ਸਮਰਿੱਧੀ ਉੱਤੇ ਧਿਆਨ ਕੇਂਦ੍ਰਿਤ ਕਰੋ
ਡਾੱ. ਜੋ ਵਿਟਾਲ
ਮੈਂ ਕਲਪਨਾ ਕਰ ਸਕਦਾ ਹਾਂ ਕਿ ਬਹੁਤ ਸਾਰੇ ਲੋਕ ਕੀ ਸੋਚ ਰਹੇ ਹੋਵੇਗੇ: “ਮੈਂ ਆਪਣੇ ਜੀਵਨ 'ਚ ਜ਼ਿਆਦਾ ਪੈਸਿਆਂ ਨੂੰ ਕਿਵੇਂ ਆਕਰਸ਼ਿਤ ਕਰ ਸਕਦਾ ਹਾਂ? ਮੈਂ ਜ਼ਿਆਦਾ ਨੋਟ ਕਿਵੇਂ ਹਾਸਿਲ ਕਰ ਸਕਦਾ ਹਾਂ? ਮੈਂ ਜ਼ਿਆਦਾ ਦੌਲਤ ਤੇ ਸਮਰਿਧੀ ਕਿਵੇਂ ਪਾ ਸਕਦਾ ਹਾਂ? ਹਾਲਾਂਕਿ ਮੈਂ ਆਪਣੀ ਨੌਕਰੀ ਦੇ ਕੰਮ ਨੂੰ ਬੜਾ ਪਸੰਦ ਕਰਦਾ ਹਾਂ, ਲੇਕਿਨ ਮੈਂ ਆਪਣੇ ਕ੍ਰੈਡਿਟ ਕਾਰਡ ਦੇ ਕਰਜ਼ੇ ਤੋਂ ਕਿਵੇਂ ਛੁਟਕਾਰਾ ਪਾ ਸਕਦਾ ਹਾਂ ਤੇ ਇਸ ਅਹਿਸਾਸ ਨਾਲ ਕਿ ਮੇਰੀ ਆਮਦਨੀ ਸੀਮਤ ਹੈ, ਕਿਉਂਕਿ ਇਹ ਬਤੌਰ ਤਨਖਾਹ ਹੀ ਮੇਰੇ ਕੋਲ ਆ ਸਕਦੀ ਹੈ? ਮੈਂ ਹੋਰ ਜਿਆਦਾ ਕਿਵੇਂ ਕਮਾ ਸਕਦਾ ਹਾਂ? ਇਸਦਾ ਇਰਾਦਾ ਰਖੋ!
ਅਸੀਂ ਇਸ ਪੁਸਤਕ 'ਚ ਇਸ ਬਾਰੇ ਬਹੁਤ ਸਾਰੀਆਂ ਗੱਲਾਂ ਕਰ ਚੁੱਕੇ ਹਾਂ। ਤੁਹਾਡਾ ਕੰਮ ਇਹ ਐਲਾਨ ਕਰਣਾ ਹੈ ਕਿ ਤੁਸੀਂ ਬ੍ਰਹਿਮੰਡ ਦੇ ਕੈਟੇਲਾਂਗ ਤੋਂ ਕੀ ਪਾਉਣਾ ਚਾਹੁੰਦੇ ਹੋ। ਜੇਕਰ ਪੈਸਾ ਉਨ੍ਹਾਂ ਚੀਜ਼ਾਂ 'ਚੋਂ ਇਕ ਹੈ, ਤਾਂ ਇਹ ਦੱਸੋ ਕਿ ਤੁਸੀਂ ਕਿੰਨਾ ਪੈਸਾ ਪਾਉਣਾ ਚਾਹੋਗੇ। "ਮੈਂ ਅਗਲੇ ਤੀਹ ਦਿਨਾਂ 'ਚ ਅਪ੍ਰਤਿਆਸਿਤ ਤੌਰ ਤੇ ਪੱਚੀ ਹਜ਼ਾਰ ਡਾਲਰ (ਜਾਂ ਕੋਈ ਹੋਰ ਧਨ ਰਾਸ਼ੀ) ਪਾਉਣਾ ਚਾਹਵਾਂਗਾ।" ਬਸ ਇਹ ਤੁਹਾਡੇ ਲਈ ਭਰੋਸੇਯੋਗ ਹੋਣੀ ਚਾਹੀਦੀ ਹੈ।
ਜੇਕਰ ਤੁਸੀਂ ਆਪਣੇ ਅਤੀਤ 'ਚ ਆਪਣੇ ਮਸਤਿਸ਼ਕ 'ਚ ਇਹ ਵਿਚਾਰ ਰੱਖਿਆ ਹੈ ਕਿ ਪੈਸਾ ਸਿਰਫ਼ ਤਨਖਾਹ ਦੇ ਤੌਰ ਤੇ ਹੀ ਤੁਹਾਡੇ ਕੋਲ ਆ ਸਕਦਾ ਹੈ, ਤਾਂ ਉਸ ਵਿਚਾਰ ਨੂੰ ਫੌਰਨ ਬਾਹਰ ਕੱਢ ਦਿਓ। ਕੀ ਤੁਸੀਂ ਇਹ ਨਹੀਂ ਸਮਝ ਪਾ ਰਹੇ ਹੋ ਕਿ ਜੇਕਰ ਤੁਸੀਂ ਇਸ ਤਰ੍ਹਾਂ ਨਾਲ ਸੋਚਦੇ ਰਹੋਗੇ ਤਾਂ ਤੁਹਾਡੀ ਜ਼ਿੰਦਗੀ 'ਚ ਇਹੀ ਵਿਚਾਰ ਸਾਕਾਰ ਹੋ ਜਾਵੇਗਾ? ਇਸ ਤਰ੍ਹਾਂ ਦੇ ਵਿਚਾਰਾਂ ਤੋਂ ਤੁਹਾਡਾ ਭਲਾ ਨਹੀਂ ਹੋਵੇਗਾ।
ਹੁਣ ਤੁਸੀਂ ਇਹ ਸਮਝ ਚੁੱਕੇ ਹੋ ਕਿ ਤੁਹਾਡੇ ਕੋਲ ਬਹੁਤਾਤ 'ਚ ਮੌਜੂਦ ਹੈ ਤੇ ਇਹ ਪਤਾ ਲਾਉਣਾ ਤੁਹਾਡਾ ਕੰਮ ਨਹੀਂ ਹੈ ਕਿ ਪੈਸਾ ਤੁਹਾਡੇ ਕੋਲ "ਕਿਵੇਂ" ਆਵੇਗਾ। ਤੁਹਾਡਾ ਕੰਮ ਤਾਂ ਬਸ ਇੰਨਾ ਹੈ ਕਿ ਤੁਸੀਂ ਮੰਗੋ, ਇਹ ਯਕੀਨ ਰੱਖੋ ਕਿ ਤੁਸੀਂ ਇਸ ਨੂੰ ਪਾ ਰਹੇ ਹੋ ਅਤੇ ਇਸੇ ਵੇਲੇ ਖੁਸ਼ੀ ਮਹਿਸੂਸ
