6

ਨਦੀਆਂ ਤੇ ਦਰਿਆਵਾਂ ਉੱਤੇ ਪੁਲ ਤਹਿਮੀਰ ਕਰੇਗਾ ਕੌਣ?

ਖਿਲਰੇ ਤਸਬੀਹ* ਵਾਲੇ ਦਾਣੇ, ਹੁਣ ਜ਼ੰਜੀਰ ਕਰੇਗਾ ਕੌਣ?

 

ਸਾਰੇ ਲੋਕਾਂ ਹੱਥ ਨੇ ਰੰਗੇ, ਇੱਕ ਦੂਜੇ ਦੇ ਲਹੂ ਦੇ ਨਾਲ,

ਵਿੱਚ ਮਿਆਨਾ ਦੇ ਤਲਵਾਰਾਂ ਵਿੰਗੇ ਤੀਰ ਕਰੇਗਾ ਕੌਣ?

 

ਹੌਲੀ ਹੌਲੀ ਵੱਢਦੇ ਪਏ ਨੇ ਮੇਰਾ ਜੁੱਸਾ ਜਿਹੜੇ ਲੋਕ,

ਉਹਨਾਂ ਕੋਲੋਂ ਪੁੱਛੋ ਮੈਨੂੰ ਲੀਰੋ ਲੀਰ ਕਰੇਗਾ ਕੌਣ?

 

ਰੱਖ ਸਿਰਾਂ ਤੇ ਲੀਤੇ ਲੋਕਾਂ ਵਡਿਆਈ ਦੇ ਕਾਲੇ ਨਾਗ,

ਸੱਪ ਕਦੇ ਵੀ ਮੀਤ ਨਈਂ ਬਣਦੇ, ਇਹ ਤਕਦੀਰ ਕਰੇਗਾ ਕੌਣ?

 

ਰਾਝਾਂ ਬਣ ਕੇ ਟੁਰਦੀ ਜਾਵਾਂ ਜੇ ਮੈਂ ਪਿੰਡ ਸਿਆਲਾਂ ਦੇ,

ਵਾਰਸ ਵਾਂਗੂੰ 'ਬਾਬਾ ਨਜ਼ਮੀਂ’ ਕੱਠੀ ਹੀਰ ਕਰੇਗਾ ਕੌਣ?

(ਤਸਬੀਹ* = ਮਾਲਾ)

-0-