ਮੈਂ ਬਹੁਤੇ ਇਹੋ ਜਿਹੇ ਲੋਕਾਂ ਨੂੰ ਵੀ ਵੇਖਦਾ ਹਾਂ, ਜਿਹੜੇ ‘ਅਧਿਆਤਮਕ ਹਨ, ਲੇਕਿਨ ਹਰ ਸਮੇਂ ਬੀਮਾਰ ਤੇ ਕੰਗਾਲ ਰਹਿੰਦੇ ਹਨ। ਇਹ ਵੀ ਦੌਲਤ ਨਹੀਂ ਹੈ। ਜੀਵਨ ਦਾ ਮਤਲਬ ਮਾਲਾਮਾਲ ਹੋਣਾ ਹੈ - ਸਾਰੇ ਖੇਤਰਾਂ 'ਚ।
ਜੇਕਰ ਤੁਹਾਨੂੰ ਇਹ ਯਕੀਨ ਕਰਣਾ ਸਿਖਾਇਆ ਗਿਆ ਹੈ ਕਿ ਦੌਲਤਮੰਦ ਬਣਨਾ ਅਧਿਆਤਮਕ ਨਜਰੀਏ ਨਾਲ ਚੰਗਾ ਨਹੀਂ ਹੈ, ਤਾਂ ਮੈਂ ਤੁਹਾਨੂੰ ਕੈਥਰੀਨ ਪਾਂਡਰ ਦੀ ਦ ਮਿਲੀਅਨਰਜ਼ ਆਫ਼ ਦ ਬਾਇਬਲ ਸੀਰੀਜ਼ ਪੜ੍ਹਨ ਦੀ ਸਲਾਹ ਦੇਣਾ ਚਾਹਵਾਂਗੀ। ਇਨ੍ਹਾਂ ਬੇਹਤਰੀਨ ਪੁਸਤਕਾਂ ਤੋਂ ਤੁਹਾਨੂੰ ਇਹ ਪਤਾ ਚਲੇਗਾ ਕਿ ਇਬਰਾਹਮ, ਇਸਾਕ, ਜੇਕਬ, ਜੋਸਫ, ਮੋਜੇਸ ਤੇ ਈਸਾ ਮਸੀਹ ਨ ਸਿਰਫ ਸਮਰਿਧੀ ਦੇ ਉਪਦੇਸ਼ਕ ਸਨ, ਬਲਕਿ ਆਪ ਮਿਲੀਅਨਰ ਸਨ ਤੇ ਇੰਨੇ ਸ਼ਾਹੀ ਜੀਵਨਸ਼ੈਲੀ ਨਾਲ ਜਿਉਂਦੇ ਸਨ, ਜਿਸਦੀ ਕਲਪਨਾ ਵਰਤਮਾਨ ਯੁਗ ਦੇ ਕਈ ਮਿਲੀਅਨਰਜ਼ ਵੀ ਨਹੀਂ ਕਰ ਸਕਦੇ।
ਤੁਸੀਂ ਸਾਮਰਾਜ ਦੇ ਵਾਰਿਸ ਹੋ। ਸਮਰਿੱਧੀ ਤੁਹਾਡਾ ਜਨਮਸਿੱਧ ਅਧਿਕਾਰ ਹੈ ਤੇ ਜੀਵਨ ਦੇ ਹਰ ਖੇਤਰ 'ਚ ਤੁਹਾਡੇ ਹੱਥ ਅੰਦਰ ਇੰਨੀ ਪ੍ਰਚੁਰਤਾ ਦੀ ਕੁੰਜੀ ਹੈ, ਜਿਸਦੀ ਤੁਸੀਂ ਕਲਪਨਾ ਵੀ ਨਹੀਂ ਕਰ ਸਕਦੇ। ਤੁਸੀਂ ਹਰ ਮਨਚਾਹੀ ਚੀਜ਼ ਦੇ ਹਕਦਾਰ ਹੋ ਤੇ ਬ੍ਰਹਿਮੰਡ ਤੁਹਾਨੂੰ ਉਹ ਚੀਜ ਦੇਵੇਗਾ, ਲੇਕਿਨ ਤੁਹਾਨੂੰ ਆਪਣੇ ਜੀਵਨ 'ਚ ਇਸਲਈ ਸੱਦਾ ਦੇਣਾ ਹੋਵੇਗਾ। ਹੁਣ ਤੁਸੀਂ ਰਹੱਸ ਜਾਣ ਚੁਕੇ ਹੋ। ਤੁਹਾਡੇ ਕੋਲ ਹੁਣ ਚਾਬੀ ਹੈ। ਚਾਬੀ ਤੁਹਾਡੇ ਵਿਚਾਰ ਤੇ ਭਾਵਨਾਵਾਂ ਹਨ। ਇਹ ਚਾਬੀ ਸਾਰੀ ਜ਼ਿੰਦਗੀ ਤੁਹਾਡੇ ਹੱਥ 'ਚ ਰਹਿੰਦੀ ਹੈ।
ਮਾਰਸੀ ਸ਼ਿਮਾੱਫ਼
ਪੱਛਮੀ ਸੰਸਕ੍ਰਿਤੀ ਜਾਂ ਸਭਿਆਚਾਰ 'ਚ ਬਹੁਤੇ ਲੋਕ ਸਫਲਤਾ ਦੀ ਭਾਲ 'ਚ ਜੁਟੇ ਰਹਿੰਦੇ ਹਨ। ਉਹ ਵੱਡਾ ਮਕਾਨ ਚਾਹੁੰਦੇ ਹਨ, ਉਹ ਆਪਣੇ ਕਾਰੋਬਾਰ ਚ ਸਫਲਤਾ ਚਾਹੁੰਦੇ ਹਨ, ਉਹ ਤਮਾਮ ਬਾਹਰਲੀਆਂ ਚੀਜ਼ਾਂ ਚਾਹੁੰਦੇ ਹਨ। ਲੇਕਿਨ ਅਸੀਂ ਆਪਣੀ ਖੋਜ 'ਚ ਇਹ ਪਾਇਆ ਹੈ ਕਿ ਇਸ ਗੱਲ ਦੀ ਕੋਈ ਗਾਰੰਟੀ ਨਹੀਂ ਹੈ ਕਿ ਇਨ੍ਹਾਂ ਬਾਹਰਲੀਆਂ ਚੀਜ਼ਾਂ ਦੇ ਮਿਲਣ ਤੋਂ ਬਾਅਦ ਉਹ ਸਚਮੁੱਚ ਖੁਸ਼ ਹੋ ਜਾਣਗੇ, ਜਿਹੜਾ ਉਨ੍ਹਾਂ ਦਾ ਟੀਚਾ ਹੈ। ਅਸੀਂ ਇਹਨਾਂ ਬਾਹਰਲੀਆਂ ਚੀਜ਼ਾਂ ਦਾ ਪਿੱਛਾ ਇਹ ਸੋਚ ਕੇ ਕਰਦੇ ਹਾਂ ਕਿ ਉਨ੍ਹਾਂ ਦੇ ਮਿਲਣ ਤੋਂ ਬਾਅਦ ਸਾਨੂੰ ਖੁਸ਼ੀ ਮਿਲ ਜਾਵੇਗੀ, ਲੇਕਿਨ ਮਾਮਲਾ ਬਿਲਕੁਲ ਪੁੱਠਾ ਹੈ। ਤੁਹਾਨੂੰ ਪਹਿਲਾਂ ਅੰਦਰੂਨੀ ਖੁਸ਼ੀ, ਅੰਦਰਲੀ ਸ਼ਾਂਤੀ,
