ਅਸਲ ਟਿਕਾਣਾ ਹੈ, ਉਸ ਨੂੰ ਪਛਾਣ। ੨. ਉਸ ਅਸਲ ਟਿਕਾਣੇ ਵਿਚ ਜਾਣ ਦਾ ਸਾਧਨ ਗੁਰੂ ਦੇ ਸ਼ਬਦ (ਉਪਦੇਸ਼) ਦੁਆਰਾ ਸਮਝ। ੩. ਤੂੰ ਇਸ (ਸੰਸਾਰਕ) ਡੇਰੇ ਨੂੰ ਬੜੀ ਮੁਸ਼ੱਕਤ ਕਰ ਕਰ ਕੇ ਬਣਾਉਂਦਾ ਹੈ। ੪. ਜਿਸ ਦਾ ਇਕ ਤਸੂ ਭਰ ਵੀ ਤੇਰੇ ਨਾਲ ਨਹੀਂ ਜਾਣਾ (ਭਾਵ ਇਸ ਸੰਸਾਰਕ ਘਰ ਦਾ ਕੋਈ ਹਿੱਸਾ ਵੀ ਅੰਤ ਸਮੇਂ ਤੇਰੇ ਨਾਲ ਨਹੀਂ ਜਾਏਗਾ)। ੫. ਉਸ (ਸਦਾ ਅਟੱਲ ਰਹਿਣ ਵਾਲੇ) ਡੇਰੇ ਦੀ ਉਹ ਪੁਰਸ਼ ਮਰਯਾਦਾ ਜਾਣਦਾ ਹੈ, ੬. ਜਿਸ ਉਤੇ ਪੂਰਨ ਪ੍ਰਭੂ ਦੀ ਕਿਰਪਾ ਦ੍ਰਿਸ਼ਟੀ ਹੁੰਦੀ ਹੈ। ੭. (ਜਿਨ੍ਹਾਂ ਪੁਰਸ਼ਾਂ ਨੇ) ਸਾਧ ਸੰਗਤ ਦੁਆਰਾ ਸੱਚ ਰੂਪੀ ਨਿਹਚਲ ਡੇਰਾ (ਭਾਵ ਪਰਮ ਪਦ) ਪਾ ਲਿਆ ਹੈ। ੮. ਸਤਿਗੁਰੂ ਜੀ ਕਥਨ ਕਰਦੇ ਹਨ ਕਿ ਉਹ ਪੁਰਸ਼ ਫਿਰ ਕਦੇ ਵੀ ਨਹੀਂ ਡੋਲਦੇ (ਭਾਵ ਉਹ ਪੁਰਸ਼ ਫਿਰ ਮਾਇਆ ਦੇ ਬੰਧਨ ਵਿਚ ਨਹੀਂ ਬੱਝਦੇ॥੨੯॥

ਸਲੋਕੁ॥

(੧) ਢਾਹਨ ਲਾਗੇ ਧਰਮ ਰਾਇ ਕਿਨਹਿ ਨ

ਘਾਲਿਓ ਬੰਧ॥ (੨) ਨਾਨਕ ਉਬਰੇ ਜਪਿ

ਹਰੀ ਸਾਧਸੰਗਿ ਸਨਬੰਧ ॥੧॥

ਅਰਥ - ੧. ਜਦੋਂ ਧਰਮਰਾਜ (ਜਾਂ ਧਰਮਰਾਜ ਦੇ ਦੂਤ) (ਇਸ ਸਰੀਰ ਰੂਪੀ ਢੇਰੀ ਨੂੰ) ਢਾਹੁਣ ਲੱਗੇ ਤਾਂ ਕਿਸੇ (ਸਾਕ ਸੰਬੰਧੀ) ਨੇ ਬੰਨ੍ਹ ਨਾ ਪਾਇਆ। ੨. ਸਤਿਗੁਰੂ ਜੀ ਕਥਨ ਕਰਦੇ ਹਨ ਕਿ ਜਿਨ੍ਹਾਂ ਨੇ ਸਾਧ ਸੰਗਤ ਨਾਲ ਸੰਬੰਧ ਜੋੜਿਆ ਹੈ, ਉਹ ਪ੍ਰਭੂ ਦਾ ਸਿਮਰਨ ਕਰਕੇ (ਇਸ ਸੰਸਾਰ ਸਾਗਰ ਤੋਂ) ਤਰ ਗਏ ਹਨ॥੧॥

ਪਉੜੀ॥

(੧) ਢਢਾ ਢੂਢਤ ਕਹ ਫਿਰਹੁ ਢੂਢਨੁ ਇਆ