ਆਪਣੀਆਂ ਗੱਲਾਂ

 

ਨਿੱਤ ਮਿਲ ਜਾਇਆ ਕਰ ਖੁਆਬ ਬਹਾਨੇ

ਆਜਾ ਵੇ ਦੋ ਗੱਲਾਂ ਕਰੀਏ ਕਿਤਾਬ ਬਹਾਨੇ

ਮੈਂ ਕਿਹਾ ਸੁਣਦਾ ਏਂ

ਮੈਂ ਕਿਹਾ ਸੁਣਦਾ ਏਂ ..?

ਆਪਾਂ ਦੋਵੇਂ ਇੱਕ ਦੂਜੇ ਨਾਲ

ਬੱਝੇ ਹੋਏ ਆਂ ..!!

ਕਹਿੰਦਾ ਜਿਵੇਂ ਰੱਸੀ ਨਾਲ ਜਨੌਰ ?

ਮੈਂ ਕਿਹਾ...

ਉਹੂੰ...

ਕਹਿੰਦਾ ਹੋਰ ...?

ਮੈਂ ਕਿਹਾ ਜਿਵੇਂ ਪਤੰਗ ਨਾਲ ਡੋਰ..!!

ਇੱਕੋ ਮਿੱਕੇ

ਤੂੰ ਤੇ ਮੈਂ ਇੱਕੋ ਮਿੱਕੇ ਵੇ ਮਾਹੀਆ

ਤੇਰੇ ਨਾਲ ਪੁਗਾਉਣੇ ਆ ਚਾਅ

ਮੈਂ ਨਿੱਕੇ ਨਿੱਕੇ ਵੇ ਮਾਹੀਆ

ਪੂਰੇ ਹੱਕ ਨਾਲ ਬਾਂਹ ਫੜ ਕੇ ਲੈ

ਚੱਲੀਂ ਤੂੰ ਮਰਜੀ ਜਿੱਥੇ ਵੇ ਮਾਹੀਆ

ਸਾਨੂੰ ਕਰਮਾਂ ਦੇ ਨਾਲ ਤੂੰ ਮਿਲਿਆ

ਤੇਰੇ ਵਰਗੇ ਸੱਜਣ ਅੱਜ ਕੱਲ

ਲੱਭਦੇ ਕਿੱਥੇ ਵੇ ਮਾਹੀਆ..!!

ਤੇਰੇ ਖਿਆਲ

ਤੈਨੂੰ ਪਤੈ..?

ਤੇਰੇ ਖਿਆਲਾਂ ਵਿੱਚ ਗੁਆਚਣਾ

ਮੈਨੂੰ ਚੰਗਾ ਲੱਗਦਾ ਏ ..

ਜਿਸ ਦਿਨ ਤੂੰ ਹਾਲ ਨਹੀਂ ਪੁੱਛਦਾ

ਓਸ ਦਿਨ ਹਾਲ ਮੰਦਾ ਲੱਗਦਾ ਏ

ਇੱਕੋ ਝਟਕੇ ਵਿੱਚ ਤੇਰੀ ਹੋ ਜਾਂਨੀਂ ਆਂ ..

ਤੇਰੇ ਬਾਰੇ ਸੋਚਦੀ ਸੋਚਦੀ

ਤੇਰੇ ਵਿੱਚ ਹੀ ਖੋਹ ਜਾਨੀਂ ਆਂ ..

ਤੇਰੀ ਮੁਸਕੁਰਾਹਟ ਦੇਖਕੇ

ਹੋਸ਼ ਗੁਆ ਬੈਠਦੀ ਆਂ ..

ਤੈਨੂੰ ਚੇਤੇ ਕਰਦੀ ਕਰਦੀ

ਆਪਣਾ ਆਪ ਭੁਲਾ ਬੈਠਦੀ ਆਂ ..!!