ਕਿ ਤੁਹਾਡੇ ਲਈ ਕਿਹੜੀ ਚੀਜ ਸਭ ਤੋਂ ਚੰਗੀ ਤਰ੍ਹਾਂ ਕੰਮ ਕਰਦੀ ਹੈ। ਜਦੋਂ ਤੁਸੀਂ ਨਾਟਕ ਕਰੋਗੇ ਤਾਂ ਸਿੱਟੇ ਤੇਜ਼ੀ ਨਾਲ ਮਿਲਣਗੇ।
ਲੋਰਲ ਲੇਂਜਮੀਰ
ਵਿੱਤੀ ਰਣਨੀਤੀਕਾਰ, ਵਕਤਾ ਤੇ ਵਿਅਕਤੀਗਤ ਅਥੈ ਕਾਰਪੋਰੇਟ ਕੋਚ
ਮੈਂ ਇਸ ਵਿਸ਼ਵਾਸ ਨਾਲ ਵੱਡੀ ਹੋਈ ਸੀ ਕਿ "ਪੈਸੇ ਲਈ ਇਨਸਾਨ ਨੂੰ ਕਰੜੀ ਮਿਹਨਤ ਕਰਣੀ ਪੈਂਦੀ ਹੈ।" ਵੱਡੀ ਹੋਣ ਤੋਂ ਬਾਅਦ ਮੈਂ ਆਪਣੇ ਦਿਮਾਗ 'ਚ ਇਸ ਦੀ ਥਾਂ ਇਹ ਵਿਚਾਰ ਰੱਖ ਲਿਆ। "ਪੈਸਾ ਆਸਾਨੀ ਨਾਲ ਤੇ ਅਕਸਰ ਮਿਲਦਾ ਹੈ।" ਹੁਣ ਸ਼ੁਰੂਆਤ 'ਚ ਤਾਂ ਇਹ ਝੂਠ ਵਰਗਾ ਲਗਦਾ ਸੀ, ਠੀਕ ਹੈ। ਤੁਹਾਡੇ ਮਸਤਿਸਕ ਦਾ ਇਕ ਹਿੱਸਾ ਕਹੇਗਾ, ਤੁਸੀਂ ਝੂਠੇ ਹੋ, ਇਹ ਮੁਸ਼ਕਿਲ ਹੈ।" ਤੁਹਾਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਇਸ ਤਰ੍ਹਾਂ ਦਾ ਟੈਨਿਸ ਮੈਚ ਕੁੱਝ ਸਮੇਂ ਤਕ ਚਲੇਗਾ।
ਜੇਕਰ ਮਨ 'ਚ ਇਹੋ ਜਿਹੇ ਵਿਚਾਰ ਹੋਣ, "ਪੈਸੇ ਕਮਾਉਣ ਲਈ ਮੈਨੂੰ ਸਚਮੁੱਚ ਕਰੜੀ ਮਿਹਨਤ ਤੇ ਸੰਘਰਸ਼ ਕਰਣਾ ਹੋਵੇਗਾ," ਤਾਂ ਉਨ੍ਹਾਂ ਨੂੰ ਫੌਰਨ ਬਾਹਰ ਕਢ ਦਿਓ। ਉਨ੍ਹਾਂ ਵਿਚਾਰਾਂ ਨੂੰ ਸੋਚਕੇ ਤੁਸੀਂ ਇਕ ਖਾਸ ਫ੍ਰੀਕਊਂਸੀ ਭੇਜੀ ਸੀ ਤੇ ਇਸੇ ਕਾਰਣ ਤੁਹਾਨੂੰ ਜ਼ਿੰਦਗੀ 'ਚ ਭੈੜੇ ਅਨੁਭਵ ਮਿਲੇ। ਲੋਰਲ ਲੇਂਜਮੀਰ ਦੀ ਸਲਾਹ ਮੰਨੋ ਤੇ ਉਨ੍ਹਾਂ ਵਿਚਾਰਾਂ ਦੀ ਥਾਂ ਇਹ ਵਿਚਾਰ ਰੱਖ ਲਓ, "ਪੈਸਾ ਆਸਾਨੀ ਨਾਲ ਤੇ ਅਕਸਰ ਮਿਲਦਾ ਹੈ।"
ਡੇਵਿਡ ਸਕਰਮਰ
ਪੈਸਾ ਬਣਾਉਣ ਦੇ ਵਿਸ਼ੇ 'ਚ ਇਹ ਜਾਣ ਲਓ ਕਿ ਦੌਲਤ ਇਕ ਮਾਨਸਿਕਤਾ ਹੈ। ਇਸਦਾ ਸੰਬੰਧ ਇਸ ਗੱਲ ਨਾਲ ਹੈ ਕਿ ਤੁਸੀਂ ਕਿਵੇਂ ਸੋਚਦੇ ਹੋ।
ਲੋਰਲ ਲੇਂਜਮੀਰ
ਮੈਂ ਲੋਕਾਂ ਨੂੰ ਜਿਹੜੀ ਕੋਚਿੰਗ ਦਿੰਦੀ ਹਾਂ, ਉਸਦਾ 80 ਫੀਸਦੀ ਹਿੱਸਾ ਉਨ੍ਹਾਂ ਦੇ ਮਨੋਵਿਗਿਆਨ ਤੇ ਸੋਚਣ ਦੇ ਤਰੀਕੇ ਨਾਲ ਸੰਬੰਧਿਤ ਹੁੰਦਾ ਹੈ। ਮੈਂ ਜਾਣਦੀ ਹਾਂ, ਲੋਕ
