ਪ੍ਰਤਿੱਗਿਆ

ਤੁਹਾਨੂੰ ਹਮੇਸ਼ਾ ਪਤਾ ਹੁੰਦਾ ਹੈ

ਤੁਸਾਂ ਕਿਸ ਬੂਹੇ 'ਚੋਂ ਧੁੱਸ ਦੇਕੇ ਆ ਵੜਨਾ ਹੈ।

ਤੇ ਆਓ ਤੁਹਾਨੂੰ ਦੱਸੀਏ ਉਹ ਬੂਹਾ

ਜਿੱਥੋਂ ਤੁਹਾਨੂੰ ਬਹੁੜੀ ਧਾੜਿਆ ਕਰਦਿਆਂ ਨੂੰ

ਅਸੀਂ ਦਫ਼ਾ ਕਰਨ ਵਾਲੇ ਹਾਂ-

 

ਤੁਸੀਂ

ਜੋ ਬਾਤ ਪੱਥਰ ਜੁੱਗ ਤੋਂ ਅਪੋਲੋ ਜੁੱਗ ਤੀਕ

ਬੇਰੋਕ ਪਾਈ ਹੈ - ਚਾਹੁੰਦਿਆਂ ਅਣਚਾਹੁੰਦਿਆਂ

ਅਸਾਂ ਹੁੰਗਾਰਾ ਭਰਿਆ ਹੈ,

ਤੇ ਹੁਣ ਅਸੀਂ ਪੱਥਰ ਜੁੱਗ 'ਚੋਂ ਹੀ ਉੱਠ ਕੇ

ਆਪਣੀ ਬਾਤ ਪਾਉਣ ਲੱਗੇ ਹਾਂ –

ਤੁਸੀਂ ਜਿਸ ਦੇ ਆਦੀ ਹੋ

 

ਇਹ ਸੁਫ਼ਨਿਆਂ ਭਰੀ ਉਹ ਰਾਤ ਨਹੀਂ

ਇਹ ਰਾਤ ਹਨੇਰ੍ਹੇ ਦਾ ਖੂਨ ਕਰਕੇ ਆਈ

ਪੂਰਬ ਵੱਲ ਨੂੰ ਤੁਰੀ ਜਾਂਦੀ ਵਹਿਸ਼ੀ ਕੁੜੀ ਹੈ

ਤੇ ਦੇਖੋ! ਅਸੀਂ ਇਸ ਕੁੜੀ ਦਾ

ਲਿੰਗ ਤਬਦੀਲ ਕਰਨ ਲੱਗੇ ਹਾਂ।

ਇਹ ਯਾਰੀ ਉਹ ਯਾਰੀ ਨਹੀਂ

ਜਿਹੜੀ ਤੁਸੀਂ ਸਦੀਆਂ ਤੋਂ ਨਿਭਾਉਂਦੇ ਆਏ ਹੋ

ਇਸ ਨਾਲ ਅਸੀਂ

ਤੁਹਾਡੇ ਦਿਲਾਂ ਵਿਚਲਾ ਦੰਭ ਮਿਣਨਾ ਹੈ -

 

ਤੇ ਜਿਹੜਾ ਬੁੱਤ ਅਸੀਂ

ਸ਼ਹਿਰ ਦੇ ਚੌਂਕ ਵਿੱਚ ਲਾਉਣ ਲੱਗੇ ਹਾਂ