ਕੋਈ ਵੀ ਕੰਮ ਕਰੀਏ, ਉਸ ਤੋਂ ਪਹਿਲਾਂ ਉਸਦਾ ਵਿਚਾਰ ਹੁੰਦਾ ਹੈ। ਵਿਚਾਰਾਂ ਤੋਂ ਹੀ ਉਹ ਸ਼ਬਦ ਬਣਦੇ ਹਨ, ਜਿਹੜੇ ਅਸੀਂ ਬੋਲਦੇ ਹਾਂ, ਉਹ ਭਾਵਨਾਵਾਂ ਜਿੰਨਾਂ ਨੂੰ ਅਸੀਂ ਮਹਿਸੂਸ ਕਰਦੇ ਹਾਂ ਤੇ ਉਹ ਕੰਮ, ਜਿਨ੍ਹਾਂ ਨੂੰ ਅਸੀਂ ਕਰਦੇ ਹਾਂ। ਕਾਰਜ ਸੰਬੰਧੀ ਵਿਚਾਰ ਖ਼ਾਸ ਤੌਰ ਤੇ ਸ਼ਕਤੀਸ਼ਾਲੀ ਹਨ, ਕਿਉਂਕਿ ਉਹ ਇਹੋ ਜਿਹੇ ਵਿਚਾਰ ਹਨ, ਜਿਨ੍ਹਾਂ ਕਾਰਣ ਅਸੀਂ ਕੰਮ ਕਰ ਰਹੇ ਹਾਂ।

ਹੋ ਸਕਦਾ ਹੈ ਸਾਨੂੰ ਇਹ ਅਹਿਸਾਸ ਵੀ ਨਾ ਹੋਵੇ ਕਿ ਸਾਡੇ ਸਭ ਤੋਂ ਅੰਦਰੂਨੀ ਵਿਚਾਰ ਕੀ ਹਨ, ਲੇਕਿਨ ਅਸੀਂ ਆਪਣੇ ਕੰਮਾਂ ਨੂੰ ਦੇਖ ਕੇ ਇਹ ਪਤਾ ਲਾ ਸਕਦੇ ਹਾਂ ਕਿ ਅਸੀਂ ਕੀ ਸੋਚ ਰਹੇ ਹਾਂ। ਫਿਲਮ ਨਿਰਮਾਤਾ ਦੀ ਕਹਾਣੀ 'ਚ ਉਸਦੇ ਸਭ ਤੋਂ ਅੰਦਰੂਨੀ ਵਿਚਾਰ ਉਸਦੇ ਕੰਮਾਂ ਤੇ ਮਾਹੌਲ 'ਚ ਦਿਸ ਰਹੇ ਸਨ। ਉਸਨੇ ਔਰਤਾਂ ਦੀਆਂ ਤਸਵੀਰਾਂ ਬਣਾਈਆਂ ਸਨ, ਜਿਹੜੀਆਂ ਸਾਰੀਆਂ ਉਸ ਤੋਂ ਦੂਰ ਜਾ ਰਹੀਆਂ ਸਨ। ਕੀ ਤੁਸੀਂ ਦੇਖ ਸਕਦੇ ਹੋ ਕਿ ਉਸ ਦੇ ਸਭ ਤੋਂ ਅੰਦਰਲੇ ਵਿਚਾਰ ਕੀ ਸਨ? ਹਾਲਾਂਕਿ ਉਸਦੇ ਸ਼ਬਦ ਕਹਿ ਰਹੇ ਸਨ ਕਿ ਉਹ ਕਈ ਔਰਤਾਂ ਨਾਲ ਡੇਟਿੰਗ ਕਰਣਾ ਚਾਹੁੰਦਾ ਹੈ, ਲੇਕਿਨ ਉਸਦੇ ਸਭ ਤੋਂ ਅੰਦਰਲੇ ਵਿਚਾਰ ਉਸਦੀਆਂ ਪੇਟਿੰਗਾਂ 'ਚ ਇਹ ਪ੍ਰਤਿਬਿੰਬਤ ਨਹੀਂ ਕਰ ਰਹੇ ਸਨ। ਆਪਣੇ ਕੰਮਾਂ ਨੂੰ ਬਦਲਣ ਦਾ ਵਿਕਲਪ ਚੁਣਨ ਦੇ ਕਾਰਣ ਉਹ ਆਪਣੇ ਸਮੁੱਚੇ ਵਿਚਾਰ ਨੂੰ ਆਪਣੀ ਮਨਚਾਹੀ ਚੀਜ਼ 'ਤੇ ਕੇਂਦ੍ਰਿਤ ਕਰ ਪਾਇਆ। ਇਕ ਆਸਾਨ ਜਿਹਾ ਬਦਲਾਅ ਤੋਂ ਬਾਅਦ ਉਸਨੇ ਨਵੀਂ ਤਸਵੀਰ ਬਣਾ ਲਈ ਤੇ ਆਕਰਸ਼ਨ ਦੇ ਨਿਯਮ ਰਾਹੀਂ ਉਸ ਨੂੰ ਸਾਕਾਰ ਕਰਣ 'ਚ ਸਮਰੱਥ ਹੋਇਆ।

ਜੇਕਰ ਤੁਸੀਂ ਕਿਸੀ ਚੀਜ਼ ਨੂੰ ਆਪਣੇ ਜੀਵਨ 'ਚ ਆਕਰਸ਼ਿਤ ਕਰਣਾ ਚਾਹੁੰਦੇ ਹੋ, ਤਾਂ ਇਹ ਸੁਨਿਸ਼ਚਿਤ ਕਰੋ ਕਿ ਤੁਹਾਡੇ ਕੰਮ ਤੁਹਾਡੀਆਂ ਇੱਛਾਵਾਂ ਦਾ ਵਿਰੋਧ ਨਾ ਕਰਣ। ਇਸਦਾ ਇਕ ਅਦਭੁਤ ਉਦਾਹਰਣ ਦ ਸੀਕ੍ਰਿਟ 'ਚ ਫੀਚਰ ਕੀਤੇ ਗਏ ਟੀਚਰ ਮਾਇਕ ਡੂਲੀ ਨੇ ਆਪਣੇ ਆਡੀਓ ਕੋਰਸ ਲੀਵਰੇਜਿੰਗ ਦ ਯੂਨੀਵਰਸ ਐਂਡ ਐਂਗੇਜਿੰਗ ਦ ਮੈਜਿਕ ਵਿਚ ਦਿੱਤਾ ਗਿਆ ਹੈ। ਇਸ 'ਚ ਇਕ ਇਹੋ ਜਿਹੀ ਮਹਿਲਾ ਦੀ ਕਹਾਣੀ ਹੈ, ਜਿਹੜੀ ਕਿ ਉੱਤਮ ਜੀਵਨਸਾਥੀ ਨੂੰ ਆਕਰਸ਼ਿਤ ਕਰਣਾ ਚਾਹੁੰਦੀ ਸੀ। ਉਸਨੇ ਸਾਰੇ ਸਹੀ ਕੰਮ ਕੀਤੇ ਸਨ, ਉਸਦੇ ਮਨ 'ਚ ਸਪਸ਼ਟ ਸੀ ਕਿ ਉਸਦਾ ਜੀਵਨਸਾਥੀ ਕਿਹੋ ਜਿਹਾ ਹੋਣਾ ਚਾਹੀਦਾ ਹੈ, ਉਸਨੇ ਉਸਦੇ ਸਾਰੇ ਗੁਣਾਂ ਦੀ ਵਿਆਪਕ ਸੂਚੀ ਬਣਾ ਰੱਖੀ ਸੀ ਤੇ ਉਹ ਆਪਣੇ ਜੀਵਨ 'ਚ ਉਸਦੀ ਮਾਨਸਿਕ ਤਸਵੀਰ ਦੇਖਣ ਦੀ ਕਲਪਨਾ ਕਰ ਰਹੀ ਸੀ। ਇਹ ਸਾਰੇ ਕੰਮ ਕਰਨ ਦੇ ਬਾਵਜੂਦ ਵੀ ਉੱਤਮ ਜੀਵਨਸਾਥੀ ਦਾ ਨਾਮੋ-ਨਿਸ਼ਾਨ ਵੀ ਨਹੀਂ ਦਿਖ ਰਿਹਾ ਸੀ।

ਫਿਰ ਇਕ ਦਿਨ ਜਦੋਂ ਉਹ ਘਰ ਆ ਕੇ ਆਪਣੇ ਗੈਰੇਜ 'ਚ ਆਪਣੀ ਕਾਰ ਖੜ੍ਹੀ ਕਰ ਰਹੀ ਸੀ, ਤਾਂ ਉਸਦੇ ਮੂੰਹ 'ਚੋਂ ਆਹ ਨਿਕਲ ਗਈ। ਉਸ ਨੂੰ ਅਹਿਸਾਸ ਹੋ ਗਿਆ ਕਿ ਉਸਦੇ ਕੰਮ ਉਸਦੀ ਮਨਚਾਹੀ