19
ਵਿੱਚ ਹਨੇਰੀ ਗੋਰੀ ਕਾਲੀ ਇੱਕੋ ਜਹੀ।
ਬਰਛੀ ਤੇ ਬੰਦੂਕ ਦੀ ਨਾਲੀ ਇੱਕੋ ਜਹੀ।
ਸ਼ੀਸ਼ੇ ਵਿੱਚ ਤਰੇੜ ਕਦੇ ਵੀ ਪੈਂਦੀ ਨਾ,
ਜੇ ਵਰਤਾਵਾ ਦੇਂਦਾ ਥਾਲੀ ਇੱਕੋ ਜਹੀ।
ਵੇਲੇ ਸਿਰ ਤੇ ਟੁੱਕਰ ਮੈਨੂੰ ਲੱਭਦਾ ਨਈਂ,
ਕਿਸਰਾਂ ਰੱਖਾਂ ਮੂੰਹ ਦੀ ਲਾਲੀ ਇੱਕੋ ਜਹੀ।
ਤੈਨੂੰ ਖਲ, ਵੜੇਵੇਂ, ਮੈਨੂੰ ਸੁੱਕਾ ਘਾਹ,
ਤੇਰੀ ਮੇਰੀ ਕਿੰਝ ਉਗਾਲੀ ਇਕੋ ਜਹੀ।
ਮਜ਼੍ਹਬੀ ਭੂਤਾਂ ਰਹਿਣ ਲਈ ਦੇਣੀ, ਲਗਦਾ ਏ,
ਸਾਡੇ ਸਿਰ ਤੇ ਕਮਲੀ ਕਾਲੀ ਇੱਕੋ ਜਹੀ।
ਮਹਿਲਾਂ ਲਾਗੇ ਝੁੱਗੀ ਕਿਸਰਾਂ ਲੁੱਟੀ ਗਈ,
ਰਾਖੇ ਕੀਤੀ ਨਈਂ ਰਖਵਾਲੀ ਇੱਕੋ ਜਹੀ।
-0-
