17
ਮੈਂ ਨਈ ਕਹਿੰਦਾ ਮੈਨੂੰ ਬੁਸਰੀ ਗੱਡ ਦਿਓ।
ਬੋਹਲ 'ਚੋਂ ਮੇਰਾ ਰੱਜਣ ਜੋਗਾ ਕੱਢ ਦਿਓ।
ਪਾਂਦੇ ਪਾੜ ਨੇ ਜਿਹੜੇ ਅੱਖਰ ਲੋਕਾਂ ਵਿੱਚ,
ਆਪਣੀ ਆਪਣੀ ਵਿੱਚ ਲੁਗਾਤੋਂ* ਕੱਢ ਦਿਓ।
ਮੂੰਹ 'ਚੋਂ ਕੱਢੇ ਅੱਖਰ ਵਾਪਸ ਲੈਣੇ ਨਈਂ,
ਸੂਲੀ ਉੱਤੇ ਟੰਗੇ, ਭਾਵੇਂ ਗੱਡ ਦਿਓ।
ਹੱਕ ਵੀ ਆਪਣਾ ਤਰਲੇ ਲੈ ਕੇ ਮੰਗਦਾ ਏ,
ਇਹ ਮਜ਼ਲੂਮ ਨਈਂ ਚੰਗਾ ਇਹਨੂੰ ਵੱਢ ਦਿਓ।
ਹਿੰਮਤ ਕਰ ਕੇ ਲੱਭੋ ਆਪਣੀ ਮੰਜ਼ਿਲ ਨੂੰ,
ਤਕਦੀਰਾਂ ਦੇ ਅੱਗੇ ਰੋਣਾ ਛੱਡ ਦਿਓ।
ਜਿੰਦਰਾ ਅਜੇ ਨਾ ਖੋਲ੍ਹੋ ਬੰਦੀਖਾਨੇ ਦਾ,
ਪਹਿਲਾਂ ਮੈਨੂੰ ਮੇਰਾ ਕੋਲੋਂ ਹੱਡ ਦਿਓ।
ਇੱਕੋ ਤਬਕਾ ਰੱਖੇ ਮੁੱਢ ਹਯਾਤੀ ਦਾ,
ਅੱਚਣ-ਚੇਤੀ ਵੀ ਨਾ ਝੋਲੀ ਅੱਡ ਦਿਓ।
(ਲੁਗਾਤ* = ਕੋਸ਼, ਡਿਕਸ਼ਨਰੀ)
-0-
