ਨਾਮਹਿ ਰਾਤਾ॥ (੬) ਜਾ ਕਉ ਦਇਆ

ਮਇਆ ਬਿਧਾਤਾ॥ (੭) ਏਕਹਿ ਆਵਨ ਫਿਰਿ

ਜੋਨਿ ਨ ਆਇਆ॥ (੮) ਨਾਨਕ ਹਰਿ ਕੈ

ਦਰਸਿ ਸਮਾਇਆ ॥੧੩॥

ਅਰਥ- ੧. (ਇਸ ਸੰਸਾਰ ਵਿਚ) ਆਉਣਾ ਉਸ ਪੁਰਸ਼ ਦਾ ਹੀ ਸਫਲ ਗਿਣੀਂਦਾ ਹੈ। ੨. ਜਿਸ ਦੀ ਰਸਨਾ ਹਰੀ ਰਸ ਉਚਾਰਦੀ ਹੈ। ੩. ਉਹ ਪੁਰਸ਼ ਸਾਧੂ ਦੀ ਸੰਗਤ ਵਿਚ ਆ ਕੇ ਵੱਸਦਾ ਹੈ। ੪. (ਉਹ ਫਿਰ ਸਾਧੂ ਦੀ ਸੰਗਤ ਵਿਚ ਰਹਿਣ ਕਰਕੇ) ਦਿਨੇ ਰਾਤ ਬੜੇ ਪ੍ਰੇਮ ਨਾਲ ਪ੍ਰਭੂ ਦਾ ਨਾਮ ਸਿਮਰਦਾ ਹੈ। ੫. (ਇਸ ਸੰਸਾਰ ਵਿਚ) ਉਸ ਪੁਰਸ਼ ਦਾ ਹੀ ਸਫਲਾ ਜਾਣਿਆਂ ਜਾਂਦਾ ਹੈ, ਜੋ ਅਕਾਲ ਪੁਰਖ ਦੇ ਨਾਮ ਵਿਚ ਰਚ ਜਾਂਦਾ ਹੈ। ੬. ਜਿਸ ਉੱਪਰ ਪਰਮੇਸ਼ੁਰ ਦੀ ਦਇਆ ਤੇ ਮੇਹਰ ਹੁੰਦੀ ਹੈ। ੭. ਉਸ ਪੁਰਸ਼ ਦਾ ਇਸ ਸ੍ਰਿਸ਼ਟੀ ਵਿਚ ਇਕੋ ਵੇਰ ਹੀ ਆਉਣਾ ਹੁੰਦਾ ਹੈ, ਉਹ ਫਿਰ ਕਿਸੇ ਜੂਨ ਵਿਚ ਨਹੀਂ ਆਉਂਦਾ। ੮. ਸ਼੍ਰੀ ਗੁਰੂ ਜੀ ਕਥਨ ਕਰਦੇ ਹਨ ਕਿ ਉਹ ਪੁਰਸ਼ ਪ੍ਰਭੂ ਦੇ ਦਰਸਿ (ਸਰੂਪ) ਵਿਚ ਸਮਾ ਜਾਂਦਾ ਹੈ ॥੧੩॥

ਸਲੋਕੁ ॥

(੧) ਯਾਸੁ ਜਪਤ ਮਨਿ ਹੋਇ ਅਨੰਦੁ ਬਿਨਸੈ

ਦੂਜਾ ਭਾਉ॥ (੨) ਦੂਖ ਦਰਦ ਤ੍ਰਿਸਨਾ ਬੁਝੈ

ਨਾਨਕ ਨਾਮਿ ਸਮਾਉ ॥੧॥

ਅਰਥ- ੧. ਜਿਸ ਪਰਮੇਸ਼ਵਰ ਦਾ ਨਾਮ ਜਪਣ ਨਾਲ ਮਨ ਵਿਚ ਆਨੰਦ ਹੋਵੇ ਅਤੇ ਦ੍ਵੈਤ ਭਾਵ ਨਾਸ ਹੋ ਜਾਵੇ, ੨. (ਅਤੇ) ਦੁਖ, ਦਰਦ ਤੇ (ਵਿਸ਼ੇ ਵਿਕਾਰਾਂ ਤੇ ਮਾਇਆ ਦੀ) ਤ੍ਰਿਸ਼ਨਾ ਬੁਝ ਜਾਵੇ,