ਮੁਲਾਕਾਤ

ਤੈਨੂੰ ਪਤੈ । ਮੈਂ ਬੈਠੀ ਬੈਠੀ ਨੇ ਕੱਲ ਸੋਚੀ ਏ ..

ਮੇਰੇ ਵਾਂਗੂੰ ਝੱਲੀ ਜਿਹੀ ਤੇਰੇ ਵਾਂਗੂ ਅਵੱਲੀ ਜਿਹੀ

ਮੈਂ ਬਾਹਲੀ ਸੋਹਣੀ ਇੱਕ ਗੱਲ ਸੋਚੀ ਏ,

ਤੂੰ ਦੇਖੀ ਜਾਈਂ ਆਪਾਂ ਨਾ ਚਾਹ ਤੇ ਮਿਲਾਂਗੇ,

ਜਿੱਥੇ ਪਹਿਲੀ ਵਾਰੀ ਮਿਲੇ ਸੀ

ਕਦੇ ਤਾਂ ਉਸੇ ਥਾਂ ਤੇ ਮਿਲਾਂਗੇ ..

ਤੂੰ ਕਰ ਵਾਅਦਾ ਕਿ ਇੱਕ ਦੂਜੇ ਲਈ

ਸਿਰਫ ਇੱਕ ਦੂਜੇ ਨੂੰ ਚਾਹ ਕੇ ਮਿਲਾਂਗੇ

ਸਾਰੀਆਂ ਅਧੂਰੀਆਂ ਗੱਲਾਂ ਕਰਾਂਗੇ ਪੂਰੀਆਂ

ਉਸ ਦਿਨ ਬਾਕੀ ਸਭ ਫਿਕਰਾਂ ਨੂੰ

ਜਿੰਦਰੇ ਲਾ ਕੇ ਮਿਲਾਂਗੇ,

ਜੇ ਮੈਂ ਆਖਾਂ ਦੇਰ ਹੋ ਗਈ ਤਾਂ

ਤੂੰ ਮੇਰੀ ਗੱਲ ਨੂੰ ਗੌਲੀਂ ਨਾ,

ਜਿਵੇਂ ਸੁਪਨੇ ਵਿੱਚ ਨਿੱਤ ਕਰਦਾ ਏਂ

ਓਵੇਂ "ਅੱਛਾ ਹੁਣ ਚੱਲਦਾ ਹਾਂ" ਕਹਿਕੇ

ਬਾਏ ਬੋਲੀਂ ਨਾ ..!!