ਸੰਬੰਧਾਂ ਦਾ ਰਹੱਸ

ਮੈਰੀ ਡਾਇਮੰਡ

ਫੇਂਗ ਸ਼ੂਈ ਸਲਾਹਕਾਰ, ਟੀਚਰ ਤੇ ਵਕਤਾ

ਰਹੱਸ ਦਾ ਮਤਲਬ ਇਹ ਹੈ ਕਿ ਅਸੀਂ ਆਪਣੇ ਬ੍ਰਹਿਮੰਡ ਦੇ ਨਿਰਮਾਤਾ ਹਾਂ ਤੇ ਅਸੀਂ ਜਿਹੜੀ ਵੀ ਇੱਛਾ ਸਾਕਾਰ ਕਰਣਾ ਚਾਹੁੰਦੇ ਹਾਂ, ਉਹ ਹਰ ਚੀਜ਼ ਸਾਡੇ ਜੀਵਨ 'ਚ ਪ੍ਰਗਟ ਹੋਵੇਗੀ। ਇਸਲਈ ਸਾਡੀ ਇੱਛਾਵਾਂ, ਵਿਚਾਰ ਤੇ ਭਾਵਨਾਵਾਂ ਬਹੁਤ ਮਹੱਤਵਪੂਰਨ ਹਨ, ਕਿਉਂਕਿ ਉਹੀ ਸਾਡੇ ਜੀਵਨ 'ਚ ਸਾਕਾਰ ਹੁੰਦੀਆਂ ਹਨ।

ਇਕ ਦਿਨ ਮੈਂ ਆਰਟ ਡਾਇਰੈਕਟਰ ਦੇ ਘਰ ਗਈ, ਜੋ ਬਹੁਤ ਮਸ਼ਹੂਰ ਫਿਲਮ ਨਿਰਮਾਤਾ ਸੀ। ਉਨ੍ਹਾਂ ਨੇ ਆਪਣੇ ਲਿਵਿੰਗ ਰੂਮ ਦੇ ਹਰ ਕੋਨੇ 'ਚ ਇਕ ਨੰਗੀ ਔਰਤ ਦੀ ਸੁੰਦਰ ਤਸਵੀਰ ਲਾਈ ਹੋਈ ਸੀ, ਜਿਸਨੇ ਇਕ ਕਪੜਾ ਲਪੇਟਿਆ ਹੋਇਆ ਸੀ ਤੇ ਉਹ ਆਪਣਾ ਸਿਰ ਘੁਮਾ ਰਹੀ ਸੀ, ਜਿਵੇਂ ਕਹਿ ਰਹੀ ਹੋਵੇ, "ਮੈਂ ਤੁਹਾਨੂੰ ਨਹੀਂ ਦੇਖਣਾ ਚਾਹੁੰਦੀ।" ਮੈਂ ਉਨ੍ਹਾਂ ਨੂੰ ਕਿਹਾ, "ਤੁਹਾਨੂੰ ਰੁਮਾਂਸ ਕਰਣ 'ਚ ਦਿੱਕਤ ਆ ਰਹੀ ਹੋਵੇਗੀ।" ਉਨ੍ਹਾਂ ਨੇ ਕਿਹਾ, "ਕੀ ਤੁਸੀਂ ਅੰਤਰਜਾਮੀ ਹੋ?" ਮੈਂ ਕਿਹਾ, "ਨਹੀਂ, ਲੇਕਿਨ ਵੇਖੋ। ਸੱਤ ਥਾਵਾਂ 'ਤੇ ਤੁਸੀਂ ਉਸੇ ਔਰਤ ਦੀ ਤਸਵੀਰ ਲਾਈ ਹੋਈ ਹੈ।" ਉਨ੍ਹਾਂ ਨੇ ਕਿਹਾ, "ਲੇਕਿਨ ਮੈਨੂੰ ਇਹ ਪੇਂਟਿੰਗ ਬੜੀ ਪਸੰਦ ਹੈ। ਮੈਂ ਇਸ ਨੂੰ ਆਪ ਪੇਂਟ ਕੀਤਾ ਹੈ।" ਮੈਂ ਕਿਹਾ, "ਇਹ ਤਾਂ ਹੋਰ ਵੀ ਮਾੜੀ ਗੱਲ ਹੈ, ਕਿਉਂਕਿ ਤੁਸੀਂ ਇਸ 'ਚ ਆਪਣੀ