14. ਸੱਚੇ ਲੋਕ

ਸਾਨੂੰ ਹਿੰਮਤਾਂ ਬਖਸ਼ਣ ਵਾਲੇ

ਸਾਨੂੰ ਚਾਨਣ ਵੰਡਣ ਵਾਲੇ

ਸਾਨੂੰ ਮੰਜ਼ਿਲ ਦੱਸਣ ਵਾਲੇ

ਸਾਡੀ ਔਕੜ ਬੁੱਝਣ ਵਾਲੇ

ਵਿੱਚ ਮੈਦਾਨੇ ਗੱਜਣ ਵਾਲੇ

ਸੱਚ ਹਮੇਸ਼ਾ ਬੋਲਣ ਵਾਲੇ

ਪੱਕਾ ਪੱਕਾ ਤੋਲਣ ਵਾਲੇ

ਹਰ ਜ਼ਾਲਿਮ ਦੀ ਹਿੱਕ ਦੇ ਉੱਤੇ

ਗੋਲੀ ਵਾਂਗੂੰ ਵੱਜਣ ਵਾਲੇ

 

ਸ਼ੀਸ਼ੇ ਦੇ ਰਖਵਾਲੇ ਲੋਕ

ਚਾਨਣ ਦੇ ਮਤਵਾਲੇ ਲੋਕ

ਲੋਕਾਂ ਵਿੱਚ ਨਿਰਾਲੇ ਲੋਕ

ਸੂਰਜ ਚੰਨ ਤੇ ਤਾਰੇ ਲੋਕ

ਫੁੱਲਾਂ ਵਰਗੇ ਪਿਆਰੇ ਲੋਕ

ਸਾਡੀ ਖਾਤਰ ਨਾਲ ਯਜ਼ੀਦਾਂ

ਆਪਣੇ ਸਿੰਗ ਫਸਾਵਣ ਵਾਲੇ

ਸੁੱਤੇ ਲੇਖ ਜਗਾਵਣ ਵਾਲੇ

ਮੇਰੇ ਦੇਸ ਦਿਓ ਵਸਨੀਕੋ

ਗਲੀਆਂ ਵਿੱਚ ਬਜ਼ਾਰਾਂ ਚੀਕੋ।