ ਲੱਗੋਗੇ।

ਆਪਣੇ ਕੋਲ ਕੁਝ ਹੱਟਵੇਂ-ਭਾਵਾਂ ਦੀ ਸੂਚੀ ਤਿਆਰ ਰੱਖੋ। ਹੱਟਵੇਂ-ਭਾਵਾਂ ਤੋਂ ਮੇਰਾ ਮਤਲਬ ਇਹੋ ਜਿਹੀਆਂ ਚੀਜਾਂ ਨਾਲ ਹੈ, ਜਿਹੜੀਆਂ ਇਕੋ ਹੀ ਘੜੀ 'ਚ ਤੁਹਾਡੀਆਂ ਭਾਵਨਾਵਾਂ ਨੂੰ ਬਦਲ ਸਕਦੀਆਂ ਹਨ। ਜਿਵੇਂ ਸੁਖਮਈ ਯਾਦਾਂ, ਭਾਵੀ ਘਟਨਾਵਾਂ ਦੀਆਂ ਕਲਪਨਾਵਾਂ, ਮੌਜ-ਮਸਤੀ ਦੇ ਪਲ, ਸੋਹੜੇ ਪ੍ਰਾਕ੍ਰਿਤਕ ਦ੍ਰਿਸ਼, ਕੋਈ ਪਿਆਰਾ ਵਿਅਕਤੀ ਤੁਹਾਡਾ ਮਨਭਾਉਂਦਾ ਸੰਗੀਤ। ਫਿਰ ਜਦੋਂ ਤੁਹਾਨੂੰ ਲੱਗੇ ਕਿ ਤੁਸੀਂ ਗੁੱਸੇ 'ਚ ਹੋ, ਕੁੰਠਿਤ ਹੋ ਜਾਂ ਚੰਗਾ ਮਹਿਸੂਸ ਨਹੀਂ ਕਰ ਰਹੇ ਹੋ, ਤਾਂ ਫੌਰਨ ਆਪਣੀ ਹੱਟਵੇਂ-ਭਾਵਾਂ ਦੀ ਸੂਚੀ 'ਤੇ ਨਜ਼ਰ ਪਾਓ ਅਤੇ ਉਨ੍ਹਾਂ 'ਚੋਂ ਕਿਸੇ ਇਕ 'ਤੇ ਧਿਆਨ ਕੇਂਦ੍ਰਿਤ ਕਰ ਲਓ।

ਵੱਖੋ-ਵੱਖ ਮੌਕਿਆਂ 'ਤੇ ਵੱਖੋ-ਵੱਖ ਚੀਜਾਂ ਤੁਹਾਡੇ ਭਾਵਾਂ ਨੂੰ ਬਦਲਣਗੀਆਂ, ਇਸਲਈ ਜੇਕਰ ਕੋਈ ਚੀਜ ਕੰਮ ਨਾ ਕਰੇ, ਤਾਂ ਦੂਜੀ ਨੂੰ ਇਸਤੇਮਾਲ ਕਰੋ। ਆਪਣੀ ਫ੍ਰੀਕਊਂਸੀ ਤੇ ਆਪਣੇ ਫੋਕਸ ਬਦਲਣ 'ਚ ਮੁਸ਼ਕਿਲ ਨਾਲ ਇਕ-ਦੋ ਮਿੰਟ ਦਾ ਸਮਾਂ ਲੱਗਦਾ ਹੈ।

 

ਪ੍ਰੇਮ : ਮਹਾਨਤਮ ਭਾਵ

ਜੇਮਸ ਰੇ

ਦਾਰਸ਼ਨਿਕ, ਵਕਤਾ, ਲੇਖਕ ਤੇ ਸਮਰਿੱਧੀ ਅਤੇ ਮਾਨਵੀ ਸਮਰਥਾ ਪ੍ਰੋਗਰਾਮਾਂ ਦੇ ਨਿਰਮਾਤਾ

ਚੰਗਾ ਮਹਿਸੂਸ ਕਰਣ ਦਾ ਸਿਧਾਂਤ ਪਰਿਵਾਰ ਦੇ ਪਾਲਤੂ ਜਾਨਵਰਾਂ 'ਤੇ ਵੀ ਲਾਗੂ ਹੁੰਦਾ ਹੈ। ਪਸ਼ੂ ਅਦਭੁੱਤ ਹਨ, ਕਿਉਂਕਿ ਉਨ੍ਹਾਂ ਦੇ ਕਾਰਣ ਤੁਸੀਂ ਬੜੀ ਵਧੀਆਂ ਭਾਵਨਾਤਮਕ ਸਥਿਤੀ ਵਿਚ ਰਹਿੰਦੇ ਹੋ। ਜਦੋਂ ਤੁਸੀਂ ਆਪਣੇ ਪਾਲਤੂ ਪਸ਼ੂਆਂ ਪ੍ਰਤਿ ਪ੍ਰੇਮ ਮਹਿਸੂਸ ਕਰਦੇ ਹੋ, ਤਾਂ ਪ੍ਰੇਮ ਦੀ ਉਹ ਮਹਾਨ ਅਵਸਥਾ ਤੁਹਾਡੇ ਜੀਵਨ 'ਚ ਚੰਗੀਆਂ ਚੀਜਾਂ ਲਿਆਵੇਗੀ। ਇਹ ਕਿੰਨਾ ਚੰਗਾ ਤੋਹਫਾ ਹੈ!

 

"ਵਿਚਾਰ ਤੇ ਪ੍ਰੇਮ ਦਾ ਸੁਮੇਲ ਆਕਰਸ਼ਨ ਦੇ ਨਿਯਮ ਨੂੰ ਬੇਹਦ ਸ਼ਕਤੀਸ਼ਾਲੀ ਬਣਾ ਦਿੰਦਾ ਹੈ।"

ਚਾਰਲਸ ਹਾਨੇਲ

ਪ੍ਰੇਮ ਬ੍ਰਹਿਮੰਡ ਦੀ ਸਭ ਤੋਂ ਵੱਡੀ ਸ਼ਕਤੀ ਹੈ। ਪ੍ਰੇਮ ਦਾ ਭਾਵ ਉਹ ਸਰਵਉਚ ਫ੍ਰੀਕਊਂਸੀ ਹੈ, ਜਿਸਨੂੰ ਤੁਸੀਂ ਸੰਚਾਰਤ ਕਰ ਸਕਦੇ ਹੋ। ਜੇਕਰ ਤੁਸੀਂ ਆਪਣੇ ਹਰ ਵਿਚਾਰ ਨੂੰ ਪ੍ਰੇਮ ਨਾਲ ਸਰਸ਼ਾਰ ਕਰ ਸਕੋ ਜੇਕਰ ਤੁਸੀਂ ਹਰ ਵਸਤੂ ਤੇ ਵਿਅਕਤੀ ਨਾਲ ਪ੍ਰੇਮ ਕਰ ਸਕੋ, ਤਾਂ ਤੁਹਾਡੇ ਜੀਵਨ ਦਾ ਕਾਇਆਕਲਪ ਹੋ ਜਾਵੇਗਾ।

ਦਰਅਸਲ ਅਤੀਤ ਦੇ ਕੁੱਝ ਮਹਾਨ ਚਿੰਤਕਾਂ ਨੇ ਆਕਰਸ਼ਨ ਦੇ ਨਿਯਮ ਵੱਲ ਇਸ਼ਾਰਾ ਕਰਦਿਆਂ ਇਸ ਨੂੰ ਪ੍ਰੇਮ ਦਾ ਨਿਯਮ ਕਿਹਾ ਸੀ। ਸੋਚਣ 'ਤੇ ਤੁਹਾਨੂੰ ਸਮਝ ਵਿਚ ਆ ਜਾਵੇਗਾ ਕਿ ਉਨ੍ਹਾਂ ਇਸ ਤਰਾਂ ਕਿਉਂ ਕੀਤਾ। ਜੇਕਰ ਤੁਸੀਂ ਕਿਸੇ ਬਾਰੇ ਮਾੜਾ ਸੋਚਦੇ ਹੋ, ਤਾਂ ਉਹ ਮਾੜੇ ਵਿਚਾਰ ਤੁਹਾਡੇ ਜੀਵਨ ਚ ਬਤੌਰ ਮਾੜੀਆਂ ਤਸਵੀਰਾਂ ਪ੍ਰਗਟ ਹੋਣਗੇ। ਤੁਸੀਂ ਆਪਣੇ ਮਾੜੇ ਵਿਚਾਰਾਂ ਨਾਲ ਕਿਸੇ ਦੂਜੇ ਦਾ ਨਹੀਂ, ਸਗੋਂ ਆਪਣਾ ਨੁਕਸਾਨ ਕਰ ਸਕਦੇ ਹੋ। ਜੇਕਰ ਤੁਸੀਂ ਪ੍ਰੇਮ ਦੇ ਵਿਚਾਰ ਸੋਚਦੇ ਹੋ, ਤਾਂ ਅੰਦਾਜਾਂ ਲਾਓ, ਇਸ ਨਾਲ ਕਿਸ ਨੂੰ ਫਾਇਦਾ ਹੋਵੇਗਾ - ਤੁਹਾਨੂੰ! ਇਸਲਈ ਜੇਕਰ ਤੁਹਾਡੀ ਪ੍ਰਮੁੱਖ ਭਾਵਨਾਤਮਕ ਅਵਸਥਾ ਪ੍ਰੇਮ ਦੀ ਹੈ ਤਾਂ ਆਕਰਸ਼ਨ ਜਾਂ ਪ੍ਰੇਮ ਦਾ ਨਿਯਮ ਸਭ ਤੋਂ ਪ੍ਰਬਲ ਸ਼ਕਤੀ ਨਾਲ ਪ੍ਰਤਿਕਿਰਿਆ ਕਰਦਾ ਹੈ, ਕਿਉਂਕਿ ਤੁਸੀਂ ਸਭ ਤੋਂ ਉੱਚੀ ਫ੍ਰੀਕਊਂਸੀ `ਤੇ ਹੋ। ਤੁਸੀਂ ਜਿੰਨਾ ਜਿਆਦਾ ਪ੍ਰੇਮ ਮਹਿਸੂਸ ਅਤੇ ਸੰਚਾਰਤ ਕਰੋਗੇ, ਉਂਨੀ ਹੀ ਜਿਆਦਾ ਸ਼ਕਤੀ ਦਾ ਦੋਹਨ ਕਰੋਗੇ।

"ਜਿਹੜੇ ਸਿਧਾਂਤ ਵਿਚਾਰ ਨੂੰ ਇਸਦੀ ਵਸਤੂ ਨਾਲ ਜੋੜਦੇ ਅਤੇ ਇਸ ਤਰ੍ਹਾਂ ਦੀ ਮਾਨਵੀ ਵਿਪੱਤੀ 'ਤੇ ਜਿੱਤ ਪਾਉਣ ਦੀ ਪ੍ਰਬਲ ਸ਼ਕਤੀ ਦਿੰਦੇ ਹਨ, ਉਹ ਆਕਰਸ਼ਨ ਦਾ ਨਿਯਮ ਹੈ। ਇਹ ਇਕ ਪਰਤੱਖ ਤੇ ਬੁਨਿਆਦੀ ਸਿਧਾਂਤ ਹੈ, ਜਿਹੜਾ ਹਰ ਵਸਤੂ, ਹਰ ਦਰਸ਼ਨ ਹਰ ਧਰਮ ਤੇ ਹਰ ਵਿਗਿਆਨ 'ਚ ਸ਼ਾਮਿਲ ਹੈ। ਪ੍ਰੇਮ ਦੇ ਨਿਯਮ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ। ਭਾਵਨਾ ਇੱਛਾ ਹੈ ਅਤੇ ਇੱਛਾ ਪ੍ਰੇਮ। ਪ੍ਰੇਮ ਨਾਲ ਸ਼ਰਸਾਰ ਵਿਚਾਰ ਅਜਿੱਤ ਬਣ ਜਾਂਦੇ ਹਨ।"

ਚਾਰਲਸ ਹਾਨੇਲ

ਮਾਰਸੀ ਸ਼ਿਮਾੱਫ਼

ਜਦੋਂ ਤੁਸੀਂ ਆਪਣੇ ਵਿਚਾਰਾਂ ਤੇ ਭਾਵਨਾਵਾਂ ਨੂੰ ਸਮਝਣ ਅਤੇ ਉਨ੍ਹਾਂ 'ਤੇ ਸਚਮੁੱਚ ਕੰਟਰੋਲ ਰੱਖਣ ਲੱਗਦੇ ਹੋ, ਤਾਂ ਤੁਸੀਂ ਦੇਖ ਸਕਦੇ ਹੋ ਕਿ ਤੁਸੀਂ ਆਪਣੀ ਵਾਸਤਵਿਕਤਾ ਦਾ ਨਿਰਮਾਣ ਕਿਵੇਂ ਕਰਦੇ ਹੋ। ਇਹੀ ਤੁਹਾਡੀ ਸੁਤੰਤਰਤਾ ਹੈ, ਇਹੀ ਤੁਹਾਡੀ ਸਮੁੱਚੀ ਸ਼ਕਤੀ ਹੈ।

ਮਾਰਸੀ ਸ਼ਿਮਾੱਫ ਨੇ ਮਹਾਨ ਐਲਬਰਟ ਆਇਨਸਟੀਨ ਦਾ ਇਕ ਅਦਭੁਤ ਵਾਕ ਦੁਹਰਾਇਆ ਹੈ: “ ਕੋਈ ਇਨਸਾਨ ਆਪਣੇ ਆਪ ਤੋਂ ਸਭ ਤੋਂ ਮਹੱਤਵਪੂਰਨ ਸਵਾਲ ਇਹ ਪੁੱਛ ਸਕਦਾ ਹੈ, ‘ਕੀ ਇਹ ਬ੍ਰਹਿਮੰਡ ਮਿਤਰਤਾਪੂਰਨ ਹੈ?”

ਆਕਰਸ਼ਨ ਦੇ ਨਿਯਮ ਨੂੰ ਜਾਣਨ ਤੋਂ ਬਾਅਦ ਇਸਦਾ ਇਕੱਲਾ ਜਵਾਬ ਇਹੀ ਹੈ, "ਹਾਂ, ਬ੍ਰਹਿਮੰਡ ਮਿਤਰਤਾਪੂਰਨ ਹੈ।" ਕਿਉਂ? ਕਿਉਂਕਿ ਜਦੋਂ ਤੁਸੀਂ ਇਹ ਜਵਾਬ ਦਿੰਦੇ ਹੋ, ਤਾਂ ਆਕਰਸ਼ਨ ਦੇ ਨਿਯਮ ਦੁਆਰਾ ਤੁਹਾਨੂੰ ਇਹੀ ਅਨੁਭਵ ਹੋਵੇਗਾ। ਆਇਨਸਟੀਨ ਨੇ ਇਹ ਸਸ਼ਕਤ ਸਵਾਲ ਇਸਲਈ ਪੁੱਛਿਆ ਸੀ, ਕਿਉਂਕਿ ਉਹ ਰਹੱਸ ਜਾਣਦੇ ਸਨ। ਉਹ ਜਾਣਦੇ ਸਨ ਕਿ ਇਸ ਸਵਾਲ ਕਾਰਣ ਅਸੀਂ ਸੋਚਣ ਅਤੇ ਵਿਕਲਪ ਚੁਣਨ ਲਈ ਮਜ਼ਬੂਰ ਹੋਵਾਂਗੇ। ਉਨ੍ਹਾਂ ਨੇ ਸਿਰਫ ਇਕ ਸਵਾਲ ਪੁੱਛ ਕੇ ਸਾਨੂੰ ਇਕ ਮਹਾਨ ਅਵਸਰ ਦਿੱਤਾ ਸੀ।

ਤੁਸੀਂ ਆਇਨਸਟੀਨ ਦੇ ਇਰਾਦੇ ਨੂੰ ਹੋਰ ਅੱਗੇ ਤਕ ਲੈ ਜਾ ਕੇ ਇਹ ਦ੍ਰਿੜ ਐਲਾਨ ਕਰ ਸਕਦੇ ਹੋ, "ਇਹ ਬ੍ਰਹਿਮੰਡ ਸ਼ਾਨਦਾਰ ਹੈ। ਬ੍ਰਹਿਮੰਡ ਸਾਰੀ ਚੰਗੀਆਂ ਚੀਜ਼ਾਂ ਨੂੰ ਮੇਰੇ ਵੱਲ ਲਿਆ ਰਿਹਾ ਹੈ। ਬ੍ਰਹਿਮੰਡ ਹਰ ਚੀਜ਼ 'ਚ ਮੇਰਾ ਸਾਥ ਦੇ ਰਿਹਾ ਹੈ। ਬ੍ਰਹਿਮੰਡ ਮੇਰੀ ਸਾਰੀਆਂ ਜ਼ਰੂਰਤਾਂ ਨੂੰ ਤੁਰੰਤ ਪੂਰਾ ਕਰ ਰਿਹਾ ਹੈ।" ਜਾਣ ਲਓ, ਬ੍ਰਹਿਮੰਡ ਮਿਤਰਤਾਪੂਰਨ ਹੈ।

 

ਜੈਕ ਕੈਨਫ਼ੀਲਡ

ਜਦੋਂ ਤੋਂ ਮੈਂ ਰਹੱਸ ਸਿੱਖਿਆ ਹੈ ਅਤੇ ਆਪਣੇ ਜੀਵਨ 'ਚ ਢਾਲਿਆ ਹੈ, ਮੇਰੀ ਜਿੰਦਗੀ ਜਿਵੇਂ ਜਾਦੂ ਨਾਲ ਬਦਲ ਗਈ ਹੈ। ਜਿਸ ਤਰ੍ਹਾਂ ਜ਼ਿੰਦਗੀ ਦੇ ਲੋਕ ਸੁਫਨੇ ਦੇਖਦੇ ਹਨ, ਸ਼ਾਇਦ ਮੈਂ ਉਸ ਨੂੰ ਹਰ ਦਿਨ ਜੀਉਂਦਾ ਹਾਂ। ਮੈਂ ਪੰਤਾਲੀ ਲੱਖ ਡਾਲਰ ਦੇ ਮਹਿਲ 'ਚ ਰਹਿੰਦਾ ਹਾਂ। ਮੇਰੇ ਕੋਲ ਇੰਨੀ ਬੇਹਤਰੀਨ ਪਤਨੀ ਹੈ, ਜਿਸ ਲਈ ਲੋਕੀਂ ਆਪਣੀ ਜਾਨ ਤੱਕ ਦੇ ਸਕਦੇ ਹਨ। ਮੈਂ ਦੁਨੀਆ ਦੀ ਸ਼ਾਨਦਾਰ ਥਾਂਵਾਂ 'ਤੇ ਛੁੱਟੀਆਂ ਮਨਾਉਣ ਜਾਂਦਾ ਹਾਂ। ਮੈਂ ਪਹਾੜਾਂ ਤੇ ਚੜ੍ਹ ਚੁੱਕਿਆ ਹਾਂ। ਮੈਂ ਖੋਜੀ ਯਾਤਰਾਵਾਂ ਕਰ ਚੁੱਕਿਆ ਹਾਂ। ਮੈਂ ਸਫਾਰੀ ਯਾਤਰਾਵਾਂ ਕੀਤੀਆਂ ਹਨ। ਇਹ ਸਾਰਾ ਕੁੱਝ ਇਸ ਲਈ ਹੋਇਆਂ ਤੇ ਅੱਜ ਵੀ ਹੋ ਰਿਹਾ ਹੈ, ਕਿਉਂਕਿ ਮੈਂ ਰਹੱਸ `ਤੇ ਅਮਲ ਕਰਣ ਦਾ ਤਰੀਕਾ ਜਾਣਦਾ ਸੀ।

ਬਾੱਬ ਪ੍ਰਾੱਕਟਰ

ਜਦੋਂ ਤੁਸੀਂ ਰਹੱਸ ਦਾ ਪ੍ਰਯੋਗ ਕਰਣ ਲਗੋਗੇ, ਤਾਂ ਜ਼ਿੰਦਗੀ ਸਚਮੁੱਚ ਜਬਰਦਸਤ ਬਣ ਸਕਦੀ ਹੈ ਤੇ ਇਸ ਨੂੰ ਬਣਨਾ ਚਾਹੀਦਾ ਹੈ ਅਤੇ ਇਹ ਜ਼ਰੂਰ ਬਣੇਗੀ।

ਇਹ ਤੁਹਾਡੀ ਜ਼ਿੰਦਗੀ ਹੈ ਅਤੇ ਇਹ ਇੰਤਜਾਰ ਕਰ ਰਹੀ ਹੈ ਕਿ ਤੁਸੀਂ ਇਸ ਨੂੰ ਖੋਜੋ! ਹੋ ਸਕਦਾ ਹੈ ਹੁਣ ਤਾਂਈਂ ਤੁਸੀਂ ਇਹ ਸੋਚ ਰਹੇ ਹੋ ਕਿ ਜਿੰਦਗੀ ਮੁਸ਼ਕਿਲ ਅਤੇ ਸੰਘਰਸ਼ਪੂਰਨ ਹੈ। ਇਸਲਈ ਆਕਰਸ਼ਨ ਦੇ ਨਿਯਮ ਦੇ ਕਾਰਣ ਤੁਹਾਨੂੰ ਜ਼ਿੰਦਗੀ ਮੁਸ਼ਕਿਲ ਅਤੇ ਸੰਘਰਸ਼ਪੂਰਨ ਲੱਗੀ ਹੋਵੇਗੀ। ਇਸੇ ਸਮੇਂ ਕੂਕ ਕੇ ਬ੍ਰਹਿਮੰਡ ਨੂੰ ਕਹੋ "ਜ਼ਿੰਦਗੀ ਬੜੀ ਸੌਖੀ ਹੈ! ਜਿੰਦਗੀ ਬੜੀ ਚੰਗੀ ਹੈ। ਹਰ ਚੰਗੀ ਚੀਜ ਮੇਰੇ ਵੱਲ ਆ ਰਹੀ ਹੈ!"

ਤੁਹਾਡੇ ਅੰਦਰ ਡੂੰਘਿਆਈ 'ਚ ਇਕ ਸੱਚਾਈ ਇੰਤਜਾਰ ਕਰ ਰਹੀ ਹੈ ਕਿ ਤੁਸੀਂ ਉਸ ਨੂੰ ਖੋਜੋ। ਇਹ ਸੱਚਾਈ ਇਹ ਹੈ : ਤੁਸੀਂ ਉਨ੍ਹਾਂ ਸਾਰੀਆਂ ਚੰਗੀਆਂ ਚੀਜ਼ਾਂ ਦੇ ਹਕਦਾਰ ਹੋ, ਜੋ ਜ਼ਿੰਦਗੀ ਇਨਸਾਨ ਨੂੰ ਦੇ ਸਕਦੀ ਹੈ। ਤੁਸੀਂ ਇਹ ਗੱਲ ਮਨ-ਹੀ-ਮਨ ਜਾਣਦੇ ਹੋ, ਕਿਉਂਕਿ ਚੰਗੀਆਂ ਚੀਜ਼ਾਂ ਦੀ ਘਾਟ ਹੋਣ 'ਤੇ ਤੁਸੀਂ ਬਹੁਤ ਮਾੜਾ ਮਹਿਸੂਸ ਕਰਦੇ ਹੋ। ਸਾਰੀਆਂ ਚੰਗੀਆਂ ਚੀਜ਼ਾਂ ਤੁਹਾਡਾ ਵਿਰਾਸਤੀ ਅਧਿਕਾਰ ਹਨ! ਤੁਸੀਂ ਆਪਣੇ ਜੀਵਨ ਦੇ ਸਿਰਜਕ ਹੋ ਅਤੇ ਆਕਰਸ਼ਨ ਦਾ ਨਿਯਮ ਤੁਹਾਡਾ ਸ਼ਾਨਦਾਰ ਸੰਦ ਹੈ। ਇਸਦੀ ਮਦਦ ਨਾਲ ਤੁਸੀਂ ਆਪਣੇ ਜੀਵਨ ਨੂੰ ਮਨਭਾਉਂਦਾ ਆਕਾਰ ਦੇ ਸਕਦੇ ਹੋ। ਜਾਦੂਈ ਜੀਵਨ ਦੇ ਸੰਸਾਰ 'ਚ ਤੁਹਾਡਾ ਸੁਆਗਤ ਹੈ। ਤੁਹਾਡੇ ਸਮਰਿੱਧ ਸਰੂਪ 'ਚ ਤੁਹਾਡਾ ਸੁਆਗਤ ਹੈ!

ਰਹੱਸ ਸੰਖੇਪ

• ਆਕਰਸ਼ਨ ਦਾ ਨਿਯਮ ਪ੍ਰਕਿਰਤੀ ਦਾ ਨਿਯਮ ਹੈ। ਗੁਰਤਾ ਦੇ ਨਿਯਮ ਵਾਂਗ ਇਹ ਵੀ ਨਿਰਪੱਖ ਹੈ।
• ਜਦੋਂ ਤਕ ਤੁਸੀਂ ਲਗਾਤਾਰ ਵਿਚਾਰ ਕਰਕੇ ਕਿਸੇ ਚੀਜ ਨੂੰ ਤਲਬ ਨਾ ਕਰੋ, ਉਦੋਂ ਤਕ ਕੋਈ ਵੀ ਚੀਜ਼ ਤੁਹਾਡੀ ਜ਼ਿੰਦਗੀ 'ਚ ਨਹੀਂ ਆ ਸਕਦੀ।
• ਤੁਸੀਂ ਕੀ ਸੋਚ ਰਹੇ ਹੋ, ਇਹ ਜਾਣਨ ਲਈ ਆਪਣੇ-ਆਪ ਤੋਂ ਸਵਾਲ ਪੁੱਛੋ ਕਿ ਤੁਸੀਂ ਕਿੰਝ ਮਹਿਸੂਸ ਕਰ ਰਹੇ ਹੋ। ਭਾਵਨਾਵਾਂ ਬਹੁਮੁੱਲੇ ਸਾਧਨ ਹਨ। ਉਹ ਤੁਰੰਤ ਸਾਨੂੰ ਦੱਸ ਦੇਂਦੀ ਹੈ ਕਿ ਅਸੀਂ ਕੀ ਸੋਚ ਰਹੇ ਹਾਂ।
• ਮਾੜਾ ਮਹਿਸੂਸ ਕਰਣ ਵੇਲੇ ਚੰਗੇ ਵਿਚਾਰ ਰਖਣਾ ਅਸੰਭਵ ਹੈ।
• ਤੁਹਾਡੇ ਵਿਚਾਰ ਤੁਹਾਡੀ ਫ੍ਰੀਕਊਂਸੀ ਤੈਅ ਕਰਦੇ ਹਨ ਅਤੇ ਤੁਹਾਡੀਆਂ ਭਾਵਨਾਵਾਂ ਤੁਹਾਨੂੰ ਫੌਰਨ ਦੱਸ ਦੇਂਦੀਆਂ ਹਨ ਕਿ ਤੁਸੀਂ ਕਿਸ ਫ੍ਰੀਕਊਂਸੀ 'ਤੇ ਹੋ। ਜਦੋਂ ਤੁਸੀਂ ਬੁਰਾ ਮਹਿਸੂਸ ਕਰਦੇ ਹੋ, ਤਾਂ ਤੁਸੀਂ ਜ਼ਿਆਦਾ ਬੁਰੀ ਚੀਜ਼ਾਂ ਆਕਰਸ਼ਿਤ ਕਰਣ ਦੀ ਫ੍ਰੀਕਊਂਸੀ 'ਤੇ ਹੁੰਦੇ ਹੋ। ਜਦੋਂ ਤੁਸੀਂ ਚੰਗਾ ਮਹਿਸੂਸ ਕਰਦੇ ਹੋ, ਤਾਂ ਤੁਸੀਂ ਜ਼ਿਆਦਾ ਚੰਗੀਆਂ ਚੀਜ਼ਾਂ ਨੂੰ ਪ੍ਰਬਲਤਾ ਨਾਲ ਆਪਣੇ ਵੱਲ ਆਕਰਸ਼ਿਤ ਕਰਦੇ ਹੋ।
• ਹਟਵੇਂ-ਭਾਵ, ਜਿਵੇਂ ਸੁਖਮਈ ਯਾਦਾਂ, ਸੁੰਦਰ ਪ੍ਰਕਿਰਤਿਕ ਦ੍ਰਿਸ਼ ਜਾਂ ਤੁਹਾਡਾ ਮਨਪਸੰਦ ਸੰਗੀਤ ਤੁਹਾਡੀਆਂ ਭਾਵਨਾਵਾਂ ਨੂੰ ਬਦਲ ਸਕਦੇ ਹਨ ਅਤੇ ਪਲ ਭਰ 'ਚ ਤੁਹਾਡੀ ਫ੍ਰੀਕਊਂਸੀ ਬਦਲ ਸਕਦੇ ਹਨ।
• ਪ੍ਰੇਮ ਦਾ ਭਾਵ ਉਹ ਸਰਵਉੱਚ ਫ੍ਰੀਕਊਂਸੀ ਹੈ, ਜਿਸ ਨੂੰ ਤੁਸੀਂ ਬ੍ਰਹਿਮੰਡ 'ਚ ਭੇਜ ਸਕਦੇ ਹੋ। ਤੁਸੀਂ ਜਿੰਨਾ ਜਿਆਦਾ ਪ੍ਰੇਮ ਮਹਿਸੂਸ ਅਤੇ ਸੰਚਾਰਤ ਕਰਦੇ ਹੋ, ਤੁਹਾਡੀ ਸਕਤੀ ਉੱਨੀ ਹੀ ਜ਼ਿਆਦਾ ਹੁੰਦੀ ਹੈ।

ਰਹੱਸ ਦਾ ਉਪਯੋਗ ਕਿਵੇਂ

ਤੁਸੀਂ ਸਿਰਜਨਹਾਰ ਹੋ। ਆਕਰਸ਼ਨ ਦੇ ਨਿਯਮ ਦੁਆਰਾ ਜੀਵਨ ਦਾ ਸਿਰਜਨਾ ਕਰਣ ਦੀ ਪ੍ਰਕਿਰਿਆ ਸੌਖੀ ਹੈ। ਮਹਾਨਤਮ ਉਪਦੇਸ਼ਕਾਂ ਅਤੇ ਅਵਤਾਰਾਂ ਨੇ ਆਪਣੇ ਅਦਭੁੱਤ ਕਾਰਜਾਂ ਰਾਹੀਂ ਅਸੰਖ ਤਰੀਕਿਆਂ ਨਾਲ ਸਾਨੂੰ ਇਹ ਰਚਨਾਤਮਕ ਪ੍ਰਕਿਰਿਆ ਦੱਸੀਆਂ ਹਨ। ਕੁੱਝ ਮਹਾਨ ਉਪਦੇਸ਼ਕਾਂ ਨੇ ਨੀਤੀਕਥਾਵਾਂ ਰਾਹੀਂ ਸਾਨੂੰ ਬ੍ਰਹਿਮੰਡ ਦੇ ਕੰਮ ਕਰਣ ਦਾ ਤਰੀਕਾ ਦੱਸਿਆ ਹੈ। ਉਨ੍ਹਾਂ ਦੀਆਂ ਕਹਾਣੀਆਂ ਦੀ ਬੁੱਧੀਮਤਾ ਸਦੀਆਂ ਤੋਂ ਸਾਡੇ ਵਿਚਕਾਰ ਮੌਜੂਦ ਹੈ ਅਤੇ ਅਖਾਣ ਬਣ ਚੁੱਕੀਆਂ ਹਨ। ਵਰਤਮਾਨ ਯੁੱਗ ਦੇ ਕਈ ਲੋਕਾਂ ਨੂੰ ਤਾਂ ਇਸ ਗੱਲ ਦਾ ਅਹਿਸਾਸ ਹੀ ਨਹੀਂ ਹੈ ਕਿ ਇਨ੍ਹਾਂ ਕਹਾਣੀਆਂ 'ਚ ਜ਼ਿੰਦਗੀ ਦੀ ਸੱਚਾਈ ਲੁਕੀ ਹੋਈ ਹੈ।

 

ਜੇਮਸ ਰੇ

ਅਲਾਦੀਨ ਤੇ ਉਸਦੇ ਚਿਰਾਗ ਦੀ ਕਹਾਣੀ ਬਾਰੇ ਸੋਚੋ। ਜਦੋਂ ਅਲਾਦੀਨ ਚਿਰਾਗ ਚੁੱਕਦਾ ਹੈ ਅਤੇ ਉਸਦੀ ਧੂੜ ਸਾਫ ਕਰਦਾ ਹੈ ਤਾਂ ਜਿੰਨ ਫੌਰਨ ਬਾਹਰ ਨਿਕਲ ਆਉਂਦਾ ਹੈ। ਜਿੰਨ ਹਮੇਸ਼ਾ ਇਹੋ ਹੀ ਗੱਲ ਕਹਿੰਦਾ ਹੈ :

"ਤੁਹਾਡੀ ਇੱਛਾ ਹੀ ਮੇਰੇ ਲਈ ਆਦੇਸ਼ ਹਨ!"

ਕਹਾਣੀ ਵਿਚ ਕਿਹਾ ਗਿਆ ਹੈ ਕਿ ਜਿੰਨ ਤਿੰਨ ਇੱਛਾਵਾਂ ਪੂਰੀਆਂ ਕਰਦਾ ਹੈ, ਲੇਕਿਨ ਜੇਕਰ ਤੁਸੀਂ ਕਹਾਣੀ ਦੀ ਤੈਹ ਤੱਕ ਜਾਵੋਗੇ, ਤਾਂ ਇਸਦੀ ਕੋਈ ਸੀਮਾ ਨਹੀਂ ਹੈ। ਤੁਸੀਂ ਜਿੰਨੀਆਂ ਵੀ ਇੱਛਾਵਾਂ ਕਰੋਗੋ, ਉਹ ਸਾਰੀਆਂ ਪੂਰੀ ਹੋਣਗੀਆਂ।

ਇਕ ਇੱਛਾ ਬਾਰੇ ਸੋਚੋ।

ਹੁਣ ਇਸਦੀ ਉਪਮਾ ਨੂੰ ਆਪਣੇ ਜੀਵਨ 'ਤੇ ਲਾਗੂ ਕਰੋ। ਯਾਦ ਰੱਖੋ, ਅਲਾਦੀਨ ਨੂੰ ਆਪਣੀ ਮਨਚਾਹੀ ਚੀਜ ਮੰਗਣੀ ਹੁੰਦੀ ਹੈ। ਫਿਰ ਬ੍ਰਹਿਮੰਡ ਜਿੰਨ ਬਣ ਜਾਂਦਾ ਹੈ। ਵਿਭਿੰਨ ਪਰੰਪਰਾਵਾਂ ਨੇ ਇਸਦੇ ਵੱਖਰੇ-ਵੱਖਰੇ ਨਾਂ ਦਿੱਤੇ ਹਨ - ਤੁਹਾਡਾ ਰਖਿਅਕ ਦੇਵਦੂਤ, ਤੁਹਾਡਾ ਉਚੇਰਾ ਆਪਾ। ਅਸੀਂ ਇਸ 'ਤੇ ਕੋਈ ਵੀ ਲੇਬਲ ਲਾ ਸਕਦੇ ਹਾਂ ਅਤੇ ਆਪਣੇ ਲਈ ਸਭ ਤੋਂ ਵਧੀਆ ਕੰਮ ਕਰਣ ਵਾਲੇ ਲੇਬਲ ਨੂੰ ਚੁਣ ਸਕਦੇ ਹਾਂ, ਲੇਕਿਨ ਹਰ ਪਰੰਪਰਾ ਨੇ ਸਾਨੂੰ ਦੱਸਿਆ ਹੈ ਕਿ ਕੋਈ ਚੀਜ਼ ਹੈ, ਜਿਹੜੀ ਸਾਡੇ ਤੋਂ ਬਹੁਤ ਜ਼ਿਆਦਾ ਵੱਡੀ ਹੈ। ਅਤੇ ਜਿੰਨ ਹਮੇਸ਼ਾ ਇਕੋ ਹੀ ਗੱਲ ਕਹਿੰਦਾ ਹੈ :

"ਤੁਹਾਡੀ ਇੱਛਾ ਹੀ ਮੇਰੇ ਲਈ ਆਦੇਸ਼ ਹਨ।"

ਇਹ ਅਦਭੁੱਤ ਕਹਾਣੀ ਦਰਸਾਉਂਦੀ ਹੈ ਕਿ ਕਿਵੇਂ ਤੁਸੀਂ ਵੀ ਆਪਣੀ ਪੂਰੀ ਜਿੰਦਗੀ ਅਤੇ ਤੁਹਾਡੇ ਕੋਲ ਮੌਜੂਦ ਹਰ ਚੀਜ਼ ਨੂੰ ਆਪ ਬਣਾਇਆ ਹੈ। ਜਿੰਨ ਨੇ ਤਾਂ ਸਿਰਫ਼ ਤੁਹਾਡੇ ਹਰ ਆਦੇਸ਼ ਦੀ ਪਾਲਣਾ ਕੀਤੀ ਹੈ। ਜਿੰਨ ਆਕਰਸ਼ਨ ਦਾ ਨਿਯਮ ਹੈ ਅਤੇ ਇਹ ਹਮੇਸ਼ਾ ਮੌਜੂਦ ਹੈ। ਤੁਸੀਂ ਜੋ ਕੁੱਝ ਵੀ ਸੋਚਦੇ, ਬੋਲਦੇ ਤੇ ਕਰਦੇ ਹੋ, ਉਸ ਨੂੰ ਇਹ ਜਿੰਨ ਹਮੇਸ਼ਾ ਸੁਣ ਰਿਹਾ ਹੈ। ਜਿੰਨ ਮੰਨ ਲੈਂਦਾ ਹੈ ਕਿ ਤੁਸੀਂ ਜਿਸ ਵੀ ਚੀਜ ਬਾਰੇ ਸੋਚਦੇ ਹੋ, ਉਸ ਨੂੰ ਪਾਉਣਾ ਚਾਹੁੰਦੇ ਹੋ! ਇਹ ਮੰਨ ਲੈਂਦਾ ਹੈ ਕਿ ਤੁਸੀਂ ਜਿਸ ਵੀ ਚੀਜ਼ ਬਾਰੇ ਬੋਲਦੇ ਹੋ, ਉਸ ਨੂੰ ਪਾਉਣਾ ਚਾਹੁੰਦੇ ਹੋ! ਇਹ ਮੰਨ ਲੈਂਦਾ ਹੈ ਕਿ ਤੁਸੀਂ ਜਿਸ ਵੀ ਚੀਜ 'ਤੇ ਕੰਮ ਕਰਦੇ ਹੋ, ਉਸ ਨੂੰ ਪਾਉਣਾ ਚਾਹੁੰਦੇ ਹੋ! ਤੁਸੀਂ ਬ੍ਰਹਿਮੰਡ ਦੇ ਮਾਲਿਕ ਹੋ ਅਤੇ ਜਿੰਨ ਇੱਥੇ ਤੁਹਾਡੀ ਸੇਵਾ ਲਈ ਮੌਜੂਦ ਹੈ। ਜਿੰਨ ਕਦੇ ਤੁਹਾਡੇ ਆਦੇਸ਼ਾਂ 'ਤੇ ਸਵਾਲ ਨਹੀਂ ਕਰਦਾ। ਤੁਹਾਡੇ ਮਨ 'ਚ ਜਿਵੇਂ ਹੀ ਵਿਚਾਰ ਆਉਂਦੇ ਹਨ, ਜਿੰਨ ਵਿਅਕਤੀਆਂ, ਹਾਲਾਤਾਂ ਤੇ ਘਟਨਾਵਾਂ ਰਾਹੀਂ ਤੁਹਾਡੀਆਂ ਇੱਛਾਵਾਂ ਨੂੰ ਪੂਰਾ ਕਰਣ ਲਈ ਬ੍ਰਹਿਮੰਡ ਨੂੰ ਫੌਰਨ ਸਕ੍ਰਿਅ ਕਰ ਦਿੰਦਾ ਹੈ।

 

ਸਿਰਜਨਾਤਮਕ ਪ੍ਰਕਿਰਿਆ

ਰਹੱਸ ਦੀ ਸਿਰਜਨਾਤਮਕ ਪ੍ਰਕਿਰਿਆ ਬਾਇਬਲ ਦੀ ਨਿਊ ਟੈਸਟਾਮੈਂਟ ਤੋਂ ਲਈ ਗਈ ਹੈ। ਇਸ ਨਾਲ ਤੁਹਾਨੂੰ ਇਹ ਸੌਖਾ ਮਾਰਗਦਰਸ਼ਨ ਮਿਲਦਾ ਹੈ ਕਿ ਆਪਣੀਆਂ ਮਨਚਾਹੀਆਂ ਚੀਜ਼ਾਂ ਪਾਉਣ ਦੇ ਤਿੰਨ ਸੌਖੇ ਕਦਮ ਕਿਹੜੇ ਹਨ।

ਕਦਮ 1 : ਮੰਗਾਂ

ਲੀਸਾ ਨਿਕੋਲਸ

ਪਹਿਲਾ ਕਦਮ ਮੰਗਣਾ ਹੈ। ਬ੍ਰਹਿਮੰਡ ਨੂੰ ਆਦੇਸ਼ ਦਿਓ। ਬ੍ਰਹਿਮੰਡ ਨੂੰ ਦੱਸ ਦਿਓ ਕਿ ਤੁਸੀਂ ਕੀ ਚਾਹੁੰਦੇ ਹੋ। ਬ੍ਰਹਿਮੰਡ ਤੁਹਾਡੇ ਵਿਚਾਰਾਂ 'ਤੇ ਪ੍ਰਤਿਕਿਰਿਆ ਕਰਦਾ ਹੈ।

 

ਬਾੱਬ ਪ੍ਰੋਕਟਰ

ਤੁਸੀਂ ਸਚਮੁੱਚ ਕੀ ਚਾਹੁੰਦੇ ਹੋ? ਬੈਠ ਜਾਓ ਤੇ ਉਸ ਚੀਜ ਨੂੰ ਇਕ ਕਾਗਜ 'ਤੇ ਲਿਖ ਲਓ। ਵਰਤਮਾਨ ਕਾਲ 'ਚ ਲਿਖੋ। ਤੁਸੀਂ ਇਹ ਲਿਖ ਕੇ ਸ਼ੁਰੂ ਕਰ ਸਕਦੇ ਹੋ, "ਮੈਂ ਇਸ ਵੇਲੇ ਇੰਨਾ ਖੁਸ਼ ਤੇ ਆਭਾਰੀ ਹਾਂ, ਕਿਉਂਕਿ..." ਅਤੇ ਫਿਰ ਸਪੱਸ਼ਟ ਕਰੋ ਕਿ ਤੁਸੀਂ ਆਪਣੇ ਜੀਵਨ ਦੇ ਹਰ ਖੇਤਰ ਨੂੰ ਕਿਸ ਤਰ੍ਹਾਂ ਬਨਾਉਣਾ ਚਾਹੁੰਦੇ ਹੋ।

ਤੁਹਾਨੂੰ ਚੋਣ ਕਰਣੀ ਹੁੰਦੀ ਹੈ ਕਿ ਤੁਸੀਂ ਕੀ ਚਾਹੁੰਦੇ ਹੋ, ਲੇਕਿਨ ਤੁਹਾਨੂੰ ਇਸ ਬਾਰੇ ਸਪੱਸਟ ਹੋਣਾ ਹੋਵੇਗਾ ਕਿ ਤੁਸੀਂ ਅਸਲ ਵਿਚ ਕੀ ਚਾਹੁੰਦੇ ਹੋ। ਇਹ ਤੁਹਾਡਾ ਕੰਮ ਹੈ। ਜੇਕਰ ਤੁਸੀਂ ਸਪਸ਼ਟ ਨਹੀਂ ਹੋ, ਤਾਂ ਆਕਰਸ਼ਨ ਦਾ ਨਿਯਮ ਤੁਹਾਨੂੰ ਤੁਹਾਡੀ ਮਨਚਾਹੀ ਚੀਜ ਨਹੀਂ ਦੇ ਸਕਦਾ। ਜੇਕਰ ਤੁਸੀਂ ਮਿਸ਼ਰਿਤ ਫ੍ਰੀਕਊਂਸੀ ਭੇਜੋਗੋ, ਤਾਂ ਤੁਹਾਨੂੰ ਸਿਰਫ ਮਿਸ਼ਰਤ ਨਤੀਜੇ ਹੀ ਮਿਲ ਸਕਦੇ ਹਨ। ਸ਼ਾਇਦ ਜ਼ਿੰਦਗੀ 'ਚ ਪਹਿਲੀ ਵਾਰੀ ਇਹ ਪਤਾ ਲਾਓ ਕਿ ਤੁਸੀਂ ਹਕੀਕਤਨ ਕੀ ਚਾਹੁੰਦੇ ਹੋ। ਹੁਣ ਜਦ ਤੁਸੀਂ ਜਾਣ ਚੁਕੇ ਹੋ ਕਿ ਤੁਸੀਂ ਕੁਝ ਵੀ ਪਾ ਸਕਦੇ ਹੋ, ਬਣ ਸਕਦੇ ਹੋ ਜਾਂ ਕਰ ਸਕਦੇ ਹੋ ਤੇ ਕੋਈ ਸੀਮਾ ਨਹੀਂ ਹੈ, ਤਾਂ ਦੱਸੋਂ ਕਿ ਤੁਸੀਂ ਕੀ ਚਾਹੁੰਦੇ ਹੋ?

ਮੰਗਣਾ ਸਿਰਜਨਾਤਮਕ ਪ੍ਰਕਿਰਿਆ ਦਾ ਪਹਿਲਾ ਕਦਮ ਹੈ, ਇਸਲਈ ਮੰਗਣ ਦੀ ਆਦਤ ਪਾ ਲਓ। ਜੇਕਰ ਤੁਹਾਨੂੰ ਵਿਕਲਪ ਚੁਣਨਾ ਹੋਵੇ, ਲੇਕਿਨ ਤੁਸੀਂ ਇਹ ਤੈਅ ਨਹੀਂ ਕਰ ਪਾ ਰਹੇ ਹੋਵੇ ਕਿ ਕਿਸ ਰਾਹ 'ਤੇ ਜਾਇਐ, ਤਾਂ ਮਾਰਗਦਰਸ਼ਨ ਮੰਗੋ! ਤੁਹਾਨੂੰ ਜਿੰਦਗੀ ਦੇ ਕਿਸੇ ਵੀ ਖੇਤਰ 'ਚ ਅਸਫਲ ਹੋਣ ਦੀ ਲੋੜ ਨਹੀਂ ਹੈ। ਬਸ ਮੰਗ ਲਵੋ!

ਡਾੱ. ਜੋ ਵਿਟਾਲ

ਇਹ ਸਚਮੁੱਚ ਮਜ਼ੇਦਾਰ ਹੈ। ਇਹ ਤਾਂ ਉਹੀ ਗੱਲ ਹੋ ਗਈ, ਜਿਵੇਂ ਬ੍ਰਹਿਮੰਡ ਤੁਹਾਡਾ ਕੈਟਲਾੱਗ ਹੋਵੇ। ਤੁਸੀਂ ਇਸਦੇ ਵਰਕੇ ਪਲਟਦੇ ਹੋ ਤੇ ਕਹਿੰਦੇ ਹੋ, "ਮੈਂ ਇਸ ਘਟਨਾ ਨੂੰ ਪਸੰਦ ਕਰਾਂਗਾ। ਮੈਂ ਉਸ ਚੀਜ ਨੂੰ ਪਸੰਦ ਕਰਾਂਗਾ। ਮੈਂ ਇੰਝ ਦਾ ਵਿਅਕਤੀ ਬਣਨਾ ਪਸੰਦ ਕਰਾਂਗਾ।" ਤੁਸੀਂ ਬ੍ਰਹਿਮੰਡ ਨੂੰ ਆਪਣਾ ਆਰਡਰ ਦੇ ਦਿੰਦੇ ਹੋ। ਇਹ ਦਰਅਸਲ ਇੰਨਾ ਸੌਖਾ ਹੀ ਹੈ।

ਤੁਹਾਨੂੰ ਵਾਰ-ਵਾਰ ਮੰਗਣ ਦੀ ਲੋੜ ਨਹੀਂ ਹੈ। ਬਸ ਇਕ ਵਾਰੀ ਮੰਗਣਾ ਹੀ ਕਾਫੀ ਹੈ। ਇਹ ਕਿਸੇ ਕੈਟਲਾਗ ਤੋਂ ਆਰਡਰ ਦੇਣ ਵਰਗਾ ਹੈ। ਤੁਸੀਂ ਸਿਰਫ਼ ਇਕ ਵਾਰ ਹੀ ਕਿਸੇ ਚੀਜ਼ ਦਾ ਆਰਡਰ ਦਿੰਦੇ ਹੋ। ਇਕ ਵਾਰ ਆਰਡਰ ਦੇਣ ਤੋਂ ਬਾਅਦ ਤੁਹਾਡੇ ਮਨ 'ਚ ਇਹ ਸ਼ੰਕਾ ਨਹੀਂ ਹੁੰਦੀ ਕਿ ਤੁਹਾਡਾ ਆਰਡਰ ਪੁੱਜੇਗਾ ਜਾਂ ਨਹੀਂ। ਤੁਸੀਂ ਘਬਰਾ ਕੇ ਦੂਜੀ ਵਾਰ, ਤੀਜੀ ਵਾਰ ਜਾਂ ਚੌਥੀ ਵਾਰ ਆਰਡਰ ਨਹੀਂ ਦਿੰਦੇ ਹੋ। ਤੁਸੀਂ ਸਿਰਫ਼ ਇਕ ਵਾਰੀ ਆਰਡਰ ਦਿੰਦੇ ਹੋ। ਇਹੀ ਉਸਾਰੂ ਪ੍ਰਕਿਰਿਆ 'ਚ ਵੀ ਹੁੰਦਾ ਹੈ। ਪਹਿਲਾ ਕਦਮ ਸਿਰਫ ਇਸ ਬਾਰੇ ਸਪਸਟ ਹੋਣਾ ਹੈ ਕਿ ਤੁਸੀਂ ਕੀ ਚਾਹੁੰਦੇ ਹੋ। ਜੇਕਰ ਤੁਸੀਂ ਆਪਣੇ ਦਿਮਾਗ 'ਚ ਸਪਸ਼ਟ ਕਲਪਨਾ ਕਰ ਲਈ ਹੈ, ਤਾਂ ਤੁਸੀਂ ਮੰਗ ਲਿਆ ਹੈ।

ਕਦਮ 2 : ਯਕੀਨ ਕਰੋ

ਲੀਸਾ ਨਿਕੋਲਸ

ਦੂਜਾ ਕਦਮ ਯਕੀਨ ਕਰਨਾ ਹੈ। ਯਕੀਨ ਕਰੋ ਕਿ ਉਹ ਚੀਜ ਤੁਹਾਡੀ ਹੋ ਚੁੱਕੀ ਹੈ। ਇਸ ਨੂੰ ਅਟਲ ਆਸਥਾ ਕਹਿਣਾ ਪਸੰਦ ਕਰਦੀ ਹਾਂ। ਅਦ੍ਰਿਸ਼ ਵਿਚ ਯਕੀਨ ਕਰਨਾ।

ਤੁਹਾਨੂੰ ਯਕੀਨ ਕਰਨਾ ਹੋਵੇਗਾ ਕਿ ਉਹ ਚੀਜ਼ ਤੁਹਾਨੂੰ ਮਿਲ ਚੁੱਕੀ ਹੈ। ਤੁਹਾਨੂੰ ਵਿਸਵਾਸ ਹੋਣਾ ਚਾਹੀਦਾ ਹੈ ਕਿ ਜਿਸ ਪਲ ਤੁਸੀਂ ਉਸ ਨੂੰ ਮੰਗਿਆ ਹੈ, ਉਸੇ ਪਲ ਉਹ ਤੁਹਾਡੀ ਹੋ ਚੁੱਕੀ ਹੈ। ਤੁਹਾਨੂੰ ਪੂਰੀ ਤੇ ਪੱਕੀ ਆਸਥਾ ਰੱਖਣੀ ਹੈ। ਜੇਕਰ ਤੁਸੀਂ ਕੈਟੇਲਾੱਗ ਤੋਂ ਕਿਸੇ ਚੀਜ ਦਾ ਆਰਡਰ ਦੇ ਦਿੰਦੇ ਹੋ, ਤਾਂ ਇਸ ਤੋਂ ਬਾਅਦ ਤੁਸੀਂ ਤਸੱਲੀ ਨਾਲ ਬੈਠ ਜਾਂਦੇ ਹੋ ਤੇ ਜਿੰਦਗੀ ਵਿਚ ਅੱਗੇ ਵਧ ਜਾਂਦੇ ਹੋ, ਕਿਉਂਕਿ ਤੁਸੀਂ ਜਾਣਦੇ ਹੋ ਕਿ ਤੁਸੀਂ ਜਿਸ ਚੀਜ ਦਾ ਆਰਡਰ ਦੇ ਦਿੱਤਾ ਹੈ, ਉਹ ਤੁਹਾਨੂੰ ਮਿਲ ਹੀ ਜਾਵੇਗੀ

"ਚੀਜਾਂ ਨੂੰ ਇਸ ਤਰ੍ਹਾਂ ਦੇਖੋ, ਜਿਵੇਂ ਤੁਹਾਡੀ ਮਨਚਾਹੀ ਚੀਜਾਂ ਇਸੇ ਵੱਲੋਂ ਤੁਹਾਨੂੰ ਮਿਲ ਚੁੱਕੀਆਂ ਹਨ। ਵਿਸਵਾਸ ਰੱਖੋ ਕਿ ਉਹ ਚੀਜ਼ਾਂ ਲੋੜ ਵੇਲੇ ਤੁਹਾਡੇ ਕੋਲ ਆ ਜਾਣਗੀਆਂ। ਬਸ ਉਨ੍ਹਾਂ ਨੂੰ ਆਉਣ ਦਿਓ। ਉਨ੍ਹਾਂ ਬਾਰੇ ਚਿੰਤਾ ਨਾ ਕਰੋ ਜਾਂ ਪਰੇਸ਼ਾਨ ਨਾ ਹੋਵੇ। ਉਨ੍ਹਾਂ ਦੀ ਕਮੀ ਬਾਰੇ ਵੀ ਨਾ ਸੋਚੋ। ਉਨ੍ਹਾਂ ਬਾਰੇ ਇੰਝ ਸੋਚੋ, ਜਿਵੇਂ ਉਹ ਤੁਹਾਡੀ ਹੋ ਚੁੱਕੀਆਂ ਹਨ, ਤੁਸੀਂ ਉਸ ਦੇ ਹੱਕਦਾਰ ਹੋ ਅਤੇ ਮਾਲਿਕ ਹੋ।"

ਰਾੱਬਰਟ ਕਾੱਲੀਅਰ (1885-1950)

ਜਿਸ ਪਲ ਤੁਸੀਂ ਮੰਗਦੇ ਹੋ, ਅਦ੍ਰਿਸ਼ ਸ਼ਕਤੀਆਂ 'ਚ ਯਕੀਨ ਕਰਦੇ ਹੋ ਤੇ ਇਹ ਮਹਿਸੂਸ ਕਰਦੇ ਹੋ ਕਿ ਤੁਹਾਡੀ ਮਨਚਾਹੀ ਚੀਜ਼ ਪਹਿਲਾਂ ਤੋਂ ਹੀ ਤੁਹਾਡੇ ਕੋਲ ਹੈ, ਉਸੇ ਵੇਲੇ ਪੂਰਾ ਬ੍ਰਹਿਮੰਡ ਸਕ੍ਰਿਅ ਹੋ ਕੇ ਤੁਹਾਡੀ ਕਲਪਨਾ ਨੂੰ ਸਾਕਾਰ ਕਰਨ ਵਿਚ ਜੁਟ ਜਾਂਦਾ ਹੈ। ਤੁਹਾਨੂੰ ਇਸ ਤਰ੍ਹਾਂ ਦਾ ਕੰਮ ਕਰਣਾ, ਬੋਲਣਾ ਤੇ ਸੋਚਣਾ ਹੈ, ਜਿਸ ਨੂੰ ਤੁਸੀਂ ਹੁਣੇ ਹਾਸਿਲ ਕਰ ਰਹੇ ਹੋ। ਕਿਉਂ? ਕਿਉਂਕਿ ਬ੍ਰਹਿਮੰਡ ਇਕ ਆਈਨਾ ਹੈ ਅਤੇ ਆਕਰਸ਼ਨ ਦਾ ਨੇਮ ਤੁਹਾਡੇ ਪ੍ਰਬਲ ਵਿਚਾਰਾਂ ਨੂੰ ਸਾਕਾਰ ਕਰ ਕੇ ਤੁਹਾਡੇ ਤਕ ਪਹੁੰਚਾਉਂਦਾ ਹੈ। ਤਾਂ ਕੀ ਇਸ 'ਚ ਸਮਝਦਾਰੀ ਨਹੀਂ ਹੈ ਕਿ ਤੁਸੀਂ ਉਸ ਨੂੰ ਆਪਣੇ-ਆਪ ਨੂੰ ਪਾਉਂਦੇ ਦੇਖੋ। ਜੇਕਰ ਤੁਸੀਂ ਇੰਝ ਸੋਚੋਗੇ ਕਿ ਉਹ ਚੀਜ਼ ਤੁਹਾਨੂੰ ਹੁਣ ਤਾਂਈ ਨਹੀਂ ਮਿਲੀ ਹੈ, ਤਾਂ ਤੁਸੀਂ ਉਸ ਚੀਜ਼ ਦੇ ਨਾ ਮਿਲਣ ਨੂੰ ਆਕਰਸ਼ਤ ਕਰ ਲਵੋਗੇ। ਇਸਲਈ ਤੁਹਾਨੂੰ ਯਕੀਨ ਕਰਣਾ ਹੋਵੇਗਾ ਕਿ ਤੁਸੀਂ ਉਸ ਨੂੰ ਹਾਸਿਲ ਕਰ ਚੁੱਕੇ ਹੋ। ਤੁਹਾਨੂੰ ਯਕੀਨ ਕਰਣਾ ਹੋਵੇਗਾ ਕਿ ਉਹ ਚੀਜ ਤੁਹਾਨੂੰ ਮਿਲ ਚੁੱਕੀ ਹੈ। ਜੇਕਰ ਤੁਸੀਂ ਉਨ੍ਹਾਂ ਚੀਜਾਂ ਦੀਆਂ ਤਸਵੀਰਾਂ ਨੂੰ ਆਪਣੇ ਜੀਵਨ 'ਚ ਸਾਕਾਰ ਕਰਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਉਨ੍ਹਾਂ ਨੂੰ ਪਾਉਣ ਦੀ ਭਾਵਨਾ ਦੀ ਫ੍ਰੀਕਊਂਸੀ ਬ੍ਰਹਿਮੰਡ ਵੱਲ ਭੇਜਣੀ ਹੋਵੇਗੀ। ਇੰਝ ਕਰਣ ਨਾਲ ਤੁਸੀਂ ਤਮਾਮ ਹਾਲਾਤਾਂ, ਲੋਕਾਂ ਅਤੇ ਘਟਨਾਵਾਂ ਨੂੰ ਜ਼ਬਰਦਸਤ ਤਰੀਕੇ ਨਾਲ ਪ੍ਰੇਰਿਤ ਕਰ ਦਿੰਦੇ ਹੋ, ਜਿਸ ਨਾਲ ਤੁਹਾਨੂੰ ਆਪਣੀ ਮਨਚਾਹੀ ਚੀਜ਼ ਮਿਲ ਜਾਵੇ।

ਜਦੋਂ ਤੁਸੀਂ ਵੈਕੇਸ਼ਨ ਦੀ ਬੁਕਿੰਗ ਕਰਦੇ ਹੋ, ਨਵੀਂ ਕਾਰ ਦਾ ਆਰਡਰ ਦਿੰਦੇ ਹੋ ਜਾਂ ਮਕਾਨ ਖਰੀਦਦੇ ਹੋ, ਤਾਂ ਤੁਸੀਂ ਜਾਣਦੇ ਹੋ ਕਿ ਉਹ ਚੀਜ਼ਾਂ ਤੁਹਾਡੀ ਹੋ ਚੁੱਕੀਆਂ ਹਨ। ਤੁਸੀਂ ਜਾ ਕੇ ਉਸੇ ਸਮੇਂ ਲਈ ਇਕ ਹੋਰ ਵੈਕੇਸ਼ਨ ਦੀ ਬੁਕਿੰਗ ਨਹੀਂ ਕਰਦੇ ਜਾਂ ਇਕ ਹੋਰ ਕਾਰ ਜਾਂ ਮਕਾਨ ਨਹੀਂ ਖਰੀਦਦੇ ਹੋ।

ਜੇਕਰ ਤੁਸੀਂ ਲਾਟਰੀ ਜਿੱਤ ਜਾਂਦੇ ਹੋ ਜਾਂ ਤੁਹਾਨੂੰ ਵਿਰਾਸਤ ਚੋਂ ਢੇਰ ਸਾਰੀ ਦੌਲਤ ਮਿਲਦੀ ਹੈ, ਤਾਂ ਭੌਤਿਕ ਤੌਰ ਤੇ ਪੈਸਾ ਮਿਲਣ ਤੋਂ ਪਹਿਲਾਂ ਹੀ ਤੁਸੀਂ ਉਸ ਨੂੰ ਆਪਣਾ ਮੰਨ ਲੈਂਦੇ ਹੋ। ਇਸੇ ਨੂੰ ਹੀ ਯਕੀਨ ਕਰਣ ਦੀ ਭਾਵਨਾ ਕਹਿੰਦੇ ਹਨ। ਯਕੀਨ ਕਰੋ ਕਿ ਉਹ ਚੀਜ਼ ਤੁਹਾਡੀ ਹੋ ਚੁੱਕੀ ਹੈ, ਤੁਹਾਨੂੰ ਮਿਲ ਚੁੱਕੀ ਹੈ। ਪ੍ਰਬਲ ਭਾਵਨਾ ਨਾਲ ਉਨ੍ਹਾਂ ਚੀਜ਼ਾਂ 'ਤੇ ਦਾਅਵਾ ਕਰੋ, ਜਿਨ੍ਹਾਂ ਨੂੰ ਤੁਸੀਂ ਚਾਹੁੰਦੇ ਹੋ ਅਤੇ ਯਕੀਨ ਕਰੋ ਕਿ ਉਹ ਤੁਹਾਡੀ ਹੋ ਚੁੱਕੀਆਂ ਹਨ। ਜਦੋਂ ਤੁਸੀਂ ਇਸ ਤਰ੍ਹਾਂ ਕਰੋਗੇ, ਤਾਂ ਆਕਰਸ਼ਨ ਦੇ ਨਿਯਮ ਪ੍ਰਬਲਤਾਂ ਨਾਲ ਸਾਰੀ ਪਰੀਸਥਿਤੀਆਂ, ਲੋਕਾਂ ਤੇ ਘਟਨਾਵਾਂ ਨੂੰ ਪ੍ਰੇਰਿਤ ਕਰ ਦੇਵੇਗਾ, ਤਾਂ ਕਿ ਤੁਹਾਨੂੰ ਤੁਹਾਡੀ ਮਨਚਾਹੀ ਚੀਜ਼ ਹਾਸਿਲ ਹੋ ਜਾਏ।

ਤੁਸੀਂ ਯਕੀਨ ਕਰਣ ਦੇ ਬਿੰਦੂ ਤਕ ਕਿਸ ਤਰ੍ਹਾਂ ਪੁੱਜ ਸਕਦੇ ਹੋ? ਯਕੀਨ ਕਰਣ ਦਾ ਨਾਟਕ ਕਰੋ। ਬੱਚਿਆਂ ਵਾਂਗ ਨਾਟਕ ਕਰੋ। ਇਸ ਤਰ੍ਹਾਂ ਨਾਟਕ ਕਰੋ, ਜਿਵੇਂ ਉਹ ਚੀਜ਼ ਪਹਿਲਾਂ ਤੋਂ ਹੀ ਤੁਹਾਡੇ ਕੋਲ ਹੈ। ਜਦੋਂ ਤੁਸੀਂ ਲਗਾਤਾਰ ਨਾਟਕ ਕਰਦੇ ਰਹੋਗੇ, ਤਾਂ ਹੌਲੀ-ਹੌਲ਼ੀ ਤੁਸੀਂ ਇਸ ਗੱਲ 'ਤੇ ਯਕੀਨ ਕਰਣ ਲੱਗੋਗੇ ਕਿ ਉਹ ਚੀਜ ਤੁਹਾਨੂੰ ਮਿਲ ਚੁੱਕੀ ਹੈ। ਜਿੰਨ ਸਿਰਫ਼ ਤੁਹਾਡੇ ਮੰਗਣ ਵੇਲੇ ਹੀ ਪ੍ਰਬਲ ਵਿਚਾਰ 'ਤੇ ਪ੍ਰਤਿਕਿਰਿਆ ਨਹੀਂ ਕਰਦਾ ਹੈ। ਜਿੰਨ ਤਾਂ ਹਰ ਵੇਲੇ ਤੁਹਾਡੇ ਪ੍ਰਬਲ ਵਿਚਾਰਾਂ 'ਤੇ ਪ੍ਰਕਿਰਿਆ ਕਰਦਾ ਹੈ। ਇਸਲਈ ਮੰਗਣ ਤੋਂ ਬਾਅਦ ਵੀ ਤੁਹਾਨੂੰ ਯਕੀਨ ਰੱਖਣ ਦੀ ਲੋੜ ਹੁੰਦੀ ਹੈ। ਆਸਥਾ ਰੱਖੋ। ਤੁਹਾਨੂੰ ਉਹ ਚੀਜ਼ ਮਿਲ ਚੁੱਕੀ ਹੈ, ਇਸ ਬਾਰੇ ਤੁਹਾਡਾ ਅਟਲ ਵਿਸ਼ਵਾਸ, ਤੁਹਾਡੀ ਅਡਿਗ ਆਸਥਾ ਤੁਹਾਡੀ ਸਭ ਤੋਂ ਵੱਡੀ ਸ਼ਕਤੀ ਹੈ। ਜਦੋਂ ਤੁਸੀਂ ਯਕੀਨ ਕਰਦੇ ਹੋ ਕਿ ਉਹ ਚੀਜ ਤੁਹਾਨੂੰ ਮਿਲ ਰਹੀ ਹੈ, ਤਾਂ ਜਾਦੂ ਦੇਖਣ ਲਈ ਤਿਆਰ ਹੋ ਜਾਓ।

"ਤੁਸੀਂ ਜੋ ਚਾਹੋ ਪਾ ਸਕਦੇ ਹੋ - ਬਸ਼ਰਤੇ ਤੁਸੀਂ ਉਸ ਨੂੰ ਆਪਣੇ ਵਿਚਾਰਾਂ ਦੇ ਸਾਂਚ 'ਚ ਢਾਲਣ ਦਾ ਤਰੀਕਾ ਜਾਣਦੇ ਹੋਵੋ। ਇਹੋ ਜਿਹਾ ਕੋਈ ਸੁਫਨਾ ਨਹੀਂ ਹੈ ਜਿਹੜਾ ਸਾਕਾਰ ਨਾ ਹੋ ਸਕੇ, ਬਸ਼ਰਤੇ ਤੁਸੀਂ ਆਪਣੇ ਮਾਧਿਅਮ ਤੋਂ ਕੰਮ ਕਰ ਰਹੀ ਸਿਰਜਨਾਤਮਕ ਸ਼ਕਤੀ ਦਾ ਇਸਤੇਮਾਲ ਕਰਣਾ ਸਿਖ ਲਓ। ਜਿਹੜੇ ਤਰੀਕੇ ਇਕ ਵਿਅਕਤੀ ਲਈ ਕੰਮ ਕਰਦੇ ਹਨ, ਉਹ ਸਾਰਿਆਂ ਲਈ ਕੰਮ ਕਰਣਗੇ। ਤੁਹਾਡੇ ਕੋਲ ਜੋ ਵੀ ਹੈ, ਉਸਦੇ ਪ੍ਰਯੋਗ 'ਚ ਹੀ ਸ਼ਕਤੀ ਦੀ ਕੁੰਜੀ ਹੈ। ਇਸ ਤਰ੍ਹਾਂ ਤੁਸੀਂ ਆਪਣੇ ਪਾਉਣ ਦੇ ਦਰਵਾਜੇ ਨੂੰ ਜ਼ਿਆਦਾ ਖੋਲ੍ਹ ਲੈਂਦੇ ਹੋ ਤਾਂ

ਕਿ ਤੁਹਾਡੇ ਰਾਹੀਂ ਜਿਆਦਾ ਸਿਰਜਨਾਤਮਕ ਸ਼ਕਤੀ ਪ੍ਰਵਾਹਿਤ ਹੋ ਸਕੇ।"

ਰਾੱਬਰਟ ਕਾੱਲੀਅਰ

ਡਾੱ. ਜੋ ਵਿਟਾਲ

ਬ੍ਰਹਿਮੰਡ ਤੁਹਾਡੀ ਮਨਚਾਹੀ ਚੀਜ਼ ਤੁਹਾਡੇ ਤੱਕ ਪਹੁੰਚਾਉਣ ਲਈ ਆਪਣੇ-ਆਪ ਨੂੰ ਦੁਬਾਰਾ ਵਿਵਸਥਿਤ ਕਰਣ ਲੱਗੇਗਾ।

 

ਜੈਕ ਕੈਨਫ਼ੀਲਡ

ਸਾਡੇ ਵਿਚੋਂ ਜਿਆਦਾਤਰ ਲੋਕਾਂ ਨੇ ਕਦੇ ਆਪਣੇ-ਆਪ ਨੂੰ ਉਹ ਚਾਹੁਣ ਦੀ ਪਰਵਾਨਗੀ ਹੀ ਨਹੀਂ ਦਿੱਤੀ ਹੈ, ਜਿਹੜੀ ਅਸੀਂ ਸਚਮੁਚ ਚਾਹੁੰਦੇ ਹਾਂ, ਕਿਉਂਕਿ ਅਸੀਂ ਇਹ ਸਮਝ ਨਹੀਂ ਪਾਉਂਦੇ ਹਾਂ ਕਿ ਉਹ ਚੀਜ ਕਿਵੇਂ ਪ੍ਰਗਟ ਹੋਵੇਗੀ।

 

ਬਾੱਬ ਪ੍ਰਾੱਕਟਰ

ਜੇਕਰ ਤੁਸੀਂ ਥੋੜ੍ਹਾ ਸ਼ੋਧ ਕਰੋ ਤਾਂ ਤੁਹਾਡੇ ਸਾਹਮਣੇ ਇਹ ਸਪਸ਼ਟ ਹੋ ਜਾਵੇਗਾ ਕਿ ਜਿਸ ਵੀ ਇਨਸਾਨ ਨੇ ਅੱਜ ਤਕ ਜਿਹੜੀ ਵੀ ਚੀਜ ਹਾਸਿਲ ਕੀਤੀ ਹੈ, ਉਸ ਨੂੰ ਇਹ ਪਤਾ ਹੀ ਨਹੀਂ ਸੀ ਕਿ ਉਹ ਇਸ ਨੂੰ ਕਿਵੇਂ ਹਾਸਿਲ ਕਰਣ ਵਾਲਾ ਹੈ। ਉਹ ਤਾਂ ਬਸ ਇੰਨਾ ਜਾਣਦਾ ਸੀ ਕਿ ਉਹ ਇਸ ਨੂੰ ਹਾਸਿਲ ਕਰਣ ਵਾਲਾ ਹੈ।

 

ਡਾੱ. ਜੋ ਵਿਟਾਲ

ਤੁਹਾਨੂੰ ਇਹ ਜਾਣਨ ਦੀ ਲੋੜ ਨਹੀਂ ਹੈ। ਕਿ ਇੰਝ ਕਿਵੇਂ ਹੋਵੇਗਾ। ਤੁਹਾਨੂੰ ਇਹ ਜਾਣਨ ਦੀ ਵੀ ਲੋੜ ਨਹੀਂ ਹੈ ਕਿ ਬ੍ਰਹਿਮੰਡ ਆਪਣੇ ਆਪ ਨੂੰ ਦੁਬਾਰਾ ਵਿਵਸਥਿਤ ਕਿਵੇਂ ਕਰੇਗਾ।

ਇਹ ਕਿਵੇਂ ਹੋਵੇਗਾ ਜਾਂ ਬ੍ਰਹਿਮੰਡ ਉਸ ਚੀਜ਼ ਨੂੰ ਤੁਹਾਡੇ ਤੱਕ ਕਿਵੇਂ ਪਹੁੰਚਾਵੇਗਾ, ਇਹ ਚਿੰਤਾ ਕਰਨਾ ਤੁਹਾਡਾ ਕੰਮ ਨਹੀਂ ਹੈ। ਇਹ ਤਾਂ ਬ੍ਰਹਿਮੰਡ ਦਾ ਕੰਮ ਹੈ। ਉਸ ਨੂੰ ਆਪਣਾ ਕੰਮ ਕਰਣ ਦਿਓ। ਜਦੋਂ ਤੁਸੀਂ ਇਹ ਪਤਾ ਲਾਉਣ ਦੀ ਕੋਸ਼ਿਸ਼ ਕਰਦੇ ਹੋ ਕਿ ਇਹ ਕੰਮ ਕਿਵੇਂ ਹੋਵੇਗਾ, ਤਾਂ ਤੁਹਾਡੇ ਵਲੋਂ ਭੇਜੀ ਜਾਣ ਵਾਲੀ ਫ੍ਰੀਕਊਂਸੀ 'ਚ ਆਸਥਾ ਦੀ ਕਮੀ ਹੁੰਦੀ ਹੈ। ਇਸ ਨਾਲ ਲੱਗਦਾ ਹੈ ਕਿ ਤੁਹਾਨੂੰ ਇਹ ਯਕੀਨ ਨਹੀਂ ਹੈ ਕਿ ਉਹ ਚੀਜ਼ ਪਹਿਲਾਂ ਤੋਂ ਹੀ ਤੁਹਾਡੇ ਕੋਲ ਮੌਜੂਦ ਹੈ। ਤੁਹਾਨੂੰ ਲੱਗਦਾ ਹੈ ਕਿ ਇਹ

ਕੰਮ ਵੀ ਤੁਹਾਨੂੰ ਹੀ ਕਰਣਾ ਹੈ ਅਤੇ ਤੁਹਾਨੂੰ ਇਸ ਗੱਲ 'ਤੇ ਯਕੀਨ ਨਹੀਂ ਹੈ ਕਿ ਕੀ ਬਹਿਮੰਡ ਉਸ ਕੰਮ ਨੂੰ ਤੁਹਾਡੇ ਲਈ ਆਪਣੇ-ਆਪ ਕਰ ਦੇਵੇਗਾ। ਸਿਰਜਨਾਤਮਕ ਪ੍ਰਕਿਰਿਆ ਵਿਚ ਕਿੰਝ ਦੇ ਬਾਰੇ `ਚ ਸੋਚਣਾ ਤੁਹਾਡਾ ਕੰਮ ਨਹੀਂ ਹੈ।

 

ਬਾੱਬ ਪ੍ਰਾੱਕਟਰ

ਕੰਮ ਕਿਵੇਂ ਹੋਵੇਗਾ, ਤੁਸੀਂ ਇਹ ਗੱਲ ਨਹੀਂ ਜਾਣਦੇ ਹੋ। ਇਹ ਤਾਂ ਤੁਹਾਨੂੰ ਬਾਅਦ ਵਿਚ ਪਤਾ ਲੱਗੇਗਾ। ਤਰੀਕਾ ਆਪਣੇ-ਆਪ ਤੁਹਾਡੇ ਵਲ ਆਕਰਸਤ ਹੋਵੇਗਾ।

 

ਲੀਸਾ ਨਿਕੋਲਸ

ਜਦੋਂ ਸਾਨੂੰ ਮੰਗੀਆਂ ਹੋਈਆਂ ਚੀਜ਼ਾਂ ਨਜ਼ਰ ਨਹੀਂ ਆਉਂਦੀਆਂ ਹਨ, ਤਾਂ ਜ਼ਿਆਦਾਤਰ ਮਾਮਲਿਆਂ 'ਚ ਅਸੀਂ ਕੁੰਠਿਤ ਹੋ ਜਾਂਦੇ ਹਾਂ। ਅਸੀਂ ਨਿਰਾਸ਼ ਹੋ ਜਾਂਦੇ ਹਾਂ। ਅਸੀਂ ਸ਼ੱਕ ਕਰਣ ਲੱਗ ਪੈਂਦੇ ਹਾਂ। ਸ਼ੱਕ ਕਾਰਣ ਨਿਰਾਸ਼ਾ ਦੀ ਭਾਵਨਾ ਆਉਂਦੀ ਹੈ। ਇਸਲਈ ਸ਼ੱਕ ਨੂੰ ਵਿਸ਼ਵਾਸ 'ਚ ਬਦਲ ਲਓ। ਸ਼ੱਕ ਦੀ ਭਾਵਨਾ ਨੂੰ ਪਛਾਣੋ ਤੇ ਉਸ ਦੀ ਥਾਂ 'ਤੇ ਅਟਲ ਆਸਥਾ ਦੀ ਭਾਵਨਾ ਰੱਖ ਦਿਓ। “ਮੈਂ ਜਾਣਦਾ ਹਾਂ ਕਿ ਉਹ ਚੀਜ਼ ਮੇਰੇ ਵੱਲ ਆ ਰਹੀ ਹੈ ਅਤੇ ਰਾਹ ਵਿੱਚ ਹੈ।“

 

ਕਦਮ 3: ਪਾਓ

ਲੀਸਾ ਨਿਕੋਲਸ

ਪ੍ਰਕਿਰਿਆ ਦਾ ਤੀਜਾ ਤੇ ਅੰਤਮ ਕਦਮ ਹੈ ਪਾਉਣਾ। ਇਸਦੇ ਬਾਰੇ ਚੰਗੀਆਂ ਭਾਵਨਾਵਾਂ ਮਹਿਸੂਸ ਕਰੋ। ਉਸੇ ਤਰ੍ਹਾਂ ਮਹਿਸੂਸ ਕਰੋ, ਜਿਵੇਂ ਤੁਸੀਂ ਉਸ ਚੀਜ਼ ਨੂੰ ਪਾਉਣ ਤੋਂ ਬਾਅਦ ਮਹਿਸੂਸ ਕਰੋਗੇ। ਇਸ ਨੂੰ ਹੁਣੇ ਹੀ ਮਹਿਸੂਸ ਕਰੋ।

 

ਮਾਰਸੀ ਸ਼ਿਮਾੱਫ

ਇਸ ਪ੍ਰਕਿਰਿਆ ਚ ਚੰਗਾ ਮਹਿਸੂਸ ਕਰਣਾ ਤੇ ਖੁਸ਼ ਰਹਿਣਾ ਮਹੱਤਵਪੂਰਨ ਹੈ, ਕਿਉਂਕਿ ਚੰਗਾ ਮਹਿਸੂਸ ਕਰਣ ਵੇਲੇ ਤੁਸੀਂ ਆਪਣੇ ਆਪ ਨੂੰ ਉਸੇ ਫ੍ਰੀਕਊਂਸੀ ਤੇ ਰੱਖ ਰਹੇ ਹੋ, ਜਿਸਤੇ ਤੁਹਾਡੀ ਮਨਚਾਹੀ ਚੀਜ ਹੈ।

ਮਾਇਕਲ ਬਰਨਾਰਡ ਬੇਕਵਿਥ

ਇਹ ਬ੍ਰਹਿਮੰਡ ਭਾਵਨਾਵਾਂ ਤੋਂ ਸੰਚਾਲਿਤ ਹੈ। ਜੇਕਰ ਤੁਸੀਂ ਸਿਰਫ਼ ਬੌਧਿਕ ਤੌਰ ਤੇ ਕਿਸੇ ਚੀਜ਼ 'ਚ ਯਕੀਨ ਕਰਦੇ ਹੋ, ਲੇਕਿਨ ਤੁਹਾਡੇ ਮਨ `ਚ ਉਸ ਲਈ ਭਾਵਨਾ ਨਹੀਂ ਹੈ, ਤਾਂ ਹੋ ਸਕਦਾ ਹੈ ਕਿ ਤੁਹਾਡੇ ਬੁਲਾਵੇ 'ਚ ਇੰਨੀ ਸਕਤੀ ਨਾ ਹੋਵੇ ਕਿ ਤੁਸੀਂ ਆਪਣੀ ਮਨਚਾਹੀ ਚੀਜ਼ ਨੂੰ ਆਪਣੇ ਜੀਵਨ 'ਚ ਸਾਕਾਰ ਕਰ ਸਕੋ। ਤੁਹਾਨੂੰ ਇਸ ਨੂੰ ਮਹਿਸੂਸ ਕਰਣਾ ਹੁੰਦਾ ਹੈ।

ਇਕ ਵਾਰੀ ਮੰਗੋ। ਫਿਰ ਯਕੀਨ ਕਰੋ ਕਿ ਤੁਸੀਂ ਉਸ ਨੂੰ ਪਾ ਚੁੱਕੇ ਹੋ। ਅਤੇ ਫਿਰ ਚੰਗਾ ਮਹਿਸੂਸ ਕਰਕੇ ਉਸ ਨੂੰ ਪਾ ਲਓ। ਜਦੋਂ ਤੁਸੀਂ ਚੰਗਾ ਮਹਿਸੂਸ ਕਰਦੇ ਹੋ, ਤਾਂ ਤੁਸੀਂ ਪਾਉਣ ਦੀ ਫ੍ਰੀਕਊਂਸੀ 'ਤੇ ਹੋ। ਤੁਸੀਂ ਸਾਰੀਆਂ ਚੰਗੀਆਂ ਚੀਜਾਂ ਨੂੰ ਆਪਣੇ ਵੱਲ ਲਿਆਉਣ ਦੀ ਫ੍ਰੀਕਊਂਸੀ 'ਤੇ ਹੋ ਅਤੇ ਤੁਹਾਨੂੰ ਮੰਗੀਆਂ ਹੋਈਆਂ ਚੀਜਾਂ ਮਿਲ ਜਾਣਗੀਆਂ। ਜਾਹਿਰ ਹੈ ਤੁਸੀਂ ਸਿਰਫ ਉਹੀ ਚੀਜ ਮੰਗੋਗੇ, ਜਿਸਦੇ ਮਿਲਣ ਤੇ ਤੁਹਾਨੂੰ ਚੰਗਾ ਮਹਿਸੂਸ ਹੋਵੇ, ਹੈ ਨਾ? ਇਸਲਈ ਜੇਕਰ ਤੁਸੀਂ ਆਪਣੇ-ਆਪ ਨੂੰ ਚੰਗਾ ਮਹਿਸੂਸ ਕਰਣ ਦੀ ਫ੍ਰੀਕਊਂਸੀ 'ਤੇ ਲੈ ਆਉਂਦੇ ਹੋ, ਤਾਂ ਤੁਸੀਂ ਉਸ ਨੂੰ ਪਾ ਲਵੋਗੇ।

ਖੁਦ ਨੂੰ ਉਸ ਫ੍ਰੀਕਊਂਸੀ ਤੱਕ ਪਹੁੰਚਾਉਣ ਦਾ ਇਕ ਤੇਜ਼ ਤਰੀਕਾ ਇਹ ਕਹਿਣਾ ਹੈ, "ਮੈਂ ਇਸ ਨੂੰ ਹੁਣੇ ਪਾ ਰਿਹਾ ਹਾਂ। ਮੈਨੂੰ ਆਪਣੇ ਜੀਵਨ 'ਚ ਤਮਾਮ ਚੰਗੀਆਂ ਚੀਜਾਂ ਇਸੇ ਵੇਲੇ ਮਿਲ ਰਹੀਆਂ ਹਨ। ਮੈਂ (ਇਥੇ ਆਪਣੀਆਂ ਇੱਛਾਵਾਂ ਭਰ ਲਓ) ਇਸੇ ਵੇਲੇ ਪਾ ਰਿਹਾ ਹਾਂ।" ਅਤੇ ਮਿਲਣ ਦੀ ਭਾਵਨਾ ਨੂੰ ਸਚਮੁੱਚ ਮਹਿਸੂਸ ਕਰੋ। ਇਸ ਤਰ੍ਹਾਂ ਮਹਿਸੂਸ ਕਰੋ, ਜਿਵੇਂ ਤੁਸੀਂ ਚੀਜ਼ ਨੂੰ ਹਕੀਕਤਨ ਪਾ ਲਿਆ ਹੋਵੇ।

ਮੇਰੀ ਇਕ ਪਿਆਰੀ ਸਹੇਲੀ, ਮਰਸੀ ਵਿਚ ਜ਼ਬਰਦਸਤ ਕਲਪਨਾਸ਼ੀਲਤਾ ਹੈ। ਉਹ ਹਰ ਚੀਜ ਮਹਿਸੂਸ ਕਰਦੀ ਹੈ। ਉਹ ਮਹਿਸੂਸ ਕਰਦੀ ਹੈ ਕਿ ਮਨਚਾਹੀ ਤੇ ਮੰਗੀ ਹੋਈ ਚੀਜ਼ ਮਿਲਣ 'ਤੇ ਉਸ ਨੂੰ ਕਿੰਝ ਮਹਿਸੂਸ ਹੋਵੇਗਾ। ਉਹ ਹਰ ਚੀਜ਼ ਨੂੰ ਸਚਮੁੱਚ ਮਹਿਸੂਸ ਕਰਦੀ ਹੈ। ਉਹ ਇਸ ਮਾਮਲੇ 'ਚ ਨਹੀਂ ਉਲਝਦੀ ਹੈ ਕਿ ਉਹ ਚੀਜ਼ ਉਸ ਨੂੰ ਕਿਵੇਂ, ਕਦੋਂ ਜਾਂ ਕਿਥੇ ਮਿਲੇਗੀ। ਉਹ ਤਾਂ ਬਸ ਉਸ ਨੂੰ ਮਹਿਸੂਸ ਕਰਦੀ ਹੈ ਅਤੇ ਫਿਰ ਉਹ ਚੀਜ ਪ੍ਰਗਟ ਹੋ ਜਾਂਦੀ ਹੈ।

ਤਾਂ ਇਸੇ ਵੇਲੇ ਚੰਗਾ ਮਹਿਸੂਸ ਕਰੋ।

ਬਾੱਬ ਪ੍ਰਾੱਕਟਰ

ਜਦੋਂ ਤੁਸੀਂ ਕਿਸੇ ਕਲਪਨਾ ਨੂੰ ਹਕੀਕਤ 'ਚ ਬਦਲ ਲੈਂਦੇ ਹੋ, ਤਾਂ ਤੁਸੀਂ ਜਿਆਦਾ ਵੱਡੀਆਂ ਕਲਪਨਾਵਾਂ ਕਰਣ ਦੀ ਸਥਿਤੀ ਵਿਚ ਆ ਜਾਂਦੇ ਹੋ ਅਤੇ ਇਹੀ ਸਿਰਜਨਾਤਮਕ ਪ੍ਰਕਿਰਿਆ ਹੈ।

"ਤੁਸੀਂ ਪ੍ਰਾਰਥਨਾ 'ਚ ਜੋ ਕੁੱਝ ਵੀ ਮੰਗੋਗੇ, ਯਕੀਨ ਕਰਣ 'ਤੇ ਉਸ ਨੂੰ ਪਾ ਲਵੋਗੇ।"

ਮੈਥਊ 21 : 22

"ਜਿਹੜੀਆਂ ਵੀ ਚੀਜ਼ਾਂ ਦੀ ਤੁਸੀਂ ਇੱਛਾ ਕਰਦੇ ਹੋ, ਜਦੋਂ ਤੁਸੀਂ ਪ੍ਰਾਰਥਨਾ ਕਰਦੇ ਹੋ ਤੇ ਯਕੀਨ ਕਰਦੇ ਹੋ ਕਿ ਤੁਸੀਂ ਉਨ੍ਹਾਂ ਨੂੰ ਪਾ ਲਵੋਗੇ, ਤਾਂ ਤੁਸੀਂ ਉਨ੍ਹਾਂ ਨੂੰ ਸਚਮੁੱਚ ਹੀ ਪਾ ਲਵੋਗੇ।"

ਮਾਰਕ 11 : 24

ਬਾੱਬ ਡਾੱਯਲ

ਆਕਰਸ਼ਨ ਦਾ ਨਿਯਮ, ਇਸਦਾ ਅਧਿਐਨ ਅਤੇ ਅਭਿਆਸ ਬਸ ਇਹ ਅੰਦਾਜਾਂ ਲਾਉਣ ਲਈ ਹੈ ਕਿ ਇਸੇ ਵੇਲੇ ਆਪਣੀਆਂ ਮਨਚਾਹੀ ਚੀਜਾਂ ਪਾਉਣ ਦੀਆਂ ਭਾਵਨਾਵਾਂ ਪੈਦਾ ਕਰਣ ਦਾ ਸਭ ਤੋਂ ਵਧੀਆ ਤਰੀਕਾ ਕਿਹੜਾ ਹੈ। ਆਪਣੀ ਮਨਚਾਹੀ ਕਾਰ 'ਚ ਟੈਸਟ ਡ੍ਰਾਇਵ 'ਤੇ ਜਾਓ। ਆਪਣੇ ਮਨਚਾਹੇ ਮਕਾਨ ਦੀ ਸ਼ਾਪਿੰਗ 'ਤੇ ਜਾਓ। ਆਪਣੇ ਮਨਭਾਉਂਦੇ ਮਕਾਨ ਅੰਦਰ ਜਾਓ। ਇਸ ਵੇਲੇ ਮਨਚਾਹੀ ਚੀਜ ਦਾ ਮਾਲਿਕ ਬਣਨ ਦੀ ਭਾਵਨਾਵਾਂ ਪੈਦਾ ਕਰਣ ਲਈ ਤੁਹਾਨੂੰ ਜੋ ਕੁੱਝ ਵੀ ਕਰਣਾ ਪਵੇ, ਕਰੋ ਅਤੇ ਆਪਣੀਆਂ ਭਾਵਨਾਵਾਂ ਨੂੰ ਯਾਦ ਰੱਖੋ। ਇੰਨਾ ਸਾਰਾ ਕਰਣ ਨਾਲ ਤੁਹਾਨੂੰ ਆਪਣੀ ਮਨਚਾਹੀ ਚੀਜ਼ ਸਚਮੁੱਚ ਪਾਉਣ ਚ ਮਦਦ ਮਿਲੇਗੀ।

ਜਦੋਂ ਤੁਸੀਂ ਇਸ ਤਰ੍ਹਾਂ ਮਹਿਸੂਸ ਕਰਦੇ ਹੋ, ਜਿਵੇਂ ਮਨਚਾਰੀ ਚੀਜ਼ ਤੁਹਾਨੂੰ ਮਿਲ ਚੁੱਕੀ ਹੈ ਅਤੇ ਇਹ ਭਾਵਨਾ ਇੰਨੀ ਸੱਚੀ ਹੁੰਦੀ ਹੈ, ਜਿਵੇਂ ਉਹ ਤੁਹਾਡੇ ਕੋਲ ਮੌਜੂਦ ਹੈ, ਤਾਂ ਇਸਦਾ ਮਤਲਬ ਇਹ ਹੈ ਕਿ ਤੁਹਾਨੂੰ ਯਕੀਨ ਹੋ ਗਿਆ ਹੈ ਕਿ ਤੁਸੀਂ ਉਸ ਨੂੰ ਪਾ ਚੁਕੇ ਹੋ ਅਤੇ ਫਿਰ ਤੁਸੀਂ ਉਸ ਨੂੰ ਪਾ ਲਵੋਗੇ।

ਬਾੱਬ ਡਾੱਯਲ

ਹੋ ਸਕਦਾ ਹੈ ਕਿ ਤੁਸੀਂ ਜਾਗਣ ਵੇਲੇ ਉਸ ਚੀਜ਼ ਨੂੰ ਮੌਜੂਦ ਦੇਖੋ। ਇਹ ਸਚਮੁਚ ਸਾਕਾਰ ਹੋ ਚੁੱਕੀ ਹੈ। ਜਾਂ ਫਿਰ, ਤੁਹਾਨੂੰ ਅਚਣਚੇਤ ਕੋਈ ਕੰਮ ਕਰਣ ਦੀ ਪ੍ਰੇਰਣਾ ਮਿਲ ਜਾਵੇ। ਤੁਹਾਨੂੰ ਨਿਸਚਿਤ ਤੌਰ 'ਤੇ ਇਹ ਨਹੀਂ ਕਹਿਣਾ ਚਾਹੀਦਾ, "ਦੇਖੋ, ਮੈਂ ਇਸ ਨੂੰ ਇਸ ਤਰ੍ਹਾਂ ਨਾਲ ਕਰ ਸਕਦਾ ਹਾਂ, ਲੇਕਿਨ ਇਹ ਮੈਨੂੰ ਪਸੰਦ ਨਹੀਂ ਹੈ।" ਜੇਕਰ ਹਾਲਾਤ ਇਹੀ ਹਨ, ਤਾਂ ਤੁਸੀਂ ਸਹੀ ਰਾਹ 'ਤੇ ਨਹੀਂ ਹੋ।

ਕਈ ਵਾਰੀ ਕੰਮ ਕਰਣ ਦੀ ਲੋੜ ਵੀ ਹੋਵੇਗੀ, ਲੇਕਿਨ ਜੇਕਰ ਤੁਸੀਂ ਇਸ ਨੂੰ ਉਸ ਤਰੀਕੇ ਨਾਲ ਕਰ ਰਹੇ ਹੋ, ਜਿਸ ਤਰੀਕੇ ਨਾਲ ਬ੍ਰਹਿਮੰਡ ਇਸ ਨੂੰ ਤੁਹਾਡੇ ਤੱਕ ਪਹੁੰਚਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ, ਤਾਂ ਤੁਸੀਂ ਖੁਸ਼ੀ ਦੀ ਭਾਵਨਾਵਾਂ ਮਹਿਸੂਸ ਕਰੋਗੇ। ਤੁਸੀਂ ਉਤਸ਼ਾਹਿਤ ਮਹਿਸੂਸ ਕਰੋਗੇ। ਸਮਾਂ ਜਿਵੇਂ ਰੁੱਕ ਜਾਵੇਗਾ। ਤੁਸੀਂ ਉਸ ਕੰਮ ਨੂੰ ਬਿਨਾਂ ਥਕੇ ਸਾਰਾ ਦਿਨ ਕਰ ਸਕਦੇ ਹੋ।

ਕਾਰਜ ਦਾ ਮਤਲਬ ਕਈ ਲੋਕਾਂ ਲਈ "ਕੰਮ" ਹੋ ਸਕਦਾ ਹੈ, ਲੇਕਿਨ ਪ੍ਰੇਰਿਤ ਕਰਮ ਕੰਮ ਵਰਗਾ ਬਿਲਕੁਲ ਨਹੀਂ ਹੋਵੇਗਾ। ਪ੍ਰੇਰਿਤ ਕਰਮ ਅਤੇ ਕੰਮ ਦੇ ਵਿਚਕਾਰਲਾ ਫਰਕ ਇਹ ਹੈ । ਪ੍ਰੇਰਿਤ ਕਰਮ ਉਹ ਹਨ, ਜਦੋਂ ਤੁਸੀਂ ਪਾਉਣ ਲਈ ਕੰਮ ਕਰ ਰਹੇ ਹੋ। ਜੇਕਰ ਤੁਸੀਂ ਉਸ ਚੀਜ਼ ਨੂੰ ਸਾਕਾਰ ਕਰਵਾਉਣ ਲਈ ਕੰਮ ਕਰ ਰਹੇ ਹੋ, ਤਾਂ ਤੁਸੀਂ ਪਿੱਛੇ ਨੂੰ ਤਿਲਕ ਗਏ ਹੋ। ਪ੍ਰੇਰਿਤ ਕਰਮ ਜਤਨ ਤੋਂ ਬਗੈਰ ਹੁੰਦਾ ਹੈ ਅਤੇ ਇਸ ਨਾਲ ਅਦਭੁਤ ਮਹਿਸੂਸ ਹੁੰਦਾ ਹੈ, ਕਿਉਂਕਿ ਤੁਸੀਂ ਪਾਉਣ ਦੀ ਫ੍ਰੀਕਊਂਸੀ 'ਤੇ ਹੁੰਦੇ ਹੋ।

ਕਲਪਨਾ ਕਰੋ ਕਿ ਜਿੰਦਗੀ ਤੇਜੀ ਨਾਲ ਵਹਿੰਦੀ ਨਦੀ ਹੈ। ਕਿਸੇ ਚੀਜ਼ ਨੂੰ ਸਾਕਾਰ ਕਰਵਾਉਣ ਲਈ ਕੰਮ ਕਰਣ ਵੇਲੇ ਇੰਝ ਮਹਿਸੂਸ ਹੋਵੇਗਾ, ਜਿਵੇਂ ਤੁਸੀਂ ਨਦੀ ਦੇ ਵਗਣ ਦੇ ਉਲਟ ਪਾਸੇ ਤਾਰੀ ਲਾ ਰਹੇ ਹੋ। ਇਹ ਮੁਸ਼ਕਿਲ ਹੋਵੇਗਾ ਅਤੇ ਸੰਘਰਸ਼ ਵਾਂਗ ਲੱਗੇਗਾ। ਦੂਜੇ ਪਾਸੇ ਸ੍ਰਿਸ਼ਟੀ ਤੋਂ ਪਾਉਣ ਲਈ ਕਰਮ ਕਰਣ ਵੇਲੇ ਤੁਹਾਨੂੰ ਇੰਝ ਮਹਿਸੂਸ ਹੋਵੇਗਾ, ਜਿਵੇਂ ਤੁਸੀਂ ਨਦੀ ਦੇ ਪ੍ਰਵਾਹ ਨਾਲ ਵਹਿ ਰਹੇ ਹੋ। ਇਹ ਜਤਨ ਬਗੈਰ ਮਹਿਸੂਸ ਹੋਵੇਗਾ। ਇਹ ਪ੍ਰੇਰਿਤ ਕਰਮ ਹੈ ਅਤੇ ਬ੍ਰਹਿਮੰਡ ਤੇ ਜਿੰਦਗੀ ਦੇ ਪਰਵਾਹ ਨਾਲ ਤਾਰੀ ਲਾਉਣ ਦੀ ਭਾਵਨਾ ਹੈ।

ਕਈ ਵਾਰੀ ਤਾਂ ਕਿਸੇ ਚੀਜ ਨੂੰ ਪਾਉਣ ਤੱਕ ਤੁਹਾਨੂੰ ਪਤਾ ਹੀ ਨਹੀਂ ਚਲਦਾ ਕਿ ਤੁਸੀਂ "ਕਰਮ" ਕੀਤਾ ਸੀ, ਕਿਉਂਕਿ ਕਰਮ ਕਰਣ ਵੇਲੇ ਤੁਹਾਨੂੰ ਬਹੁਤ ਵਧੀਆ ਮਹਿਸੂਸ ਹੋ ਰਿਹਾ ਸੀ। ਉਦੋਂ ਤੁਸੀਂ

ਮੁੜ੍ਹਕੇ ਦੇਖੋਗੇ ਅਤੇ ਇਸ ਗੱਲ 'ਤੇ ਹੈਰਾਨ ਹੋਵੋਗੇ ਕਿ ਕਿਸ ਤਰਾਂ ਬ੍ਰਹਿਮੰਡ ਤੁਹਾਨੂੰ ਉੱਥੇ ਤੱਕ ਲੈ ਗਿਆ, ਜਿੱਥੇ ਤੁਸੀਂ ਜਾਣਾ ਚਾਹੁੰਦੇ ਸੀ, ਅਤੇ ਉਸ ਚੀਜ ਨੂੰ ਤੁਹਾਡੇ ਵੱਲ ਲੈ ਆਇਆ, ਜਿਸ ਨੂੰ ਤੁਸੀਂ ਪਾਉਣਾ ਚਾਹੁੰਦੇ ਸੀ।

 

ਡਾੱ. ਜੋ ਵਿਟਾਲ

ਬ੍ਰਹਿਮੰਡ ਤੇਜ ਗਤੀ ਨੂੰ ਪਸੰਦ ਕਰਦਾ ਹੈ। ਦੇਰ ਨਾ ਕਰੋ। ਦੁਬਾਰਾ ਨਾ ਸੋਚੋ। ਸ਼ੰਕਾ ਨਾ ਕਰੋ। ਜਦੋਂ ਮੌਕਾ ਮੌਜੂਦ ਹੋਵੇ, ਜਦੋਂ ਮਨੋਵੇਗ ਮੌਜੂਦ ਹੋਣ, ਜਦੋਂ ਅੰਦਰੋਂ ਸਹਿਜ ਬੋਧ ਦੀ ਪ੍ਰੇਰਣਾ ਦਾ ਇਸ਼ਾਰਾ ਹੋਵੇ, ਤਾਂ ਤੁਰੰਤ ਕਰਮ ਕਰ ਦਿਓ। ਇਹ ਤੁਹਾਡਾ ਕੰਮ ਹੈ। ਅਤੇ ਤੁਹਾਨੂੰ ਬਸ ਇੰਨਾ ਹੀ ਕਰਣਾ ਹੈ।

ਆਪਣੀ ਸਹਿਜ ਭਾਵਨਾਵਾਂ (instincts) ਤੇ ਭਰੋਸਾ ਕਰੋ। ਇਹ ਬ੍ਰਹਿਮੰਡ ਦਾ ਇਸ਼ਾਰਾ ਹੈ ਜਿਹੜਾ ਤੁਹਾਨੂੰ ਪ੍ਰੇਰਿਤ ਕਰ ਰਿਹਾ ਹੈ। ਇਹ ਬੁਹਿਮੰਡ ਦਾ ਇਸ਼ਾਰਾ ਹੈ, ਜੋ ਪਾਉਣ ਦੀ ਫ੍ਰੀਕਊਂਸੀ 'ਤੇ ਤੁਹਾਡੇ ਨਾਲ ਸੰਚਾਰਿਤ ਕਰ ਰਿਹਾ ਹੈ। ਜੇਕਰ ਤੁਹਾਡੇ ਮਨ 'ਚ ਸਹਿਜ ਭਾਵਨਾ ਹੈ, ਤਾਂ ਉਸ ਦੀ ਪਾਲਣਾ ਕਰੋ। ਤੁਸੀਂ ਪਾਓਗੋ ਕਿ ਬ੍ਰਹਿਮੰਡ ਚੁੰਬਕ ਵਾਂਗ ਤੁਹਾਨੂੰ ਮੰਗੀਆਂ ਹੋਈਆਂ ਚੀਜ਼ਾਂ ਵੱਲ ਲੈ ਜਾ ਰਿਹਾ ਹੈ।

 

ਬਾੱਬ ਪ੍ਰਾੱਕਟਰ

ਤੁਸੀਂ ਆਪਣੀ ਲੋੜ ਦੀ ਹਰ ਚੀਜ਼ ਨੂੰ ਆਕਰਸ਼ਤ ਕਰ ਲਵੋਗੇ। ਜੇਕਰ ਤੁਹਾਨੂੰ ਪੈਸੇ ਦੀ ਲੋੜ ਹੈ, ਤਾਂ ਤੁਸੀਂ ਉਸ ਨੂੰ ਆਕਰਸ਼ਤ ਕਰੋਗੇ। ਜੇਕਰ ਤੁਹਾਨੂੰ ਮਿੱਤਰਾਂ ਦੀ ਲੋੜ ਹੈ, ਤਾਂ ਤੁਸੀਂ ਉਨ੍ਹਾਂ ਨੂੰ ਆਕਰਸ਼ਤ ਕਰੋਗੇ। ਜੇਕਰ ਤੁਹਾਨੂੰ ਕਿਸੇ ਖਾਸ ਕਿਤਾਬ ਦੀ ਲੋੜ ਹੈ, ਤਾਂ ਤੁਸੀਂ ਉਸ ਨੂੰ ਆਕਰਸ਼ਿਤ ਕਰੋਗੇ। ਬਹਰਹਾਲ, ਤੁਹਾਨੂੰ ਇਸ ਵੱਲ ਧਿਆਨ ਦੇਣਾ ਹੋਵੇਗਾ ਕਿ ਤੁਸੀਂ ਕਿਸ ਨੂੰ ਆਕਰਸ਼ਿਤ ਕਰਣਾ ਚਾਹੁੰਦੇ ਹੋ, ਕਿਉਂਕਿ ਜਦੋਂ ਤੁਸੀਂ ਆਪਣੀ ਮਨਚਾਹੀ ਚੀਜ਼ਾਂ ਦੀਆਂ ਤਸਵੀਰਾਂ ਆਪਣੇ ਦਿਮਾਗ 'ਚ ਰੱਖਦੇ ਹੋ, ਤਾਂ ਤੁਸੀਂ ਉਨ੍ਹਾਂ ਚੀਜ਼ਾਂ ਵੱਲ ਹੋਰ ਉਹ ਤੁਹਾਡੇ ਵੱਲ ਆਕਰਸ਼ਤ ਹੋਣਗੀਆਂ। ਉਹ ਚੀਜ਼ਾਂ ਸਚਮੁੱਚ ਤੁਹਾਡੇ ਮਾਧਿਅਮ ਨਾਲ ਸਾਕਾਰ ਹੋ ਜਾਂਦੀਆਂ ਅਤੇ ਹਕੀਕਤ ਵਿਚ ਬਦਲ ਜਾਂਦੀਆਂ ਹਨ। ਅਤੇ ਇਹ ਆਕਰਸ਼ਨ ਦੇ ਨਿਯਮ ਕਾਰਣ ਹੁੰਦਾ ਹੈ।

ਯਾਦ ਰੱਖੋ ਕਿ ਤੁਸੀਂ ਇਕ ਚੁੰਬਕ ਹੋ ਅਤੇ ਹਰ ਚੀਜ਼ ਨੂੰ ਆਪਣੇ ਵੱਲ ਆਕਰਸ਼ਤ ਕਰਦੇ ਹੋ। ਜਦੋਂ ਤੁਸੀਂ ਸਪਸ਼ਟਤਾ ਨਾਲ ਸੋਚ ਲੈਂਦੇ ਹੋ ਕਿ ਤੁਸੀਂ ਕੀ ਚਾਹੁੰਦੇ ਹੋ, ਤਾਂ ਤੁਸੀਂ ਉਨ੍ਹਾਂ ਚੀਜਾਂ ਨੂੰ ਆਪਣੇ ਵੱਲ ਖਿੱਚਣ ਲਈ ਚੁੰਬਕ ਬਣ ਜਾਂਦੇ ਹੋ। ਤੁਸੀਂ ਜਿਨ੍ਹਾਂ ਚੀਜ਼ਾਂ ਨੂੰ ਚਾਹੁੰਦੇ ਹੋ, ਉਹ ਤੁਹਾਡੇ ਵੱਲ ਚੁੰਬਕੀ ਆਕਰਸ਼ਨ  ਨਾਲ ਖਿੱਚੀਆਂ ਚਲੀਆਂ ਆਉਣਗੀਆਂ। ਤੁਸੀਂ ਜਿੰਨਾ ਜ਼ਿਆਦਾ ਅਭਿਆਸ ਕਰੋਗੇ ਤੇ ਆਕਰਸ਼ਨ ਦੇ ਨਿਯਮ ਨੂੰ ਆਪਣੇ ਵੱਲ ਜਿੰਨੀਆਂ ਜਿਆਦਾ ਚੀਜ਼ਾਂ ਲਿਆਉਂਦੇ ਦੇਖੋਗੇ, ਤੁਸੀਂ ਉਨੇ ਹੀ ਜਿਆਦਾ ਵੱਡੇ ਚੁੰਬਕ ਬਣ ਜਾਵੋਗੇ, ਕਿਉਂਕਿ ਤੁਸੀਂ ਆਸਥਾ, ਵਿਸ਼ਵਾਸ ਤੇ ਗਿਆਨ ਦੀ ਸ਼ਕਤੀ ਦਾ ਪ੍ਰਯੋਗ ਕੀਤਾ ਹੈ।

 

ਮਾਇਕਲ ਬਰਨਾਰਡ ਬੇਕਵਿਥ

ਤੁਸੀਂ ਸਿਫਰ ਤੋਂ ਸ਼ੁਰੂ ਕਰ ਸਕਦੇ ਹੋ, ਕਿਉਂਕਿ ਸਿਫਰ ਤੋਂ, ਬਿਨਾਂ ਰਾਹ ਵਾਲੀ ਥਾਂ 'ਤੇ ਇਕ ਰਾਹ ਬਣਾ ਦਿੱਤੀ ਜਾਵੇਗੀ।

ਤੁਹਾਨੂੰ ਸਿਰਫ਼ ਮਨਚਾਹੀ ਚੀਜਾਂ ਦੀ ਸਾਕਾਰ ਕਲਪਨਾ ਕਰਣ ਦੀ ਸਮਰੱਥਾ ਦੀ ਲੋੜ ਹੈ। ਮਾਨਵ ਜਾਤਿ ਦੇ ਇਤਿਹਾਸ 'ਚ ਅੱਜ ਤੱਕ ਜਿਹੜੀ ਵੀ ਚੀਜ਼ ਖੋਜੀ ਤੇ ਬਣਾਈ ਗਈ ਹੈ, ਉਹ ਇਕ ਵਿਚਾਰ ਨਾਲ ਅਰੰਭ ਹੋਈ ਸੀ। ਉਸ ਇਕ ਵਿਚਾਰ ਨਾਲ ਇਕ ਰਾਹ ਬਣੀ ਅਤੇ ਉਹ ਚੀਜ਼ ਅਦ੍ਰਿਸ਼ ਤੋਂ ਦ੍ਰਿਸ਼ ਵਿਚ ਪ੍ਰਗਟ ਹੋ ਗਈ।

 

ਜੈਕ ਕੈਨਫ਼ੀਲਡ

ਇਸ ਤਰ੍ਹਾਂ ਸੋਚੋ ਕਿ ਤੁਸੀਂ ਰਾਤ 'ਚ ਕਾਰ ਚਲਾ ਰਹੇ ਹੋ। ਹੈਡ ਲਾਈਟਾਂ ਦੀ ਰੌਸ਼ਨੀ ਸਿਰਫ ਸੌ ਤੋਂ ਦੋ ਸੌ ਫੁੱਟ ਅੱਗੇ ਤੱਕ ਜਾਂਦੀਆਂ ਹਨ। ਤੁਸੀਂ ਕੈਲੀਫੋਰਨੀਆ ਤੋਂ ਨਿਊਯਾਰਕ ਤੱਕ ਪੂਰੀ ਰਾਹ ਹਨੇਰੇ 'ਚ ਕਾਰ ਚਲਾ ਸਕਦੇ ਹੋ, ਕਿਉਂਕਿ ਤੁਹਾਨੂੰ ਬਸ ਅਗਲੇ ਦੋ ਸੌ ਫੁੱਟ ਤੱਕ ਹੀ ਦੇਖਣਾ ਹੁੰਦਾ ਹੈ। ਜ਼ਿੰਦਗੀ ਵੀ ਸਾਡੇ ਸਾਹਮਣੇ ਇਸੇ ਤਰ੍ਹਾਂ ਪ੍ਰਗਟ ਹੁੰਦੀ ਹੈ। ਜੇਕਰ ਅਸੀਂ ਬਸ ਇੰਨਾ ਭਰੋਸਾ ਕਰ ਸਕੀਏ ਕਿ ਉਸ ਦੇ ਬਾਅਦ ਅਗਲੇ ਦੇ ਸੌ ਫੁੱਟ ਪ੍ਰਗਟ ਹੋਣਗੇ ਤੇ ਉਸ ਤੋਂ ਬਾਅਦ ਅਗਲੇ ਦੋ ਸੋ ਫੁੱਟ, ਤਾਂ ਇੰਝ ਤੁਹਾਡੀ ਜ਼ਿੰਦਗੀ ਪ੍ਰਗਟ ਹੁੰਦੀ ਰਹੇਗੀ ਤੇ ਇਹ ਆਖਿਰ ਤੁਹਾਨੂੰ ਮਨਚਾਹੀ ਚੀਜ਼ ਦੀ ਦਿਸ਼ਾ ਵੱਲ ਲੈ ਜਾਵੇਗੀ, ਕਿਉਂਕਿ ਤੁਸੀਂ ਉਸ ਨੂੰ ਸਚਮੁੱਚ ਹੀ ਪਾਉਣਾ ਚਾਹੁੰਦੇ ਹੋ।

ਬ੍ਰਹਿਮੰਡ 'ਤੇ ਭਰੋਸਾ ਰਖੋ। ਭਰੋਸਾ ਰੱਖੋ, ਯਕੀਨ ਰੱਖੋ, ਆਸਥਾ ਰੱਖੋ। ਮੈਨੂੰ ਸਚਮੁੱਚ ਜ਼ਰਾ ਜਿਹਾ ਵੀ ਅੰਦਾਜ਼ਾਂ ਨਹੀਂ ਸੀ ਕਿ ਮੈਂ ਰਹੱਸ ਦੇ ਗਿਆਨ ਨੂੰ ਫਿਲਮ ਦੇ ਪਰਦੇ 'ਤੇ ਕਿਵੇਂ ਉਤਾਰ ਸਕਾਂਗੀ। ਮੈਂ

ਬੱਸ ਭਵਿਖ-ਦ੍ਰਿਸ਼ਟੀ ਦਾ ਸਿੱਟਾ ਦੇਖਿਆ, ਮੈਂ ਆਪਣੇ ਮਸਤਿਸਕ 'ਚ ਸਿੱਟੇ ਨੂੰ ਸਪਸ਼ਟਤਾ ਨਾਲ ਦੇਖਿਆ, ਮੈਂ ਇਸ ਨੂੰ ਪੂਰੀ ਸ਼ਕਤੀ ਨਾਲ ਮਹਿਸੂਸ ਕੀਤਾ ਤੇ ਦ ਸੀਕ੍ਰਿਟ ਨੂੰ ਬਨਾਉਣ 'ਚ ਸਾਨੂੰ ਜਿਸ ਚੀਜ ਦੀ ਲੋੜ ਸੀ, ਉਹ ਹਰ ਚੀਜ ਸਾਡੇ ਕੋਲ ਆ ਗਈ।

"ਆਸਥਾ ਨਾਲ ਪਹਿਲਾ ਕਦਮ ਚੁੱਕੋ। ਤੁਹਾਨੂੰ ਸਾਰੀ ਪੌੜੀ ਦੇਖਣ ਦੀ ਲੋੜ ਨਹੀਂ ਹੈ। ਬਸ ਪਹਿਲਾ ਕਦਮ ਚੁੱਕ ਲਵੋ।"

ਡਾ. ਮਾਰਟਿਨ ਲੂਥਰ ਕਿੰਗ, ਜੂਨੀਅਰ (1929-1968)

 

ਰਹੱਸ ਤੇ ਤੁਹਾਡਾ ਸ਼ਰੀਰ

ਆਓ, ਹੁਣ ਅਸੀਂ ਸਿਰਜਨਾਤਮਕ ਪ੍ਰਕਿਰਿਆ ਦਾ ਇਸਤੇਮਾਲ ਉਨ੍ਹਾਂ ਲੋਕਾਂ ਦੇ ਲਾਹੇ ਲਈ ਕਰਦੇ ਹਾਂ, ਜਿਹੜੇ ਇਹ ਮਹਿਸੂਸ ਕਰਦੇ ਹਨ ਕਿ ਉਨ੍ਹਾਂ ਦਾ ਭਾਰ ਜਿਆਦਾ ਹੈ ਤੇ ਜਿਹੜੇ ਆਪਣਾ ਭਾਰ ਘੱਟ ਕਰਣਾ ਚਾਹੁੰਦੇ ਹਨ।

ਪਹਿਲੀ ਗੱਲ ਤਾਂ ਇਹ ਜਾਣ ਲਓ ਕਿ ਜੇਕਰ ਤੁਸੀਂ ਭਾਰ ਘੱਟ ਕਰਣ 'ਤੇ ਧਿਆਨ ਕੇਂਦ੍ਰਿਤ ਕਰੋਗੇ ਤਾਂ ਤੁਹਾਡਾ ਭਾਰ ਘੱਟ ਨਹੀਂ ਹੋ ਪਾਵੇਗਾ, ਕਿਉਂਕਿ ਤੁਸੀਂ ਹਮੇਸ਼ਾ ਹੀ ਭਾਰ ਘੱਟ ਕਰਣ ਦੇ ਵਿਚਾਰ ਨੂੰ ਆਪਣੇ ਵੱਲ ਆਕਰਸ਼ਤ ਕਰੋਗੇ। ਇਸਲਈ ਭਾਰ ਘੱਟ ਕਰਣ" ਦੇ ਖਿਆਲ ਨੂੰ ਆਪਣੇ ਦਿਮਾਗ ਤੋਂ ਕੱਢ ਦਿਓ। ਇਸੇ ਕਾਰਣ ਡਾਇਟਿੰਗ ਸਫ਼ਲ ਨਹੀਂ ਹੁੰਦੀ ਹੈ। ਚੂੰਕਿ ਤੁਸੀਂ ਭਾਰ ਘੱਟ ਕਰਣ 'ਤੇ ਧਿਆਨ ਕੇਂਦ੍ਰਿਤ ਕਰਦੇ ਹੋ, ਇਸਲਈ ਤੁਸੀਂ ਲਗਾਤਾਰ ਭਾਰ ਘੱਟ ਕਰਣ ਵੱਲ ਆਕਰਸ਼ਿਤ ਹੁੰਦੇ ਹੋ।

ਦੂਜੀ ਗੱਲ ਇਹ ਜਾਣਨਾ ਹੈ ਕਿ ਜ਼ਿਆਦਾ ਭਾਰ ਦੀ ਸਥਿਤੀ ਇਸ ਬਾਰੇ 'ਚ ਵਿਚਾਰ ਕਰਣ ਕਾਰਣ ਪੈਦਾ ਹੋਈ ਹੈ। ਸਭ ਤੋਂ ਬੁਨਿਆਦੀ ਸ਼ਬਦਾਵਲੀ 'ਚ, ਜੇਕਰ ਕਿਸੇ ਦਾ ਭਾਰ ਜ਼ਿਆਦਾ ਹੈ, ਤਾਂ ਇਹ "ਮੋਟੇ ਵਿਚਾਰ" ਸੋਚਣ ਕਰਕੇ ਹੋਇਆ ਹੈ, ਭਾਵੇਂ ਉਸ ਵਿਅਕਤੀ ਨੂੰ ਇਸ ਗੱਲ ਦਾ ਅਹਿਸਾਸ ਹੋਵੇ ਜਾਂ ਨਾ ਹੋਵੇ। "ਦੁਬਲੇ ਵਿਚਾਰ" ਸੋਚ ਕੇ ਕੋਈ ਮੋਟਾ ਨਹੀਂ ਹੋ ਸਕਦਾ। ਇਹ ਆਕਰਸ਼ਨ ਦੇ ਨਿਯਮ ਦੀ ਬਿਲਕੁਲ ਅਵਹੇਲਨਾ ਹੋਵੇਗੀ।

ਭਾਵੇਂ ਲੋਕਾਂ ਨੂੰ ਇਹ ਦਸਿਆ ਗਿਆ ਹੋਵੇ ਕਿ ਉਨ੍ਹਾਂ ਦੀ ਥਾੱਯਰਾਇਡ ਗ੍ਰੰਥੀ ਹੌਲ਼ੀ ਗਤੀ ਨਾਲ ਕੰਮ

ਕਰਦੀ ਹੈ, ਉਨ੍ਹਾਂ ਦੇ ਪਚਾਉਣ (metabolism) ਦੀ ਕਿਰਿਆ ਹੌਲੀ ਹੈ ਜਾਂ ਉਨ੍ਹਾਂ ਦਾ ਮੋਟਾਪਾ ਜੱਦੀ ਹੈ, ਲੇਕਿਨ ਇਹ ਸਾਰੀਆਂ ਚੀਜਾਂ "ਮੋਟੇ ਵਿਚਾਰ" ਸੋਚਣ ਦੇ ਬਹਾਨੇ ਹਨ। ਜੇਕਰ ਤੁਸੀਂ ਇਨ੍ਹਾਂ 'ਚੋਂ ਕਿਸੇ ਵੀ ਸਥਿਤੀ ਨੂੰ ਆਪਣੇ 'ਤੇ ਲਾਗੂ ਕਰਦੇ ਹੋ ਤੇ ਇਸ ਉੱਤੇ ਯਕੀਨ ਕਰਦੇ ਹੋ, ਤਾਂ ਇਹ ਤੁਹਾਡਾ ਅਨੁਭਵ ਬਣ ਜਾਵੇਗਾ ਤੇ ਤੁਸੀਂ ਜਿਆਦਾ ਭਾਰ ਨੂੰ ਆਪਣੇ ਵੱਲ ਆਕਰਸਿਤ ਕਰਦੇ ਰਹੋਗੇ।

ਦੋ ਧੀਆਂ ਹੋਣ ਤੋਂ ਬਾਅਦ ਮੇਰਾ ਭਾਰ ਵੱਧ ਗਿਆ। ਮੈਂ ਜਾਣਦੀ ਹਾਂ ਕਿ ਇਹ ਉਨ੍ਹਾਂ ਸੁਨੇਹਾਂ ਨੂੰ ਸੁਣਨ ਤੇ ਪੜ੍ਹਨ ਕਾਰਣ ਹੋਇਆ ਸੀ, ਜਿਸ ਦੇ ਮੁਤਾਬਿਕ ਇਕ ਬੱਚਾ ਪੈਦਾ ਹੋਣ ਤੋਂ ਬਾਅਦ ਭਾਰ ਘੱਟ ਰੱਖਣਾ ਮੁਸ਼ਕਿਲ ਹੁੰਦਾ ਹੈ ਤੇ ਦੂਜੇ ਬੱਚੇ ਤੋਂ ਬਾਅਦ ਤਾਂ ਹੋਰ ਵੀ ਜਿਆਦਾ ਮੁਸ਼ਕਿਲ। ਮੈਂ "ਮੋਟੇ ਵਿਚਾਰਾਂ" ਨੂੰ ਸੱਦਿਆ ਤੇ ਇਹ ਮੇਰਾ ਅਨੁਭਵ ਬਣ ਗਏ। ਮੈਂ ਸਚਮੁੱਚ ਹੀ "ਮੋਟੀ" ਹੋ ਗਈ ਅਤੇ ਮੈਂ ਆਪਣੇ "ਮੋਟਾਪੇ" ਵੱਲ ਜਿੰਨਾ ਧਿਆਨ ਦਿੱਤਾ, ਉੱਨਾ ਹੀ ਜ਼ਿਆਦਾ "ਮੋਟਾਪੇ" ਨੂੰ ਆਪਣੇ ਵੱਲ ਖਿੱਚਣ ਲੱਗੀ। ਮਦਰੀ ਹੋਣ ਦੇ ਬਾਵਜੂਦ ਮੇਰਾ ਭਾਰ 143 ਪਾਊਂਡ ਹੋ ਗਿਆ, ਸਿਰਫ਼ ਇਸ ਲਈ ਕਿਉਂਕਿ ਮੇਰੇ ਮਨ ਵਿਚ "ਮੋਟੇ ਵਿਚਾਰ" ਸਨ।

ਆਮ ਲੋਕਾਂ ਵਾਂਗ ਹੀ ਮੈਂ ਵੀ ਸੋਚਦੀ ਸੀ ਕਿ ਮੇਰਾ ਭਾਰ ਖਾਣ-ਪੀਣ ਦੇ ਕਾਰਣ ਵਧਿਆ ਹੈ। ਇਸ ਧਾਰਣਾ ਨਾਲ ਤੁਹਾਨੂੰ ਕੋਈ ਫਾਇਦਾ ਨਹੀਂ ਹੁੰਦਾ ਅਤੇ ਹੁਣ ਮੈਂ ਇਸ ਨੂੰ ਨਿਰੀ ਬਕਵਾਸ ਮੰਨਦੀ ਹਾਂ। ਖੁਰਾਕ ਦੇ ਕਾਰਣ ਭਾਰ ਨਹੀਂ ਵਧਦਾ। ਜੇਕਰ ਖੁਰਾਕ ਤੁਹਾਡਾ ਭਾਰ ਵਧਾਉਂਦੀ ਹੈ, ਤਾਂ ਇੰਝ ਤੁਹਾਡੇ ਵਿਚਾਰਾਂ ਕਾਰਣ ਹੁੰਦਾ ਹੈ ਕਿ ਖੁਰਾਕ ਨਾਲ ਭਾਰ ਵਧਦਾ ਹੈ। ਯਾਦ ਰੱਖੋ, ਵਿਚਾਰ ਹੀ ਹਰ ਚੀਜ਼ ਦਾ ਮੁੱਢਲਾ ਕਾਰਣ ਹਨ ਤੇ ਬਾਕੀ ਚੀਜਾਂ ਉਨ੍ਹਾਂ ਵਿਚਾਰਾਂ ਦਾ ਨਤੀਜਾ। ਉੱਤਮ ਵਿਚਾਰ ਸੋਚੋਗੇ, ਤਾਂ ਭਾਰ ਵੀ ਉੱਤਮ ਹੋਵੇਗਾ।

ਸਾਰੇ ਸੀਮਤ ਕਰਣ ਵਾਲੇ ਵਿਚਾਰਾਂ ਨੂੰ ਦਿਮਾਗ ਤੋਂ ਕੱਢ ਦਿਓ। ਖੁਰਾਕ ਤੁਹਾਡਾ ਭਾਰ ਉਦੋਂ ਤਕ ਨਹੀਂ ਵਧਾ ਸਕਦੀ, ਜਦੋਂ ਤਕ ਤੁਸੀਂ ਇਹ ਨਾ ਸੋਚ ਲਓ ਕਿ ਇਹ ਇੰਝ ਕਰ ਸਕਦੀ ਹੈ।

ਉੱਤਮ ਭਾਰ ਦੀ ਪਰਿਭਾਸ਼ਾ ਉਹ ਵਜ਼ਨ ਹੈ, ਜਿਹੜਾ ਤੁਹਾਨੂੰ ਵਧੀਆ ਮਹਿਸੂਸ ਹੋਵੇ। ਕਿਸੇ ਦੂਜੇ ਦਾ ਮਸ਼ਵਰਾ ਮਹੱਤਵਪੂਰਨ ਨਹੀਂ ਹੈ। ਮਹੱਤਵਪੂਰਨ ਤਾਂ ਉਹ ਉੱਤਮ ਭਾਰ ਹੈ, ਜਿਸ 'ਚ ਤੁਸੀਂ ਵਧੀਆ ਮਹਿਸੂਸ ਕਰਦੇ ਹੋ।

ਇਸ ਗੱਲ ਦੀ ਬੜੀ ਸੰਭਾਵਨਾ ਹੈ ਕਿ ਤੁਸੀਂ ਕਿਸੇ ਇਹੋ ਜਿਹੇ ਦੁਬਲੇ ਵਿਅਕਤੀ ਨੂੰ ਜਾਣਦੇ ਹੋਵੋਗੇ,

ਜਿਹੜਾ ਘੋੜਿਆਂ ਵਾਂਗ ਰੱਜ ਕੇ ਖਾਉਣ ਤੋਂ ਬਾਅਦ ਅਣਖ ਨਾਲ ਐਲਾਨ ਕਰਦਾ ਹੋਵੇਗਾ "ਮੈਂ ਜਿੰਨਾ ਚਾਹਾਂ ਖਾ ਸਕਦਾ ਹਾਂ, ਲੇਕਿਨ ਮੇਰਾ ਭਾਰ ਹਮੇਸ਼ਾ ਉੱਤਮ ਰਹਿੰਦਾ ਹੈ।" ਅਤੇ ਬਹਿਮੰਡ ਦਾ ਜਿੰਨ ਕਹਿੰਦਾ ਹੈ, 'ਤੁਹਾਡੀ ਇੱਛਾ ਹੀ ਮੇਰੇ ਲਈ ਹੁਕਮ ਹਨ!"

ਸਿਰਜਨਾਤਮਕ ਪ੍ਰਕਿਰਿਆ ਦਾ ਪ੍ਰਯੋਗ ਕਰਕੇ ਆਪਣੇ ਉੱਤਮ ਭਾਰ ਅਤੇ ਸ਼ਰੀਰ ਨੂੰ ਆਕਰਸ਼ਿਤ ਕਰਣ ਲਈ ਇਨ੍ਹਾਂ ਕਦਮਾਂ ਦੀ ਪਾਲਨਾ ਕਰੋ :

ਕਦਮ 1 : ਮੰਗਾਂ

ਉਸ ਭਾਰ 'ਚ ਸਪਸ਼ਟਤਾ ਨਾਲ ਸੋਚੋ, ਜਿਹੜਾ ਤੁਸੀਂ ਪਾਉਣਾ ਚਾਹੁੰਦੇ ਹੋ। ਆਪਣੇ ਦਿਮਾਗ਼ 'ਚ ਸਪਸ਼ਟ ਤਸਵੀਰ ਰਖੋ ਕਿ ਆਦਰਸ਼ ਭਾਰ ਹੋਣ ਤੋਂ ਬਾਅਦ ਤੁਸੀਂ ਕਿਸ ਤਰ੍ਹਾਂ ਦਿਖੋਗੇ। ਤੁਸੀਂ ਆਦਰਸ਼ ਭਾਰ ਦੀਆਂ ਤਸਵੀਰਾਂ ਸਾਹਮਣੇ ਰੱਖੋ ਤੇ ਉਨ੍ਹਾਂ ਵੱਲ ਅਕਸਰ ਦੇਖੋ। ਜੇਕਰ ਤੁਹਾਡੇ ਕੋਲ ਆਪਣੀ ਖੁਦ ਦੀਆਂ ਤਸਵੀਰਾਂ ਨਾ ਹੋਣ, ਤਾਂ ਮਨਚਾਹੇ ਸ਼ਰੀਰ ਦੀ ਦੂਜਿਆਂ ਦੀ ਤਸਵੀਰਾਂ ਅਕਸਰ ਦੇਖਦੇ ਰਹੋ।

ਕਦਮ 2 : ਯਕੀਨ ਕਰੋ

ਤੁਹਾਨੂੰ ਯਕੀਨ ਕਰਣਾ ਹੋਵੇਗਾ ਕਿ ਤੁਹਾਨੂੰ ਮਿਲੇਗਾ। ਤੁਹਾਨੂੰ ਵਿਸ਼ਵਾਸ ਕਰਣਾ ਹੋਵੇਗਾ ਕਿ ਤੁਹਾਡਾ ਭਾਰ ਉੱਤਮ ਹੋ ਚੁੱਕਿਆ ਹੈ। ਤੁਹਾਨੂੰ ਇਸ ਤਰ੍ਹਾਂ ਕਲਪਨਾ ਕਰਣੀ ਹੋਵੇਗੀ, ਨਾਟਕ ਕਰਣਾ ਹੋਵੇਗਾ। ਐਕਟਿੰਗ ਕਰਣੀ ਹੋਵੇਗੀ, ਜਿਵੇਂ ਤੁਹਾਡਾ ਭਾਰ ਆਦਰਸ਼ ਹੋ ਚੁੱਕਿਆ ਹੈ। ਤੁਹਾਨੂੰ ਖੁਦ ਨੂੰ ਆਦਰਸ਼ ਭਾਰ ਪਾਉਂਦੇ ਹੋਏ ਦੇਖਣਾ ਹੋਵੇਗਾ।

ਤੁਹਾਡਾ ਮਨਚਾਹਾ ਭਾਰ ਲਿਖ ਕੇ ਆਪਣੀ ਭਾਰ ਤੋਲਣ ਦੀ ਮਸ਼ੀਨ ਦੇ ਰੀਡਆਉਟ 'ਤੇ ਰੱਖ ਦਿਓ ਜਾਂ ਖੁਦ ਦਾ ਭਾਰ ਨਾ ਲਓ। ਤੁਹਾਡੇ ਆਪਣੇ ਵਿਚਾਰਾਂ, ਸ਼ਬਦਾਂ ਤੇ ਕਾਰਜਾਂ 'ਚ ਜੋ ਮੰਗਿਆ ਹੈ। ਉਸ ਗੱਲ ਨੂੰ ਨਾ ਕੱਟੋ। ਆਪਣੇ ਵਰਤਮਾਨ ਭਾਰ ਦੇ ਹਿਸਾਬ ਨਾਲ ਕਪੜੇ ਨਾ ਖਰੀਦੋ। ਪ੍ਰਤੀਤ ਰੱਖੋ ਤੇ ਉਨ੍ਹਾਂ ਕਪੜਿਆਂ 'ਤੇ ਧਿਆਨ ਕੇਂਦ੍ਰਿਤ ਕਰੋ, ਜਿਨ੍ਹਾਂ ਨੂੰ ਭਵਿਖ 'ਚ ਖਰੀਦੋਗੇ। ਆਦਰਸ਼ ਭਾਰ ਨੂੰ ਆਕਰਸ਼ਿਤ ਕਰਣਾ ਬ੍ਰਹਿਮੰਡ ਦੇ ਕੈਟੇਲਾੱਗ 'ਚੋਂ ਆਰਡਰ ਦੇਣ ਵਰਗਾ ਹੀ ਹੈ। ਤੁਸੀਂ ਕੈਟੇਲਾੱਗ

'ਚ ਦੇਖਦੇ ਹਾਂ, ਆਦਰਸ਼ ਭਾਰ ਚੁਣਦੇ ਹੋ, ਆਪਣਾ ਆਰਡਰ ਦਿੰਦੇ ਹਾਂ ਤੇ ਤੁਹਾਡਾ ਆਰਡਰ ਕੀਤਾ ਹੋਇਆ ਭਾਰ ਤੁਹਾਡੇ ਤੱਕ ਪੁੱਜ ਜਾਂਦਾ ਹੈ।

ਆਪਣੇ ਆਦਰਸ਼ ਭਾਰ ਵਾਲੇ ਲੋਕਾਂ ਦੀ ਤਲਾਸ਼ ਕਰੋ, ਉਨ੍ਹਾਂ ਦੀ ਸਲਾਘਾ ਕਰੋ ਤੇ ਦਿਲ ਹੀ ਦਿਲ ਉਨ੍ਹਾਂ ਦੀ ਤਾਰੀਫ਼ ਕਰਣ ਦਾ ਨਿਸ਼ਚਾ ਕਰੋ। ਜਦੋਂ ਤੁਸੀਂ ਉਨ੍ਹਾਂ ਦੀ ਸ਼ਲਾਘਾ ਕਰਦੇ ਹੋ ਤੇ ਉਸ ਭਾਵਨਾ ਨੂੰ ਮਹਿਸੂਸ ਕਰਦੇ ਹੋ - ਤਾਂ ਤੁਸੀਂ ਉਸ ਆਦਰਸ਼ ਭਾਰ ਨੂੰ ਸੱਦਾ ਦੇ ਰਹੇ ਹੋ। ਜੇਕਰ ਜ਼ਿਆਦਾ ਭਾਰ ਵਾਲੇ ਲੋਕ ਨਜ਼ਰ ਆਉਣ, ਤਾਂ ਉਨ੍ਹਾਂ 'ਤੇ ਧਿਆਨ ਨਾ ਦਿਓ, ਬਲਕਿ ਤੁਰੰਤ ਆਪਣਾ ਧਿਆਨ ਮੋੜਕੇ ਆਪਣੇ ਆਦਰਸ਼ ਸ਼ਰੀਰ ਵਾਲੀ ਤਸਵੀਰ 'ਤੇ ਲੈ ਜਾਏ ਤੇ ਉਸ ਨੂੰ ਮਹਿਸੂਸ ਕਰੋ।

ਕਦਮ 3 : ਪਾਓ

ਤੁਹਾਨੂੰ ਚੰਗਾ ਮਹਿਸੂਸ ਕਰਣਾ ਚਾਹੀਦਾ ਹੈ। ਤੁਹਾਨੂੰ ਆਪਣੇ ਬਾਰੇ 'ਚ ਚੰਗਾ ਮਹਿਸੂਸ ਕਰਣਾ ਚਾਹੀਦਾ ਹੈ। ਇਹ ਮਹੱਤਵਪੂਰਨ ਹੈ, ਕਿਉਂਕਿ ਜੇਕਰ ਤੁਸੀਂ ਇਸ ਵੇਲੇ ਆਪਣੇ ਸ਼ਰੀਰ ਬਾਰੇ ਮਾੜਾ ਮਹਿਸੂਸ ਕਰਦੇ ਹੋ, ਤਾਂ ਫਿਰ ਤੁਸੀਂ ਆਪਣੇ ਆਦਰਸ਼ ਭਾਰ ਨੂੰ ਆਕਰਸ਼ਿਤ ਨਹੀਂ ਕਰ ਸਕਦੇ। ਜੇਕਰ ਤੁਸੀਂ ਆਪਣੇ ਸ਼ਰੀਰ ਬਾਰੇ ਮਾੜਾ ਮਹਿਸੂਸ ਕਰਦੇ ਹੋ, ਤਾਂ ਇਹ ਇਕ ਸਸ਼ਕਤ ਭਾਵ ਹੈ ਤੇ ਤੁਸੀਂ ਆਪਣੇ ਸ਼ਰੀਰ ਦੇ ਬਾਰੇ 'ਚ ਮਾੜੇ ਭਾਵਾਂ ਨੂੰ ਆਕਰਸ਼ਿਤ ਕਰਦੇ ਰਵੋਗੇ। ਜੇਕਰ ਤੁਸੀਂ ਆਪਣੇ ਸਰੀਰ ਦੀ ਆਲੋਚਨਾ ਕਰੋਗੇ ਤੇ ਇਸ 'ਚ ਕਮੀਆਂ ਖੋਜਦੇ ਰਹੋਗੇ, ਤਾਂ ਤੁਸੀਂ ਇਸੇ ਕਦੇ ਨਹੀਂ ਬਦਲ ਪਾਵੇਗੇ। ਸੱਚ ਤਾਂ ਇਹ ਹੈ ਕਿ ਇਸ ਨਾਲ ਤੁਸੀਂ ਜਿਆਦਾ ਭਾਰ ਨੂੰ ਆਪਣੇ ਵੱਲ ਆਕਰਸ਼ਿਤ ਕਰੋਗੇ। ਆਪਣੇ ਸਰੀਰ ਦੇ ਰੋਮ-ਰੋਮ ਦੀ ਤਾਰੀਫ਼ ਕਰੋ ਤੇ ਰੱਬ ਦਾ ਸ਼ੁਕਰ ਕਰੋ। ਆਪਣੇ ਬਾਰੇ ਸਾਰੀਆਂ ਉੱਤਮ ਗੱਲਾਂ ਸੋਚੋ। ਜਦੋਂ ਤੁਸੀਂ ਆਪਣੇ ਬਾਰੇ ਉੱਤਮ ਵਿਚਾਰ ਸੋਚਦੇ ਹੋ ਤੇ ਚੰਗਾ ਮਹਿਸੂਸ ਕਰਦੇ ਹੋ, ਤਾਂ ਤੁਸੀਂ ਆਪਣੇ ਆਦਰਸ ਭਾਰ ਦੀ ਫ੍ਰੀਕਊਂਸੀ 'ਤੇ ਹੋ ਅਤੇ ਆਦਰਸ ਭਾਰ ਨੂੰ ਸੱਦਾ ਦੇ ਰਹੇ ਹੋ।

ਵੈਲੇਸ ਵੋਟਲਸ ਆਪਣੀ ਇਕ ਪੁਸਤਕ 'ਚ ਖਾਣ ਬਾਰੇ ਇਕ ਅਦਭੁੱਤ ਸਲਾਹ ਦਿੰਦੇ ਹਨ। ਉਹ ਸਲਾਹ ਦਿੰਦੇ ਹਨ ਕਿ ਖਾਣ ਵੇਲੇ ਚਬਾਉਣ ਦੇ ਅਨੁਭਵ 'ਤੇ ਪੂਰਾ ਧਿਆਨ ਕੇਂਦ੍ਰਿਤ ਕਰਣਾ ਚਾਹੀਦਾ ਹੈ। ਆਪਣੇ ਮਸਤਿਸ਼ਕ ਨੂੰ ਉਸ 'ਤੇ ਕੇਂਦ੍ਰਿਤ ਕਰੋ ਅਤੇ ਖਾਣਾ ਖਾਣ ਦੀ ਅਨੁਭੂਤੀ ਨੂੰ ਮਹਿਸੂਸ ਕਰੋ।

ਆਪਣੇ ਦਿਮਾਗ ਨੂੰ ਦੂਜੀਆਂ ਗੱਲਾਂ ਵੱਲ ਨਾ ਭਟਕਣ ਦਿਓ। ਆਪਣੇ ਸਰੀਰ 'ਤੇ ਧਿਆਨ ਕੇਂਦ੍ਰਿਤ ਕਰੋ ਅਤੇ ਆਪਣੇ ਮੂੰਹ 'ਚ ਭੋਜਨ ਚਬਾਉਣ ਦੀ ਅਨੁਭੂਤੀਆਂ ਦਾ ਆਨੰਦ ਮਾਣੋ। ਅਗਲੀ ਵਾਰੀ ਖਾਣ ਵੇਲੇ ਇਸ ਨੂੰ ਅਜ਼ਮਾ ਕੇ ਦੇਖੋ। ਖਾਣ ਵੇਲੇ ਜਦੋਂ ਤੁਹਾਡਾ ਸਾਰਾ ਧਿਆਨ ਇਸ 'ਤੇ ਕੇਂਦ੍ਰਿਤ ਹੁੰਦਾ ਹੈ, ਤਾਂ ਉਸਦਾ ਸੁਆਦ ਬਹੁਤ ਵਧੀਆ ਅਤੇ ਜਾਇਕੇਦਾਰ ਹੁੰਦਾ ਹੈ। ਧਿਆਨ ਭਟਕਣ 'ਤੇ ਸੁਆਦ ਤਕਰੀਬਨ ਗਾਇਬ ਹੋ ਜਾਂਦਾ ਹੈ। ਮੈਨੂੰ ਯਕੀਨ ਹੈ ਕਿ ਜੇਕਰ ਅਸੀਂ ਆਪਣੇ ਭੋਜਨ ਨੂੰ ਪੂਰੇ ਧਿਆਨ ਨਾਲ ਖਾਈਏ, ਉਸਦੇ ਆਨੰਦਦਾਈ ਅਨੁਭਵ 'ਤੇ ਪੂਰਾ ਧਿਆਨ ਕੇਂਦ੍ਰਿਤ ਕਰੀਏ ਤਾਂ ਭੋਜਨ ਸਾਡੇ ਸਰੀਰ 'ਚ ਆਦਰਸ਼ ਰੂਪ ਵਿਚ ਪਚ ਜਾਂਦਾ ਹੈ ਅਤੇ ਸਿੱਟੇ ਵਜੋਂ ਸਾਨੂੰ ਆਦਰਸ਼ ਭਾਰ ਮਿਲ ਜਾਂਦਾ ਹੈ।

ਭਾਰ ਦੀ ਮੇਰੀ ਆਪਣੀ ਕਹਾਣੀ ਦਾ ਅੰਤ ਇਹ ਹੈ ਕਿ ਹੁਣ ਮੇਰਾ ਭਾਰ 116 ਪਾਉਂਡ ਹੈ, ਜਿਹੜਾ ਮੇਰੇ ਹਿਸਾਬ ਨਾਲ ਆਦਰਸ਼ ਹੈ ਤੇ ਮੈਂ ਜੋ ਚਾਹਾਂ ਖਾ ਸਕਦੀ ਹਾਂ। ਅਸਲ ਗੱਲ ਇਹ ਹੈ ਕਿ ਆਪਣੇ ਆਦਰਸ਼ ਭਾਰ 'ਤੇ ਧਿਆਨ ਕੇਂਦ੍ਰਿਤ ਕਰੋ!

ਇਸ ਵਿਚ ਕਿੰਨਾ ਸਮਾਂ ਲੱਗਦਾ ਹੈ?

ਡਾੱ. ਜੋ ਵਿਟਾਲ

ਲੋਕ ਇਕ ਹੋਰ ਸਵਾਲ ਪੁੱਛਦੇ ਹਨ, "ਉਸ ਕਾਰ, ਵਿਅਕਤੀ, ਪੈਸੇ ਦੇ ਪ੍ਰਗਟ ਹੋਣ ਵਿਚ ਕਿੰਨਾ ਸਮਾਂ ਲੱਗੇਗਾ?" ਮੇਰੇ ਕੋਲ ਕੋਈ ਨੇਮ ਪੁਸਤਿਕਾ ਨਹੀਂ, ਜਿਸ 'ਚ ਲਿਖਿਆ ਹੋਵੇ ਕਿ ਇਸ ਵਿਚ ਤੀਹ ਮਿੰਟ ਜਾਂ ਤਿੰਨ ਦਿਨ ਜਾਂ ਤੀਹ ਦਿਨ ਲੱਗਣਗੇ। ਇਹ ਤਾਂ ਤੁਹਾਡੇ ਤੇ ਬ੍ਰਹਿਮੰਡ ਦੇ ਨਾਲ ਮੇਲ ਹੋਣ ਜਾਂ ਜੁੜਨ ਦਾ ਮਾਮਲਾ ਹੈ।

ਸਮਾਂ ਇਕ ਭਰਮ ਹੈ। ਆਇਨਸਟੀਨ ਨੇ ਸਾਨੂੰ ਇਹ ਗੱਲ ਦੱਸੀ ਹੈ। ਜੇਕਰ ਤੁਸੀਂ ਇਹ ਗੱਲ ਪਹਿਲੀ ਵਾਰੀ ਸੁਣੀ ਹੋਵੇ, ਤਾਂ ਸ਼ਾਇਦ ਤੁਹਾਨੂੰ ਇਹ ਧਾਰਣਾ ਸਮਝਣਾ ਮੁਸ਼ਕਿਲ ਲੱਗੇ, ਕਿਉਂਕਿ ਤੁਸੀਂ ਹਰ ਚੀਜ਼ ਨੂੰ ਇਕ ਤੋਂ ਬਾਅਦ ਇਕ ਹੁੰਦੇ ਦੇਖਦੇ ਹੋ। ਕੁਆਂਟਮ ਭੌਤਿਕਸ਼ਾਸਤਰੀ ਅਤੇ ਆਇਨਸਟੀਨ ਸਾਨੂੰ ਦੱਸਦੇ ਹਨ ਕਿ ਹਰ ਚੀਜ਼ ਇਕੋ ਵੇਲੇ ਹੋ ਰਹੀ ਹੈ। ਜੇਕਰ ਤੁਸੀਂ ਸਮਝ ਸਕੋ ਕਿ ਸਮੇਂ ਦੀ ਹੋਂਦ ਹੀ ਨਹੀਂ ਹੈ ਅਤੇ ਇਸ ਧਾਰਣਾ ਨੂੰ ਸਵੀਕਾਰ ਕਰ ਸਕੋ, ਤਾਂ ਤੁਸੀਂ ਦੇਖੋਗੇ ਕਿ ਤੁਸੀਂ ਭਵਿਖ 'ਚ ਜੋ

ਚਾਹੁੰਦੇ ਹੋ, ਉਹ ਪਹਿਲਾਂ ਤੋਂ ਹੀ ਮੌਜੂਦ ਹੈ। ਜੇਕਰ ਹਰ ਚੀਜ਼ ਇਕੋ ਹੀ ਵੇਲੇ ਹੋ ਰਹੀ ਹੈ, ਤਾਂ ਤੁਸੀਂ ਜਿਹੜੀ ਚੀਜ਼ ਚਾਹੁੰਦੇ ਹੋ, ਉਸਦੇ ਨਾਲ ਤੁਹਾਡੀ ਸਮਾਨਾਂਤਰ ਪ੍ਰਤਿਰੂਪ ਪਹਿਲਾਂ ਤੋਂ ਹੀ ਮੌਜੂਦ ਹੈ।

ਬ੍ਰਹਿਮੰਡ ਨੂੰ ਤੁਹਾਡੀ ਮਨਚਾਹੀ ਚੀਜ਼ ਪ੍ਰਗਟ ਕਰਣ 'ਚ ਥੋੜਾ ਜਿਹਾ ਵੀ ਸਮਾਂ ਨਹੀਂ ਲਗਦਾ। ਜਿਹੜੀ ਵੀ ਦੇਰੀ ਹੁੰਦੀ ਹੈ ਤੁਹਾਡੇ ਵਲੋਂ ਹੁੰਦੀ ਹੈ। ਤੁਸੀਂ ਯਕੀਨ ਕਰਨ, ਜਾਨਣ ਤੇ ਮਹਿਸੂਸ ਕਰਨ ਦੀ ਉਸ ਜਗ੍ਹਾਂ ਤਕ ਦੇਰੀ ਨਾਲ ਪੁੱਜਦੇ ਹੋ, ਜਿੱਥੇ ਤੁਹਾਨੂੰ ਇਹ ਅਹਿਸਾਸ ਹੁੰਦਾ ਹੈ ਕਿ ਉਹ ਚੀਜ ਤੁਹਾਡੇ ਕੋਲ ਪਹਿਲਾਂ ਤੋਂ ਹੀ ਮੌਜੂਦ ਹੈ। ਤੁਸੀਂ ਆਪਣੀ ਮਨਚਾਹੀ ਚੀਜ਼ ਦੀ ਫ੍ਰੀਕਊਂਸੀ ਤਕ ਪੁੱਜਣ 'ਚ ਸਮਾਂ ਲਾ ਦਿੰਦੇ ਹੋ। ਜਦੋਂ ਤੁਸੀਂ ਉਸ ਫ੍ਰੀਕਊਂਸੀ 'ਤੇ ਪੁੱਜ ਜਾਂਦੇ ਹੋ, ਤਾਂ ਤੁਹਾਡੀ ਮਨਚਾਹੀ ਚੀਜ਼ ਪ੍ਰਗਟ ਹੋ ਜਾਂਦੀ ਹੈ।

 

ਬਾੱਬ ਡਾੱਯਲ

ਆਕਾਰ ਬ੍ਰਹਿਮੰਡ ਲਈ ਕੁਝ ਨਹੀਂ ਹੈ। ਵਿਗਿਆਨਕ ਪੱਧਰ 'ਤੇ ਕਿਸੇ ਵੱਡੀ ਚੀਜ਼ ਨੂੰ ਆਕਰਸ਼ਿਤ ਕਰਣਾ ਬੜੀ ਛੋਟੀ ਚੀਜ਼ ਦੇ ਮੁਕਾਬਲੇ ਜ਼ਿਆਦਾ ਮੁਸ਼ਕਿਲ ਨਹੀਂ ਹੁੰਦਾ ਹੈ।

ਬ੍ਰਹਿਮੰਡ ਹਰ ਚੀਜ਼ ਬਿਨਾ ਕੋਸ਼ਿਸ ਦੇ ਕਰਦਾ ਹੈ। ਘਾਹ ਪੁੰਗਰਣ ਵੇਲੇ ਤਨਾਅ ਵਿਚ ਨਹੀਂ ਆਉਂਦੀ ਹੈ। ਇਹ ਬਿਨਾਂ ਯਤਨ ਦੇ ਹੁੰਦਾ ਹੈ। ਇਹੀ ਤਾਂ ਮਹਾਨ ਯੋਜਨਾ ਹੈ।

ਸਾਰਾ ਕੁੱਝ ਇਸ 'ਤੇ ਨਿਰਭਰ ਕਰਦਾ ਹੈ ਕਿ ਤੁਹਾਡੇ ਦਿਮਾਗ 'ਚ ਕੀ ਚੱਲ ਰਿਹਾ ਹੈ। ਸਾਰਾ ਕੁੱਝ ਇਸ 'ਤੇ ਨਿਰਭਰ ਕਰਦਾ ਹੈ ਕਿ ਅਸੀਂ ਆਪਣੇ ਦਿਮਾਗ 'ਚ ਕੀ ਰਖਦੇ ਹਾਂ। ਅਸੀਂ ਆਮ ਕਰਕੇ ਇਹ ਕਹਿੰਦੇ ਹਾਂ, "ਇਹ ਵੱਡੀ ਚੀਜ਼ ਹੈ। ਇਸ ਵਿਚ ਥੋੜਾਂ ਸਮਾਂ ਲੱਗੇਗਾ।" ਅਤੇ "ਇਹ ਛੋਟੀ ਚੀਜ਼ ਹੈ। ਇਸ ਲਈ ਇਕ ਘੰਟੇ ਦਾ ਸਮਾਂ ਕਾਫ਼ੀ ਹੈ।" ਇਹ ਸਾਡੇ ਨਿਯਮ ਹਨ, ਜਿਨ੍ਹਾਂ ਨੂੰ ਅਸੀਂ ਪਰਿਭਾਸ਼ਤ ਕਰਦੇ ਹਾਂ। ਬ੍ਰਹਿਮੰਡ 'ਚ ਦੇਰੀ ਦਾ ਕੋਈ ਨਿਯਮ ਨਹੀਂ ਹੈ। ਆਪਣੀ ਮਨਚਾਹੀ ਚੀਜ਼ ਇਸੇ ਵੇਲੇ ਪਾਉਣ ਦੀਆਂ ਭਾਵਨਾਵਾਂ ਲੈ ਆਓ; ਬ੍ਰਹਿਮੰਡ ਫੌਰਨ ਪ੍ਰਤਿਕਿਰਿਆ ਕਰੇਗਾ - ਭਾਵੇਂ ਉਹ ਚੀਜ਼ ਜਿਹੜੀ ਵੀ ਹੋਵੇ।

ਬ੍ਰਹਿਮੰਡ ਲਈ ਸਮਾਂ ਜਾਂ ਆਕਾਰ ਦਾ ਕੋਈ ਮਹੱਤਵ ਨਹੀਂ ਹੁੰਦਾ। ਇਕ ਡਾੱਲਰ ਨੂੰ ਪ੍ਰਗਟ ਕਰਣਾ ਵੀ ਇਸ ਲਈ ਉੱਨਾ ਹੀ ਸੌਖਾ ਹੈ, ਜਿੰਨਾ ਕਿ ਦਸ ਲੱਖ ਡਾਲਰ ਨੂੰ। ਪ੍ਰਕਿਰਿਆ ਉਹੀ ਹੈ। ਇਕ ਚੀਜ ਬਹੁਤ ਛੇਤੀ ਆਉਂਦੀ ਹੈ ਅਤੇ ਦੂਜੀ ਨੂੰ ਆਉਣ ਵਿਚ ਜ਼ਿਆਦਾ ਦੇਰ ਲਗਦੀ ਹੈ, ਇਸ ਦਾ

ਇਕੱਲਾ ਕਾਰਣ ਤੁਹਾਡੀ ਇਹ ਸੋਚ ਸੀ ਕਿ ਦਸ ਲੱਖ ਡਾਲਰ ਬਹੁਤ ਵੱਡੀ ਰਕਮ ਹੁੰਦੀ ਹੈ ਤੇ ਇਕ ਡਾਲਰ ਬੜੀ ਛੋਟੀ।

 

ਬਾੱਬ ਡਾੱਯਲ

ਕੁੱਝ ਲੋਕਾਂ ਨੂੰ ਛੋਟੀਆਂ ਚੀਜ਼ਾਂ 'ਚ ਜਿਆਦਾ ਸੌਖ ਹੁੰਦੀ ਹੈ, ਇਸ ਲਈ ਅਸੀਂ ਕਈ ਵਾਰੀ ਕਹਿੰਦੇ ਹਾਂ, ਛੋਟੀਆਂ ਚੀਜ਼ਾਂ ਨਾਲ ਸ਼ੁਰੂ ਕਰੋ, ਜਿਵੇਂ ਇਕ ਕੱਪ ਕਾਫ਼ੀ ਨਾਲ। ਅੱਜ ਇਕ ਕੱਪ ਕਾਫੀ ਆਕਰਸਿਤ ਕਰਣ ਦੀ ਭਾਵਨਾ ਰਖੋ।

 

ਬਾੱਬ ਪ੍ਰਾਕਟਰ

ਕਿਸੇ ਪੁਰਾਣੇ ਦੋਸਤ ਨਾਲ ਗੱਲ ਕਰਣ ਦੀ ਤਸਵੀਰ ਆਪਣੇ ਦਿਮਾਗ 'ਚ ਰੱਖੋ, ਜਿਸ ਨੂੰ ਤੁਸੀਂ ਲੰਮੇ ਸਮੇਂ ਤੋਂ ਨਾ ਦੇਖਿਆ ਹੋਵੇ। ਕਿਸੇ ਨਾ ਕਿਸੇ ਤਰ੍ਹਾਂ ਕੋਈ ਤੁਹਾਡੇ ਨਾਲ ਉਸ ਬਾਰੇ ਗੱਲ ਕਰਣ ਲਗੇਗਾ, ਉਹ ਦੋਸਤ ਤੁਹਾਨੂੰ ਫੋਨ ਕਰੇਗਾ ਜਾਂ ਤੁਹਾਨੂੰ ਉਸ ਦੀ ਚਿੱਠੀ ਜਾਂ ਸੁਨੇਹਾ ਮਿਲੇਗਾ।

ਕਿਸੇ ਛੋਟੀ ਚੀਜ਼ ਨਾਲ ਸ਼ੁਰੂ ਕਰਣਾ ਆਪਣੀਆਂ ਅੱਖਾਂ ਤੋਂ ਆਕਰਸ਼ਨ ਦੀ ਨਿਯਮ ਦੀ ਸਟੀਕਤਾ ਦੇਖਣ ਦਾ ਸੌਖਾ ਤਰੀਕਾ ਹੈ। ਮੈਂ ਤੁਹਾਨੂੰ ਇਕ ਗਭਰੂ ਦੀ ਕਹਾਣੀ ਦੱਸਦੀ ਹਾਂ, ਜਿਸ ਨੇ ਠੀਕ ਇਹੀ ਕੀਤਾ ਸੀ। ਉਸਨੇ ਦ ਸੀਕ੍ਰਿਟ ਫਿਲਮ ਦੇਖੀ ਤੇ ਕਿਸੇ ਛੋਟੀ ਚੀਜ਼ ਨਾਲ ਸ਼ੁਰੂ ਕਰਣ ਦਾ ਫ਼ੈਸਲਾ ਲਿਆ।

ਉਸਨੇ ਆਪਣੇ ਦਿਮਾਗ਼ 'ਚ ਇਕ ਖੰਬ ਦੀ ਤਸਵੀਰ ਬਣਾਈ ਤੇ ਇਹ ਸੁਨਿਸ਼ਚਿਤ ਕੀਤਾ ਕਿ ਉਹ ਖੰਬ ਅਨੂਠਾ ਹੋਵੇ। ਉਸਨੇ ਉਸ ਖੰਬ ਤੇ ਕੁੱਝ ਖਾਸ ਨਿਸ਼ਾਨੀਆਂ ਦੀ ਕਲਪਨਾ ਵੀ ਕੀਤੀ, ਤਾਂ ਜੁ ਉਸ ਖੰਬ ਦੇ ਦਿਸਦਿਆਂ ਹੀ ਉਹ ਬਗੈਰ ਕਿਸੇ ਸ਼ੱਕ ਦੇ ਜਾਣ ਜਾਵੇ ਕਿ ਉਹ ਆਕਰਸ਼ਨ ਦੇ ਨਿਯਮ ਕਾਰਣ ਹੀ ਉਸ ਤੱਕ ਪੁੱਜਿਆ ਹੈ।

ਦੋ ਦਿਨਾਂ ਬਾਅਦ ਉਹ ਨਿਊਯਾਰਕ ਸਿਟੀ 'ਚ ਇਕ ਉੱਚੀ ਇਮਾਰਤ ਅੰਦਰ ਪੈਦਲ ਜਾ ਰਿਹਾ ਸੀ। ਉਸਨੇ ਕਿਹਾ ਕਿ ਅੰਦਰ ਵੜਨ ਸਮੇਂ ਉਸਨੇ ਐਵੇਂ ਹੀ ਥੱਲੇ ਦੇਖਿਆ। ਉੱਥੇ ਉਸਦੇ ਪੈਰਾਂ ਕੋਲ ਉਹ ਖੰਬ ਪਿਆ ਸੀ। ਨਿਊਯਾਰਕ ਸਿਟੀ 'ਚ ਉੱਚੀ ਇਮਾਰਤ ਦੇ ਗੇਟ 'ਤੇ ਖੰਬ ਉਹ ਵੀ ਕੋਈ ਐਦਾ-ਓਦਾਂ ਦਾ ਖੰਬ ਨਹੀਂ, ਬਲਕਿ ਠੀਕ ਉਹੀ ਖੰਬ, ਜਿਸਦੀ ਉਸਨੇ ਕਲਪਨਾ ਕੀਤੀ ਸੀ। ਇਹ ਉਸਦੀ ਕਲਪਨਾ ਦੀ ਤਸਵੀਰ ਦੇ ਮੁਤਾਬਿਕ ਠੀਕ ਸੀ ਅਤੇ ਇਸ 'ਤੇ ਉਹ ਸਾਰੇ ਨਿਸ਼ਾਨ ਮੌਜੂਦ ਸਨ। ਉਸ ਵੇਲੇ ਉਹ

ਬਿਨਾਂ ਕਿਸੇ ਸ਼ੱਕ ਦੇ ਜਾਣ ਗਿਆ ਕਿ ਆਕਰਸ਼ਨ ਦਾ ਨਿਯਮ ਸਚਮੁੱਚ ਪ੍ਰਬਲਤਾ ਤੇ ਸਟੀਕਤਾ ਨਾਲ ਕੰਮ ਕਰਦਾ ਹੈ। ਉਸਨੂੰ ਆਪਣੀ ਹੈਰਾਨਕੁਨ ਸਮਰਥਾ ਤੇ ਸ਼ਕਤੀ ਦਾ ਅਹਿਸਾਸ ਹੋ ਗਿਆ ਕਿ ਉਹ ਆਪਣੇ ਮਸਤਿਸ਼ਕ ਦੀ ਸ਼ਕਤੀ ਨਾਲ ਕਿਸੇ ਵੀ ਚੀਜ ਨੂੰ ਆਪਣੇ ਵੱਲ ਆਕਰਸ਼ਿਤ ਕਰ ਸਕਦਾ ਹੈ। ਪੂਰੇ ਵਿਸ਼ਵਾਸ ਨਾਲ ਹੁਣ ਉਹ ਜਿਆਦਾ ਵੱਡੀਆਂ ਚੀਜਾਂ ਨੂੰ ਪਾਉਣ ਵੱਲ ਵੱਧ ਗਿਆ।

 

ਡੇਵਿਡ ਸਕਰਮਰ

ਨਿਵੇਸ਼ ਸਿਖਿਅਕ, ਉਪਦੇਸ਼ਕ ਤੇ ਧਨ ਵਿਸ਼ੇਸ਼ਗ

ਲੋਕ ਇਸ ਗੱਲ 'ਤੇ ਹੈਰਾਨ ਹੁੰਦੇ ਹਨ ਕਿ ਮੈਨੂੰ ਪਾਰਕਿੰਗ ਦੀ ਥਾਂ ਕਿਉਂ ਮਿਲ ਜਾਂਦੀ ਹੈ। ਰਹੱਸ ਸਮਝਣ ਦੇ ਬਾਅਦ ਤੋਂ ਮੇਰੇ ਨਾਲ ਇਸ ਤਰ੍ਹਾਂ ਲਗਾਤਾਰ ਹੋ ਰਿਹਾ ਹੈ। ਮੈਂ ਪਾਰਕਿੰਗ ਦੀ ਆਪਣੀ ਮਨਚਾਹੀ ਥਾਂ ਦੀ ਕਲਪਨਾ ਕਰਦਾ ਹਾਂ ਤੇ 95 ਫੀਸਦੀ ਮੌਕਿਆਂ 'ਤੇ ਉਹ ਥਾਂ ਮੈਨੂੰ ਖਾਲੀ ਮਿਲਦੀ ਹੈ ਤੇ ਮੈਂ ਸਿੱਧੇ ਆਪਣੀ ਕਾਰ ਅੰਦਰ ਲੈ ਜਾ ਕੇ ਖੜ੍ਹੀ ਕਰ ਦਿੰਦਾ ਹਾਂ। ਪੰਜ ਫੀਸਦੀ ਮੌਕਿਆਂ 'ਤੇ ਮੈਨੂੰ ਇਕ-ਦੋ ਮਿੰਟ ਇੰਤਜ਼ਾਰ ਕਰਣਾ ਹੁੰਦਾ ਹੈ ਤੇ ਫਿਰ ਉੱਥੋਂ ਦੀ ਕਾਰ ਬਾਹਰ ਨਿਕਲ ਜਾਂਦੀ ਹੈ ਤੇ ਮੈਂ ਆਪਣੀ ਕਾਰ ਖੜ੍ਹੀ ਕਰ ਦਿੰਦਾ ਹੈ। ਇਸ ਤਰ੍ਹਾਂ ਹਰ ਵਾਰ ਹੁੰਦਾ ਹੈ।

ਹੁਣ ਤੁਸੀਂ ਸਮਝ ਸਕਦੇ ਹੋ ਕਿ "ਮੈਨੂੰ ਪਾਰਕਿੰਗ ਦੀ ਥਾਂ ਹਮੇਸ਼ਾ ਮਿਲ ਜਾਂਦੀ ਹੈ" ਕਹਿਣ ਵਾਲੇ ਵਿਅਕਤੀ ਨੂੰ ਹਰ ਵਾਰ ਪਾਰਕਿੰਗ ਦੀ ਥਾਂ ਕਿਉਂ ਮਿਲ ਜਾਂਦੀ ਹੈ। ਜਾਂ "ਮੈਂ ਸੱਚਮੁੱਚ ਹੀ ਖੁਸ਼ਕਿਸਮਤ ਹਾਂ, ਮੈਂ ਹਰ ਵੇਲੇ ਜਿੱਤਦਾ ਹਾਂ," ਕਹਿਣ ਵਾਲਾ ਵਿਅਕਤੀ ਇਕ ਤੋਂ ਬਾਅਦ ਇਕ ਜਿੱਤ ਹਾਸਿਲ ਕਰਦਾ ਚਲਾ ਜਾਂਦਾ ਹੈ, ਹਮੇਸ਼ਾ। ਇਹ ਲੋਕ ਇਸਦੀ ਆਸ ਕਰਦੇ ਹਨ। ਮਹਾਨ ਚੀਜ਼ਾਂ ਦੀ ਆਸ ਕਰੋ। ਇੰਝ ਕਰਣ ਨਾਲ ਤੁਸੀਂ ਆਪਣੇ ਜੀਵਨ ਦਾ ਸਿਰਜਨਾ ਆਪ ਕਰੋਗੇ।

ਆਪਣੇ ਦਿਨ ਦੀ ਯੋਜਨਾ ਪਹਿਲਾਂ ਤੋਂ ਬਨਾਓ

ਆਕਰਸ਼ਨ ਦੇ ਨਿਯਮ ਦਾ ਪਯੋਗ ਕਰਕੇ ਤੁਸੀਂ ਆਪਣੇ ਪੂਰੇ ਜੀਵਨ ਦੀ ਯੋਜਨਾ ਪਹਿਲਾਂ ਤੋਂ ਹੀ ਬਣਾ ਸਕਦੇ ਹੋ, ਉਸ ਅਗਲੇ ਕੰਮ ਦੀ ਵੀ, ਜਿਹੜਾ ਤੁਸੀਂ ਅੱਜ ਕਰਣ ਵਾਲੇ ਹੋ। ਪ੍ਰੇਂਟਿਸ ਮਲਫੋਰਡ ਇਹੋ ਜਿਹੇ ਟੀਚਰ ਹਨ, ਜਿਨ੍ਹਾਂ ਦੀ ਲੇਖਣੀ 'ਚ ਆਕਰਸ਼ਨ  ਦੇ ਨਿਯਮ ਤੇ ਇਸ ਦੇ ਪ੍ਰਯੋਗ ਬਾਰੇ ਬੜਾ ਗਿਆਨ ਭਰਿਆ ਪਿਆ ਹੈ। ਉਨ੍ਹਾਂ ਨੇ ਦਰਸਾਇਆ ਹੈ ਕਿ ਆਪਣੇ ਦਿਨ ਬਾਰੇ ਪਹਿਲਾਂ ਤੋਂ ਸੋਚਣਾ ਇੰਨਾ ਮਹੱਤਵਪੂਰਨ ਕਿਉਂ ਹੈ।

"ਜਦੋਂ ਤੁਸੀਂ ਆਪਣੇ-ਆਪ ਨੂੰ ਕਹਿੰਦੇ ਹੋ, 'ਮੇਰੀ ਯਾਤਰਾ ਸੁਖਮਈ ਹੋਵੇਗੀ,' ਤਾਂ ਤੁਸੀਂ ਦਰਅਸਲ ਜਾਣ ਤੋਂ ਪਹਿਲਾਂ ਇਹੋ ਜਿਹੀਆਂ ਸ਼ਕਤੀਆਂ ਤੇ ਤੱਤਾਂ ਨੂੰ ਭੇਜ ਰਹੇ ਹੋ, ਜਿਹੜੇ ਸਥਿਤੀਆਂ ਨੂੰ ਇਸ ਤਰ੍ਹਾਂ ਵਿਵਸਥਿਤ ਕਰ ਦੇਣਗੇ, ਤਾਂ ਕਿ ਤੁਹਾਡੀ ਯਾਤਰਾ ਸੁਖਮਈ ਹੋ ਜਾਵੇ। ਜਦੋਂ ਯਾਤਰਾ ਜਾਂ ਸ਼ਾਂਪਿੰਗ ਕਰਣ ਜਾਣ ਤੋਂ ਪਹਿਲਾਂ ਤੁਸੀਂ ਬੁਰੇ ਮੂਡ ਵਿਚ ਹੁੰਦੇ ਹੋ ਜਾਂ ਡਰੇ ਹੋਏ ਹੁੰਦੇ ਹੋ, ਤਾਂ ਤੁਸੀਂ ਅਦ੍ਰਿਸ਼ ਪ੍ਰਤਿਨਿਧੀਆਂ ਨੂੰ ਆਪਣੇ ਤੋਂ ਅੱਗੇ ਭੇਜ ਰਹੇ ਹੋ, ਜਿਹੜੇ ਕਿਸੇ ਤਰ੍ਹਾਂ ਦੀ ਨਾਪਸੰਦ ਹਾਲਾਤਾਂ ਨੂੰ ਪੈਦਾ ਕਰ ਦੇਣਗੇ। ਸਾਡੇ ਵਿਚਾਰ, ਜਾਂ ਦੂਜੇ ਸ਼ਬਦਾਂ 'ਚ, ਸਾਡੀ ਮਾਨਸਿਕ ਅਵਸਥਾ ਹਮੇਸ਼ਾ ਪਹਿਲਾਂ ਤੋਂ ਹੀ ਚੰਗੀ ਜਾਂ ਮਾੜੀ ਚੀਜ਼ਾਂ ਨੂੰ 'ਉਤਪੰਨ ਕਰਨ' ਦਾ ਕੰਮ ਕਰਦੀ ਹੈ।“

ਪ੍ਰੇਂਟਿਸ ਮਲਫ਼ੋਰਡ

ਪ੍ਰੇਂਟਿਸ ਮਲਫੋਰਡ ਨੇ ਇਹ ਸ਼ਬਦ 1870 ਦੇ ਦਹਾਕੇ 'ਚ ਲਿਖੇ ਸਨ। ਕਿੰਨੀ ਕ੍ਰਾਂਤੀਕਾਰੀ ਸੋਚ ਸੀ। ਤੁਸੀਂ ਸਪਸ਼ਟਤਾ ਨਾਲ ਦੇਖ ਸਕਦੇ ਹੋ ਕਿ ਹਰ ਦਿਨ, ਹਰ ਘਟਨਾ ਬਾਰੇ ਪਹਿਲਾਂ ਤੋਂ ਸੋਚਣਾ ਇੰਨਾ ਮਹੱਤਵਪੂਰਨ ਕਿਉਂ ਹੈ। ਬੇਸ਼ੱਕ ਤੁਹਾਨੂੰ ਪਹਿਲਾਂ ਤੋਂ ਆਪਣੇ ਦਿਨ ਬਾਰੇ ਸੋਚਣ ਦਾ ਪੁੱਠਾ ਜਾਂ ਪ੍ਰਤਿਕੂਲ ਅਨੁਭਵ ਹੋਇਆ ਹੋਵੇਗਾ ਅਤੇ ਉਸਦਾ ਨਤੀਜਾ ਜਲਦਬਾਜ਼ੀ ਤੇ ਹੜਬੜੀ ਹੈ।

ਜੇਕਰ ਤੁਸੀਂ ਛੇਤੀ ਤੇ ਕਾਹਲੀ 'ਚ ਹੋ, ਤਾਂ ਜਾਣ ਲਓ ਕਿ ਇਹ ਵਿਚਾਰ ਤੇ ਕਾਰਜ ਡਰ (ਦੇਰ ਹੋਣ ਦਾ ਡਰ) 'ਤੇ ਅਧਾਰਿਤ ਹੈ ਅਤੇ ਤੁਸੀਂ ਭਵਿਖ 'ਚ ਆਪਣੇ ਲਈ ਮਾੜੀਆਂ ਚੀਜ਼ਾਂ "ਉਤਪੰਨ" ਕਰ ਰਹੇ ਹੋ। ਜਦੋਂ ਤੁਸੀਂ ਜਲਦਬਾਜੀ ਜਾਰੀ ਰਖਦੇ ਹੋ, ਤਾਂ ਤੁਸੀਂ ਆਪਣੀ ਰਾਹ 'ਚ ਇਕ ਤੋਂ ਬਾਅਦ ਦੂਜੀ ਮਾੜੀ ਚੀਜ ਨੂੰ ਆਕਰਸ਼ਿਤ ਕਰੋਗੇ। ਇਸ ਤੋਂ ਇਲਾਵਾ, ਆਕਰਸ਼ਨ ਦਾ ਨਿਯਮ ਭਵਿਖ 'ਚ ਇਹੋ ਜਿਹੇ ਹਾਲਾਤ "ਉਤਪੰਨ" ਕਰ ਦੇਵੇਗਾ, ਜਿਨ੍ਹਾਂ ਨਾਲ ਤੁਹਾਡੀ ਛੇਤੀ ਤੋਂ ਕਾਹਲੀ ਹੋਰ ਜ਼ਿਆਦਾ ਵੱਧ ਜਾਵੇਗੀ। ਤੁਹਾਨੂੰ ਰੁਕ ਕੇ ਉਸ ਫ੍ਰੀਕਊਂਸੀ ਤੋਂ ਦੂਰ ਹਟਨਾ ਪਵੇਗਾ। ਜੇਕਰ ਤੁਸੀਂ ਮਾੜੀਆਂ ਚੀਜਾਂ ਨੂੰ ਆਪਣੇ ਕੋਲ ਨਹੀਂ ਬੁਲਾਉਣਾ ਚਾਹੁੰਦੇ, ਤਾਂ ਕੁਝ ਸਮਾਂ ਕੱਢ ਲਓ ਤੇ ਆਪਣੇ-ਆਪ ਨੂੰ ਬਦਲ ਲਓ।

ਕਈ ਲੋਕ, ਖਾਸ ਕਰਕੇ ਪੱਛਮੀ ਸਮਾਜ ਦੇ ਲੋਕ, "ਸਮੇਂ" ਦੇ ਪਿੱਛੇ ਦੌੜਦੇ ਤੇ ਸ਼ਿਕਾਇਤ ਕਰਦੇ ਹਨ ਕਿ ਉਨ੍ਹਾਂ ਕੋਲ ਬਥੇਰਾ ਸਮਾਂ ਨਹੀਂ ਰਹਿੰਦਾ ਹੈ। ਦੇਖੋ, ਜੇਕਰ ਕੋਈ ਕਹਿੰਦਾ ਹੈ ਕਿ ਉਨ੍ਹਾਂ ਦੇ ਕੋਲ ਬਥੇਰਾ ਸਮਾਂ ਨਹੀਂ ਹੈ, ਤਾਂ ਇਹ ਆਕਰਸ਼ਨ  ਦੇ ਨਿਯਮ ਕਾਰਣ ਹੀ ਹੁੰਦਾ ਹੈ। ਜੇਕਰ ਤੁਸੀਂ ਬਥੇਰਾ ਸਮਾਂ ਨਾ ਹੋਣ ਦੇ ਵਿਚਾਰਾਂ ਨਾਲ ਗੋਲ-ਗੋਲ ਘੁੰਮੀ ਜਾ ਰਹੇ ਹੋ, ਤਾਂ ਭਵਿਖ 'ਚ ਦ੍ਰਿੜਤਾ ਨਾਲ ਐਲਾਨ ਕਰੋ, "ਮੇਰੇ ਕੋਲ ਬਥੇਰੇ ਤੋਂ ਵੀ ਜਿਆਦਾ ਸਮਾਂ ਹੈ।" ਇਸ ਤਰ੍ਹਾਂ ਤੁਸੀਂ ਆਪਣੀ ਜ਼ਿੰਦਗੀ ਬਦਲ ਲਵੋਗੇ।

ਤੁਸੀਂ ਇੰਤਜ਼ਾਰ ਕਰਣ ਦੇ ਸਮੇਂ ਦਾ ਉਪਯੋਗ ਕਰਕੇ ਉਸ ਨੂੰ ਸਾਰਥਕ ਬਣਾ ਸਕਦੇ ਹੋ। ਤੁਸੀਂ ਉਸ ਨੂੰ ਆਪਣੇ ਭਾਵੀ ਜੀਵਨ ਦਾ ਨਿਰਮਾਣ ਕਰਣ ਵਾਲੇ ਸਸ਼ਕਤ ਸਮੇਂ ਵਿਚ ਤਬਦੀਲ ਕਰ ਸਕਦੇ ਹੋ। ਅਗਲੀ ਵਾਰ ਜਦੋਂ ਤੁਸੀਂ ਕਿਸੇ ਦਾ ਇੰਤਜ਼ਾਰ ਕਰੋ, ਤਾਂ ਉਸ ਖਾਲੀ ਸਮੇਂ ਦਾ ਲਾਹਾ ਚੁੱਕ ਕੇ ਆਪਣੀ ਸਾਰੀ ਮਨਚਾਹੀਆਂ ਚੀਜ਼ਾਂ ਨੂੰ ਪਾਉਣ ਦੀ ਕਲਪਨਾ ਵਿਚ ਜੁੱਟ ਜਾਓ। ਤੁਸੀਂ ਇਹ ਕੰਮ ਹਰ ਥਾਂ, ਹਰ ਸਮੇਂ ਕਰ ਸਕਦੇ ਹੋ। ਜੀਵਨ ਦੀ ਹਰ ਸਥਿਤੀ ਨੂੰ ਸਕਾਰਾਤਮਕ ਸਥਿਤੀ' ਚ ਬਦਲ ਲਓ!

ਜਿੰਦਗੀ ਦੀ ਹਰ ਘਟਨਾ ਬਾਰੇ ਪਹਿਲਾਂ ਤੋਂ ਸੋਚੋ। ਸੋਚ ਕੇ ਸਕਾਰਾਤਮਕ ਨਤੀਜੇ ਦੀ ਕਲਪਨਾ ਕਰਣ ਦੀ ਆਦਤ ਪਾ ਲਓ। ਆਪਣੇ ਹਰ ਕੰਮ ਤੇ ਆਪਣੀ ਹਰ ਯਾਤਰਾਂ'ਚ ਬ੍ਰਹਿਮੰਡ ਦੀ ਸ਼ਕਤੀਆਂ ਨੂੰ ਆਪਣੇ ਤੋਂ ਅੱਗੇ ਭੇਜੋ। ਇਹ ਸੋਚ ਲਓ ਕਿ ਤੁਸੀਂ ਕਿਹੋ ਜਿਹੇ ਨਤੀਜੇ ਚਾਹੁੰਦੇ ਹੋ। ਜੇਕਰ ਤੁਸੀਂ ਇਸ ਤਰ੍ਹਾਂ ਕਰ ਸਕਦੇ ਹੋ, ਤਾਂ ਤੁਸੀਂ ਆਪਣੀ ਇੱਛਾ ਨਾਲ ਆਪਣੇ ਜੀਵਨ ਦਾ ਨਿਰਮਾਣ ਕਰ ਲਵੋਗੇ।

ਰਹੱਸ ਸੰਖੇਪ

• ਅਲਾਦੀਨ ਦੇ ਜਿੰਨ ਵਾਂਗ ਹੀ ਆਕਰਸ਼ਨ ਦਾ ਨਿਯਮ ਵੀ ਸਾਡੇ ਹਰ ਆਦੇਸ਼ ਦਾ ਪਾਲਨ ਕਰਦਾ ਹੈ।
• ਸਿਰਜਨਾਤਮਕ ਪ੍ਰਕਿਰਿਆ ਤੁਹਾਡੀ ਮਨਚਾਹੀ ਚੀਜ ਨੂੰ ਪਾਉਣ 'ਚ ਤੁਹਾਡੀ ਮਦਦ ਕਰਦੀ ਹੈ। ਇਸਦੇ ਤਿੰਨ ਸੌਖੇ ਕਦਮ ਹਨ: ਮੰਗਾਂ, ਯਕੀਨ ਕਰੋ ਅਤੇ ਪਾਓ।
• ਬ੍ਰਹਿਮੰਡ ਤੋਂ ਆਪਣੀ ਮਨਚਾਹੀ ਚੀਜ਼ ਮੰਗਣ ਦਾ ਮਤਲਬ ਇਸ ਬਾਰੇ 'ਚ ਸਪਸ਼ਟ ਹੋਣਾ ਹੈ ਕਿ ਤੁਸੀਂ ਕੀ ਚਾਹੁੰਦੇ ਹੋ। ਜੇਕਰ ਤੁਹਾਡੇ ਦਿਮਾਗ਼ 'ਚ ਸਪਸ਼ਟ ਤਸਵੀਰ ਹੈ, ਤਾਂ ਤੁਸੀਂ ਮੰਗ ਲਿਆ ਹੈ।
• ਯਕੀਨ ਰੱਖਣ 'ਚ ਇਸ ਤਰ੍ਹਾਂ ਕੰਮ ਕਰਨਾ, ਬੋਲਨਾ ਤੇ ਸੋਚਣਾ ਸ਼ਾਮਿਲ ਹੈ, ਜਿਵੇਂ ਤੁਹਾਨੂੰ ਮੰਗੀ ਹੋਈ ਚੀਜ਼ ਮਿਲ ਚੁੱਕੀ ਹੈ। ਜਦੋਂ ਤੁਸੀਂ ਇਸ ਨੂੰ ਪਾ ਲੈਣ ਦੀ ਫ੍ਰੀਕਊਂਸੀ ਭੇਜਦੇ ਹੈ, ਤਾਂ ਆਕਰਸ਼ਨ ਦਾ ਨਿਯਮ ਲੋਕਾਂ, ਘਟਨਾਵਾਂ ਤੇ ਪਰਿਸਥਿਤੀਆਂ ਨੂੰ ਅਨੁਕੂਲ ਬਣਾ ਦਿੰਦਾ ਹੈ।
• ਪਾਉਣ ਦਾ ਮਤਲਬ ਉਸ ਤਰ੍ਹਾਂ ਮਹਿਸੂਸ ਕਰਨਾ ਹੈ, ਜਿਵੇਂ ਤੁਸੀਂ ਇੱਛਾ ਪੂਰੀ ਹੋਣ ਤੋਂ ਬਾਅਦ ਮਹਿਸੂਸ ਕਰੋਗੇ। ਹੁਣੇ ਚੰਗਾ ਮਹਿਸੂਸ ਕਰਕੇ ਤੁਸੀਂ ਮਨਚਾਹੀ ਚੀਜ਼ ਦੀ ਫ੍ਰੀਕਊਂਸੀ 'ਤੇ ਪੁੱਜ ਜਾਂਦੇ ਹੋ।
• ਭਾਰ ਘੱਟ ਕਰਣ ਲਈ "ਭਾਰ ਘੱਟ ਕਰਣ" ਉੱਤੇ ਧਿਆਨ ਕੇਂਦ੍ਰਿਤ ਨਾ ਕਰੋ। ਇਸਦੀ ਬਜਾਇ ਆਪਣੇ ਉੱਤਮ ਭਾਰ 'ਤੇ ਧਿਆਨ ਕੇਂਦ੍ਰਿਤ ਕਰੋ। ਆਪਣੇ ਉੱਤਮ ਭਾਰ ਦੀਆਂ ਭਾਵਨਾ ਮਹਿਸੂਸ ਕਰੋਗੇ, ਤਾਂ ਤੁਸੀਂ ਇਸ ਨੂੰ ਸੱਦਾ ਦੇ ਕੇ ਆਪਣੇ ਵੱਲ ਆਕਰਸ਼ਿਤ ਕਰ ਲਵੋਗੇ।
• ਬ੍ਰਹਿਮੰਡ ਨੂੰ ਤੁਹਾਡੀ ਇੱਛਾ ਪੂਰੀ ਕਰਣ 'ਚ ਥੋੜ੍ਹਾ ਵੀ ਸਮਾਂ ਨਹੀਂ ਲੱਗਦਾ ਹੈ। ਇਸ ਲਈ ਇਕ ਡਾਲਰ ਪ੍ਰਗਟ ਕਰਨਾ ਵੀ ਉਨਾਂ ਹੀ ਸੌਖਾ ਹੈ, ਜਿੰਨਾ ਕਿ ਦਸ ਲੱਖ ਡਾਲਰ।

ਆਕਰਸ਼ਨ ਦੇ ਨਿਯਮ ਦੀ ਸ਼ਕਤੀ ਨੂੰ ਮਹਿਸੂਸ ਕਰਣ ਦਾ ਸੌਖਾ ਤਰੀਕਾ ਇਹ ਹੈ ਕਿ ਇਕ ਕਪ ਕਾਫ਼ੀ ਜਾਂ ਪਾਰਕਿੰਗ ਦੀ ਜਗ੍ਹਾ ਵਰਗੀ ਕਿਸੇ ਛੋਟੀ ਚੀਜ਼ ਨਾਲ ਸ਼ੁਰੂਆਤ ਕਰੋ। ਕਿਸੇ ਛੋਟੀ ਚੀਜ ਨੂੰ ਆਕਰਸ਼ਿਤ ਕਰਣ ਦਾ ਇਰਾਦਾ ਰੱਖੋ। ਜਦੋਂ ਤੁਸੀਂ ਆਕਰਸ਼ਨ  ਦੀ ਸ਼ਕਤੀ ਨੂੰ ਜਾਣ ਲਵੋਗੇ, ਤਾਂ ਤੁਸੀਂ ਜਿਆਦਾ ਵੱਡੀਆਂ ਚੀਜਾਂ ਉਤਪੰਨ ਕਰਣ ਲੱਗ ਜਾਵੋਗੇ।

ਹਰ ਦਿਨ ਬਾਰੇ ਪਹਿਲਾਂ ਤੋਂ ਸੋਚ ਲਓ ਕਿ ਤੁਸੀਂ ਉਸ ਨੂੰ ਕਿਵੇਂ ਦਾ ਬਨਾਉਣਾ ਚਾਹੁੰਦੇ ਹੋ। ਇਸ ਤਰ੍ਹਾਂ ਤੁਸੀਂ ਮਨਚਾਹੇ ਢੰਗ ਨਾਲ ਆਪਣੇ ਜੀਵਨ ਦਾ ਨਿਰਮਾਣ ਕਰਣ ਲਗੋਗੇ।

ਸਸ਼ਕਤ ਪ੍ਰਕਿਰਿਆਵਾਂ

ਡਾੱ. ਜੋ ਵਿਰਾਲ

ਬਹੁਤੇ ਲੋਕ ਆਪਣੀ ਵਰਤਮਾਨ ਪਰਿਸਥਿਤੀਆਂ 'ਚ ਕੈਦ, ਬੰਦ ਜਾਂ ਫਸੇ ਹੋਏ ਮਹਿਸੂਸ ਕਰਦੇ ਹਨ। ਚਾਹੇ ਇਸ ਵੇਲੇ ਤੁਹਾਡੀ ਪਰੀਸਥਿਤੀਆਂ ਕਿਹੋ ਜਿਹੀਆਂ ਵੀ ਹੋਣ, ਇਹ ਸਿਰਫ਼ ਵਰਤਮਾਨ ਹਕੀਕਤ ਹੈ। ਜਦੋਂ ਤੁਸੀਂ ਰਹੱਸ ਦਾ ਇਸਤੇਮਾਲ ਸ਼ੁਰੂ ਕਰ ਦਿਓਗੇ, ਤਾਂ ਤੁਹਾਡੀ ਵਰਤਮਾਨ ਹਕੀਕਤ ਬਦਲਣ ਲਗੇਗੀ।

ਤੁਹਾਡੀ ਵਰਤਮਾਨ ਹਕੀਕਤ ਜਾਂ ਜ਼ਿੰਦਗੀ ਉਨ੍ਹਾਂ ਵਿਚਾਰਾਂ ਦਾ ਸਿੱਟਾ ਹੈ, ਜਿਹੜੀ ਤੁਸੀਂ ਸੋਚ ਰਹੇ ਹੋ। ਜਦੋਂ ਤੁਸੀਂ ਆਪਣੇ ਵਿਚਾਰਾਂ ਤੇ ਭਾਵਨਾਵਾਂ ਨੂੰ ਬਦਲ ਲਓਗੇ, ਤਾਂ ਤੁਹਾਡੀ ਹਕੀਕਤ ਤੋਂ ਜਿੰਦਗੀ ਪੂਰੀ ਤਰ੍ਹਾਂ ਬਦਲ ਜਾਵੇਗੀ।

"ਇਨਸਾਨ ਆਪਣੇ-ਆਪ ਨੂੰ ਬਦਲ ਸਕਦਾ ਹੈ... ਅਤੇ ਆਪਣੀ ਤਕਦੀਰ ਦਾ ਮਾਲਿਕ ਬਣ ਸਕਦਾ ਹੈ। ਇਹ ਹਰ ਉਸ ਵਿਅਕਤੀ ਦਾ ਨਤੀਜਾ ਹੈ, ਜਿਹੜਾ ਸਹੀ ਵਿਚਾਰ ਦੀ ਸ਼ਕਤੀ ਦੇ ਪ੍ਰਤੀ ਪੂਰੀ ਤਰ੍ਹਾਂ ਸੁਚੇਤ ਹੈ।"

ਕ੍ਰਿਸਚੀਅਨ ਡੀ. ਲਾਰਸਨ (1866-1954)

ਲੀਸਾ ਨਿਕੋਲਸ

ਜੇਕਰ ਤੁਸੀਂ ਆਪਣੇ ਹਾਲਾਤਾਂ ਨੂੰ ਬਦਲਣਾ ਚਾਹੁੰਦੇ ਹੋ, ਤਾਂ ਪਹਿਲਾਂ ਤੁਹਾਨੂੰ ਆਪਣੀ ਸੋਚ ਬਦਲਣੀ ਹੋਵੇਗੀ। ਹਰ ਵਾਰ ਜਦੋਂ ਤੁਸੀਂ ਆਪਣੀ ਡਾਕ ਦੇਖ ਕੇ ਉਸ ਦੇ ਅੰਦਰ ਬਿਲ ਨਿਕਲਣ ਦਾ ਅੰਦੇਸ਼ਾਂ ਕਰਣ ਲੱਗਦੇ ਹੋ, ਤਾਂ ਕੀ ਹੁੰਦਾ ਹੈ। ਉਨ੍ਹਾਂ 'ਚੋਂ ਬਿਲ ਹੀ ਨਿਕਲਦੇ ਹਨ। ਹਰ ਦਿਨ ਤੁਸੀਂ ਬਿਲ ਆਉਣ ਦੀ ਦਹਿਸ਼ਤ 'ਚ ਰਹਿੰਦੇ ਹੋ! ਤੁਸੀਂ ਕਦੇ ਕਿਸੇ ਚੰਗੀ ਚੀਜ ਦੀ ਉਂਮੀਦ ਨਹੀਂ ਕਰਦੇ। ਤੁਸੀਂ ਕਰਜੇ ਬਾਰੇ ਸੋਚ ਰਹੇ ਹੋ, ਕਰਜ਼ੇ ਦੀ ਆਸ ਕਰ ਰਹੇ ਹੋ। ਇਸਲਈ ਤੁਹਾਨੂੰ ਜੇਕਰ ਕਰਜਾ ਹੀ ਮਿਲਦਾ ਹੈ, ਤਾਂ ਤੁਹਾਨੂੰ ਹੈਰਾਨ ਨਹੀਂ ਹੋਣਾ ਚਾਹੀਦਾ। ਅਤੇ ਹਰ ਦਿਨ ਤੁਸੀਂ ਆਪਣੇ ਵਿਚਾਰਾਂ ਦੀ ਪੁਸ਼ਟੀ ਕਰਦੇ ਹੋ ਕੀ ਕਰਜਾ ਉਥੇ ਹੋਵੇਗਾ? ਹਾਂ ਜੀ, ਕਰਜਾ ਓਥੇ ਹੀ ਹੈ। ਕੀ ਕਰਜਾ ਆਉਣ ਵਾਲਾ ਹੈ? ਹਾਂ ਜੀ, ਕਰਜਾ ਆਉਣ ਵਾਲਾ ਹੈ। ਕਿਉਂ? ਕਿਉਂਕਿ ਤੁਸੀਂ ਕਰਜ਼ੇ ਬਾਰੇ ਫਿਕਰਮੰਦ ਸੀ। ਉਹ ਇਸਲਈ ਸਾਹਮਣੇ ਆ ਗਿਆ, ਕਿਉਂਕਿ ਆਕਰਸ਼ਨ  ਦਾ ਨਿਯਮ ਹਮੇਸ਼ਾ ਤੁਹਾਡੇ ਵਿਚਾਰਾਂ ਪ੍ਰਤੀ ਆਗਿਆਕਾਰੀ ਹੁੰਦਾ ਹੈ। ਆਪਣੇ-ਆਪ 'ਤੇ ਇਕ ਅਹਿਸਾਨ ਕਰੋ - ਬਿਲ ਦਾ ਨਹੀਂ, ਚੈਕ ਦੀ ਆਸ ਕਰੋ!

ਉਮੀਦ ਜਾਂ ਆਸ ਇਕ ਪ੍ਰਬਲ ਆਕਰਸ਼ਨ ਸ਼ਕਤੀ ਹੈ, ਕਿਉਂਕਿ ਇਹ ਚੀਜ਼ਾਂ ਨੂੰ ਤੁਹਾਡੇ ਵੱਲ ਖਿੱਚਦੀ ਹੈ। ਜਿਵੇਂ ਕਿ ਬਾੱਬ ਪ੍ਰਾੱਕਟਰ ਕਹਿੰਦੇ ਹਨ, "ਇੱਛਾ ਤੁਹਾਨੂੰ ਇੱਛਤ ਵਸਤੂ ਨਾਲ ਜੋੜਦੀ ਹੈ ਅਤੇ ਆਸ ਉਸ ਨੂੰ ਤੁਹਾਡੇ ਜੀਵਨ 'ਚ ਖਿੱਚ ਲਿਆਉਂਦੀ ਹੈ।" ਉਨ੍ਹਾਂ ਚੀਜ਼ਾਂ ਦੀ ਆਸ ਕਰੋ, ਜਿਨ੍ਹਾਂ ਨੂੰ ਤੁਸੀਂ ਚਾਹੁੰਦੇ ਹੋ। ਉਨਾਂ ਚੀਜ਼ਾਂ ਦੀ ਆਸ ਨਾ ਕਰੋ, ਜਿਨ੍ਹਾਂ ਨੂੰ ਤੁਸੀਂ ਨਹੀਂ ਚਾਹੁੰਦੇ। ਤੁਸੀਂ ਇਸ ਵੇਲੇ ਕਿਸ ਚੀਜ਼ ਦੀ ਆਸ ਕਰ ਰਹੇ ਹੋ?

 

ਜੇਮਸ ਰੇ

ਜਿਆਦਾਤਰ ਲੋਕ ਆਪਣੀ ਵਰਤਮਾਨ ਪਰੀਸਥਿਤੀਆਂ ਵੱਲ ਦੇਖ ਕੇ ਕਹਿੰਦੇ ਹਨ, "ਇਹ ਮੈਂ ਹਾਂ !" ਇਹ ਤੁਸੀਂ ਨਹੀਂ ਹੋ। ਇਹ ਤਾਂ ਤੁਸੀਂ ਸੀ। ਉਦਾਹਰਣ ਲਈ ਮੰਨ ਲਓ ਕਿ ਤੁਹਾਡੇ ਬੈਂਕ ਖਾਤੇ ਵਿਚ ਬਥੇਰੇ ਪੈਸੇ ਨਹੀਂ ਹਨ ਜਾਂ ਤੁਹਾਡੇ ਸੰਬੰਧ ਉਸ ਤਰ੍ਹਾਂ ਦੇ ਨਹੀਂ ਹਨ, ਜਿਵੇਂ ਦੇ ਤੁਸੀਂ ਚਾਹੁੰਦੇ ਹੋ ਜਾਂ ਤੁਹਾਡੀ ਸਿਹਤ ਤੇ ਫ਼ਿਟਨੈਸ ਸਹੀ ਪਧਰ 'ਤੇ ਨਹੀਂ ਹੈ। ਇਹ ਤੁਹਾਡਾ ਵਰਤਮਾਨ ਸਰੂਪ ਨਹੀਂ ਹੈ; ਇਹ ਤਾਂ ਤੁਹਾਡੇ ਪੁਰਾਣੇ

ਵਿਚਾਰਾਂ ਤੇ ਕੰਮਾਂ ਦਾ ਨਤੀਜਾ ਹੈ। ਅਸੀਂ ਲਗਾਤਾਰ ਅਤੀਤ ਦੇ ਵਿਚਾਰਾਂ ਤੇ ਕੰਮਾਂ ਦੇ ਨਤੀਜਿਆਂ ਨਾਲ ਜਿਉਂਦੇ ਰਹੇ ਹਾਂ। ਜਦੋਂ ਤੁਸੀਂ ਆਪਣੀ ਵਰਤਮਾਨ ਹਾਲਤ ਵਲ ਦੇਖਦੇ ਹੋ ਤੇ ਉਸ ਨਾਲ ਆਪਣੇ-ਆਪ ਨੂੰ ਪਰਿਭਾਸ਼ਿਤ ਕਰਦੇ ਹੋ, ਤਾਂ ਤੁਸੀਂ ਆਪਣੇ-ਆਪ ਨੂੰ ਇਕ ਤਰ੍ਹਾਂ ਨਾਲ ਇਹ ਸਰਾਪ ਦੇ ਰਹੇ ਹੋ ਕਿ ਭਵਿਖ 'ਚ ਵੀ ਹਾਲਤ ਬੇਹਤਰ ਨਹੀਂ ਹੋਵੇਗੀ।

"ਅਸੀਂ ਜੋ ਕੁੱਝ ਵੀ ਹਾਂ, ਆਪਣੇ ਪੁਰਾਣੇ ਵਿਚਾਰਾਂ ਦੇ ਕਾਰਣ ਹਾਂ।"

ਬੁੱਧ (563 ਈਪੂ-483 ਈਪੂ)

ਮੈਂ ਤੁਹਾਨੂੰ ਇਕ ਪ੍ਰਕਿਰਿਆ ਦੱਸਣਾ ਚਾਹਵਾਂਗਾ, ਜਿਹੜੀ ਮਹਾਨ ਸਿਖਿਅਕ ਨੇਵਿਲ ਗੋਦਾਰ ਨੇ 1954 ਵਿਚ ਦਿੱਤੇ ਇਕ ਭਾਸ਼ਣ 'ਚ ਦੱਸੀ ਸੀ। ਇਸ ਭਾਸ਼ਣ ਦਾ ਸਿਰਲੇਖ ਸੀ, ''ਦ ਪਰੂਨਿੰਗ ਸਿਅਰਜ ਆੱਫ ਰਿਵੀਜ਼ਨ।" ਇਸ ਪ੍ਰਕਿਰਿਆ ਦਾ ਮੇਰੀ ਜ਼ਿੰਦਗੀ 'ਤੇ ਡੂੰਘਾ ਅਸਰ ਹੋਇਆ। ਨੇਵਿਲ ਸਲਾਹ ਦਿੰਦੇ ਹਨ ਕਿ ਹਰ ਰਾਤ ਸੌਣ ਜਾਣ ਤੋਂ ਪਹਿਲਾਂ ਤੁਸੀਂ ਦਿਨ ਭਰ ਦੀਆਂ ਘਟਨਾਵਾਂ ਬਾਰੇ ਸੋਚੋ। ਜੇਕਰ ਕੋਈ ਘਟਨਾ ਜਾਂ ਪਲ ਮਨਚਾਹੇ ਢੰਗ ਨਾਲ ਨਹੀਂ ਹੋਇਆ ਸੀ, ਤਾਂ ਤੁਸੀਂ ਉਸਦੀ ਮਨਚਾਹੀ ਕਲਪਨਾ ਕਰਕੇ ਆਪਣੇ ਦਿਮਾਗ਼ 'ਚ ਇਸ ਤਰ੍ਹਾਂ ਨਾਲ ਦੁਹਰਾਓ, ਜਿਸ ਨਾਲ ਤੁਸੀਂ ਰੁਮਾਂਚਿਤ ਹੋ ਜਾਓ। ਜਦੋਂ ਤੁਸੀਂ ਆਪਣੇ ਦਿਮਾਗ਼ 'ਚ ਘਟਨਾਵਾਂ ਨੂੰ ਮਨਚਾਹੇ ਤਰੀਕੇ ਨਾਲ ਦੁਹਰਾਉਂਦੇ ਹੋ, ਤਾਂ ਤੁਸੀਂ ਉਸ ਦਿਨ ਦੀ ਆਪਣੀ ਫ੍ਰੀਕਊਂਸੀ ਨੂੰ ਸਾਫ ਕਰਦੇ ਹੋ ਅਤੇ ਆਉਣ ਵਾਲੇ ਕੱਲ੍ਹ ਲਈ ਇਕ ਨਵਾਂ ਸੰਕੇਤ ਅਤੇ ਫ੍ਰੀਕਊਂਸੀ ਭੇਜਦੇ ਹੋ। ਤੁਸੀਂ ਇਰਾਦਤਨ ਆਪਣੇ ਭਵਿਖ ਲਈ ਨਵੀਂ ਤਸਵੀਰ ਬਣਾ ਦਿਤੀ ਹੈ। ਤੁਸੀਂ ਕਿਸੇ ਵੀ ਵੇਲੇ ਆਪਣੇ ਜੀਵਨ ਦੀ ਤਸਵੀਰ ਬਦਲ ਸਕਦੇ ਹੋ। ਇਸ ਲਈ ਕਦੇ ਜ਼ਿਆਦਾ ਦੇਰ ਨਹੀਂ ਹੁੰਦੀ ਹੈ।

ਕਿਰਤਗਤਾ ਦੀ ਸਸ਼ਕਤ ਪ੍ਰਕਿਰਿਆ

ਡਾੱ. ਜੋ ਵਿਟਾਲ

ਤੁਸੀਂ ਇਸੇ ਵੱਲੋਂ ਆਪਣੀ ਜ਼ਿੰਦਗੀ ਦਾ ਕਾਇਆਕਲਪ ਕਰਣ ਲਈ ਕੀ ਕਰ ਸਕਦੇ ਹੋ? ਸਭ ਤੋਂ ਪਹਿਲੀ ਗੱਲ, ਉਨ੍ਹਾਂ ਚੀਜ਼ਾਂ ਦੀ ਸੂਚੀ ਬਣਾਓ, ਜਿਨ੍ਹਾਂ ਲਈ ਤੁਸੀਂ ਕਿਰਤਗ ਹੈ। ਇਸ ਨਾਲ ਤੁਹਾਡੀ ਊਰਜਾ ਬਦਲ ਜਾਂਦੀ ਹੈ ਤੇ ਤੁਹਾਡੀ ਸੋਚ ਬਦਲਣ ਲੱਗਦੀ ਹੈ। ਇਸ ਅਭਿਆਸ ਤੋਂ ਪਹਿਲਾਂ ਤੁਹਾਡਾ ਸਾਰਾ ਧਿਆਨ ਇਸ ਗੱਲ ਤੇ ਕੇਂਦ੍ਰਿਤ ਸੀ ਕਿ ਤੁਹਾਡੇ ਕੋਲ ਕੀ ਨਹੀਂ ਹੈ। ਤੁਹਾਡਾ ਧਿਆਨ ਆਪਣੀਆਂ ਸ਼ਿਕਾਇਤਾਂ ਅਤੇ ਸਮਸਿਆਵਾਂ 'ਤੇ ਕੇਂਦ੍ਰਿਤ ਸੀ। ਲੇਕਿਨ ਇਸ ਅਭਿਆਸ ਨੂੰ ਕਰਣ ਤੋਂ ਬਾਅਦ ਤੁਸੀਂ ਇਕ ਅਲਗ ਦਿਸ਼ਾ 'ਚ ਮੁੜ ਜਾਂਦੇ ਹੋ। ਤੁਸੀਂ ਉਨ੍ਹਾਂ ਸਾਰੀਆਂ ਚੀਜ਼ਾਂ ਲਈ ਕਿਰਤਗ ਹੋਣ ਲੱਗਦੇ ਹੋ, ਜਿਨ੍ਹਾਂ ਬਾਰੇ ਤੁਸੀਂ ਵਧੀਆ ਮਹਿਸੂਸ ਕਰਦੇ ਹੋ।

"ਕਿਰਤਗਤਾ ਤੁਹਾਡੇ ਸਮੁੱਚੇ ਮਸਤਿਸ਼ਕ ਨੂੰ ਬ੍ਰਹਿਮੰਡ ਦੀ ਸਿਰਜਨਾਤਮਕ ਊਰਜਾਵਾਂ ਦੇ ਨੇੜੇ ਇਕਸਾਰਤਾ 'ਚ ਲਿਆਉਂਦੀ ਹੈ। ਜੇਕਰ ਇਹ ਵਿਚਾਰ ਤੁਹਾਡੇ ਲਈ ਨਵੇਂ ਹਨ, ਤਾਂ ਇਸ ਬਾਰੇ ਚੰਗੀ ਤਰ੍ਹਾਂ ਸੋਚੋ। ਤੁਸੀਂ ਪਾਓਗੇ ਕਿ ਇਹ ਸੱਚ ਹਨ।"

ਵੈਲੇਸ ਵੈਟਲਸ (1860-1911)

ਮਰਸੀ ਸ਼ਿਮਾੱਫ਼

ਕਿਰਤਗਤਾ ਜ਼ਿੰਦਗੀ 'ਚ ਜ਼ਿਆਦਾ ਚੰਗੀਆਂ ਚੀਜਾਂ ਲਿਆਉਣ ਲਈ ਅਚੂਕ ਉਪਾਅ ਹੈ।

ਡਾੱ. ਜਾਨ ਗ੍ਰੇ

ਮਨੋਵਿਗਿਆਨਿਕ, ਲੇਖਕ ਤੇ ਅੰਤਰਰਾਸ਼ਟ੍ਰੀ ਵਕਤਾ

ਹਰ ਵਿਅਕਤੀ ਜਾਣਦਾ ਹੈ ਕਿ ਜਦੋਂ ਉਸਦੀ ਪਤਨੀ ਉਸਦੇ ਛੋਟੇ-ਛੋਟੇ ਕੰਮਾਂ ਦੀ ਤਾਰੀਫ਼ ਕਰਦੀ ਹੈ, ਤਾਂ ਉਹ ਕੀ ਕਰਣਾ ਚਾਹੁੰਦਾ ਹੈ! ਉਹ ਹੋਰ ਜ਼ਿਆਦਾ ਕੰਮ ਕਰਣਾ ਚਾਹੁੰਦਾ ਹੈ। ਸਲਾਘਾ 'ਚ ਸ਼ਕਤੀ ਹੈ। ਇਹ ਉਤਸਾਹਿਤ ਕਰਦੀ ਹੈ। ਇਹ ਸਹਿਯੋਗ ਨੂੰ ਆਕਰਸ਼ਿਤ ਕਰਦੀ ਹੈ।

 

ਡਾੱ. ਜਾੱਨ ਡੇਮਾਰਟਿਨੀ

ਅਸੀਂ ਜਿਸਦੇ ਬਾਰੇ ਸੋਚਦੇ ਤੇ ਸ਼ੁਕਰਗੁਜਾਰ ਹੁੰਦੇ ਹਾਂ, ਉਸ ਨੂੰ ਉਤਪੰਨ ਕਰ ਦਿੰਦੇ ਹਾਂ।

 

ਜੇਮਸ ਰੇ

ਕਿਰਤਗਤਾ ਦਾ ਅਭਿਆਸ ਮੇਰੇ ਲਈ ਬੜਾ ਜ਼ਬਰਦਸਤ ਸਾਬਤ ਹੋਇਆ ਹੈ। ਹਰ ਸਵੇਰੇ ਮੈਂ ਉੱਠਦਾ ਹਾਂ ਤੇ ਕਹਿੰਦਾ ਹਾਂ, "ਧੰਨਵਾਦ!" ਹਰ ਸਵੇਰ, ਜਦੋਂ ਮੇਰੇ ਪੈਰ ਫਰਸ਼ ਨਾਲ ਟਕਰਾਉਂਦੇ ਹਨ, ਤਾਂ ਮੈਂ ਕਹਿੰਦਾ ਹਾਂ, ਧੰਨਵਾਦ!" ਫਿਰ ਬ੍ਰਸ਼ ਕਰਣ ਵੇਲੇ ਤੇ ਸਵੇਰ ਦੇ ਕੰਮਾਂ ਨੂੰ ਨਿਬੇੜਨ ਵੇਲੇ ਮੈਂ ਉਨ੍ਹਾਂ ਚੀਜਾਂ ਨੂੰ ਯਾਦ ਕਰਦਾ ਰਹਿੰਦਾ ਹਾਂ, ਜਿਨ੍ਹਾਂ ਲਈ ਮੈਂ ਕਿਰਤਗ ਹਾਂ। ਮੈਂ ਉਨ੍ਹਾਂ ਬਾਰੇ ਇੰਝ ਹੀ ਸੋਚਦਿਆਂ ਰੋਜ਼ਾਨਾ ਦੇ ਕੰਮ ਨਹੀਂ ਨਿਬੇੜ ਰਿਹਾ ਹਾਂ। ਮੈਂ ਤਾਂ ਇੰਨਾਂ ਨੂੰ ਬ੍ਰਹਿਮੰਡ ਵੱਲ ਭੇਜ ਰਿਹਾ ਹਾਂ ਤੇ ਕਿਰਤਗਤਾ ਦੀਆਂ ਭਾਵਨਾਵਾਂ ਨੂੰ ਮਹਿਸੂਸ ਕਰ ਰਿਹਾ ਹਾਂ।

ਜਿਸ ਦਿਨ ਅਸੀਂ ਜੇਮਸ ਰੇ ਦੇ ਕਿਰਤਗਤਾ ਦੇ ਸਸ਼ਕਤ ਅਭਿਆਸ ਨੂੰ ਫਿਲਮਾਇਆ, ਉਸ ਦਿਨ ਨੂੰ ਮੈਂ ਕਦੇ ਨਾ ਭੁੱਲ ਪਾਵਾਂਗੀ। ਅਗਲੇ ਹੀ ਦਿਨ ਤੋਂ ਮੈਂ ਵੀ ਜੇਮਸ ਦੀ ਪ੍ਰਕਿਰਿਆ `ਤੇ ਅਮਲ ਕਰਣ ਲਗੀ। ਹਰ ਸਵੇਰ ਮੈਂ ਉਦੋਂ ਤਕ ਬਿਸਤਰਾ ਨਹੀਂ ਛੱਡਦੀ ਹਾਂ ਜਦੋਂ ਤਕ ਕਿ ਨਵੇਂ ਦਿਨ ਅਤੇ ਆਪਣੀ ਜ਼ਿੰਦਗੀ ਦੀਆਂ ਸਾਰੀਆਂ ਚੰਗੀਆਂ ਚੀਜ਼ਾਂ ਲਈ ਕਿਰਤਗਤਾ ਦੀਆਂ ਭਾਵਨਾਵਾਂ ਨੂੰ ਮਹਿਸੂਸ ਨਾ ਕਰ ਲਵਾਂ। ਫਿਰ ਜਦੋਂ ਮੈਂ ਪਲੰਗ ਤੋਂ ਉਤਰਦੀ ਹਾਂ, ਤਾਂ ਪਹਿਲਾਂ ਪੈਰ ਫਰਸ 'ਤੇ ਰੱਖਦਿਆਂ ਕਹਿੰਦੀ ਹਾਂ, "ਧੰਨਵਾਦ," ਅਤੇ ਦੂਜਾ ਪੈਰ ਫਰਸ 'ਤੇ ਰਖਦਿਆਂ ਮੁੜ ਕਹਿੰਦੀ ਹਾਂ, "ਧੰਨਵਾਦ।" ਬਾਥਰੂਮ ਤਕ ਜਾਣ ਵਾਲੇ ਹਰ ਕਦਮ ਦੇ ਨਾਲ ਮੈਂ ਕਹਿੰਦੀ ਹਾਂ "ਧੰਨਵਾਦ।" ਨਹਾਉਣ ਤੇ ਤਿਆਰ ਹੋਣ ਵੇਲੇ ਵੀ

ਮੈਂ "ਧੰਨਵਾਦ" ਕਹਿਣਾ ਤੇ ਕਿਰਤਗਤਾ ਮਹਿਸੂਸ ਕਰਣਾ ਜਾਰੀ ਰੱਖਦੀ ਹਾਂ। ਦਿਨ ਲਈ ਪੂਰੀ ਤਰਾਂ ਤਿਆਰ ਹੋਣ ਤਕ ਮੈਂ ਸੈਂਕੜੇ ਵਾਰੀ "ਧੰਨਵਾਦ" ਕਹਿ ਲੈਂਦੀ ਹਾਂ।

ਇਹ ਕੰਮ ਕਰਕੇ ਮੈਂ ਆਪਣੇ ਦਿਨ ਤੇ ਇਸ ਵਿਚ ਸ਼ਾਮਿਲ ਘਟਨਾਵਾਂ ਨੂੰ ਸ਼ਕਤੀਸ਼ਾਲੀ ਢੰਗ ਨਾਲ ਆਕਾਰ ਦੇ ਰਹੀ ਹਾਂ। ਮੈਂ ਉਸ ਦਿਨ ਲਈ ਆਪਣੀ ਫ੍ਰੀਕਊਂਸੀ ਤੈਅ ਕਰ ਰਹੀ ਹਾਂ ਅਤੇ ਸਕਾਰਾਤਮਕ ਤੌਰ ਤੇ ਉਸ ਰਾਹ ਦਾ ਐਲਾਨ ਕਰ ਰਹੀ ਹਾਂ, ਜਿਸ 'ਤੇ ਮੈਂ ਆਪਣੇ ਦਿਨ ਨੂੰ ਲੈ ਜਾਣਾ ਚਾਹੁੰਦੀ ਹਾਂ, ਬਜਾਇ ਇਸ ਦੇ ਕਿ ਮੈਂ ਪਲੰਗ ਤੋਂ ਥਿੜਕਦਿਆਂ ਉਤਰਾਂ ਤੇ ਦਿਨ 'ਚ ਆਉਣ ਵਾਲੀ ਹਾਲਾਤਾਂ ਨੂੰ ਆਪਣੇ ਆਪ 'ਤੇ ਹਾਵੀ ਹੋ ਜਾਣ ਦਿਆਂ। ਦਿਨ ਅਰੰਭ ਕਰਣ ਦਾ ਇਸ ਤੋਂ ਬੇਹਤਰ ਤਰੀਕਾ ਦੂਜਾ ਨਹੀਂ ਹੈ। ਤੁਸੀਂ ਆਪਣੇ ਜੀਵਨ ਦੇ ਨਿਰਮਾਤਾ ਹੋ, ਇਸਲਈ ਆਪਣੇ ਹਰ ਦਿਨ ਦਾ ਸਕਾਰਤਮਕ ਨਿਰਮਾਣ ਕਰਣ ਤੋਂ ਬਾਅਦ ਹੀ ਉਸ ਨੂੰ ਸ਼ੁਰੂ ਕਰੋ।

ਕਿਰਤਗਤਾ ਇਤਿਹਾਸ ਦੇ ਸਾਰੇ ਮਹਾਨ ਅਵਤਾਰਾਂ ਦੀ ਨਸੀਹਤ ਦਾ ਬੁਨਿਆਦੀ ਅੰਗ ਰਿਹਾ ਹੈ। ਜਿਸ ਪੁਸਤਕ ਨੇ ਮੇਰੀ ਜ਼ਿੰਦਗੀ ਬਦਲ ਦਿੱਤੀ, ਉਸ ਨੂੰ ਵੈਲੇਸ ਵੈਟਲਜ ਨੇ 1910 ਵਿਚ ਲਿਖਿਆ ਸੀ। ਦ ਸਾਇੰਸ ਆਫ ਗੈਟਿੰਗ ਰਿਚ ਨਾਂ ਦੀ ਇਸ ਪੁਸਤਕ 'ਚ ਕਿਰਤਗਤਾ ਦਾ ਅਧਿਆਇ ਸਭ ਤੋਂ ਲੰਮਾ ਹੈ। ਦ ਸੀਕ੍ਰਿਟ ਵਿਚ ਸ਼ਾਮਿਲ ਹਰ ਟੀਚਰ ਹਰ ਦਿਨ ਕਿਰਤਗਤਾ ਦਾ ਪ੍ਰਯੋਗ ਕਰਦਾ ਹੈ। ਜਿਆਦਾਤਰ ਟੀਚਰਸ ਕਿਰਤਗਤਾ ਦੇ ਵਿਚਾਰਾਂ ਤੇ ਭਾਵਨਾਵਾਂ ਨਾਲ ਆਪਣੇ ਦਿਨ ਦਾ ਅਰੰਭ ਕਰਦੇ ਹਨ।

ਜੋ ਸ਼ੂਗਰਮੈਨ ਨਾਂ ਦੇ ਸਫਲ ਉਦਮੀ ਅਤੇ ਅਦਭੁਤ ਵਿਅਕਤੀ ਨੇ ਦ ਸੀਕ੍ਰਿਟ ਫਿਲਮ ਦੇਖਣ ਤੋਂ ਬਾਅਦ ਮੇਰੇ ਨਾਲ ਸੰਪਰਕ ਕੀਤਾ। ਉਨ੍ਹਾਂ ਨੇ ਮੈਨੂੰ ਦਸਿਆ ਕਿ ਇਸ 'ਚ ਉਨ੍ਹਾਂ ਨੂੰ ਕਿਰਤਗਤਾ ਦੀ ਪ੍ਰਕਿਰਿਆ ਸਭ ਤੋਂ ਚੰਗੀ ਲੱਗੀ। ਉਨ੍ਹਾਂ ਨੇ ਇਹ ਵੀ ਦਸਿਆ ਕਿ ਕਿਰਤਗਤਾ ਦੀ ਬਦੌਲਤ ਹੀ ਉਸ ਨੂੰ ਉਹ ਸਾਰੀਆਂ ਚੀਜ਼ਾਂ ਮਿਲੀਆਂ ਹਨ, ਜਿਹੜੀਆਂ ਉਨ੍ਹਾਂ ਨੇ ਆਪਣੇ ਜੀਵਨ 'ਚ ਹਾਸਿਲ ਕੀਤੀਆਂ ਹਨ। ਸ਼ੂਗਰਮੈਨ ਨੇ ਆਪਣੇ ਵੱਲ ਜਿੰਨੀ ਸਫਲਤਾ ਆਕਰਸ਼ਿਤ ਕੀਤੀ ਹੈ, ਉਸ ਵਿਚ ਉਹ ਹਰ ਦਿਨ ਕਿਰਤਗਤਾ ਦਾ ਪ੍ਰਯੋਗ ਕਰਦੇ ਹਨ, ਛੋਟੀ ਤੋਂ ਛੋਟੀ ਚੀਜਾਂ 'ਚ ਵੀ। ਪਾਰਕਿੰਗ ਦੀ ਜਗ੍ਹਾ ਮਿਲਣ ਤੇ ਵੀ ਉਹ ਹਮੇਸ਼ਾ "ਧੰਨਵਾਦ" ਕਹਿੰਦੇ ਤੇ ਮਹਿਸੂਸ ਕਰਦੇ ਹਨ। ਸੁਗਰਮੈਨ ਕਿਰਤਗਤਾ ਦੀ ਸ਼ਕਤੀ ਨੂੰ ਜਾਣਦੇ ਹਨ ਤੇ ਇਹ ਸਵੀਕਾਰ ਕਰਦੇ ਹਨ ਕਿ ਇਸੇ ਕਾਰਣ ਉਨ੍ਹਾਂ ਨੂੰ ਸਾਰਾ ਕੁੱਝ ਮਿਲਿਆ ਹੈ।। ਇਸਲਈ ਕਿਰਤਗਤਾ ਉਨ੍ਹਾਂ ਦੀ ਜੀਵਨਜਾਂਚ ਬਣ ਚੁੱਕੀ ਹੈ।

ਮੈਂ ਜਿੰਨਾ ਵੀ ਪੜ੍ਹਿਆ ਹੈ ਤੇ ਆਪਣੀ ਜ਼ਿੰਦਗੀ ਵਿਚ ਰਹੱਸ ਦਾ ਪ੍ਰਯੋਗ ਕਰਕੇ ਜਿੰਨਾ ਵੀ ਅਨੁਭਵ ਕੀਤਾ ਹੈ, ਉਸ ਵਿਚ ਕਿਰਤਗਤਾ ਦੀ ਸ਼ਕਤੀ ਸਭ ਤੋਂ ਵੱਡੀ ਹੈ। ਜੇਕਰ ਤੁਸੀਂ ਰਹੱਸ ਦੇ ਗਿਆਨ

ਤੋਂ ਸਿਰਫ ਇਕੋ ਹੀ ਕੰਮ ਕਰਣਾ ਚਾਹੁੰਦੇ ਹੋ, ਤਾਂ ਕਿਰਤਗਤਾ ਦਾ ਪ੍ਰਯੋਗ ਕਰੋ, ਜਦੋਂ ਤਕ ਕਿ ਇਹ ਤੁਹਾਡੀ ਜੀਵਨਸ਼ੈਲੀ ਨਾ ਬਣ ਜਾਵੇ।

ਡਾੱ. ਜੋ ਵਿਟਾਲ

ਤੁਹਾਡੇ ਕੋਲ ਵਰਤਮਾਨ 'ਚ ਜੋ ਹੈ, ਜਦੋਂ ਤੁਸੀਂ ਉਸਦੇ ਬਾਰੇ 'ਚ ਵੱਖਰਾ ਮਹਿਸੂਸ ਕਰਣ ਲੱਗਦੇ ਹੋ, ਤਾਂ ਤੁਸੀਂ ਹੋਰ ਵੀ ਜ਼ਿਆਦਾ ਚੰਗੀਆਂ ਚੀਜ਼ਾਂ ਨੂੰ ਆਕਰਸਿਤ ਕਰੋਗੇ। ਫਿਰ ਤੁਹਾਡੇ ਕੋਲ ਇਹੋ ਜਿਹੀਆਂ ਹੋਰ ਚੀਜ਼ਾਂ ਆ ਜਾਣਗੀਆਂ, ਜਿਨ੍ਹਾਂ ਲਈ ਤੁਸੀਂ ਕਿਰਤਗ ਹੋ ਸਕਦੇ ਹੋ। ਤੁਸੀਂ ਚਾਰੇ ਪਾਸੇ ਦੇਖ ਕੇ ਕਹਿ ਸਕਦੇ ਹੋ "ਦੇਖੋ, ਮੇਰੇ ਕੋਲ ਉਹੋ ਜਿਹੀ ਕਾਰ ਨਹੀਂ ਹੈ, ਜਿਹੋ ਜਿਹੀ ਮੈਂ ਚਾਹੁੰਦਾ ਹਾਂ। ਮੇਰੇ ਕੋਲ ਉਹੋ ਜਿਹਾ ਮਕਾਨ ਨਹੀਂ ਹੈ, ਜਿਹੋ ਜਿਹਾ ਮੈਂ ਚਾਹੁੰਦਾ ਹਾਂ। ਮੇਰੇ ਕੋਲ ਉਂਝ ਦੀ ਸਿਹਤ ਨਹੀਂ ਹੈ, ਜਿਹੇ ਜਿਹੀ ਮੈਂ ਚਾਹੁੰਦਾ ਹਾਂ, ਮੇਰੇ ਕੋਲ ਉਹੋ ਜਿਹਾ ਜੀਵਨਸਾਥੀ ਨਹੀਂ ਹੈ, ਜਿਵੇਂ ਦਾ ਮੈਂ ਚਾਹੁੰਦਾ ਹਾਂ" ਓਹ! ਰਹਿਣ ਦਿਓ! ਰਹਿਣ ਦਿਓ! ਇਹ ਉਹ ਸਾਰੀ ਚੀਜ਼ਾਂ ਹਨ, ਜਿਹੜੀਆਂ ਤੁਸੀਂ ਨਹੀਂ ਚਾਹੁੰਦੇ ਹੋ। ਉਨ੍ਹਾਂ ਚੀਜ਼ਾਂ 'ਤੇ ਧਿਆਨ ਕੇਂਦ੍ਰਿਤ ਕਰੋ ਜਿਹੜੀਆਂ ਤੁਹਾਡੇ ਕੋਲ ਪਹਿਲਾਂ ਤੋਂ ਹੀ ਹਨ ਅਤੇ ਜਿਨ੍ਹਾਂ ਲਈ ਤੁਸੀਂ ਕਿਰਤਗ ਹੋ ਸਕਦੇ ਹੋ। ਹੋ ਸਕਦਾ ਹੈ, ਤੁਸੀਂ ਆਪਣੀਆਂ ਅੱਖਾਂ ਲਈ ਕਿਰਤਗ ਹੋਵੋ, ਜਿਨ੍ਹਾਂ ਨਾਲ ਤੁਸੀਂ ਇਹ ਪੁਸਤਕ ਪੜ੍ਹ ਰਹੇ ਹੋ। ਹੋ ਸਕਦਾ ਹੈ ਤੁਸੀਂ ਆਪਣੇ ਸ਼ਾਨਦਾਰ ਕਪੜਿਆਂ ਲਈ ਕਿਰਤਗ ਹੋਵੇ। ਹਾਂ ਜੀ, ਤੁਸੀ ਕਿਸੇ ਦੂਜੀ ਚੀਜ਼ ਲਈ ਵੀ ਕਿਰਤਗ ਹੋ ਸਕਦੇ ਹੋ। ਜੇਕਰ ਤੁਸੀਂ ਪਹਿਲਾਂ ਤੋਂ ਹੀ ਮੌਜੂਦ ਚੀਜ਼ਾਂ ਲਈ ਕਿਰਤਗ ਹੁੰਦੇ ਹੋ, ਤਾਂ ਤੁਹਾਨੂੰ ਆਪਣੀ ਮਨਚਾਹੀ ਚੀਜ਼ ਕਾਫ਼ੀ ਛੇਤੀ ਮਿਲ ਸਕਦੀ ਹੈ।

"ਆਪਣੀ ਜਿੰਦਗੀ ਦੀਆਂ ਬਾਕੀ ਸਾਰੀਆਂ ਚੀਜ਼ਾਂ ਨੂੰ ਸਹੀ ਨੰਬਰ 'ਚ ਰੱਖਣ ਵਾਲੇ ਕਈ ਲੋਕ ਕਿਰਤਗਤਾ ਦੀ ਘਾਟ ਕਾਰਣ ਗ਼ਰੀਬ ਬਣੇ ਰਹਿੰਦੇ ਹਨ।"

ਵੈਲੇਸ ਵੈਟਲਸ

ਜੇਕਰ ਤੁਸੀਂ ਆਪਣੇ ਕੋਲ ਮੌਜੂਦ ਚੀਜ਼ਾਂ ਬਾਰੇ ਕਿਰਤਗ ਨਹੀਂ ਹੋ, ਤਾਂ ਤੁਹਾਡੇ ਕੋਲ ਜਿਆਦਾ ਚੀਜਾਂ ਆਉਣੀਆਂ ਅਸੰਭਵ ਹਨ। ਕਿਉਂ? ਕਿਉਂਕਿ ਤੁਸੀਂ ਨਾਸ਼ੁਕਰੇ ਦੀ ਅਵਸਥਾ 'ਚ ਜਿਹੜੀਆਂ ਭਾਵਨਾਵਾਂ ਤੇ ਵਿਚਾਰ ਪ੍ਰੇਸ਼ਿਤ ਕਰਦੇ ਹੋ, ਉਹ ਸਾਰੇ ਨਕਾਰਾਤਮਕ ਹੁੰਦੇ ਹਨ। ਈਰਖਾ, ਦਵੇਖ, ਅਸੰਤੁਸ਼ਟੀ ਜਾਂ "ਬਥੇਰਾ ਨਹੀਂ"" ਦੀਆਂ ਭਾਵਨਾਵਾਂ ਤੁਹਾਨੂੰ ਉਹ ਨਹੀਂ ਦਿਲਾ ਸਕਦੀਆਂ, ਜਿਹੜੀਆਂ ਤੁਸੀਂ ਚਾਹੁੰਦੇ ਹੋ। ਉਹ ਤੁਹਾਨੂੰ ਉਹੀ ਚੀਜਾਂ ਜ਼ਿਆਦਾ ਦਿਲਾ ਸਕਦੀਆਂ ਹਨ, ਜਿਹੜੀਆਂ ਤੁਸੀਂ ਨਹੀਂ ਚਾਹੁੰਦੇ ਹੋ।

ਇਹ ਨਕਾਰਾਤਮਕ ਭਾਵ ਤੁਹਾਡੀਆਂ ਮਨਚਾਹੀ ਚੀਜਾਂ ਨੂੰ ਤੁਹਾਡੇ ਤੱਕ ਪੁੱਜਣ ਤੋਂ ਰੋਕ ਰਿਹਾ ਹੈ। ਜੇਕਰ ਤੁਸੀਂ ਨਵੀਂ ਕਾਰ ਚਾਹੁੰਦੇ ਹੋ ਲੇਕਿਨ ਆਪਣੀ ਵਰਤਮਾਨ ਕਾਰ ਲਈ ਸੁਕਰਗੁਜ਼ਾਰ ਨਹੀਂ ਹੋ ਤਾਂ ਤੁਸੀਂ ਇਸੇ ਪ੍ਰਬਲ ਫ੍ਰੀਕਊਂਸੀ ਨੂੰ ਬਾਹਰ ਭੇਜ ਰਹੇ ਹੋ।

ਤੁਹਾਡੇ ਕੋਲ ਇਸ ਸਮੇਂ ਜੋ ਹੈ, ਉਸ ਲਈ ਕਿਰਤਗ ਬਣੋ। ਜਦੋਂ ਤੁਸੀਂ ਆਪਣੀ ਜ਼ਿੰਦਗੀ ਦੀ ਤਮਾਮ ਨਿਯਾਮਤਾਂ ਬਾਰੇ ਸੋਚਣ ਲੱਗਦੇ ਹੋ, ਜਿਨ੍ਹਾਂ ਲਈ ਤੁਸੀਂ ਕਿਰਤਗ ਹੋ, ਤਾਂ ਤੁਹਾਡੇ ਦਿਮਾਗ 'ਚ ਅੰਤਰੀ ਵਿਚਾਰ ਆਉਣਗੇ, ਜਿਹੜੇ ਤੁਹਾਨੂੰ ਕਿਰਤਗ ਹੋਣ ਲਈ ਹੋਰ ਜਿਆਦਾ ਨਿਯਾਮਤਾਂ ਦੀਆਂ ਯਾਦ ਕਰਾਉਣਗੇ। ਤੁਹਾਨੂੰ ਸ਼ੁਰੂਆਤ ਕਰਣੀ ਹੋਵੇਗੀ ਤੇ ਫਿਰ ਆਕਰਸ਼ਨ ਦਾ ਨਿਯਮ ਉਨ੍ਹਾਂ ਕਿਰਤਗਤਾ ਦੇ ਵਿਚਾਰਾਂ ਨੂੰ ਗ੍ਰਹਿਣ ਕਰਕੇ ਤੁਹਾਨੂੰ ਉਹੀ ਜਹੀ ਹੋਰ ਨਿਯਾਮਤਾਂ ਦੇਵੇਗਾ। ਤੁਸੀਂ ਕਿਰਤਗਤਾਂ ਦੀ ਫ੍ਰੀਕਊਂਸੀ 'ਤੇ ਪੁੱਜ ਗਏ ਹੋ, ਇਸਲਈ ਤੁਹਾਨੂੰ ਤਮਾਮ ਚੰਗੀਆਂ ਚੀਜ਼ਾਂ ਮਿਲ ਜਾਣਗੀਆਂ।

"ਕਿਰਤਗਤਾ ਦਾ ਰੋਜ਼ਾਨਾ ਅਭਿਆਸ ਉਹ ਨਾਲੀ ਹੈ, ਜਿਸ ਨਾਲ ਤੁਹਾਡੀ ਦੌਲਤ ਤੁਹਾਡੇ ਤਕ ਆਵੇਗੀ।"

ਵੈਲੇਸ ਵੈਟਲਸ

ਲੀ ਬ੍ਰੋਅਰ

ਵੈਲਥ ਟ੍ਰੇਨਰ ਤੇ ਵਿਸ਼ਸ਼ਗ, ਲੇਖਕ ਅਤੇ ਸਿਖਿਅਕ

ਮੈਂ ਸੋਚਦਾ ਹਾਂ ਕਿ ਹਰ ਕਿਸੇ ਦੀ ਜ਼ਿੰਦਗੀ 'ਚ ਇਹੋ ਜਿਹਾ ਸਮਾਂ ਆਉਂਦਾ ਹੈ, ਜਦੋਂ ਉਹ ਕਹਿੰਦਾ ਹੈ, "ਹਾਲਾਤ ਠੀਕ ਨਹੀਂ ਹਨ," ਜਾਂ "ਹਾਲਾਤ ਵਿਗੜ ਰਹੇ ਹਨ।" ਇਕ ਵਾਰੀ ਜਦੋਂ ਮੇਰੇ ਪਰਿਵਾਰ 'ਚ ਇਹੋ ਜਿਹੇ ਹਾਲਾਤ ਸਨ, ਤਾਂ ਮੈਨੂੰ ਇਕ ਪੱਥਰ ਮਿਲ ਗਿਆ ਤੇ ਮੈਂ ਉਸ ਨੂੰ ਫੜ੍ਹ ਕੇ ਬੈਠਾ ਰਿਹਾ। ਮੈਂ ਉਸ ਪੱਥਰ ਨੂੰ ਆਪਣੀ ਜੇਬ 'ਚ ਰੱਖ ਲਿਆ ਤੇ ਕਿਹਾ, "ਜਦੋਂ ਵੀ ਮੈਂ ਇਸ ਪੱਥਰ ਨੂੰ ਸਪਰਸ਼ ਕਰਾਂਗਾ, ਤਾਂ ਹਰ ਵਾਰ ਮੈਂ ਕਿਸੇ ਇਹੋ ਜਿਹੀ ਚੀਜ਼ ਨੂੰ ਯਾਦ ਕਰਾਂਗਾ, ਜਿਸ ਲਈ ਮੈਂ ਕਿਰਤਗ ਹਾਂ।" ਹਰ ਸਵੇਰ ਉੱਠਦੇ ਸਾਰ ਹੀ ਮੈਂ ਉਸ ਪੱਥਰ ਨੂੰ ਡ੍ਰੈਸਿੰਗ

ਟੇਬਲ ਤੋਂ ਚੁੱਕਕੇ ਆਪਣੀ ਜੇਬ 'ਚ ਰੱਖ ਲੈਂਦਾ ਹਾਂ ਤੇ ਉਨ੍ਹਾਂ ਚੀਜ਼ਾਂ ਨੂੰ ਯਾਦ ਕਰਦਾ ਹਾਂ, ਜਿਨ੍ਹਾਂ ਲਈ ਮੈਂ ਕਿਰਤਗ ਹਾਂ। ਰਾਤ ਨੂੰ ਮੈਂ ਕੀ ਕਰਦਾ ਹਾਂ? ਆਪਣੀ ਜੇਬ ਖਾਲੀ ਕਰਣ ਵੇਲੇ ਇਹ ਮੈਨੂੰ ਉੱਥੇ ਮਿਲ ਜਾਂਦਾ ਹੈ।

ਮੈਨੂੰ ਇਸ ਬਾਰੇ ਕੁੱਝ ਅਦਭੁੱਤ ਅਨੁਭਵ ਹੋਏ ਹਨ। ਦੱਖਣੀ ਅਫਰੀਕਾ ਦੇ ਇਕ ਵਿਅਕਤੀ ਨੇ ਮੇਰੇ ਇਸ ਪੱਥਰ ਨੂੰ ਦੇਖ ਕੇ ਪੁੱਛਿਆ, "ਇਹ ਕੀ ਹੈ?" ਮੈਂ ਉਸ ਨੂੰ ਇਸ ਬਾਰੇ ਦੱਸਿਆ ਤੇ ਉਸ ਨੇ ਇਸ ਨੂੰ ਇਕਦਮ ਕਿਰਤਗਤਾ ਪੱਥਰ ਦਾ ਨਾਂ ਦੇ ਦਿੱਤਾ। ਦੋ ਹਫਤਿਆਂ ਬਾਅਦ ਮੇਰੇ ਕੋਲ ਦੱਖਣੀ ਅਫਰੀਕਾ ਤੋਂ ਉਸਦਾ ਈਮੇਲ ਆਇਆ, "ਮੇਰਾ ਪੁੱਤਰ ਮੌਤ ਦੇ ਸਿਰੇ ਤੇ ਹੈ। ਉਸ ਨੂੰ ਹੈਪਟਾਇਟੀਸ ਹੋ ਗਿਆ ਹੈ। ਕੀ ਤੁਸੀਂ ਮੈਨੂੰ ਤਿੰਨ ਕਿਰਤਗਤਾ ਪੱਥਰ ਭੇਜ ਸਕਦੇ ਹੋ?" ਮੈਂ ਕਿਹਾ, "ਬਿਲਕੁਲ।" ਸੜਕ 'ਤੋਂ ਆਮ ਪੱਥਰ ਹੀ ਮਿਲ ਸਕਦੇ ਸਨ। ਚੂੰਕਿ ਮੈਨੂੰ ਬਹੁਤ ਖਾਸ ਪੱਥਰ ਭੇਜਣੇ ਸਨ, ਇਸ ਲਈ ਮੈਂ ਦਰਿਆ ਦੇ ਕੰਢੇ ਜਾ ਕੇ ਸਹੀ ਪੱਥਰ ਚੁੱਕੇ ਤੇ ਉਸ ਨੂੰ ਭੇਜ ਦਿੱਤੇ।

ਚਾਰ-ਪੰਜ ਮਹੀਨਿਆਂ ਬਾਅਦ ਮੈਨੂੰ ਫਿਰ ਉਸਦਾ ਈਮੇਲ ਮਿਲਿਆ, "ਮੇਰੇ ਪੁੱਤਰ ਦੀ ਹਾਲਤ ਸੁਧਰ ਰਹੀ ਹੈ। ਹੁਣ ਉਹ ਬਹੁਤ ਚੰਗਾ ਹੈ।" ਫਿਰ ਉਸਨੇ ਅੱਗੇ ਦੱਸਿਆ, "ਲੇਕਿਨ ਮੈਂ ਤੁਹਾਨੂੰ ਕੁੱਝ ਹੋਰ ਦੱਸਣਾ ਚਾਹੁੰਦਾ ਹਾਂ। ਅਸੀਂ ਦਸ ਡਾਲਰ ਦੇ ਹਿਸਾਬ ਨਾਲ ਇਕ ਹਜ਼ਾਰ ਕਿਰਤਗਤਾ ਪੱਥਰ ਵੇਚ ਚੁੱਕੇ ਹਾਂ ਅਤੇ ਉਸ ਪੈਸੇ ਨੂੰ ਪਰੋਪਕਾਰ ਲਈ ਦੇ ਚੁੱਕੇ ਹਾਂ। ਤੁਹਾਡਾ ਬਹੁਤ ਬਹੁਤ ਧੰਨਵਾਦ।"

"ਕਿਰਤਗਤਾ ਦਾ ਨਜਰੀਆ" ਰੱਖਣਾ ਬਹੁਤ ਮਹੱਤਵਪੂਰਨ ਹੈ।

ਮਹਾਨ ਵਿਗਿਆਨਿਕ ਅਲਬਰਟ ਆਇਨਸਟੀਨ ਨੇ ਸਮੇਂ, ਸਥਾਨ ਤੇ ਗੁਰਤਾ ਨੂੰ ਦੇਖਣ ਦੇ ਸਾਡੇ ਤਰੀਕੇ 'ਚ ਕ੍ਰਾਂਤੀ ਕਰ ਦਿੱਤੀ ਸੀ। ਉਨ੍ਹਾਂ ਦੀ ਗਰੀਬ ਪਿਛੋਕੜ ਤੇ ਕਮਜ਼ੋਰ ਸ਼ੁਰੂਆਤ ਤੋਂ ਇਹ ਅਸੰਭਵ ਲੱਗਦਾ ਸੀ ਕਿ ਉਹ ਉੱਨਾਂ ਸਾਰਾ ਕੁੱਝ ਹਾਸਲ ਕਰ ਸਕਦੇ ਹਨ, ਜਿੰਨਾ ਨੂੰ ਉਨ੍ਹਾਂ ਨੇ ਕੀਤਾ। ਆਇਨਸਟੀਨ ਕਾਫ਼ੀ ਹਦ ਤਾਂਈ ਰਹੱਸ ਜਾਣਦੇ ਸਨ ਤੇ ਹਰ ਦਿਨ ਸੈਂਕੜੇ ਵਾਰੀ "ਧੰਨਵਾਦ" ਦਿੰਦੇ ਸਨ। ਉਹ ਪੁਰਾਣੀ ਪੀੜ੍ਹੀ ਦੇ ਵਿਗਿਆਨਕਾਂ ਨੂੰ ਉਨ੍ਹਾਂ ਦੇ ਯੋਗਦਾਨ ਲਈ ਧੰਨਵਾਦ ਦਿੰਦੇ ਸਨ, ਜਿਨ੍ਹਾਂ ਨੇ ਉਨ੍ਹਾਂ ਨੂੰ ਜ਼ਿਆਦਾ ਸਿੱਖਣ ਤੇ ਹਾਸਲ ਕਰਣ 'ਚ ਸਮਰਥ ਬਣਾਇਆ। ਇਸ ਤਰ੍ਹਾਂ ਆਖਰਕਾਰ ਉਹ ਦੁਨੀਆ ਦੇ ਮਹਾਨਤਮ ਵਿਗਿਆਨਿਕਾਂ 'ਚੋਂ ਇਕ ਬਣ ਗਏ।

ਸਿਰਜਨਾਤਮਕ ਪ੍ਰਕਿਰਿਆ ਚ ਕਿਰਤਗਤਾ ਦਾ ਬਹੁਤ ਸ਼ਸਕਤ ਪ੍ਰ੍ਯੋਗ ਕੀਤਾ ਜਾ ਸਕਦਾ ਹੈ। ਇਸ ਨਾਲ ਤੁਸੀਂ ਆਪਣੀ ਮਨਚਾਹੀ ਚੀਜ਼ ਨੂੰ ਪਾਉਣ ਦੀ ਪ੍ਰਕਿਰਿਆ 'ਚ ਜ਼ਬਰਦਸਤ ਸ਼ਕਤੀ ਭਰ ਦਿੰਦੇ ਹੋ। ਬਾੱਬ ਪ੍ਰੋਕਟਰ ਨੇ ਸਿਰਜਨਾਤਮਕ ਪ੍ਰਕਿਰਿਆ ਦੇ ਪਹਿਲੇ ਕਦਮ 'ਚ ਜੋ ਸਲਾਹ ਦਿੱਤੀ ਸੀ, ਉਸ ਨੂੰ ਯਾਦ ਕਰੋ-ਮੰਗੋ। ਤੁਸੀਂ ਜਿਹੜੀ ਵੀ ਚੀਜ ਚਾਹੁੰਦੇ ਹੋ, ਉਸ ਨੂੰ ਲਿਖ ਕੇ ਸ਼ੁਰੂਆਤ ਕਰੋ। "ਹਰ ਵਾਕ ਨੂੰ ਇਸ ਤਰ੍ਹਾਂ ਸ਼ੁਰੂ ਕਰੋ, ਮੈਂ ਇਸ ਵੇਲੇ ਖੁਸ਼ ਤੇ ਕਿਰਤਗ ਹਾਂ ਕਿਉਂਕਿ...” (ਅਤੇ ਫਿਰ  ਬਾਕੀ ਦਾ ਵਾਕ ਪੂਰਾ ਕਰੋ)।

ਜਦੋਂ ਤੁਸੀਂ ਇਸ ਤਰ੍ਹਾਂ ਧੰਨਵਾਦ ਦਿੰਦੇ ਹੋ, ਜਿਵੇਂ ਤੁਹਾਨੂੰ ਮਨਚਾਹੀ ਚੀਜ਼ ਮਿਲ ਚੁੱਕੀ ਹੈ, ਤਾਂ ਤੁਸੀਂ ਬ੍ਰਹਿਮੰਡ ਨੂੰ ਇਕ ਪ੍ਰਬਲ ਸੰਕੇਤ ਭੇਜਦੇ ਹੋ। ਇਹ ਸੰਕੇਤ ਦੱਸਦਾ ਹੈ ਕਿ ਉਹ ਚੀਜ਼ ਤੁਹਾਡੇ ਕੋਲ ਇਸ ਵੇਲੇ ਮੌਜੂਦ ਹੈ, ਕਿਉਂਕਿ ਤੁਸੀਂ ਉਨ੍ਹਾਂ ਲਈ ਕਿਰਤਗਤਾ ਮਹਿਸੂਸ ਕਰ ਰਹੇ ਹੋ। ਹਰ ਸਵੇਰ ਬਿਸਤਰਾਂ ਛੱਡਣ ਤੋਂ ਪਹਿਲਾਂ ਨਵੇਂ ਮਹਾਨ ਦਿਨ ਲਈ ਕਿਰਤਗਤਾ ਦੀਆਂ ਭਾਵਨਾਵਾਂ ਮਹਿਸੂਸ ਕਰਨ ਦੀ ਆਦਤ ਪਾਓ, ਜਿਵੇਂ ਤੁਹਾਨੂੰ ਮਨਚਾਹੀ ਚੀਜਾਂ ਤੁਹਾਨੂੰ ਮਿਲ ਚੁੱਕੀਆਂ ਹੋਣ।

ਜਿਸ ਵੇਲੇ ਮੈਂ ਰਹੱਸ ਖੋਜਿਆ ਤੇ ਦੁਨੀਆ ਤਕ ਇਹ ਗਿਆਨ ਪਹੁੰਚਾਉਣ ਦਾ ਸੁਫਨਾ ਦੇਖਿਆ, ਉਹ ਵੇਲੇ ਤੋਂ ਮੈਂ ਦ ਸੀਕ੍ਰਿਟ ਫਿਲਮ ਲਈ ਹਰ ਦਿਨ ਧੰਨਵਾਦ ਦਿੰਦੀ ਸੀ, ਜਿਹੜੀ ਦੁਨੀਆ 'ਚ ਖੁਸ਼ੀਆਂ ਲਾਵੇਗੀ। ਮੈਨੂੰ ਇਸ ਦਾ ਜ਼ਰਾ ਜਿਹਾ ਵੀ ਅੰਦਾਜ਼ਾ ਨਹੀਂ ਸੀ ਕਿ ਅਸੀਂ ਇਸ ਗਿਆਨ ਨੂੰ ਪਰਦੇ ਤੱਕ ਕਿਵੇਂ ਲਿਆ ਪਾਵਾਂਗੇ। ਲੇਕਿਨ ਮੈਨੂੰ ਪੂਰਾ ਭਰੋਸਾ ਸੀ ਕਿ ਰਸਤਾ ਆਪਣੇ ਆਪ ਆਕਰਸ਼ਿਤ ਹੋ ਕੇ ਸਾਡੇ ਕੋਲ ਚਲਾ ਆਵੇਗਾ। ਮੈਂ ਆਪਣਾ ਪੂਰਾ ਧਿਆਨ ਨਤੀਜੇ 'ਤੇ ਕੇਂਦ੍ਰਿਤ ਕਰਦੀ ਰਹੀ। ਮੈਂ ਕਿਰਤਗਤਾ ਦੀ ਡੂੰਘੀਆਂ ਭਾਵਨਾਵਾਂ ਨੂੰ ਮਹਿਸੂਸ ਕੀਤਾ। ਜਦੋਂ ਇਹ ਮੇਰੀ ਹੋਂਦ ਦੀ ਅਵਸਥਾ ਬਣ ਗਈ, ਤਾਂ ਬੰਨ੍ਹ ਦੇ ਗੇਟ ਖੁੱਲ ਗਏ ਤੇ ਸਾਡੇ ਜੀਵਨ 'ਚ ਜਾਦੂ ਦਾ ਹੜ੍ਹ ਆ ਗਿਆ। ਮੈਂ ਦ ਸਕ੍ਰਿਟ ਦੀ ਸ਼ਾਨਦਾਰ ਟੀਮ ਲਈ ਅੱਜ ਵੀ ਕਿਰਤਗ ਹਾਂ ਤੇ ਕਿਰਤਗਤਾ ਦੀ ਮੇਰੀ ਡੂੰਘੀ, ਦਿਲੀ ਭਾਵਨਾ ਅੱਜ ਵੀ ਕਾਇਮ ਹੈ। ਅਸੀਂ ਇਕ ਇਹੋ ਜਿਹੀ ਟੀਮ ਬਣ ਚੁੱਕੇ ਹਾਂ, ਜਿਹੜੀ ਹਰ ਪਲ ਕਿਰਤਗਤਾ ਨਾਲ ਥਿਰਕਦੀ ਹੈ। ਇਹ ਸਾਡੀ ਜੀਵਨਸ਼ੈਲੀ ਬਣ ਚੁੱਕੀ ਹੈ।

ਮਾਨਸਿਕ ਤਸਵੀਰ ਦੇਖਣ ਦੀ ਸਸ਼ਕਤ ਪ੍ਰਕਿਰਿਆ

ਮਾਨਸਿਕ ਤਸਵੀਰ ਦੇਖਣਾ (visualisation) ਇਕ ਇਹੋ ਜਿਹੀ ਪ੍ਰਕਿਰਿਆ ਹੈ, ਜਿਹੜੀ ਸਾਰੇ ਮਹਾਨ ਉਪਦੇਸ਼ਕ ਤੇ ਅਵਤਾਰ ਸਦੀਆਂ ਤੋਂ ਸਿਖਾਉਂਦੇ ਚਲੇ ਆ ਰਹੇ ਹਨ। ਵਰਤਮਾਨ ਯੁੱਗ ਦੇ ਸਾਰੇ ਮਹਾਨ ਉਪਦੇਸ਼ਕ ਵੀ ਇਹੀ ਕਰਦੇ ਹਨ। 1912 ਵਿਚ ਚਾਰਲਸ ਕਾਨੇਲ ਨੇ ਦ ਮਾਸਟਰ ਕੀ ਸਿਸਟਮ ਪੁਸਤਕ ਲਿਖੀ ਸੀ। ਇਸ ਵਿਚ ਉਨ੍ਹਾਂ ਨੇ ਮਾਨਸਿਕ ਤਸਵੀਰ ਦੇਖਣ 'ਚ ਨਿਪੁੰਨ ਬਣਨ ਲਈ ਚੌਵੀਂ ਹਫਤਾਵਾਰੀ ਅਭਿਆਸ ਦੱਸੇ। (ਇਸ ਤੋਂ ਵੀ ਜਿਆਦਾ ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਹ ਪੁਸਤਕ ਵਿਚਾਰਾਂ ਦਾ ਸੁਆਮੀ ਬਣਨ 'ਚ ਵੀ ਤੁਹਾਡੀ ਮਦਦ ਕਰੇਗੀ)।

ਮਾਨਸਿਕ ਤਸਵੀਰ ਦੀ ਪ੍ਰਕਿਰਿਆ ਦੀ ਪ੍ਰਬਲ ਸ਼ਕਤੀ ਦਾ ਕਾਰਣ ਇਹ ਹੈ ਕਿ ਜਦੋਂ ਤੁਹਾਡੇ ਦਿਮਾਗ 'ਚ ਮਨਚਾਹੀ ਚੀਜ਼ਾਂ ਨਾਲ ਤੁਹਾਡੀ ਤਸਵੀਰ ਉਤਪੰਨ ਹੁੰਦੀ ਹੈ, ਤਾਂ ਤੁਹਾਡੇ ਮਨ 'ਚ ਇਹੋ ਜਿਹੇ ਵਿਚਾਰ ਤੇ ਭਾਵ ਜਾਗਰਤ ਹੁੰਦੇ ਹਨ, ਜਿਵੇਂ ਉਹ ਚੀਜ਼ਾਂ ਇਸੇ ਵੇਲੇ ਤੁਹਾਡੇ ਕੋਲ ਹੋਣ। ਮਾਨਸਿਕ ਤਸਵੀਰ ਦੇਖਣਾ ਬੁਨਿਆਦੀ ਤੌਰ ਤੇ ਕੇਂਦ੍ਰਿਤ ਪ੍ਰਬਲ ਵਿਚਾਰ ਹਨ ਤੇ ਇਸ ਨਾਲ ਅਸਲ ਤਸਵੀਰ ਜਿੰਨੀ ਹੀ ਪ੍ਰਬਲ ਭਾਵਨਾਵਾਂ ਉਤਪੰਨ ਹੁੰਦੀਆਂ ਹਨ। ਪ੍ਰਬਲ ਮਾਨਸਿਕ ਤਸਵੀਰ ਦੇਖਣ ਵੇਲੇ ਤੁਸੀਂ ਉਸ ਸਸ਼ਕਤ ਫ੍ਰੀਕਊਂਸੀ ਨੂੰ ਬ੍ਰਹਿਮੰਡ 'ਚ ਭੇਜਦੇ ਹੋ। ਆਕਰਸ਼ਨ ਦਾ ਨਿਯਮ ਇਸ ਪ੍ਰਬਲ ਸੰਕੇਤ ਨੂੰ ਫੜ ਲਵੇਗਾ ਤੇ ਉਨ੍ਹਾਂ ਤਸਵੀਰਾਂ 'ਚ ਦਿਖਣ ਵਾਲੀਆਂ ਚੀਜ਼ਾਂ ਨੂੰ ਉਸੇ ਤੌਰ ਤੇ ਤੁਹਾਡੇ ਤਕ ਪਹੁੰਚਾ ਦੇਵੇਗਾ, ਜਿਸ ਤੌਰ ਤੇ ਤੁਸੀਂ ਉਨ੍ਹਾਂ ਨੂੰ ਆਪਣੇ ਦਿਮਾਗ 'ਚ ਦੇਖਿਆ ਸੀ।

 

ਡਾੱ. ਡੇਨਿਸ ਵੇਟਲੀ

ਮੈਂ ਅਪੋਲੋ ਪ੍ਰੋਗਰਾਮ ਤੋਂ ਮਾਨਸਿਕ ਤਸਵੀਰਾਂ ਦੇਖਣ ਦੀ ਪ੍ਰਕਿਰਿਆ ਲਈ ਅਤੇ 1980 ਤੇ 1990 ਦੇ ਦਹਾਕਿਆਂ 'ਚ ਓਲੰਪਿਕ ਪ੍ਰੋਗਰਾਮ 'ਚ ਇਸ ਨੂੰ ਸੰਸਥਾਪਿਤ ਬਣਾਇਆ। ਅਸੀਂ ਇਸ ਦਾ ਨਾਂ ਵਿਜੂਅਲ ਮੈਟਰ ਰੀਅਰਸਲ ਰੱਖਿਆ।

ਜਦੋਂ ਤੁਸੀਂ ਮਾਨਸਿਕ ਤਸਵੀਰ ਦੇਖਦੇ ਹੋ, ਤਾਂ ਤੁਸੀਂ ਉਸ ਚੀਜ ਨੂੰ ਸਾਕਾਰ ਕਰ ਲੈਂਦੇ ਹੋ। ਇਥੇ ਮਸਤਿਸ਼ਕ ਬਾਰੇ ਇਕ ਦਿਲਚਸਪ ਗੱਲ ਦੱਸੀ ਜਾ ਰਹੀ ਹੈ : ਓਲੰਪਿਕ

ਐਥਲੀਟਾਂ ਨੂੰ ਕਿਹਾ ਕਿ ਉਹ ਕੇਵਲ ਆਪਣੇ ਮਨ ਚ ਦੌੜਨ ਦੀ ਕਲਪਨਾ ਕਰਣ। ਅਸੀਂ ਉਨ੍ਹਾਂ ਦੇ ਸਰੀਰ 'ਤੇ ਇਕ ਆਧੁਨਿਕ ਬਾਓਫੀਡਬੈਕ ਮਸ਼ੀਨ ਫਿਟ ਕਰ ਦਿੱਤੀ। ਅਸਲ ਰੇਸ 'ਚ ਦੌੜਨ ਵੇਲੇ ਉਹ ਜਿਨ੍ਹਾਂ ਮਾਸਪੇਸ਼ੀਆਂ ਦਾ ਇਸਤੇਮਾਲ ਕਰਦੇ ਸਨ, ਮਾਨਸਿਕ ਤਸਵੀਰਾਂ ਦੇਖਣ ਵੇਲੇ ਵੀ ਉਹੀ ਮਾਸਪੇਸ਼ੀਆਂ ਉਸੇ ਲੜੀ 'ਚ ਇਸਤੇਮਾਲ ਹੋਈਆਂ, ਜਿਹੜੀ ਨਾ-ਭਰੋਸੇਯੋਗ ਲੱਗ ਰਿਹਾ ਸੀ। ਇੰਝ ਕਿਵੇਂ ਹੋ ਸਕਦਾ ਹੈ? ਕਿਉਂਕਿ ਮਸਤਿਸ਼ਕ ਇਸ ਗੱਲ ਨਾਲ ਫ਼ਰਕ ਨਹੀਂ ਕਰ ਸਕਦਾ ਹੈ ਕਿ ਤੁਸੀਂ ਕੋਈ ਕੰਮ ਸਚਮੁਚ ਕਰ ਰਹੇ ਹੋ ਜਾਂ ਸਿਰਫ ਉਸਦਾ ਮਾਨਸਿਕ ਅਭਿਆਸ ਕਰ ਰਹੇ ਹੋ। ਜੇਕਰ ਕੋਈ ਚੀਜ਼ ਤੁਹਾਡੇ ਮਸਤਿਸ਼ਕ 'ਚ ਹੈ, ਤਾਂ ਉਹ ਤੁਹਾਡੇ ਸਰੀਰ 'ਚ ਵੀ ਹੋਵੇਗੀ।

ਖੋਜੀਆਂ ਤੇ ਉਨ੍ਹਾਂ ਦੀਆਂ ਖੋਜਾਂ ਬਾਰੇ ਸੋਚੋ। ਰਾਇਟ ਭਰਾਂ ਤੇ ਹਵਾਈ ਜਹਾਜ਼। ਜਾੱਰਜ ਈਸਟਮੈਨ ਤੇ ਫਿਲਮ। ਥਾਮਸ ਐਡੀਸ਼ਨ ਤੇ ਬਿਜਲੀ ਦਾ ਬਲਬ। ਏਲੈਗਜੈਂਡਰ ਗ੍ਰਾਹਮ ਬੈਲ ਤੇ ਟੈਲੀਫੋਨ। ਹਰ ਚੀਜ ਦੀ ਖੋਜ ਜਾਂ ਰਚਨਾ ਦਾ ਇਕੱਲਾ ਤਰੀਕਾ ਇਹ ਸੀ ਕਿ ਇਕ ਵਿਅਕਤੀ ਨੇ ਆਪਣੇ ਮਸਤਿਸ਼ਕ ਚ ਉਸਦੀ ਤਸਵੀਰ ਦੇਖੀ। ਉਸ ਨੇ ਸਪਸ਼ਟ ਤਸਵੀਰ ਦੇਖੀ। ਜਦੋਂ ਉਹ ਤਸਵੀਰ ਉਸਦੇ ਮਸਤਿਸ਼ਕ 'ਚ ਬੈਠ ਗਈ, ਤਾਂ ਬ੍ਰਹਿਮੰਡ ਦੀ ਸਾਰੀਆਂ ਸ਼ਕਤੀਆਂ ਉਸ ਚੀਜ਼ ਨੂੰ ਉਸਦੇ ਮਾਧਿਅਮ ਨਾਲ ਦੁਨੀਆ 'ਚ ਲੈ ਆਈ।

ਇਹ ਲੋਕ ਰਹੱਸ ਜਾਣਦੇ ਸਨ। ਅਦ੍ਰਿਸ਼ 'ਚ ਇਨ੍ਹਾਂ ਲੋਕਾਂ ਦੀ ਪੂਰਨ ਆਸਥਾ ਸੀ। ਉਹ ਬ੍ਰਹਿਮੰਡ ਦਾ ਲੀਵਰੇਜ਼ ਕਰਣ ਤੇ ਖੋਜ ਨੂੰ ਮੂਰਤ ਰੂਪ 'ਚ ਸਾਕਾਰ ਕਰਨ ਦੀ ਆਪਣੀ ਅੰਦਰਲੀ ਸ਼ਕਤੀ ਨੂੰ ਜਾਣਦੇ ਸਨ। ਉਨ੍ਹਾਂ ਦੀ ਆਸਥਾ ਤੇ ਕਲਪਨਾ ਦੇ ਕਾਰਣ ਮਨੁੱਖੀ ਜਾਤੀ ਦਾ ਵਿਕਾਸ ਹੋਇਆ। ਅਸੀਂ ਹਰ ਦਿਨ ਉਨ੍ਹਾਂ ਦੇ ਰਚਨਾਤਮਕ ਮਸਤਿਸ਼ਕ ਦੀਆਂ ਖੋਜਾਂ ਦਾ ਫਾਇਦਾ ਚੁੱਕਦੇ ਹਾਂ।

ਹੋ ਸਕਦਾ ਹੈ ਤੁਸੀਂ ਇਹ ਸੋਚੋ, "ਮੇਰੇ ਕੋਲ ਇਨ੍ਹਾਂ ਮਹਾਨ ਖੋਜੀਆਂ ਵਰਗਾ ਦਿਮਾਗ਼ ਨਹੀਂ ਹੈ।" ਹੋ ਸਕਦਾ ਹੈ ਤੁਸੀਂ ਇਹ ਸੋਚੋ, "ਉਹ ਇਨ੍ਹਾਂ ਚੀਜ਼ਾਂ ਦੀ ਕਲਪਨਾ ਕਰ ਸਕਦੇ ਸਨ, ਲੇਕਿਨ ਮੈਂ ਨਹੀਂ ਕਰ ਸਕਦਾ।" ਕੋਈ ਵੀ ਚੀਜ ਸੱਚਾਈ ਨਾਲ ਇਸ ਤੋਂ ਜ਼ਿਆਦਾ ਦੂਰ ਨਹੀਂ ਹੋ ਸਕਦੀ। ਜਦੋਂ ਤੁਸੀਂ ਰਹੱਸ ਦੇ ਗਿਆਨ ਦੀ ਇਸ ਮਹਾਨ ਖੋਜ 'ਚ ਅੱਗੇ ਵਧੋਗੇ, ਤਾਂ ਤੁਹਾਨੂੰ ਪਤਾ ਚਲੇਗਾ ਕਿ ਤੁਹਾਡੇ ਕੋਲ ਨਾ ਸਿਰਫ ਉਨ੍ਹਾਂ ਵਰਗਾ ਮਸਤਿਸ਼ਕ ਹੈ, ਬਲਕਿ ਉਸ ਤੋਂ ਵੀ ਬਹੁਤ ਜ਼ਿਆਦਾ ਹੈ।

ਮਾਇਕ ਡੂਲੀ

ਮਾਨਸਿਕ ਤਸਵੀਰ ਦੇਖਣ ਵੇਲੇ ਜਦੋਂ ਤੁਸੀਂ ਆਪਣੇ ਮਸਤਿਸ਼ਕ 'ਚ ਕਲਪਨਾ ਕਰੋ, ਤਾਂ ਹਮੇਸ਼ਾ ਸਿਰਫ਼ ਅੰਤਮ ਨਤੀਜੇ ਤੇ ਧਿਆਨ ਕੇਂਦ੍ਰਿਤ ਕਰੋ।

ਇਕ ਉਦਾਹਰਣ ਦੇਖੋ। ਆਪਣੇ ਹੱਥ ਦੇ ਪਿਛਲੇ ਹਿੱਸੇ ਨੂੰ ਦੇਖੋ, ਹੁਣੇ। ਆਪਣੇ ਹੱਥਾਂ ਦੇ ਪਿਛਲੇ ਹਿੱਸੇ ਨੂੰ ਸੱਚਮੁੱਚ ਦੇਖੋ ਆਪਣੀ ਚਮੜੀ ਦਾ ਰੰਗ, ਝੁਰੀਆਂ, ਨਾਣਾ, ਅੰਗੂਠੀਆਂ, ਨਹੀਂ। ਇਨਾਂ ਸਾਰੇ ਵੇਰਵੇ ਨੂੰ ਮਨ 'ਚ ਬਿਠਾ ਲਓ। ਹੁਣ ਅੱਖਾਂ ਬੰਦ ਕਰਣ ਤੋਂ ਪਹਿਲਾਂ ਆਪਣੇ ਹੱਥਾਂ ਤੇ ਉਂਗਲੀਆਂ ਨੂੰ ਆਪਣੀ ਮਨਚਾਹੀ ਨਵੀਂ ਕਾਰ ਦੇ ਸਟੀਅਰਿੰਗ ਵਹੀਲ 'ਤੇ ਦੇਖੋ।

 

ਡਾੱ. ਜੋ ਵਿਟਾਲ

ਇਹ ਖੁਦ ਦਾ ਬਣਾਇਆ ਅਨੁਭਵ ਹੈ। ਇਹ ਇੰਨਾ ਵਾਸਤਵਿਕ ਲੱਗਦਾ ਹੈ ਕਿ ਤੁਹਾਨੂੰ ਕਾਰ ਦੀ ਲੋੜ ਹੀ ਮਹਿਸੂਸ ਨਹੀਂ ਹੁੰਦੀ ਹੈ, ਬਲਕਿ ਇੰਝ ਮਹਿਸੂਸ ਹੁੰਦਾ ਹੈ, ਜਿਵੇਂ ਇਹ ਤੁਹਾਡੇ ਕੋਲ ਪਹਿਲਾਂ ਤੋਂ ਹੀ ਹੈ।

ਡਾ. ਵਿਟਾਲ ਦੇ ਸ਼ਬਦ ਉਸ ਜਗ੍ਹਾਂ ਦਾ ਬੇਹਤਰੀਨ ਸਾਰ ਦੱਸਦੇ ਹਨ, ਜਿੱਥੇ ਤੁਸੀਂ ਮਾਨਸਿਕ ਤਸਵੀਰ ਦੇਖਣ ਵੇਲੇ ਆਪਣੇ-ਆਪ ਨੂੰ ਪਹੁੰਚਾਉਣਾ ਚਾਹੁੰਦੇ ਹੋ। ਜਦੋਂ ਤੁਹਾਨੂੰ ਭੌਤਿਕ ਜਗਤ 'ਚ ਅੱਖਾਂ ਖੋਲ੍ਹਣ 'ਤੇ ਝਟਕਾ ਲੱਗੇ, ਉਦੋਂ ਜਾਣ ਲਓ ਕਿ ਤੁਹਾਡੀ ਤਸਵੀਰ ਸਾਕਾਰ ਬਣ ਚੁੱਕੀ ਹੈ। ਉਹ ਅਵਸਥਾ ਉਹ ਜਗ੍ਹਾਂ ਸੱਚੀ ਹੈ। ਇਹ ਉਹ ਖੇਤਰ ਹੈ, ਜਿੱਥੇ ਹਰ ਚੀਜ਼ ਦੀ ਰਚਨਾ ਹੁੰਦੀ ਹੈ। ਭੌਤਿਕ ਪ੍ਰਗਟੀਕਰਣ ਤਾਂ ਰਚਨਾ ਦੇ ਅਸਲ ਖੇਤਰ ਦਾ ਸਿਰਫ਼ ਸਿੱਟਾ ਹੈ। ਤੁਹਾਨੂੰ ਹੁਣ ਉਸ ਚੀਜ ਦੀ ਲੋੜ ਮਹਿਸੂਸ ਨਹੀਂ ਹੋਵੇਗੀ, ਕਿਉਂਕਿ ਤੁਸੀਂ ਮਾਨਸਿਕ ਤਸਵੀਰ ਰਾਹੀਂ ਸਿਰਜਨ ਦੇ ਵਾਸਤਵਿਕ ਖੇਤਰ 'ਚ ਪੁੱਜ ਚੁੱਕੇ ਹੋ ਤੇ ਉਸ ਨੂੰ ਮਹਿਸੂਸ ਕਰ ਚੁੱਕੇ ਹੋ। ਉਸ ਖੇਤਰ 'ਚ ਤੁਹਾਡੇ ਕੋਲ ਹਰ ਚੀਜ਼ ਇਸੇ ਵੇਲੇ ਹੈ। ਜਦੋਂ ਤੁਸੀਂ ਉਸ ਨੂੰ ਮਹਿਸੂਸ ਕਰ ਲੈਂਦੇ ਹੋ, ਤਾਂ ਤੁਹਾਨੂੰ ਉਹ ਮਿਲ ਵੀ ਜਾਵੇਗੀ।

 

ਜੈਕ ਕੈਨਫ਼ੀਲਡ

ਸੱਚ ਤਾਂ ਇਹ ਹੈ ਕਿ ਆਕਰਸ਼ਨ ਤਸਵੀਰ ਜਾਂ ਵਿਚਾਰ ਤੋਂ ਨਹੀਂ, ਬਲਕਿ ਭਾਵਨਾ ਤੋਂ ਉਤਪੰਨ ਹੁੰਦਾ ਹੈ। ਬਹੁਤੇ ਲੋਕ ਸੋਚਦੇ ਹਨ, "ਜੇਕਰ ਮੈਂ ਸਕਾਰਾਤਮਕ ਵਿਚਾਰ ਸੋਚਣ

ਲੱਗਾ ਜਾਂ ਆਪਣੀ ਮਨਚਾਹੀ ਚੀਜ ਦੇ ਬਤੌਰ ਮਾਲਿਕ ਆਪਣੀ ਤਸਵੀਰ ਨੂੰ ਦੇਖਣ ਲੱਗਾ, ਤਾਂ ਇਹੀ ਕਾਫੀ ਹੈ। "ਲੇਕਿਨ ਜੇਕਰ ਇਸਦੇ ਨਾਲ ਤੁਸੀਂ ਸਮਰਿੱਧੀ, ਪ੍ਰੇਮ ਜਾਂ ਖੁਸ਼ੀ ਦੀ ਭਾਵਨਾ ਮਹਿਸੂਸ ਨਹੀਂ ਕਰਦੇ, ਤਾਂ ਆਕਰਸ਼ਨ ਦੀ ਸ਼ਕਤੀ ਉਤਪੰਨ ਨਹੀਂ ਹੋਵੇਗੀ।

 

ਬਾੱਬ ਡਾੱਯਲ

ਤੁਸੀਂ ਉਸ ਕਾਰ 'ਚ ਸਚਮੁੱਚ ਬੈਠਣ ਦੀ ਭਾਵਨਾ ਮਹਿਸੂਸ ਕਰੋ। "ਕਾਸ਼ ਉਹ ਕਾਰ ਮੈਨੂੰ ਮਿਲ ਜਾਏ" ਜਾਂ "ਕਿਸੇ ਦਿਨ ਮੇਰੇ ਕੋਲ ਉਹ ਕਾਰ ਹੋਵੇਗੀ" ਦੀ ਭਾਵਨਾ ਨਹੀਂ, ਕਿਉਂਕਿ ਇਹ ਉਸ ਨਾਲ ਜੁੜੀ ਇਕ ਬਹੁਤ ਨਿਸਚਿਤ ਭਾਵਨਾ ਹੈ। ਤੁਹਾਡੀ ਇਹ ਭਾਵਨਾ ਵਰਤਮਾਨ 'ਚ ਨਹੀਂ, ਭਵਿਖ ਵਿਚ ਹੈ। ਜੇਕਰ ਤੁਸੀਂ ਇਸੇ ਭਾਵਨਾ ਨੂੰ ਮਹਿਸੂਸ ਕਰਦੇ ਰਹੋਗੇ, ਤਾਂ ਤੁਹਾਡੀ ਮਨਚਾਹੀ ਕਾਰ ਹਮੇਸ਼ਾ ਭਵਿਖ 'ਚ ਹੀ ਅਟਕੀ ਰਹੇਗੀ।

 

ਮਾਇਕਲ ਬਰਨਾਰਡ ਬੇਕਵਿਥ

ਹੁਣ ਉਹ ਭਾਵਨਾ ਤੇ ਮਾਨਸਿਕ ਤਸਵੀਰ ਇਕ ਦਰਵਾਜਾ ਖੋਲ੍ਹ ਦੇਵੇਗੀ, ਜਿਸ ਨਾਲ ਬ੍ਰਹਿਮੰਡ ਦੀ ਸ਼ਕਤੀ ਪ੍ਰਗਟ ਹੋਣ ਲਗੇਗੀ।

"ਇਹ ਸ਼ਕਤੀ ਕੀ ਹੈ, ਇਹ ਮੈਂ ਨਹੀਂ ਦੱਸ ਸਕਦਾ। ਮੈਂ ਤਾਂ ਬਸ ਇੰਨਾ ਜਾਣਦਾ ਹਾਂ ਕਿ ਇਹ ਹੈ।"

ਅਲੈਕਜੈਂਡਰ ਗ੍ਰਾਹਿਮ ਬੈਲ (1847-1922)

 

ਜੈਕ ਕੈਨਫ਼ੀਲਡ

ਸਾਡਾ ਕੰਮ "ਕਿਵੇਂ" ਦਾ ਅਨੁਮਾਨ ਲਗਾਉਣਾ ਨਹੀਂ ਹੈ। "ਕੀ" ਦੇ ਸਮਰਪਣ ਤੇ ਵਿਸ਼ਵਾਸ਼ ਨਾਲ ਕਿਵੇਂ ਤੋਂ ਆਪਣੇ-ਆਪ ਪ੍ਰਗਟ ਹੋ ਜਾਵੇਗਾ।

 

ਮਾਇਕ ਡੂਲੀ

"ਕਿਵੇਂ" ਬ੍ਰਹਿਮੰਡ ਦੀ ਸਲਤਨਤ ਹੈ। ਇਹ ਤੁਹਾਡੇ ਤੇ ਤੁਹਾਡੇ ਸੁਫਨਿਆਂ ਦੇ ਵਿਚਕਾਰ ਦਾ ਸਭ ਤੋਂ ਛੋਟੇ, ਤੀਵਰ, ਤੇਜ਼ ਤੇ ਮਿਲਾਪੜੇ ਤਰੀਕੇ ਨੂੰ ਹਮੇਸ਼ਾ ਜਾਣਦਾ ਹੈ।

ਡਾੱ. ਜੋ ਵਿਟਾਲ

ਜੇਕਰ ਤੁਸੀਂ ਇਸਨੂੰ ਬ੍ਰਹਿਮੰਡ 'ਤੇ ਛੱਡ ਦਿੰਦੇ ਹੋ, ਤਾਂ ਤੁਸੀਂ ਮਿਲਣ ਵਾਲੀਆਂ ਚੀਜ਼ਾਂ ਨੂੰ ਦੇਖ ਕੇ ਹੈਰਾਨ ਰਹਿ ਜਾਵੋਗੇ। ਇਹੀ ਉਹ ਜਗ੍ਹਾ ਹੈ, ਜਿੱਥੇ ਜਾਦੂ ਤੇ ਚਮਤਕਾਰ ਹੁੰਦੇ ਹਨ।

ਰਹੱਸ ਦੇ ਸਾਰੇ ਟੀਚਰ ਉਨ੍ਹਾਂ ਤਤਾਂ ਦੇ ਬਾਰੇ 'ਚ ਜਾਣਦੇ ਹਨ, ਜਿਨ੍ਹਾਂ ਨੂੰ ਤੁਸੀਂ ਤਸਵੀਰ ਦੇਖਣ ਵੇਲੇ ਜਾਗਰਤ ਕਰਦੇ ਹੋ। ਜਦੋਂ ਤੁਸੀਂ ਆਪਣੇ ਮਸਤਿਸ਼ਕ 'ਚ ਤਸਵੀਰ ਦੇਖਦੇ ਤੇ ਉਸ ਨੂੰ ਮਹਿਸੂਸ ਕਰਦੇ ਹੋ, ਤਾਂ ਤੁਸੀਂ ਆਪਣੇ-ਆਪ ਨੂੰ ਇਹ ਯਕੀਨ ਦਿਲਾਉਂਦੇ ਹੋ ਕਿ ਉਹ ਚੀਜ਼ ਤੁਹਾਡੇ ਕੋਲ ਇਸੇ ਵੇਲੇ ਹਨ। ਤੁਸੀਂ ਬ੍ਰਹਿਮੰਡ 'ਚ ਵੀ ਵਿਸ਼ਵਾਸ ਤੇ ਆਸਥਾ ਪ੍ਰਗਟ ਕਰ ਰਹੇ ਹੋ ਕਿਉਂਕਿ ਤੁਸੀਂ ਅੰਤਮ ਨਤੀਜੇ 'ਤੇ ਧਿਆਨ ਕੇਂਦ੍ਰਿਤ ਕਰ ਰਹੇ ਹੋ ਅਤੇ ਉਸਦੀਆਂ ਭਾਵਨਾਵਾਂ ਨੂੰ ਮਹਿਸੂਸ ਕਰ ਰਹੇ ਹੋ, ਲੇਕਿਨ ਇਸ ਗੱਲ 'ਤੇ ਜ਼ਰਾ ਵੀ ਧਿਆਨ ਨਹੀਂ ਦੇ ਰਹੇ ਹੋ ਕਿ ਇੰਝ "ਕਿਵੇਂ" ਹੋਵੇਗਾ। ਤੁਹਾਡੀ ਮਾਨਸਿਕ ਤਸਵੀਰ ਪੂਰਨਤਾ ਦੀ ਹੁੰਦੀ ਹੈ। ਤੁਹਾਡੀਆਂ ਭਾਵਨਾਵਾਂ ਉਸ ਚੀਜ਼ ਨੂੰ ਸਾਕਾਰ ਰੂਪ 'ਚ ਦੇਖਦੀਆਂ ਹਨ। ਤੁਹਾਡਾ ਮਸਤਿਸ਼ਕ ਤੇ ਤੁਹਾਡੇ ਅਸਤਿਤਵ ਦੀ ਸਮੁੱਚੀ ਅਵਸਥਾ ਉਸ ਨੂੰ ਇਸ ਤਰ੍ਹਾਂ ਦੇਖਦੀ ਦੇਖਦੀ ਹੈ, ਜਿਵੇਂ ਉਹ ਪਹਿਲਾਂ ਹੀ ਸਾਕਾਰ ਹੋਵੇ। ਇਹੀ ਮਾਨਸਿਕ ਤਸਵੀਰ ਦੇਖਣ ਦੀ ਕਲਾ ਹੈ।

 

ਡਾੱ. ਜੋ ਵਿਟਾਲ

ਤੁਹਾਨੂੰ ਇਹ ਕੰਮ ਹਰ ਦਿਨ ਕਰਣਾ ਚਾਹੀਦਾ ਹੈ, ਲੇਕਿਨ ਇਹ ਕਦੇ ਬੋਝ ਨਹੀਂ ਲਗਣਾ ਚਾਹੀਦਾ। ਰਹੱਸ ਦੇ ਪ੍ਰਯੋਗ `ਚ ਸਚਮੁੱਚ ਮਹੱਤਵਪੂਰਨ ਇਹ ਹੈ ਕਿ ਤੁਹਾਨੂੰ ਚੰਗਾ ਮਹਿਸੂਸ ਹੋਣਾ ਚਾਹੀਦਾ ਹੈ। ਤੁਹਾਨੂੰ ਇਸ ਪੂਰੀ ਪ੍ਰਕਿਰਿਆ 'ਚ ਆਨੰਦ ਮਹਿਸੂਸ ਕਰਣਾ ਚਾਹੀਦਾ ਹੈ। ਤੁਹਾਨੂੰ ਜਿਆਦਾ ਤੋਂ ਜ਼ਿਆਦਾ ਖੁਸ਼ੀ ਤੇ ਬਰਾਬਰਤਾ ਮਹਿਸੂਸ ਕਰਣਾ ਚਾਹੀਦਾ ਹੈ।

ਹਰ ਵਿਅਕਤੀ 'ਚ ਮਾਨਸਿਕ ਤਸਵੀਰ ਦੇਖਣ ਦੀ ਸ਼ਕਤੀ ਹੁੰਦੀ ਹੈ। ਆਓ, ਮੈਂ ਇਕ ਕਿਚਨ ਦੀ ਮਾਨਸਿਕ ਤਸਵੀਰ ਬਣਾ ਕੇ ਤੁਹਾਡੇ ਸਾਹਮਣੇ ਇਹ ਸਾਬਿਤ ਕਰ ਦਿੰਦੀ ਹਾਂ। ਇਹ ਕੰਮ ਕਰਣ ਲਈ ਸਭ ਤੋਂ ਪਹਿਲਾਂ ਤਾਂ ਤੁਹਾਨੂੰ ਆਪਣੇ ਕਿਚਨ ਦੇ ਸਾਰੇ ਵਿਚਾਰ ਆਪਣੇ ਦਿਮਾਗ ਤੋਂ ਕੱਢਣੇ ਹੋਣਗੇ। ਆਪਣੇ ਕਿਚਨ ਬਾਰੇ ਜ਼ਰਾ ਵੀ ਨ ਸੋਚੋ। ਆਪਣੇ ਕਿਚਨ, ਇਸਦੇ ਕਬਰਡ, ਰੈਫ੍ਰੀਜਰੇਟਰ, ਓਵਨ,

ਟਾਇਲਸ ਤੇ ਰੰਗ-ਰੋਗਨ ਦੀਆਂ ਤਸਵੀਰਾਂ ਆਪਣੇ ਦਿਮਾਗ ਤੋਂ ਪੂਰੀ ਤਰ੍ਹਾਂ ਬਾਹਰ ਕੱਢ ਦਿਓ ....

ਆਪਣੇ ਦਿਮਾਗ 'ਚ ਆਪਣੇ ਕਿਚਨ ਦੀਆਂ ਤਸਵੀਰਾਂ ਦੇਖੀ, ਹੈ ਨਾ! ਤੁਸੀਂ ਹੁਣੇ-ਹੁਣੇ ਮਾਨਸਿਕ ਤਸਵੀਰ ਦੇਖ ਲਈ ਹੈ!

"ਹਰ ਵਿਅਕਤੀ ਮਾਨਸਿਕ ਤਸਵੀਰ ਦੇਖਦਾ ਹੈ ਭਾਵੇਂ ਉਸ ਨੂੰ ਇਹ ਗੱਲ ਪਤਾ ਹੋਵੇ ਜਾਂ ਨਾ। ਮਾਨਸਿਕ ਤਸਵੀਰ ਦੇਖਣਾ ਸਫਲਤਾ ਦਾ ਮਹਾਨ ਰਹੱਸ ਹੈ।"

ਜੇਨੇਵੀਵ ਬੇਹਰੇਂਡ (1881-1960)

ਇਥੇ ਮਾਨਸਿਕ ਤਸਵੀਰ ਦੇਖਣ ਬਾਰੇ ਇਕ ਟੋਟਕਾ ਜਾਂ ਟਿਪ ਦਿੱਤੀ ਜਾ ਰਹੀ ਹੈ, ਜੋ ਡਾੱ. ਜਾੱਨ ਡੇਮਾਰਟਿਨੀ ਆਪਣੇ ਬ੍ਰੈਕਥਰੂ ਐਕਸਪੀਰੀਐਂਸ ਸੈਮੀਨਾਰਾਂ 'ਚ ਦਿੰਦੇ ਹਨ। ਜਾੱਨ ਕਹਿੰਦੇ ਹਨ ਕਿ ਜੇਕਰ ਤੁਸੀਂ ਆਪਣੇ ਦਿਮਾਗ 'ਚ ਕੋਈ ਸਥਿਰ ਤਸਵੀਰ ਬਣਾਉਂਦੇ ਹੋ, ਤਾਂ ਉਸ ਨੂੰ ਕਾਇਮ ਰਖਣਾ ਮੁਸ਼ਕਿਲ ਹੋ ਸਕਦਾ ਹੈ, ਇਸਲਈ ਸਕ੍ਰੀਅ ਤਸਵੀਰਾਂ ਬਣਾਓ ਤੇ ਉਸ ਵਿਚ ਬਹੁਤੀਆਂ ਹਰਕਤਾਂ ਭਰ ਲਓ।

ਉਦਾਹਰਣ ਲਈ, ਦੁਬਾਰਾ ਆਪਣੇ ਕਿਚਨ ਦੀ ਕਲਪਨਾ ਕਰੋ ਤੇ ਇਸ ਬਾਰੇ ਕਲਪਨਾ ਕਰੋ ਕਿ ਤੁਸੀਂ ਕਿਚਨ 'ਚ ਦਾਖਲ ਹੋ ਰਹੇ ਹੋ, ਫ਼ਰਿਜ਼ ਤਕ ਜਾ ਰਹੇ ਹੋ, ਉਸਦੇ ਹੈਂਡਲ 'ਤੇ ਹੱਥ ਰੱਖ ਰਹੇ ਹੋ, ਦਰਵਾਜਾ ਖੋਲ੍ਹ ਰਹੇ ਹੋ, ਅੰਦਰ ਦੇਖ ਰਹੇ ਹੋ ਅਤੇ ਠੰਡੇ ਪਾਣੀ ਦੀ ਬੋਤਲ ਲੱਭ ਰਹੇ ਹੋ। ਅੰਦਰ ਹੱਥ ਪਾ ਕੇ ਬੋਤਲ ਚੁੱਕੋ। ਬੋਤਲ ਫੜ੍ਹਦੇ ਸਮੇਂ ਤੁਸੀਂ ਆਪਣੇ ਹੱਥ 'ਚ ਇਸਦੀ ਠੰਡਕ ਮਹਿਸੂਸ ਕਰ ਸਕਦੇ ਹੋ। ਤੁਹਾਡੇ ਇਕ ਹੱਥ 'ਚ ਪਾਣੀ ਦੀ ਬੋਤਲ ਹੈ ਤੇ ਦੂਜੇ ਹੱਥ ਤੋਂ ਤੁਸੀਂ ਫ਼ਰਿਜ ਦਾ ਦਰਵਾਜਾ ਬੰਦ ਕਰਦੇ ਹੋ। ਹੁਣ ਜਦੋਂ ਤੁਸੀਂ ਵੇਰਵੇ ਤੇ ਗਤੀ ਨਾਲ ਆਪਣੇ ਕਿਚਨ ਦੀ ਮਾਨਸਿਕ ਤਸਵੀਰ ਲਈ ਹੈ, ਤਾਂ ਇਸ ਨੂੰ ਦੇਖਣਾ ਤੇ ਕਾਇਮ ਰੱਖਣਾ ਜਿਆਦਾ ਸੌਖਾ ਹੈ, ਹੈ ਨਾ?

"ਸਾਡੇ ਸਾਰਿਆਂ 'ਚ ਇੰਨੀ ਜਿਆਦਾ ਸ਼ਕਤੀਆਂ ਤੇ ਸੰਭਾਵਨਾਵਾਂ ਹਨ ਕਿ ਸਾਨੂੰ ਉਨ੍ਹਾਂ ਦਾ ਅਹਿਸਾਸ ਹੀ ਨਹੀਂ ਹੈ। ਮਾਨਸਿਕ ਤਸਵੀਰ ਦੇਖਣਾ ਇਹਨੀ ਮਹਾਨਤਮ ਸ਼ਕਤੀਆਂ 'ਚੋਂ ਇਕ ਹੈ।"

ਜੇਨੇਵੀਵ ਬੇਹਰੇਂਡ

ਸਸ਼ਕਤ ਪ੍ਰਕਿਰਿਆਵਾਂ ਸਕ੍ਰੀਅ ਹੋ ਜਾਂਦੀਆਂ ਹਨ

ਮਾਰਸੀ ਸ਼ਿਮਾੱਫ਼

ਜਿਹੜੇ ਲੋਕ ਇਸ ਤਰ੍ਹਾਂ ਦਾ ਜਾਦੂਈ ਜੀਵਨ ਜਿਉਂਦੇ ਹਨ, ਉਨ੍ਹਾਂ ਅਤੇ ਬਾਕੀ ਲੋਕਾਂ 'ਚ ਇਕੱਲਾ ਫਰਕ ਇਹ ਹੈ ਕਿ ਜਾਦੂਈ ਜੀਵਨ ਜੀਉਣ ਵਾਲੇ ਲੋਕ ਮਨਚਾਹੀ ਚੀਜਾਂ ਨੂੰ ਆਦਤਨ ਆਕਰਸ਼ਿਤ ਕਰਦੇ ਹਨ। ਆਕਰਸ਼ਨ ਦਾ ਨਿਯਮ ਦਾ ਪ੍ਰਯੋਗ ਕਰਣਾ ਉਨ੍ਹਾਂ ਦੀ ਆਦਤ ਬਣ ਜਾਂਦੀ ਹੈ, ਤੇ ਉਹ ਚਾਹੁਣ ਜਿੱਥੇ ਵੀ ਜਾਣ, ਉਨ੍ਹਾਂ ਦੇ ਨਾਲ ਜਾਦੂ ਹੁੰਦਾ ਹੈ। ਇੰਝ ਇਸਲਈ ਹੁੰਦਾ ਹੈ, ਕਿਉਂਕਿ ਉਹ ਲਗਾਤਾਰ ਇਸਤੇਮਾਲ ਕਰਦੇ ਰਹਿੰਦੇ ਹਨ। ਇਹ ਸਿਰਫ਼ ਇਕ ਵਾਰ ਦੀ ਘਟਨਾ ਨਹੀਂ ਹੈ, ਉਹ ਹਰ ਵਕਤ ਇਸਦਾ ਇਸਤੇਮਾਲ ਕਰਦੇ ਹਨ।

ਇਥੇ ਦੋ ਸੱਚੀਆਂ ਕਹਾਣੀਆਂ ਦਿੱਤੀਆਂ ਜਾ ਰਹੀਆਂ ਹਨ, ਜਿਹੜੀਆਂ ਆਕਰਸ਼ਨ ਦੇ ਪ੍ਰਬਲ ਨਿਯਮ ਅਤੇ ਬ੍ਰਹਿਮੰਡ ਦੀ ਸਕ੍ਰੀਅਤਾ ਦੀ ਅਚੂਕ ਪ੍ਰਕਿਰਿਆ ਨੂੰ ਸਪਸ਼ਟਤਾ ਨਾਲ ਦਰਸਾਉਂਦੀਆਂ ਹਨ।

ਪਹਿਲੀ ਕਹਾਣੀ ਜੀਨੀ ਨਾਂ ਦੀ ਔਰਤ ਬਾਰੇ ਹੈ, ਜਿਸਨੇ ਦ ਸੀਕ੍ਰਿਟ ਦੀ ਡੀਵੀਡੀ ਖਰੀਦੀ। ਉਹ ਉਸ ਨੂੰ ਦਿਨ 'ਚ ਘੱਟੋ-ਘੱਟ ਇਕ ਵਾਰੀ ਦੇਖਣ ਲੱਗੀ, ਤਾਂ ਕਿ ਸੰਦੇਸ਼ ਉਸਦੇ ਸ਼ਰੀਰ ਦੀ ਹਰ ਕੋਸਿਕਾ ਤੱਕ ਪੁੱਜ ਜਾਣ। ਉਹ ਖਾਸ ਤੌਰ ਤੇ ਬਾੱਬ ਪ੍ਰਾੱਕਟਰ ਤੋਂ ਪ੍ਰਭਾਵਿਤ ਸੀ। ਉਸਨੇ ਸੋਚਿਆ ਕਿ ਉਨ੍ਹਾਂ ਨੂੰ ਮਿਲਣਾ ਬੇਹਤਰੀਨ ਅਨੁਭਵ ਹੋਵੇਗਾ।

ਇਕ ਸਵੇਰੇ ਜੀਨੀ ਨੇ ਆਪਣੀ ਡਾਕ ਦੇਖੀ। ਉਸ ਨੂੰ ਇਹ ਦੇਖ ਕੇ ਬੜੀ ਹੈਰਾਨੀ ਹੋਈ ਕਿ ਡਾਕੀਏ

ਨੇ ਗਲਤੀ ਨਾਲ ਬਾੱਬ ਪ੍ਰਾੱਕਟਰ ਦੀ ਡਾਕ ਉਸਦੇ ਘਰ ਪਹੁੰਚਾ ਦਿੱਤੀ ਸੀ। ਜੀਨੀ ਨੂੰ ਇਹ ਗੱਲ ਪਤਾ ਨਹੀਂ ਸੀ ਕਿ ਬਾੱਬ ਪ੍ਰਾੱਕਟਰ ਉਸਦੇ ਘਰ ਤੋਂ ਸਿਰਫ ਚਾਰ ਬਲਾਕ ਦੂਰ ਰਹਿੰਦੇ ਸਨ! ਇਹੀ ਨਹੀਂ ਜੀਨੀ ਦਾ ਮਕਾਨ ਨੰਬਰ ਵੀ ਓਹੀ ਸੀ ਜੋ ਬਾੱਬ ਦਾ ਸੀ। ਉਹ ਤੁਰੰਤ ਡਾਕ ਲੈ ਕੇ ਸਹੀ ਪਤੇ ਤੇ ਪਹੁੰਚਣ ਲਈ ਚੱਲ ਪਈ। ਕੀ ਤੁਸੀਂ ਉਸਦੇ ਪਰਮ ਆਨੰਦ ਦੀ ਕਲਪਨਾ ਕਰ ਸਕਦੇ ਹੋ, ਜਦੋਂ ਦਰਵਾਜਾ ਖੁਲ੍ਹਿਆ ਤੇ ਉਸਨੇ ਬਾੱਬ ਪ੍ਰਾੱਕਟਰ ਨੂੰ ਆਪਣੇ ਸਾਹਮਣੇ ਖੜ੍ਹੇ ਦੇਖਿਆ? ਬਾਬ ਘਰ ਬਹੁਤ ਘੱਟ ਰਹਿੰਦੇ ਹਨ, ਕਿਉਂਕਿ ਉਹ ਲੋਕਾਂ ਨੂੰ ਸਿਖਾਉਣ ਲਈ ਦੁਨੀਆ ਭਰ ਦੀਆਂ ਯਾਤਰਾਵਾਂ ਕਰਦੇ ਰਹਿੰਦੇ ਸਨ, ਲੇਕਿਨ ਬ੍ਰਹਿਮੰਡ ਦੀ ਯੋਜਨਾ ਦੀ ਟਾਇਮਿੰਗ ਹਮੇਸ਼ਾ ਉੱਤਮ ਹੁੰਦੀ ਹੈ। ਜੀਨੀ ਨੇ ਜਿਵੇਂ ਹੀ ਸੋਚਿਆ ਕਿ ਬਾੱਬ ਪ੍ਰਾੱਕਟਰ ਨੂੰ ਮਿਲਣਾ ਬੇਹਤਰੀਨ ਰਹੇਗਾ, ਆਕਰਸ਼ਨ ਦੇ ਨਿਯਮ ਨੇ ਲੋਕਾਂ, ਪਰੀਸਥਿਤੀਆਂ ਤੇ ਘਟਨਾਵਾਂ ਨੂੰ ਇਸ ਤਰ੍ਹਾਂ ਵਿਵਸਥਿਤ ਕਰ ਦਿਤਾ ਕਿ ਇੰਝ ਸਚਮੁੱਚ ਹੋ ਗਿਆ।

ਦੂਜੀ ਕਹਾਣੀ ਕਾਲਿਨ ਨਾਂ ਦੇ ਦਸ ਸਾਲ ਦੇ ਮੁੰਡੇ ਦੀ ਹੈ, ਜਿਸ ਨੂੰ ਦ ਸੀਕ੍ਰਿਟ ਫਿਲਮ ਬਹੁਤ ਪਸੰਦ ਆਈ ਸੀ। ਕਾਲਿਨ ਦਾ ਪਰਿਵਾਰ ਡਿਜ਼ਨੀ ਵਰਲਡ ਦੀ ਇਕ ਹਫਤੇ ਦੀ ਯਾਤਰਾ 'ਤੇ ਗਿਆ ਪਹਿਲੇ ਦਿਨ ਉਨ੍ਹਾਂ ਨੂੰ ਪਾਰਕ 'ਚ ਲੰਮੀ ਲਾਇਨ ਵਿਚ ਲੱਗਣਾ ਪਿਆ। ਉਸ ਰਾਤ ਸੌਣ ਤੋਂ ਠੀਕ ਪਹਿਲਾਂ ਕਾਲਿਨ ਨੇ ਸੋਚਿਆ, "ਕਲ੍ਹ ਮੈਂ ਸਾਰੇ ਵੱਡੇ ਝੂਟਿਆਂ ਦੀ ਸਵਾਰੀ ਕਰਣਾ ਚਾਹਵਾਂਗਾ ਤੇ ਲਾਇਨ 'ਚ ਇੰਤਜ਼ਾਰ ਨਹੀਂ।"

ਅਗਲੀ ਸਵੇਰ ਪਾਰਕ ਖੁੱਲਣ ਵੇਲੇ ਕਾੱਲਿਨ ਤੇ ਉਸਦਾ ਪਰਿਵਾਰ ਐਪਕਾੱਟ ਸੈਂਟਰ ਦੇ ਗੇਟ 'ਤੇ ਸਨ। ਪਾਰਕ ਖੁੱਲ੍ਹਦੇ ਹੀ ਡਿਜਨੀ ਦੇ ਸਟਾਫ਼ ਦੇ ਇਕ ਮੈਂਬਰ ਨੇ ਉਨ੍ਹਾਂ ਦੇ ਕੋਲ ਆ ਕੇ ਕਿਹਾ ਕਿ ਉਹ ਐਪਕਾੱਟ ਦੇ ਉਸ ਦਿਨ ਦਾ ਪਹਿਲਾ ਪਰਿਵਾਰ ਸੀ। ਬਤੌਰ ਪਹਿਲੇ ਪਰਿਵਾਰ ਦੇ ਉਨ੍ਹਾਂ ਨੂੰ ਵੀਆਈਪੀ ਸਟੇਟਸ ਦਿੱਤਾ ਗਿਆ, ਸਟਾਫ਼ ਦਾ ਇਕ ਮੈਂਬਰ ਪੂਰੇ ਵਕਤ ਉਨ੍ਹਾਂ ਨਾਲ ਰਿਹਾ ਤੇ ਉਨ੍ਹਾਂ ਨੂੰ ਐਪਕਾੱਟ ਦੇ ਹਰ ਵੱਡੇ ਝੂਟੇ ਦਾ ਫ੍ਰੀ ਟਿਕਟ ਦਿਤਾ ਗਿਆ। ਕਾੱਲਿਨ ਨੇ ਜੋ ਚਾਇਆ ਸੀ, ਉਹ ਹੋ ਗਿਆ, ਬਲਕਿ ਉਸ ਨਾਲੋਂ ਵੀ ਬਹੁਤ ਜਿਆਦਾ।

ਸੈਂਕੜੇ ਪਰਿਵਾਰ ਉਸ ਸਵੇਰ ਐਪਕਾੱਟ ਸੈਂਟਰ 'ਚ ਦਾਖਲ ਹੋਣ ਦਾ ਇੰਤਜ਼ਾਰ ਕਰ ਰਹੇ ਸਨ। ਲੇਕਿਨ ਕਾਲਿਨ ਨੂੰ ਜ਼ਰਾ ਜਿਹਾ ਵੀ ਸ਼ੱਕ ਨਹੀਂ ਸੀ ਕਿ ਉਸਦੇ ਪਰਿਵਾਰ ਨੂੰ ਬਤੌਰ ਪਹਿਲਾ ਪਰਿਵਾਰ

ਕਿਉਂ ਚੁਣਿਆ ਗਿਆ। ਉਹ ਜਾਣਦਾ ਸੀ ਕਿ ਇੰਝ ਇਸਲਈ ਹੋਇਆ ਕਿਉਂਕਿ ਉਸਨੇ ਰਹੱਸ ਦਾ ਇਸਤੇਮਾਲ ਕੀਤਾ ਸੀ।

ਕਲਪਨਾ ਕਰੋ, ਦਸ ਸਾਲ ਦੀ ਉਮਰ 'ਚ ਹੀ ਉਸ ਨੂੰ ਇਹ ਪਤਾ ਚਲ ਗਿਆ ਸੀ ਕਿ ਇਨਸਾਨ ਦੇ ਅੰਦਰ ਦੁਨੀਆ ਨੂੰ ਹਿਲਾਉਣ ਦੀ ਸ਼ਕਤੀ ਹੈ।

"ਕੋਈ ਵੀ ਚੀਜ, ਤੁਹਾਡੀ ਤਸਵੀਰ ਨੂੰ ਸਾਕਾਰ ਹੋਣ ਤੋਂ ਨਹੀਂ ਰੋਕ ਸਕਦੀ, ਸਿਵਾਇ ਉਸ ਸ਼ਕਤੀ ਦੇ ਜਿਸ ਨੂੰ ਉਸ ਨੂੰ ਉਤਪੰਨ ਕੀਤਾ ਸੀ - ਯਾਨਿ ਤੁਸੀਂ ।"

ਜੇਨੇਵੀਵ ਬੇਹਰੇਂਡ

ਜੇਮਸ ਰੇ

ਲੋਕ ਇਸ ਨੂੰ ਕੁੱਝ ਸਮੇਂ ਤਕ ਕਾਇਮ ਰੱਖਦੇ ਹਨ ਤੇ ਉਹ ਸਚਮੁੱਚ ਇਸਦੇ ਜੇਤੂ ਬਣ ਜਾਂਦੇ ਹਨ। ਉਹ ਕਹਿੰਦੇ ਹਨ. "ਮੈਂ ਪ੍ਰੇਰਿਤ ਹੋ ਚੁੱਕਿਆ ਹਾਂ। ਮੈਂ ਇਸ ਪ੍ਰੋਗਰਾਮ 'ਚ ਭਾਗ ਲਿਆ ਹੈ ਤੇ ਮੈਂ ਆਪਣੀ ਜ਼ਿੰਦਗੀ ਨੂੰ ਬਦਲਣ ਜਾ ਰਿਹਾ ਹਾਂ।" ਲੇਕਿਨ ਨਤੀਜੇ ਨਜ਼ਰ ਨਹੀਂ ਆਉਂਦੇ ਹਨ। ਧਰਾਤਲ ਦੇ ਥੱਲੇ ਸਾਰਾ ਕੁੱਝ ਬਾਹਰ ਨਿਕਲਣ ਲਈ ਤਿਆਰ ਹੈ, ਲੇਕਿਨ ਵਿਅਕਤੀ ਸਿਰਫ਼ ਤਲ 'ਤੇ ਮੌਜੂਦ ਸਿੱਟਿਆਂ ਨੂੰ ਦੇਖ ਕੇ ਕਹਿਣ ਲੱਗਦਾ ਹੈ। "ਇਹ ਕੰਮ ਨਹੀਂ ਕਰਦਾ।" ਤੁਸੀਂ ਜਾਣਦੇ ਹੋ, ਫਿਰ ਕੀ ਹੋਵੇਗਾ? ਬ੍ਰਹਿਮੰਡ ਕਹਿੰਦਾ ਹੈ, "ਤੁਹਾਡੀ ਇੱਛਾ ਹੀ ਮੇਰਾ ਆਦੇਸ਼ ਹੈ," ਤੇ ਧਰਾਤਲ ਦੇ ਥੱਲੇ ਮੌਜੂਦ ਸਾਰੇ ਸਿੱਟੇ ਗਾਇਬ ਹੋ ਜਾਂਦੇ ਹਨ।

ਜੇਕਰ ਤੁਸੀਂ ਆਪਣੇ ਮਸਤਿਸ਼ਕ 'ਚ ਸ਼ੱਕ ਦਾ ਇਕ ਵੀ ਵਿਚਾਰ ਦਾਖਲ ਹੋਣ ਦਿੱਤਾ, ਤਾਂ ਆਕਰਸ਼ਨ ਦਾ ਨਿਯਮ ਛੇਤੀ ਹੀ ਇਕ ਤੋਂ ਬਾਅਦ ਇਕ ਸ਼ੱਕ ਖਿੱਚ ਲਿਆਵੇਗਾ। ਜਿਸ ਪਲ ਸ਼ੱਕ ਦਾ ਕੋਈ ਵਿਚਾਰ ਆਏ, ਉਸੇ ਪਲ ਉਸ ਨੂੰ ਫੌਰਨ ਬਾਹਰ ਕੱਢ ਦਿਓ। ਉਸ ਵਿਚਾਰ ਨੂੰ ਬਾਹਰ ਭੇਜ ਦਿਓ। ਉਸਦੀ ਥਾਂ ਇਹ ਸੋਚੋ "ਮੈਂ ਜਾਣਦਾ ਹਾਂ ਕਿ ਇਹ ਚੀਜ਼ ਮੈਨੂੰ ਮਿਲ ਰਹੀ ਹੈ।" ਅਤੇ ਇਸ ਨੂੰ ਮਹਿਸੂਸ ਕਰੋ।

ਜਾੱਨ ਅਸਾਰਾਫ਼

ਆਕਰਸ਼ਨ ਦੇ ਨਿਯਮ ਨੂੰ ਜਾਣਨ ਤੋਂ ਬਾਅਦ ਮੈਂ ਸਚਮੁੱਚ ਇਸਦਾ ਇਸਤੇਮਾਲ ਕਰਕੇ ਦੇਖਣਾ ਚਾਹੁੰਦਾ ਸੀ ਕਿ ਕੀ ਹੋਵੇਗਾ। ੧੯੯੫ ਵਿਚ ਮੈਂ ਇਕ ਵਿਜ਼ਨ ਬੋਰਡ ਬਨਾਉਣਾ ਸ਼ੁਰੂ ਕੀਤਾ। ਮੈਂ ਜਿਹੜੀ ਵੀ ਚੀਜ਼ ਨੂੰ ਹਾਸਿਲ ਕਰਣਾ ਜਾਂ ਆਕਰਸਿਤ ਕਰਣਾ ਚਾਹੁੰਦਾ ਸੀ, ਜਿਵੇਂ ਕਾਰ ਜਾਂ ਘੜੀ ਜਾਂ ਮੇਰੇ ਸੁਫਨਿਆਂ ਦਾ ਜੀਵਨਸਾਥੀ, ਓਸ ਮਨਚਾਹੀ ਚੀਜ ਦੀ ਤਸਵੀਰ ਮੈਂ ਇਸ ਵਿਜ਼ਨ ਬੋਰਡ 'ਤੇ ਲਾ ਦਿੰਦਾ ਸੀ। ਹਰ ਦਿਨ ਮੈਂ ਆਪਣੇ ਆਫਿਸ 'ਚ ਬੈਠ ਕੇ ਇਸ ਬੋਰਡ ਨੂੰ ਦੇਖਦਾ ਸੀ ਤੇ ਮਾਨਸਿਕ ਤਸਵੀਰ ਨੂੰ ਦੇਖਣ ਲੱਗਦਾ। ਮੈਂ ਸਚਮੁੱਚ ਉਸ ਅਵਸਥਾ 'ਚ ਪਹੁੰਚ ਗਿਆ, ਜਿਵੇਂ ਉਹ ਚੀਜਾਂ ਮੈਨੂੰ ਮਿਲ ਚੁੱਕੀਆਂ ਹਨ।

ਫਿਰ ਮੈਨੂੰ ਸ਼ਹਿਰ ਛੱਡ ਕੇ ਦੂਜੇ ਸ਼ਹਿਰ ਜਾਣਾ ਪਿਆ। ਅਸੀਂ ਸਾਰਾ ਫਰਨੀਚਰ ਤੇ ਸਾਮਾਨ ਦੇ ਬਕਸੇ ਸਟੋਰ'ਚ ਰੱਖ ਦਿਤੇ ਤੇ ਪੰਜ ਸਾਲਾਂ 'ਚ ਤਿੰਨ ਸ਼ਹਿਰ ਬਦਲੇ। ਫਿਰ ਆਖਰਕਾਰ ਮੈਂ ਕੈਲੀਫੋਰਨੀਆ ਪਹੁੰਚ ਗਿਆ, ਜਿਥੇ ਮੈਂ ਇਕ ਮਕਾਨ ਖਰੀਦਿਆ। ਇਕ ਸਾਲ ਤਕ ਮੈਂ ਉਸਦਾ ਨਵੀਨੀਕਰਨ ਕਰਾਇਆ ਤੇ ਫਿਰ ਪੰਜ ਸਾਲ ਪੁਰਾਣੇ ਮਕਾਨ ਤੋਂ ਸਾਰਾ ਸਮਾਨ ਬੁਲਵਾਇਆ। ਇਕ ਸਵੇਰ ਮੇਰਾ ਬੇਟਾ ਕੀਨਨ ਮੇਰੇ ਆਫਿਸ 'ਚ ਆਇਆ। ਉੱਥੇ ਦਰਵਾਜ਼ੇ ਦੀ ਦਹਲੀਜ਼ 'ਤੇ ਪੰਜ ਸਾਲ ਤੋਂ ਬਾਅਦ ਇਕ ਬਕਸਾ ਰੱਖਿਆ ਸੀ। ਉਸਨੇ ਪੁੱਛਿਆ, "ਬਕਸੇ ਵਿਚ ਕੀ ਹੈ ਡੈਡੀ?" ਮੈਂ ਕਿਹਾ, "ਇਸ ਵਿਚ ਮੇਰਾ ਵਿਜਨ ਬੋਰਡ ਹੈ।" ਉਸਨੇ ਪੁੱਛਿਆ, "ਵਿਜ਼ਨ ਬੋਰਡ ਕੀ ਹੁੰਦਾ ਹੈ?" ਮੈਂ ਕਿਹਾ, "ਦੇਖੋ, ਉਸ ਵਿਚ ਮੈਂ ਆਪਣੇ ਸਾਰੇ ਟੀਚੇ ਲਿਖਦਾ ਹਾਂ। ਜਿਨ੍ਹਾਂ ਚੀਜਾਂ ਨੂੰ ਮੈਂ ਆਪਣੇ ਜੀਵਨ 'ਚ ਹਾਸਿਲ ਕਰਣਾ ਚਾਹੁੰਦਾ ਹਾਂ, ਉਨ੍ਹਾਂ ਦੀਆਂ ਤਸਵੀਰਾਂ ਕੱਢਦਾ ਤੇ ਆਪਣੇ ਸਾਰੇ ਟੀਚੇ ਲਿਖ ਲੈਂਦਾ ਹਾਂ।" ਜ਼ਾਹਿਰ ਹੈ ਸਾਢੇ ਪੰਜ ਸਾਲ ਦੀ ਉਮਰ 'ਚ ਉਹ ਇਹ ਗੱਲ ਨਹੀਂ ਸਮਝ ਸਕਦਾ ਸੀ, ਇਸਲਈ ਮੈਂ ਕਿਹਾ, "ਪੁੱਤਰ ਜੀ, ਆਓ ਮੈਂ ਤੁਹਾਨੂੰ ਵਿਜ਼ਨ ਬੋਰਡ ਦਿਖਾ ਦਿੰਦਾ ਹਾਂ। ਇਹ ਸਮਝਾਉਣ ਦਾ ਸਭ ਤੋਂ ਸੌਖਾ ਤਰੀਕਾ ਹੋਵੇਗਾ।"

ਮੈਂ ਬਕਸਾ ਖੋਲ੍ਹਿਆ। ਇਕ ਵਿਜ਼ਨ ਬੋਰਡ 'ਤੇ ਇਕ ਮਕਾਨ ਦੀ ਤਸਵੀਰ ਸੀ, ਜਿਸਦੀ ਮੈਂ ਪੰਜ ਸਾਲ ਪਹਿਲਾਂ ਤੋਂ ਮਾਨਸਿਕ ਤਸਵੀਰ ਦੇਖ ਰਿਹਾ ਸੀ। ਹੈਰਾਨੀ ਦੀ ਗੱਲ ਇਹ ਸੀ ਕਿ ਅਸੀਂ ਇਸ ਵਕਤ ਉਸੇ ਮਕਾਨ `ਚ ਰਹਿ ਰਹੇ ਸੀ। ਇਹ ਠੀਕ ਉਹੋ ਜਿਹਾ ਹੀ ਮਕਾਨ ਸੀ - ਮੈਂ ਦਰਅਸਲ ਆਪਣੇ ਸੁਫਨਿਆਂ ਦਾ ਮਕਾਨ ਖਰੀਦਿਆ ਸੀ, ਉਸਦਾ ਨਵੀਨੀਕਰਨ ਕਰਾਇਆ ਸੀ ਤੇ ਮੈਨੂੰ ਇਹ ਗੱਲ ਪਤਾ ਹੀ ਨਹੀਂ ਸੀ। ਮੈਂ ਉਸ ਮਕਾਲ ਵੱਲ ਦੇਖ ਕੇ ਰੋਣ ਲਗ ਪਿਆ, ਕਿਉਂਕਿ ਮੈਂ ਹੈਰਾਨ ਰਹਿ ਗਿਆ ਸੀ। ਕੀਨਨ ਨੇ

ਪੁੱਛਿਆ, "ਤੁਸੀਂ ਰੋ ਕਿਉਂ ਰਹੇ ਹੋ?" "ਕਿਉਂਕਿ ਮੈਂ ਆਖਰਕਾਰ ਸਮਝ ਗਿਆ ਹਾਂ ਕਿ ਆਕਰਸ਼ਨ ਦਾ ਨਿਯਮ ਕਿਵੇਂ ਕੰਮ ਕਰਦਾ ਹੈ। ਮੈਂ ਆਖਰਕਾਰ ਮਾਨਸਿਕ ਤਸਵੀਰ ਦੇਖਣ ਦੀ ਸ਼ਕਤੀ ਸਮਝ ਗਿਆ ਹਾਂ। ਮੈਂ ਆਖਰਕਾਰ ਹਰ ਉਹ ਚੀਜ ਸਮਝ ਗਿਆ ਹਾਂ, ਜਿਹੜੀ ਮੈਂ ਪੜ੍ਹੀ ਹੈ, ਹਰ ਚੀਜ ਜਿਸ 'ਤੇ ਮੈਂ ਸਾਰੀ ਜਿੰਦਗੀ ਕੰਮ ਕੀਤਾ, ਉਹ ਤਰੀਕਾ ਜਿਸ ਨਾਲ ਮੈਂ ਕੰਪਨੀਆਂ ਬਣਾਈਆਂ ਹਨ। ਇਹ ਮੇਰੇ ਮਕਾਨ ਲਈ ਵੀ ਕਾਰਗਰ ਰਿਹਾ ਹੈ। ਮੈਂ ਆਪਣੇ ਸੁਫਨਿਆਂ ਦਾ ਮਕਾਨ ਖਰੀਦਿਆ ਸੀ ਤੇ ਮੈਨੂੰ ਇਸਦਾ ਪਤਾ ਵੀ ਨਹੀਂ ਚਲਿਆ।"

"ਕਲਪਨਾ ਹੀ ਸਾਰਾ ਕੁੱਝ ਹੈ। ਇਹ ਜੀਵਨ ਦੇ ਆਉਣ ਵਾਲੇ ਆਕਰਸਨਾਂ ਦੀ ਝਲਕ ਹੈ।"

 ਅਲਬਰਟ ਆਇਨਸਟੀਨ (1879-1955)

ਵਿਜ਼ਨ ਬੋਰਡ 'ਤੇ ਆਪਣੀ ਕਲਪਨਾ ਦੀ ਉਡਾਨ ਭਰਨ ਦਿਓ। ਤੁਸੀਂ ਜਿਨ੍ਹਾਂ ਚੀਜਾਂ ਨੂੰ ਚਾਹੁੰਦੇ ਹੋ ਜਾਂ ਆਪਣੀ ਜ਼ਿੰਦਗੀ ਨੂੰ ਜਿਹੋ ਜਿਹਾ ਬਨਾਉਣਾ ਚਾਹੁੰਦੇ ਹੈ, ਉਸਦੀਆਂ ਤਸਵੀਰਾਂ ਉੱਥੇ ਲਾ ਸਕਦੇ ਹੋ। ਆਪਣੇ ਵਿਜ਼ਨ ਬੋਰਡ ਨੂੰ ਇਹੋ ਜਿਹੀ ਥਾਂ 'ਤੇ ਰੱਖੋ, ਜਿੱਥੇ ਤੁਸੀਂ ਇਸ ਨੂੰ ਹਰ ਦਿਨ ਦੇਖੋ ਜਿਵੇਂ ਜਾਨ ਅਸਾਰਾਫ ਨੇ ਕੀਤਾ ਸੀ। ਉਨ੍ਹਾਂ ਚੀਜ਼ਾਂ ਨੂੰ ਆਪਣੇ ਕੋਲ ਹੋਣ ਦੀਆਂ ਭਾਵਨਾਵਾਂ ਨੂੰ ਮਹਿਸੂਸ ਕਰੋ। ਜਦੋਂ ਤੁਸੀਂ ਉਨ੍ਹਾਂ ਨੂੰ ਪਾ ਲਓ ਤੇ ਪਾਉਣ ਲਈ ਕਿਰਤਗਤਾ ਮਹਿਸੂਸ ਕਰੋ, ਤਾਂ ਤੁਸੀਂ ਪੁਰਾਣੀਆਂ ਤਸਵੀਰਾਂ ਨੂੰ ਹਟਾ ਕੇ ਨਵੀਂਆਂ ਤਸਵੀਰਾਂ ਲਾ ਸਕਦੇ ਹੋ। ਇਹ ਬੱਚਿਆਂ ਨੂੰ ਆਕਰਸ਼ਨ ਦਾ ਨਿਯਮ ਸਿਖਾਉਣ ਦਾ ਅਦਭੁੱਤ ਤਰੀਕਾ ਹੈ। ਮੈਨੂੰ ਆਸ ਹੈ ਕਿ ਵਿਜ਼ਨ ਬੋਰਡ ਬਨਾਉਣ ਨਾਲ ਦੁਨੀਆ ਭਰ ਦੇ ਮਾਂ-ਪਿਓ ਅਤੇ ਟੀਚਰਾਂ ਨੂੰ ਵੀ ਪ੍ਰੇਰਣਾ ਮਿਲੇਗੀ।

"ਦ ਸੀਕ੍ਰਿਟ" ਵੈੱਬਸਾਈਟ ਫੋਰਮ ਦੇ ਇਕ ਵਿਅਕਤੀ ਨੇ ਆਪਣੇ ਵਿਜ਼ਨ ਬੋਰਡ 'ਤੇ "ਦ ਸੀਕ੍ਰਿਟ" ਡੀਵੀਡੀ ਦੀ ਤਸਵੀਰ ਲਗਾ ਦਿੱਤੀ। ਉਸਨੇ ਦ ਸੀਕ੍ਰਿਟ ਫਿਲਮ ਦੇਖੀ ਸੀ, ਲੇਕਿਨ ਉਸਦੇ ਕੋਲ ਇਸਦੀ ਡੀਵੀਡੀ ਨਹੀਂ ਸੀ। ਉਸਦੇ ਵਿਜਨ ਬੋਰਡ ਬਨਾਉਣ ਦੇ ਦੋ ਦਿਨਾਂ ਬਾਅਦ ਮੈਨੂੰ ਅੰਤਰਿਕ ਪ੍ਰੇਰਣਾ ਮਿਲੀ ਕਿ ਮੈਂ "ਦ ਸੀਕ੍ਰਿਟ ਫੋਰਮ 'ਤੇ ਪੋਸਟਿੰਗ ਕਰਣ ਵਾਲੇ ਪਹਿਲੇ ਦਸ ਲੋਕਾਂ ਨੂੰ ਮੁਫ਼ਤ ਡੀਵੀਡੀ ਇਨਾਮ 'ਚ ਦਿਆਂ। ਉਹ ਦਸ ਲੋਕਾਂ 'ਚੋਂ ਇਕ ਸੀ! ਆਪਣੇ ਵਿਜ਼ਨ ਬੋਰਡ 'ਤੇ ਇਸਦੀ ਤਸਵੀਰ ਲਗਾਉਣ ਦੇ ਦੋ ਦਿਨਾਂ ਦੇ ਅੰਦਰ ਹੀ ਉਸਨੂੰ "ਦ ਸੀਕ੍ਰਿਟ" ਦੀ ਡੀਵੀਡੀ ਮਿਲ ਗਈ।

ਭਾਵੇਂ ਇਹ "ਦ ਸੀਕ੍ਰਿਟ” ਦੀ ਡੀਵੀਡੀ ਹੋਵੇ ਜਾਂ ਮਕਾਨ, ਨਿਰਮਾਣ ਕਰਣ ਤੇ ਪਾਉਣ ਦੀ ਖੁਸ਼ੀ ਅਦਭੁੱਤ ਹੈ।

ਮਾਨਸਿਕ ਕਲਪਨਾ ਕਰਣ ਦਾ ਇਕ ਹੋਰ ਪ੍ਰਬਲ ਉਦਾਹਰਣ ਮੇਰੀ ਮਾਂ ਦੇ ਅਨੁਭਵ ਤੋਂ ਮਿਲਦਾ ਹੈ। ਉਹ ਇਕ ਨਵਾਂ ਮਕਾਨ ਖਰੀਦਣਾ ਚਾਹੁੰਦੀ ਸੀ। ਇਸ ਮਕਾਨ ਲਈ ਮੇਰੀ ਮਾਂ ਤੋਂ ਇਲਾਵਾ ਵੀ ਕਈ ਹੋਰ ਲੋਕਾਂ ਨੇ ਬੋਲੀ ਲਾਈ ਸੀ। ਮੇਰੀ ਮਾਂ ਨੇ ਇਸ ਮਕਾਨ ਨੂੰ ਆਪਣਾ ਬਨਾਉਣ ਲਈ ਰਹੱਸ ਦਾ ਇਸਤੇਮਾਲ ਕਰਣ ਦਾ ਫੈਸਲਾ ਲਿਆ। ਉਨ੍ਹਾਂ ਨੇ ਬੈਠ ਕੇ ਆਪਣਾ ਨਾਂ ਅਤੇ ਮਕਾਨ ਦਾ ਨਵਾਂ ਪਤਾ ਬਾਰ-ਬਾਰ ਲਿਖਿਆ। ਉਹ ਇਸ ਤਰ੍ਹਾਂ ਉਦੋਂ ਤਕ ਕਰਦੀ ਰਹੀ, ਜਦੋਂ ਤਕ ਕਿ ਉਨ੍ਹਾਂ ਨੂੰ ਇਹ ਆਪਣਾ ਨਵਾਂ ਪਤਾ ਨਹੀਂ ਲੱਗਣ ਲੱਗਾ। ਫਿਰ ਉਨ੍ਹਾਂ ਨੇ ਆਪਣਾ ਸਾਰਾ ਫ਼ਰਨੀਚਰ ਉਸ ਨਵੇਂ ਮਕਾਨ 'ਚ ਸਜਾਉਣ ਦੀ ਕਲਪਨਾ ਕੀਤੀ। ਇਹ ਕਰਣ ਦੇ ਚੰਦ ਘੰਟਿਆਂ ਅੰਦਰ ਹੀ ਉਨ੍ਹਾਂ ਦੇ ਕੋਲ ਮਾਲਿਕ ਦਾ ਫੋਨ ਆਇਆ ਕਿ ਉਸਨੇ ਉਨ੍ਹਾਂ ਦੀ ਪੇਸ਼ਕਸ਼ ਨੂੰ ਸਵੀਕਾਰ ਕਰ ਲਿਆ ਹੈ। ਉਹ ਬਹੁਤ ਰੁਮਾਂਚਿਤ ਸਨ, ਲੇਕਿਨ ਇਸ ਨਾਲ ਉਨ੍ਹਾਂ ਨੂੰ ਕੋਈ ਹੈਰਾਨੀ ਨਹੀਂ ਹੋਈ, ਕਿਉਂਕਿ ਉਹ ਪਹਿਲਾਂ ਤੋਂ ਹੀ ਜਾਣਦੀ ਸੀ ਕਿ ਉਹ ਮਕਾਨ ਉਨ੍ਹਾਂ ਦਾ ਹੈ। ਉਹ ਚੈਂਪੀਅਨ ਸਨ, ਜੇਤੂ ਸਨ!

 

ਜੈਕ ਕੈਨਫ਼ੀਲਡ

ਫੈਸਲਾ ਕਰੋ ਕਿ ਤੁਸੀਂ ਕੀ ਚਾਹੁੰਦੇ ਹੋ। ਯਕੀਨ ਕਰੋ ਕਿ ਤੁਸੀਂ ਇਸ ਨੂੰ ਪਾ ਸਕਦੇ ਹੋ। ਯਕੀਨ ਕਰੋ ਕਿ ਤੁਸੀਂ ਇਸਦੇ ਹੱਕਦਾਰ ਹੋ ਤੇ ਯਕੀਨ ਕਰੋ ਕਿ ਇਹ ਤੁਹਾਡੇ ਲਈ ਸੰਭਵ ਹੈ। ਅਤੇ ਫਿਰ ਹਰ ਦਿਨ ਆਪਣੀਆਂ ਅੱਖਾਂ ਕੁੱਝ ਮਿੰਟਾਂ ਲਈ ਬੰਦ ਕਰ ਕੇ ਮਾਨਸਿਕ ਤਸਵੀਰ ਨੂੰ ਦੇਖੋ ਕਿ ਤੁਸੀਂ ਜੋ ਕੁੱਝ ਚਾਹੁੰਦੇ ਹੋ, ਉਹ ਤੁਹਾਡੇ ਕੋਲ ਹੈ। ਇਸਦੇ ਆਪਣੇ ਪਾਸ ਹੋਣ ਦੀਆਂ ਭਾਵਨਾਵਾਂ ਨੂੰ ਮਹਿਸੂਸ ਕਰੋ। ਇਸ ਤੋਂ ਬਾਅਦ ਉਸ 'ਤੇ ਧਿਆਨ ਕੇਂਦ੍ਰਿਤ ਕਰੋ, ਜਿਸ ਲਈ ਤੁਸੀਂ ਪਹਿਲਾਂ ਤੋਂ ਹੀ ਸੁਕਰਗੁਜ਼ਾਰ ਹੋ ਤੇ ਇਸਦਾ ਸਚਮੁੱਚ ਆਨੰਦ ਲਓ। ਫਿਰ ਆਪਣਾ ਦਿਨ ਸ਼ੁਰੂ ਕਰੋ ਤੇ ਉਸ ਨੂੰ ਬ੍ਰਹਿਮੰਡ ਨੂੰ ਸਮਰਪਿਤ ਕਰ ਦਿਓ। ਤੇ ਭਰੋਸਾ ਰੱਖੋ ਕਿ ਬ੍ਰਹਿਮੰਡ ਇਹ ਪਤਾ ਲਗਾ ਲਵੇਗਾ ਕਿ ਉਸ ਚੀਜ਼ ਨੂੰ ਤੁਹਾਡੇ ਜੀਵਨ 'ਚ ਕਿਵੇਂ ਪ੍ਰਗਟ ਕਰਣਾ ਹੈ।

ਰਹੱਸ ਸੰਖੇਪ

• ਉਮੀਦ ਇਕ ਪ੍ਰਬਲ ਆਕਰਸ਼ਨ ਸ਼ਕਤੀ ਹੈ। ਉਨ੍ਹਾਂ ਚੀਜਾਂ ਦੀ ਉਮੀਦ ਕਰੋ, ਜਿਨ੍ਹਾਂ ਨੂੰ ਤੁਸੀਂ ਚਾਹੁੰਦੇ ਹੋ; ਉਨ੍ਹਾਂ ਚੀਜਾਂ ਦੀ ਉਮੀਦ ਨਾ ਕਰੋ, ਜਿਨ੍ਹਾਂ ਨੂੰ ਤੁਸੀਂ ਨਹੀਂ ਚਾਹੁੰਦੇ।
• ਕਿਰਤਗਤਾ ਤੁਹਾਡੀ ਊਰਜਾ ਬਦਲਣ ਤੇ ਜ਼ਿੰਦਗੀ 'ਚ ਜਿਆਦਾ ਮਨਚਾਹੀ ਚੀਜਾਂ ਨੂੰ ਲਿਆਉਣ ਦੀ ਇਕ ਸ਼ਕਤੀਸ਼ਾਲੀ ਪ੍ਰਕਿਰਿਆ ਹੈ। ਤੁਹਾਡੇ ਕੋਲ ਜਿਹੜੀਆਂ ਚੀਜਾਂ ਹਨ, ਉਨ੍ਹਾਂ ਲਈ ਕਿਰਤਗ ਹੋਣ ਤੇ ਤੁਸੀਂ ਜਿਆਦਾ ਚੰਗੀਆਂ ਚੀਜ਼ਾਂ ਨੂੰ ਆਕਰਸ਼ਿਤ ਕਰੋਗੇ।
• ਆਪਣੀ ਮਨਚਾਹੀ ਚੀਜਾਂ ਲਈ ਪਹਿਲਾਂ ਤੋਂ ਹੀ ਧੰਨਵਾਦ ਦੇਣ ਨਾਲ ਤੁਹਾਡੀਆਂ ਇਛਾਵਾਂ ਨੂੰ ਭਾਵਨਾਤਮਕ ਬਲ ਮਿਲਦਾ ਹੈ ਤੇ ਤੁਸੀਂ ਬ੍ਰਹਿਮੰਡ 'ਚ ਜਿਆਦਾ ਪ੍ਰਬਲ ਸੰਕੇਤ ਭੇਜਦੇ ਹੋ।
• ਮਾਨਸਿਕ ਤਸਵੀਰ ਦੇਖਣਾ ਆਪਣੇ ਮਸਤਿਸਕ 'ਚ ਤਸਵੀਰਾਂ ਬਨਾਉਣ ਦੀ ਪ੍ਰਕਿਰਿਆ ਹੈ। ਇਸ ਪ੍ਰਕਿਰਿਆ 'ਚ ਤੁਸੀਂ ਆਪਣੀਆਂ ਮਨਚਾਹੀ ਚੀਜ਼ਾਂ ਦਾ ਆਨੰਦ ਲੈਂਦੇ ਹੋ। ਜਦੋਂ ਤੁਸੀਂ ਕਲਪਨਾ ਕਰਦੇ ਹੋ, ਤਾਂ ਤੁਸੀਂ ਉਸ ਚੀਜ਼ ਦੇ ਤੁਹਾਡੇ ਕੋਲ ਹੋਣ ਦੇ ਸਸ਼ਕਤ ਵਿਚਾਰ ਤੋਂ ਭਾਵਨਾਵਾਂ ਉਤਪੰਨ ਕਰਦੇ ਹੋ। ਫਿਰ ਆਕਰਸ਼ਨ ਦਾ ਨਿਯਮ ਉਸੇ ਚੀਜ਼ ਨੂੰ ਸੱਚ ਕਰਕੇ ਤੁਹਾਡੇ ਜੀਵਨ 'ਚ ਭੇਜ ਦਿੰਦਾ ਹੈ, ਜਿਸ ਰੂਪ 'ਚ ਤੁਸੀਂ ਉਸ ਨੂੰ ਆਪਣੇ ਮਸਤਿਸਕ ਵਿਚ ਦੇਖਿਆ ਸੀ।
• ਆਕਰਸ਼ਨ ਦਾ ਨਿਯਮ ਦਾ ਲਾਹਾ ਲੈਣ ਲਈ ਇਸ ਨੂੰ ਸਿਰਫ ਇਕੋ ਵਾਰ ਦੀ ਘਟਨਾ ਨਾ ਬਣਾਓ, ਬਲਕਿ ਇਸਦੀ ਆਦਤ ਪਾ ਲਓ।
• ਹਰ ਰਾਤ ਸੌਣ ਜਾਣ ਤੋਂ ਪਹਿਲਾਂ ਦਿਨ ਦੀਆਂ ਘਟਨਾਵਾਂ ਨੂੰ ਯਾਦ ਕਰੋ। ਜੇਕਰ ਕੋਈ ਵੀ ਘਟਨਾ ਜਾਂ ਪਲ ਤੁਹਾਨੂੰ ਚੰਗਾ ਨਾ ਲੱਗੇ, ਤਾਂ ਉਸ ਨੂੰ ਆਪਣੇ ਮਸਤਿਸਕ 'ਚੋਂ ਬਦਲਕੇ ਉਸ ਰੂਪ ਵਿਚ ਦੇਖੋ, ਜਿਸ ਨਾਲ ਤੁਹਾਨੂੰ ਉਹ ਚੰਗਾ ਲੱਗਣ ਲੱਗੇ।

ਧਨ ਦਾ ਰਹੱਸ

"ਮਸਤਿਸਕ ਜਿਸ ਚੀਜ਼ ਦੀ.. ਕਲਪਨਾ ਕਰ ਸਕਦਾ ਹੈ, ਉਸ ਨੂੰ ਇਹ ਹਾਸਲ ਵੀ ਕਰ ਸਕਦਾ ਹੈ।"

ਡਬਲਿਊ. ਕਲੀਮੈਂਟ ਸਟੋਨ (1902-2002)

 

ਜੈਕ ਕੈਨਫ਼ੀਲਡ

ਰਹੱਸ ਨੇ ਸਚਮੁੱਚ ਮੇਰੀ ਜ਼ਿੰਦਗੀ ਬਦਲ ਦਿੱਤੀ, ਕਿਉਂਕਿ ਮੇਰੇ ਪਿਤਾ ਦੀ ਮਾਨਸਿਕਤਾ ਬੜੀ ਨਕਾਰਾਤਮਕ ਸੀ। ਉਹ ਸੋਚਦੇ ਸਨ ਕਿ ਅਮੀਰ ਲੋਕ ਦੂਜਿਆਂ ਦੇ ਢਿੱਡ ਤੇ ਲੱਤ ਮਾਰਦੇ ਹਨ ਤੇ ਹਰ ਦੌਲਤਮੰਦ ਵਿਅਕਤੀ ਧੋਖਾ ਦੇ ਕੇ ਹੀ ਅਮੀਰ ਬਣਦਾ ਹੋਵੇਗਾ। ਇਸਲਈ ਬਚਪਨ ਤੋਂ ਹੀ ਪੈਸਿਆਂ ਬਾਰੇ ਮੇਰੇ ਦਿਮਾਗ 'ਚ ਬਹੁਤ ਹੀ ਗਲਤ ਧਾਰਨਾਵਾਂ ਸਨ, ਜਿਵੇਂ ਕਿ ਇਹ ਕਿ ਜੇਕਰ ਤੁਹਾਡੇ ਕੋਲ ਪੈਸਾ ਹੈ, ਤਾਂ ਤੁਸੀਂ ਮਾੜੇ ਹੋ, ਕਿਉਂਕਿ ਸਿਰਫ ਮਾੜੇ ਲੋਕਾਂ ਕੋਲ ਪੈਸਾ ਹੁੰਦਾ ਹੈ ਤੇ ਪੈਸਾ ਦਰਖਤਾਂ 'ਤੇ ਨਹੀਂ ਲੱਗਦਾ। ਮੇਰੇ ਪਿਤਾ ਦਾ ਇਕ ਪਸੰਦੀਦਾ ਵਾਕ ਸੀ, "ਤੈਨੂੰ ਕੀ ਲੱਗਦਾ ਹੈ, ਮੈਂ ਰਾਕਫੈਲਰ ਹਾਂ।" ਵੱਡੇ ਹੋਣ ਸਮੇਂ ਮੈਨੂੰ ਯਕੀਨ ਸੀ ਕਿ ਜਿੰਦਗੀ ਮੁਸ਼ਕਿਲ ਹੈ। ਬਹਿਰਹਾਲ, ਜਦੋਂ ਮੈਂ ਡਬਲਿਊ. ਕਲੀਮੈਂਟ ਸਟੋਨ ਨੂੰ ਮਿਲਿਆ, ਉਦੋਂ ਕਿਤੇ ਜਾ ਕੇ ਮੈਂ ਆਪਣੀ ਜਿੰਦਗੀ ਨੂੰ ਬਦਲਣਾ ਸ਼ੁਰੂ ਕੀਤਾ।

ਜਦੋਂ ਮੈਂ ਸਟੋਨ ਕੋਲ ਕੰਮ ਕਰ ਰਿਹਾ ਸੀ, ਤਾਂ ਉਨ੍ਹਾਂ ਨੇ ਮੈਨੂੰ ਕਿਹਾ, 'ਮੈਂ ਚਾਹੁੰਦਾ ਹਾਂ

ਕਿ ਤੁਸੀਂ ਇਕ ਨਿਸ਼ਾਨਾ ਤੈਅ ਕਰੋ, ਜਿਹੜਾ ਇੰਨਾ ਵੱਡਾ ਹੋਵੇ ਕਿ ਉਸਨੂੰ ਹਾਸਿਲ ਕਰਣ 'ਤੇ ਤੁਹਾਡਾ ਦਿਮਾਗ ਘੁੰਮ ਜਾਵੇ ਤੇ ਤੁਹਾਨੂੰ ਪਤਾ ਚਲ ਜਾਏ ਕਿ ਇਹ ਕੇਵਲ ਇਸ ਕਰਕੇ ਹੋਇਆ ਹੈ, ਕਿਉਂਕਿ ਮੈਂ ਤੁਹਾਨੂੰ ਨਿਸ਼ਾਨੇ ਨੂੰ ਹਾਸਿਲ ਕਰਣ ਦਾ ਤਰੀਕਾ ਸਿਖਾਇਆ ਹੈ।" ਉਸ ਵੇਲੇ ਮੇਰੀ ਆਮਦਨ ਲਗਭਗ ਅੱਠ ਹਜਾਰ ਡਾਲਰ ਸੀ, ਇਸਲਈ ਮੈਂ ਕਿਹਾ, "ਮੈਂ ਇਕ ਸਾਲ ਅੰਦਰ ਇਕ ਲੱਖ ਡਾਲਰ ਕਮਾਉਣਾ ਚਾਹੁੰਦਾ ਹਾਂ।" ਦੇਖੋ, ਮੈਨੂੰ ਜਰਾ ਜਿਹਾ ਵੀ ਪਤਾ ਨਹੀਂ ਸੀ ਕਿ ਮੈਂ ਇਸ ਤਰ੍ਹਾਂ ਕਿਵੇਂ ਕਰ ਸਕਦਾ ਹਾਂ। ਕੋਈ ਰਣਨੀਤੀ, ਕੋਈ ਸੰਭਾਵਨਾ ਨਹੀਂ ਦਿਖ ਰਹੀ ਸੀ। ਮੈਂ ਤਾਂ ਬਸ ਐਵੇਂ ਹੀ ਕਹਿ ਦਿੱਤਾ, "ਮੈਂ ਇਸਦਾ ਐਲਾਨ ਕਰ ਰਿਹਾ ਹਾਂ, ਮੈਂ ਇਸ 'ਤੇ ਯਕੀਨ ਕਰ ਰਿਹਾ ਹਾਂ, ਮੈਂ ਇਸ ਨੂੰ ਸੱਚ ਮੰਨ ਕੇ ਕੰਮ ਕਰਣ ਜਾ ਰਿਹਾ ਹਾਂ ਤੇ ਮੈਂ ਇਸ ਨੂੰ ਬ੍ਰਹਿਮੰਡ 'ਚ ਭੇਜਣ ਜਾ ਰਿਹਾ ਹਾਂ।" ਤਾਂ ਮੈਂ ਇਹ ਕਰ ਦਿੱਤਾ।

ਉਨ੍ਹਾਂ ਨੇ ਮੈਨੂੰ ਇਕ ਚੀਜ਼ ਇਹ ਸਿਖਾਇਆ ਕਿ ਮੈਂ ਹਰ ਦਿਨ ਆਪਣੀਆਂ ਅੱਖਾਂ ਬੰਦ ਕਰਕੇ ਆਪਣੇ ਨਿਸ਼ਾਨੇ ਦੀ ਸਪੱਸ਼ਟ ਮਾਨਸਿਕ ਤਸਵੀਰ ਦੇਖਾਂ, ਜਿਵੇਂ ਉਹ ਨਿਸ਼ਾਨਾ ਹਾਸਿਲ ਹੋ ਚੁੱਕਿਆ ਹੋਵੇ। ਤਾਂ ਮੈਂ ਇਕ ਲੱਖ ਡਾਲਰ ਦਾ ਨੋਟ ਬਣਾ ਕੇ ਆਪਣੇ ਪਲੰਗ ਦੇ ਉਪਰਲੀ ਕੰਧ 'ਤੇ ਚਿਪਕਾ ਲਿਆ। ਸਵੇਰੇ ਉੱਠ ਕੇ ਜਦੋਂ ਮੈਂ ਉੱਪਰ ਵੇਖਦਾ ਸੀ, ਤਾਂ ਮੈਨੂੰ ਉਹ ਨੋਟ ਦਿਖ ਜਾਂਦਾ ਸੀ ਤੇ ਮੈਨੂੰ ਯਾਦ ਆ ਜਾਂਦਾ ਸੀ ਕਿ ਇਹ ਮੇਰਾ ਨਿਸ਼ਾਨਾ ਹੈ। ਫਿਰ ਮੈਂ ਅੱਖਾਂ ਬੰਦ ਕਰ ਲੈਂਦਾ ਸੀ ਤੇ ਇਕ ਲੱਖ ਡਾਲਰ ਸਾਲਾਨਾ ਆਮਦਨ ਵਾਲੀ ਜੀਵਨਸ਼ੈਲੀ ਦੀ ਮਾਨਸਿਕ ਤਸਵੀਰ ਦੇਖਣ ਲੱਗਦਾ। ਰੋਚਕ ਗੱਲ ਇਹ ਹੈ ਕਿ ਇਕ ਮਹੀਨੇ ਤੱਕ ਕੋਈ ਵੀ ਵੱਡੀ ਘਟਨਾ ਨਹੀਂ ਹੋਈ। ਮੇਰੇ ਮਨ 'ਚ ਕੋਈ ਵੀ ਚਮਤਕਾਰੀ ਵਿਚਾਰ ਨਹੀਂ ਆਇਆ। ਕਿਸੇ ਨੇ ਵੀ ਮੈਨੂੰ ਜ਼ਿਆਦਾ ਪੈਸੇ ਨਹੀਂ ਦਿੱਤੇ।

ਇਕ ਮਹੀਨੇ ਬਾਅਦ ਮੇਰੇ ਮਨ ਵਿਚ ਇਕ ਲੱਖ ਡਾਲਰ ਦਾ ਵਿਚਾਰ ਆਇਆ। ਇਹ ਅਚਣਚੇਤ ਹੀ ਮੇਰੇ ਦਿਮਾਗ 'ਚ ਆਇਆ ਸੀ। ਮੈਂ ਇਕ ਪੁਸਤਕ ਪ੍ਰਕਾਸ਼ਿਤ ਕਰਣ ਦੀ ਯੋਜਨਾ ਬਣਾਈ। ਮੈਂ ਸੋਚਿਆ, "ਜੇਕਰ ਮੈਂ ਆਪਣੀ ਪੁਸਤਕ ਦੀ ਚਾਰ ਲੱਖ ਕਾਪੀਆਂ ਵੇਚ ਸਕਾਂ ਤੇ ਹਰ ਕਾਪੀ 'ਤੇ ਮੈਨੂੰ ਚੌਥਾਈ ਡਾਲਰ ਦਾ ਮੁਨਾਫ਼ਾ ਹੋਵੇ ਤਾਂ ਮੈਨੂੰ ਇਕ ਲੱਖ ਡਾਲਰ ਮਿਲ ਜਾਣਗੇ।" ਦੇਖਣ ਵਾਲੀ ਗੱਲ ਇਹ ਹੈ ਕਿ ਪੁਸਤਕ ਪਹਿਲਾਂ ਤੋਂ ਹੀ ਤਿਆਰ ਸੀ, ਲੇਕਿਨ ਮੇਰੇ ਮਨ 'ਚ ਪਹਿਲਾਂ ਕਦੇ ਇਹ ਵਿਚਾਰ ਨਹੀਂ ਸੀ ਆਇਆ। (ਇਕ ਰਹੱਸ ਇਹ ਵੀ ਹੈ ਕਿ ਜਦੋਂ ਤੁਹਾਡੇ ਮਨ 'ਚ ਪ੍ਰੇਰਿਤ ਵਿਚਾਰ ਆਏ, ਤਾਂ ਤੁਹਾਨੂੰ ਉਸ 'ਤੇ ਭਰੋਸਾ ਕਰਣਾ ਹੋਵੇਗਾ ਤੇ ਕੰਮ ਕਰਣਾ ਹੋਵੇਗਾ।) ਮੈਂ ਨਹੀਂ ਜਾਣਦਾ ਸੀ ਕਿ ਚਾਰ ਲੱਖ ਕਾਪੀਆਂ ਕਿਸ ਤਰ੍ਹਾਂ ਵਿਕਣਗੀਆਂ।

ਫਿਰ ਮੈਂ ਸੁਪਰਮਾਰਕਿਟ 'ਚ ਨੈਸ਼ਨਲ ਇਨਕੁਆਰਰ ਦੇਖਿਆ। ਮੈਂ ਇਸ ਨੂੰ ਲੱਖਾਂ ਵਾਰੀ ਦੇਖ ਚੁੱਕਿਆ ਸੀ, ਕਿਉਂਕਿ ਇਹ ਉੱਥੇ ਪਿਛੋਕੜ 'ਚ ਲੱਗਿਆ ਰਹਿੰਦਾ ਸੀ। ਅਚਣਚੇਤ ਮੇਰੇ ਦਿਮਾਗ਼ 'ਚ ਇਕ ਵਿਚਾਰ ਨੇ ਲਿਸ਼ਕਾਰਾ ਮਾਰਿਆ। ਮੈਂ ਸੋਚਿਆ, ਜੇਕਰ ਪਾਠਕਾਂ ਨੂੰ ਮੇਰੀ ਪੁਸਤਕ ਬਾਰੇ ਪਤਾ ਚਲ ਜਾਏ, ਤਾਂ ਯਕੀਨਨ ਚਾਰ ਲੱਖ ਲੋਕ ਇਸ ਨੂੰ ਖਰੀਦ ਲੈਣਗੇ।

ਨਿਸਾਨਾ ਬਨਾਉਣ ਦੇ ਤਕਰੀਬਨ ਇਕ ਮਹੀਨੇ ਬਾਅਦ ਮੈਂ ਨਿਊਯਾਰਕ ਦੇ ਹੰਟਰ ਕਾਲਜ 'ਚ ਛੇ ਸੌ ਟੀਚਰਾਂ ਸਾਹਮਣੇ ਭਾਸ਼ਣ ਦਿਤਾ। ਲੈਕਚਰ ਤੋਂ ਬਾਅਦ ਇਕ ਮਹਿਲਾ ਮੇਰੇ ਕੋਲ ਆ ਕੇ ਬੋਲੀ, "ਤੁਹਾਡਾ ਲੈਕਚਰ ਬਹੁਤ ਵਧੀਆ ਸੀ। ਮੈਂ ਤੁਹਾਡਾ ਇੰਟਰਵਿਊ ਲੈਣਾ ਚਾਹੁੰਦੀ ਹਾਂ। ਇਹ ਰਿਹਾ ਮੇਰਾ ਕਾਰਡ।" ਮੈਨੂੰ ਬਾਅਦ 'ਚ ਪਤਾ ਚੱਲਿਆ ਕਿ ਉਹ ਮਹਿਲਾ ਫ੍ਰੀਲਾਂਸ ਪੱਤਰਕਾਰ ਸੀ ਤੇ ਨੈਸ਼ਨਲ ਇਨਕੁਆਰਰ 'ਚ ਲੇਖ ਲਿਖਦੀ ਸੀ। "ਦ ਟਵਾਇਲਾਇਟ ਜ਼ੋਨ" ਦੀ ਵਿਸ਼ਾਵਸਤੂ ਮੇਰੇ ਦਿਮਾਗ 'ਚ ਗੂੰਜਣ ਲੱਗੀ, ਜਿਵੇਂ, ਓਹ, ਇਹ ਚੀਜ ਸਚਮੁੱਚ ਕੰਮ ਕਰ ਰਹੀ ਹੈ। ਉਹ ਲੇਖ ਛਪ ਗਿਆ ਤੇ ਪੁਸਤਕ ਦੀ ਵਿਕਰੀ ਵਧਣ ਲੱਗੀ।

ਮੈਂ ਇਹ ਦੱਸਣਾ ਚਾਹੁੰਦਾ ਹਾਂ ਕਿ ਮੈਂ ਆਪਣੇ ਜੀਵਨ 'ਚ ਇਨ੍ਹਾਂ ਸਾਰੀਆਂ ਘਟਨਾਵਾਂ ਨੂੰ ਆਕਰਸਿਤ ਕਰ ਰਿਹਾ ਸੀ, ਜਿਨ੍ਹਾਂ 'ਚ ਉਹ ਪੱਤਰਕਾਰ ਵੀ ਸ਼ਾਮਿਲ ਸੀ। ਲੰਮੀ ਕਹਾਣੀ ਨੂੰ ਸੰਖੇਪ 'ਚ ਕਹਿਆ ਜਾਏ, ਤਾਂ ਮੈਨੂੰ ਉਸ ਸਾਲ ਇਕ ਲੱਖ ਡਾਲਰ ਦੀ ਕਮਾਈ ਨਹੀਂ ਹੋ ਪਾਈ। ਸਾਡੀ ਕਮਾਈ 92,347 ਡਾਲਰ ਸੀ। ਲੇਕਿਨ ਕੀ ਤੁਸੀਂ ਸੋਚਦੇ ਹੋ ਕਿ ਅਸੀਂ ਗਮਗੀਨ ਹੋ ਗਏ ਤੇ ਇਹ ਕਹਿਣ ਲੱਗ ਪਏ, "ਇਹ ਕਾਰਗਰ ਨਹੀਂ ਹੈ?" ਨਹੀਂ, ਇਸਦੀ ਬਜਾਇ ਅਸੀਂ ਤਾਂ ਇਹ ਕਹਿ ਰਹੇ ਸੀ, "ਇਹ ਅਦਭੁੱਤ ਹੈ!" ਮੇਰੀ ਪਤਨੀ ਨੇ ਮੈਨੂੰ ਕਿਹਾ, "ਜੇਕਰ ਇਹ ਤਰੀਕਾ ਇਕ ਲੱਖ ਲਈ ਕੰਮ ਕਰਦਾ ਹੈ, ਤਾਂ ਕੀ ਇਹ ਦਸ ਲੱਖ ਲਈ ਵੀ ਕੰਮ ਕਰੇਗਾ?" ਮੈਂ ਕਿਹਾ, "ਮੈਨੂੰ ਨਹੀਂ ਪਤਾ, ਲੇਕਿਨ ਲੱਗਦਾ ਤੇ ਹੈ। ਅਸੀਂ ਕੋਸ਼ਿਸ਼ ਕਰਕੇ ਦੇਖਦੇ ਹਾਂ।"

ਮੇਰੇ ਪਬਲੀਸ਼ਰ ਨੇ ਚਿਕਨ ਸੂਪ ਫਾਰ ਦ ਸੇਲ ਪੁਸਤਕ ਲਈ ਜਦੋਂ ਮੈਨੂੰ ਰਾਇਲਟੀ ਦਾ ਚੈਕ ਕਟਿਆ, ਤਾਂ ਉਨ੍ਹਾਂ ਨੇ ਆਪਣੇ ਦਸਤਖਤ 'ਚ ਇਕ ਸਮਾਇਲੀ ਬਣਾ ਦਿੱਤੀ, ਕਿਉਂਕਿ ਉਹ ਪਹਿਲੀ ਵਾਰ ਕਿਸੇ ਨੂੰ ਦਸ ਲੱਖ ਡਾਲਰ ਦਾ ਚੈਕ ਦੇ ਰਹੇ ਸਨ।

ਮੈਂ ਆਪਣੇ ਅਨੁਭਵਾਂ ਨਾਲ ਜਾਣਦਾ ਹਾਂ, ਕਿਉਂਕਿ ਮੈਂ ਇਸਦੀ ਪਰਖ ਕਰ ਚੁੱਕਿਆ ਹਾਂ। ਕੀ ਇਹ ਰਹੱਸ ਸਚਮੁੱਚ ਕੰਮ ਕਰਦਾ ਹੈ? ਬਿਲਕੁਲ ਕਰਦਾ ਹੈ। ਇਸਨੇ ਪੂਰੀ

ਤਰ੍ਹਾਂ ਕੰਮ ਕੀਤਾ ਤੇ ਉਸ ਦਿਨ ਤੋਂ ਬਾਅਦ ਮੈਂ ਸ਼ਾਨਦਾਰ ਜੀਵਨ ਦਾ ਆਨੰਦ ਲੈ ਰਿਹਾ ਹਾਂ।

ਰਹੱਸ ਦੇ ਗਿਆਨ ਅਤੇ ਆਕਰਸ਼ਨ ਦੇ ਨਿਯਮ ਨੂੰ ਜੀਵਨ ਦੇ ਹਰ ਖਿੱਤੇ 'ਚ ਲਾਗੂ ਕੀਤਾ ਜਾ ਸਕਦਾ ਹੈ। ਇਹ ਪ੍ਰਕਿਰਿਆ ਹਰ ਉਸ ਚੀਜ਼ 'ਤੇ ਲਾਗੂ ਕੀਤੀ ਜਾ ਸਕਦੀ ਹੈ, ਜਿਸ ਨੂੰ ਤੁਸੀਂ ਪਾਉਣਾ ਚਾਹੁੰਦੇ ਹੋ।

ਇਸ 'ਚ ਪੈਸਾ ਵੀ ਸ਼ਾਮਿਲ ਹੈ। ਪੈਸੇ ਨੂੰ ਆਕਰਸ਼ਿਤ ਕਰਣ ਲਈ ਤੁਹਾਨੂੰ ਦੌਲਤ 'ਤੇ ਧਿਆਨ ਕੇਂਦ੍ਰਿਤ ਕਰਣਾ ਹੋਵੇਗਾ। ਜੀਵਨ 'ਚ ਜਿਆਦਾ ਪੈਸੇ ਪਾਉਣਾ ਅਸੰਭਵ ਹੈ, ਜੇਕਰ ਤੁਹਾਡਾ ਧਿਆਨ ਇਸ ਵੱਲ ਹੋਵੇ ਕਿ ਤੁਹਾਡੇ ਕੋਲ ਬਥੇਰੇ ਪੈਸੇ ਨਹੀਂ ਹਨ। ਇਸਦਾ ਮਤਲਬ ਹੈ ਕਿ ਤੁਸੀਂ ਆਪਣੇ ਦਿਮਾਗ਼ 'ਚ ਇਹ ਵਿਚਾਰ ਸੋਚ ਰਹੇ ਹੋ ਕਿ ਤੁਹਾਡੇ ਕੋਲ ਬਥੇਰੇ ਪੈਸੇ ਨਹੀਂ ਹਨ। ਘੱਟ ਪੈਸਿਆਂ 'ਤੇ ਧਿਆਨ ਕੇਂਦ੍ਰਿਤ ਕਰੋਗੇ, ਤਾਂ ਤੁਸੀਂ ਆਪਣੇ ਜੀਵਨ 'ਚ ਇਹੋ ਜਿਹੇ ਹਾਲਾਤ ਪੈਦਾ ਕਰ ਲਵੋਗੇ, ਜਿਨ੍ਹਾਂ 'ਚ ਤੁਹਾਡੇ ਕੋਲ ਘੱਟ ਪੈਸੇ ਹੋਣਗੇ। ਦੌਲਤਮੰਦ ਬਣਨ ਲਈ ਤੁਹਾਨੂੰ ਧਨ ਦੀ ਬਹੁਤਾਤ 'ਤੇ ਧਿਆਨ ਕੇਂਦ੍ਰਿਤ ਕਰਣਾ ਹੋਵੇਗਾ।

ਤੁਹਾਨੂੰ ਆਪਣੇ ਵਿਚਾਰਾਂ ਤੋਂ ਇਕ ਨਵਾਂ ਸੰਕੇਤ ਭੇਜਣਾ ਹੋਵੇਗਾ। ਇਹ ਵਿਚਾਰ ਇਸ ਤਰ੍ਹਾਂ ਦੇ ਹੋਏ ਚਾਹੀਦੇ ਹਨ ਕਿ ਤੁਹਾਡੇ ਕੋਲ ਇਸ ਵੇਲੇ ਕਾਫ਼ੀ ਤੋਂ ਜਿਆਦਾ ਹੈ। ਦਰਅਸਲ ਆਪਣੀ ਕਲਪਨਾ ਨੂੰ ਉਡਾਨ ਭਰਣ ਦਿਓ ਤੇ ਇਹ ਯਕੀਨ ਕਰੋ ਕਿ ਤੁਹਾਡੇ ਕੋਲ ਇਸ ਵੇਲੇ ਤੁਹਾਡੀ ਮਨਚਾਹੀ ਦੌਲਤ ਹੈ। ਇੰਝ ਕਰਣਾ ਬੜਾ ਮਜ਼ੇਦਾਰ ਹੁੰਦਾ ਹੈ। ਤੁਸੀਂ ਧਿਆਨ ਦਿਓਗੇ ਕਿ ਜਦੋਂ ਤੁਸੀਂ ਦੌਲਤਮੰਦ ਹੋਣ ਦਾ ਡਰਾਮਾ ਕਰੋਗੇ ਤੇ ਖੇਡ ਖੇਡੋਗੇ, ਤਾਂ ਤੁਸੀਂ ਤੁਰੰਤ ਪੈਸਿਆਂ ਬਾਰੇ ਬੇਹਤਰ ਮਹਿਸੂਸ ਕਰਣ ਲਗੋਗੇ। ਅਤੇ ਜਦੋਂ ਤੁਸੀਂ ਪੈਸਿਆਂ ਬਾਰੇ ਜਿਆਦਾ ਚੰਗਾ ਮਹਿਸੂਸ ਕਰੋਗੇ, ਤਾਂ ਪੈਸਾ ਤੁਹਾਡੇ ਜੀਵਨ ਵਿਚ ਪ੍ਰਵਾਹਿਤ ਹੋਣ ਲਗੇਗਾ।

ਜੈਕ ਦੀ ਅਦਭੁੱਤ ਕਹਾਣੀ ਤੋਂ ਪ੍ਰੇਰਿਤ ਹੋਕੇ ਦ ਸੀਕ੍ਰਿਟ ਟੀਮ ਨੇ ਇਕ ਕੋਰਾ ਚੈਕ ਬਣਾਇਆ, ਜਿਹੜਾ ਦ ਸੀਕ੍ਰਿਟ ਵੈੱਬਸਾਈਟ www.thesecret.tv ਤੋਂ ਮੁਫਤ 'ਚ ਡਾਊਨਲੋਡ ਕੀਤਾ ਜਾ ਸਕਦਾ। ਹੈ। ਇਹ ਕੋਰਾ ਚੈਕ ਤੁਹਾਡੇ ਲਈ ਹੈ ਤੇ ਇਸਦੀ ਪੇਮੈਂਟ ਬ੍ਰਹਿਮੰਡ ਦਾ ਬੈਂਕ ਕਰੇਗਾ। ਤੁਸੀਂ ਇਸ 'ਚ ਆਪਣਾ ਨਾਂ, ਰਕਮ ਆਦਿ ਭਰ ਕੇ ਇਹੋ ਜਿਹੀ ਜਗ੍ਹਾਂ 'ਤੇ ਰਖੋ, ਜਿੱਥੇ ਤੁਸੀਂ ਇਸ ਨੂੰ ਹਰ ਦਿਨ ਦੇਖ ਸਕੋ। ਚੈਕ ਵਲ ਦੇਖਣ ਸਮੇਂ ਇਹ ਭਾਵਨਾ ਮਹਿਸੂਸ ਕਰੋ, ਜਿਵੇਂ ਉਹ ਪੈਸਾ ਤੁਹਾਡੇ ਕੋਲ ਇਸੇ

ਵੇਲੇ ਮੌਜੂਦ ਹੈ। ਉਸ ਪੈਸੇ ਨੂੰ ਖਰਚ ਕਰਨ ਦੀ ਕਲਪਨਾ ਕਰੋ। ਉਨ੍ਹਾਂ ਸਾਰੀਆਂ ਚੀਜਾਂ ਨੂੰ ਖਰੀਦਣ ਦੀ ਕਲਪਨਾ ਕਰੋ, ਜਿਨ੍ਹਾਂ ਨੂੰ ਤੁਸੀਂ ਖਰੀਦਣਾ ਚਾਹੁੰਦੇ ਹੋ। ਉਹ ਸਾਰੇ ਕੰਮ ਕਰਨ ਦੀ ਕਲਪਨਾ ਕਰੋ ਜਿਹੜੇ ਤੁਸੀਂ ਕਰਣਾ ਚਾਹੁੰਦੇ ਹੋ। ਮਹਿਸੂਸ ਕਰੋ ਕਿ ਇਹ ਕਿੰਨਾ ਅਦਭੁੱਤ ਹੈ। ਜਾਣ ਲਓ ਕਿ ਉਹ ਪੈਸਾ ਤੁਹਾਡਾ ਹੋ ਚੁੱਕਿਆ ਹੈ, ਕਿਉਂਕਿ ਜਦੋਂ ਤੁਸੀਂ ਮੰਗਦੇ ਹੋ, ਤਾਂ ਮਿਲ ਜਾਂਦਾ ਹੈ। ਸੈਂਕੜੇ ਲੋਕਾਂ ਨੇ ਦਸਿਆ ਹੈ ਕਿ ਦ ਸੀਕ੍ਰਿਟ ਚੈਕ ਦਾ ਇਸਤੇਮਾਲ ਕਰਕੇ ਉਨ੍ਹਾਂ ਨੇ ਬਹੁਤ ਵੱਡੀ ਰਕਮ ਹਾਸਿਲ ਕੀਤੀ ਹੈ। ਇਹ ਇਕ ਮਜ਼ੇਦਾਰ ਤੇ ਕਾਰਗਰ ਖੇਡ ਹੈ।

ਪ੍ਰਚੁਰਤਾ ਨੂੰ ਆਕਰਸ਼ਿਤ ਕਰੋ

ਕਿਸੇ ਵਿਅਕਤੀ ਦੇ ਕੋਲ ਬਥੇਰੇ ਪੈਸੇ ਨਹੀਂ ਹੋਣ ਦਾ ਇਕੱਲਾ ਕਾਰਣ ਇਹ ਹੈ ਕਿ ਉਹ ਆਪਣੇ ਵਿਚਾਰਾਂ ਰਾਹੀਂ ਪੈਸਿਆਂ ਨੂੰ ਆਪਣੇ ਕੋਲ ਆਉਣ ਤੋਂ ਰੋਕ ਰਿਹਾ ਹੈ। ਹਰ ਨਕਾਰਾਤਮਕ ਵਿਚਾਰ, ਭਾਵਨਾ ਜਾਂ ਭਾਵ ਤੁਹਾਡੀ ਚੰਗਿਆਈ ਨੂੰ ਤੁਹਾਡੇ ਤਕ ਆਉਣ ਤੋਂ ਰੋਕ ਰਿਹਾ ਹੈ ਤੇ ਇਸ 'ਚ ਪੈਸਾ ਵੀ ਸ਼ਾਮਿਲ ਹੈ। ਬ੍ਰਹਿਮੰਡ ਪੈਸੇ ਨੂੰ ਤੁਹਾਡੇ ਕੋਲ ਆਉਣ ਤੋਂ ਨਹੀਂ ਰੋਕ ਰਿਹਾ ਹੈ, ਕਿਉਂਕਿ ਤੁਹਾਨੂੰ ਜਿਨੇ ਪੈਸਿਆਂ ਦੀ ਲੋੜ ਹੈ, ਉਂਨਾਂ ਪੈਸਾ ਅਦ੍ਰਿਸ 'ਚ ਇਸੇ ਵੇਲੇ ਮੌਜੂਦ ਹੈ। ਜੇਕਰ ਤੁਹਾਡੇ ਕੋਲ ਬਥੇਰਾ ਪੈਸਾ ਨਹੀਂ ਹੈ, ਤਾਂ ਇੰਝ ਇਸ ਕਰਕੇ ਹੈ ਕਿਉਂਕਿ ਤੁਸੀਂ ਧਨ ਦੇ ਪ੍ਰਵਾਹ ਨੂੰ ਆਪਣੇ ਕੋਲ ਆਉਣ ਤੋਂ ਰੋਕ ਰਹੇ ਹੋ ਤੇ ਤੁਸੀਂ ਇੰਝ ਆਪਣੇ ਵਿਚਾਰਾਂ ਰਾਹੀਂ ਕਰ ਰਹੇ ਹੋ। ਤੁਹਾਨੂੰ ਆਪਣੇ ਵਿਚਾਰਾਂ ਦੀ ਤੱਕੜੀ ਦਾ ਝੁਕਾਅ ਧਨ-ਦੀ-ਕਮੀ ਪਾਸੇ ਵਾਲੇ ਪਲੜੇ ਦੀ ਬਜਾਇ ਕਾਫ਼ੀ-ਤੋਂ-ਜ਼ਿਆਦਾ-ਧਨ ਵਾਲੇ ਪਲੜੇ ਵੱਲ ਕਰਣਾ ਹੋਵੇਗਾ। ਅਭਾਵ ਦੀ ਬਜਾਇ ਬਹੁਤਾਤ ਦੇ ਵਿਚਾਰ ਸੋਚੋਗੇ ਤਾਂ ਤੱਕੜੀ ਦਾ ਝੁਕਾਅ ਬਦਲ ਜਾਵੇਗਾ।

ਪੈਸਿਆਂ ਦੀ ਜਰੂਰਤ ਮਹਿਸੂਸ ਹੋਣਾ ਇਕ ਸ਼ਕਤੀਸ਼ਾਲੀ ਭਾਵਨਾ ਹੈ। ਇਸਲਈ ਜ਼ਾਹਿਰ ਹੈ, ਆਕਰਸ਼ਨ ਦੇ ਨਿਯਮ ਦੁਆਰਾ ਤੁਸੀਂ ਪੈਸਿਆਂ ਦੀ ਜਰੂਰਤ ਨੂੰ ਆਪਣੇ ਵਲ ਆਕਰਸ਼ਿਤ ਕਰਦੇ ਰਵੋਗੇ।

ਮੈਂ ਪੈਸਿਆਂ ਬਾਰੇ ਆਪਣੇ ਅਨੁਭਵਾਂ ਤੋਂ ਬੋਲ ਸਕਦੀ ਹਾਂ, ਕਿਉਂਕਿ ਰਹੱਸ ਪਤਾ ਚਲਣ ਤੋਂ ਠੀਕ ਪਹਿਲਾਂ ਮੇਰੇ ਅਕਾਊਟੈਂਟ ਨੇ ਮੈਨੂੰ ਦਸਿਆ ਕਿ ਮੇਰੀ ਕੰਪਨੀ ਨੂੰ ਉਸ ਸਾਲ ਭਾਰੀ ਘਾਟਾ ਹੋਇਆ ਹੈ