ਤੇਰੇ ਖਿਆਲ

ਤੈਨੂੰ ਪਤੈ..?

ਤੇਰੇ ਖਿਆਲਾਂ ਵਿੱਚ ਗੁਆਚਣਾ

ਮੈਨੂੰ ਚੰਗਾ ਲੱਗਦਾ ਏ ..

ਜਿਸ ਦਿਨ ਤੂੰ ਹਾਲ ਨਹੀਂ ਪੁੱਛਦਾ

ਓਸ ਦਿਨ ਹਾਲ ਮੰਦਾ ਲੱਗਦਾ ਏ

ਇੱਕੋ ਝਟਕੇ ਵਿੱਚ ਤੇਰੀ ਹੋ ਜਾਂਨੀਂ ਆਂ ..

ਤੇਰੇ ਬਾਰੇ ਸੋਚਦੀ ਸੋਚਦੀ

ਤੇਰੇ ਵਿੱਚ ਹੀ ਖੋਹ ਜਾਨੀਂ ਆਂ ..

ਤੇਰੀ ਮੁਸਕੁਰਾਹਟ ਦੇਖਕੇ

ਹੋਸ਼ ਗੁਆ ਬੈਠਦੀ ਆਂ ..

ਤੈਨੂੰ ਚੇਤੇ ਕਰਦੀ ਕਰਦੀ

ਆਪਣਾ ਆਪ ਭੁਲਾ ਬੈਠਦੀ ਆਂ ..!!

ਲੈ ਦੱਸ ਭਲਾਂ !

ਲੋਈ ਤੇਰੀ ਚੈਨ-ਵੈਨ ਲੈਗੀ

ਲੁੱਟ ਕੇ ਚੁੰਨੀ ਸਾਡੀ ਨਾਲ ਖਹਿ,

ਤੇਰੇ ਬਿਨਾਂ ਚਿੱਤ ਕਿਤੇ ਲੱਗਦਾ ਨਹੀਂ

ਖੌਰੇ ਕਿਹੜਾ ਟੋਣਾ ਕੀਤਾ ਤੈਂ,

ਬੁਖਾਰ ਚੜਿਆ ਹੋਵੇ ਤੈਨੂੰ

ਤੇ ਰੋਟੀ ਖਾ ਲਵਾਂ ਮੈਂ

ਲੈ ਦੱਸ ਭਲਾਂ ।

ਕਮਲਾ ਹੋ ਗਿਐਂ ਹੈਂ ?

ਹਨਾ?

ਪਹਿਲੀ ਗੱਲ ਤਾਂ

ਤੈਥੋਂ ਚੰਗਾ ਕੋਈ ਹੈ ਹੀ ਨਹੀਂ

ਤੇ ਜੇ ਹੋਇਆ ਵੀ ਤਾਂ

ਚਾਹੀਦਾ ਕੀਹਨੂੰ ਏ,

ਇੱਕ ਤੂੰ ਹੀ ਤਾਂ ਹੈਂ

ਬੇਬੇ ਬਾਪੂ ਵਾਂਗੂੰ

ਫਿਕਰ ਮੇਰੀ ਜੀਹਨੂੰ ਏ..!!

ਹਮਸਫਰ

ਲੜਦਾ ਵੀ ਹੈ ਕਦੇ ਕਦੇ

ਪਰ ਲੋਕਾਂ ਮੂਹਰੇ ਹਮੇਸ਼ਾ

ਪੱਖ ਪੂਰਦਾ ਏ,

ਸੱਚਾ ਹਮਸਫਰ ਓਹੀ ਏ

ਜੋ ਬੇਬੇ ਵਾਂਗੂੰ ਪਿਆਰ ਕਰਦਾ

ਅਤੇ ਬਾਪੂ ਵਾਂਗੂ ਘੂਰਦਾ ਏ..!!